اسوان اخر بلاد العالم؟؟؟؟؟؟؟

السلام عليكم ورحمة الله
يمكن العنوان غريب شويه لكن ده الواقع الاليم انا من اسوان مشتركه فى اوريفليم لكن للاسف مجرد انى اسمع بس عن الحفلات والدورات وكورسات التجميل والعنايه بالبشره بسمع بسسس وفى حاجه كمان ليه ميكنش لينا فرع هنا لاوريفليم فى اسوان مش انا بس لكن فى بنات كتييييييير هنا فى اسوان وسيدات مشتركين فى اوريفليم وبنعمل شغل حلو اوى وكل الى بنطلبه يكون الصعيد شويه ضمن الاهتمام واسوان تبعه طبعا علشان نحس ان فى تفاعل بنا بين الشركه اكتر ارجو من المسؤلين عن المنتدى او اى مسئول عن الشركه هنا تبع المنتدى ان يوصلوا الفكره دى للشركه وياريت تهتموا باسوان شويه
شكرا ليكم
Twisted Evil

احنا ياحبيبتي عندنا فرع في المنصوره
وع ذلك لا عندنا دورات ولا كورسات ولا حاجه من دي
الفرع مجرد بنطلب عليه الاوردر ونروح ناخده تاني يوم وندفع شحن

الحاجات التانيه دي في القاهره واسكندريه فقط

ومنورانا انتي واهل اسوان :)

مرسى يا قمر حضرتك الى نورتى الموضوع .....ياريت يكون عندنا فرع زيكم

اهلا بيكى معانا ياقمر ونورتى المنتدى

وان شاء الله مدام رشا واستاذ عصام يشوفو الموضوع ويبلغهم فى الشركة

والله يا بنتي أنا من القاهرة ولا بقدر استفيد من كورسات و لا دورات و لا حتى هدايا اسوان اخر بلاد العالم؟؟؟؟؟؟؟ 00020456

ماتعقدوش البنت من اولها
نورتي المنتدي يا حبيبتي
الفروع القاهرة و الاسكندرية بس
المنصورة نقطة توزيع مش فرع
و انا زيك لا فرع و لا نقطة توريع
و بعدين يا بيور الهدايا علي النقط و اكيد بتوصلك مع الاوردار
الكورسات برضة بتكون علي نقط بس كتيررر شويتين
اللي عاوزها بيكمل نقطها و بيروح يحضر
و اي حد من اي محافظة ممكن يحضر
طالما كمل النقط و دفع الاشتراك

معلش ياقمر اغلب الاماكن مفهاش فروع

واحنا زيك هنا فى البحر الاحمر لا فرع ولا سنتر

واخدو فتره قالو حيعملو فرع فى الغردقه
ولا عملو حاجه

كلام رورا مضبوط المهم حقك بيوصلك من الشركة وانا مناسكندرية لا بحضر كورسات ولا ندوات ولا حفلات والفرع بعيد عني جدا لدرجة اني بطلب شحن كمان زحمة قوي بتبهدل لما بروح
مش مهم يكون عندك فرع المهم انك تستفيدي بيه ومتزعليش bounce

Roraa كتب:: ماتعقدوش البنت من اولها
نورتي المنتدي يا حبيبتي
الفروع القاهرة و الاسكندرية بس
المنصورة نقطة توزيع مش فرع
و انا زيك لا فرع و لا نقطة توريع
و بعدين يا بيور الهدايا علي النقط و اكيد بتوصلك مع الاوردار
الكورسات برضة بتكون علي نقط بس كتيررر شويتين
اللي عاوزها بيكمل نقطها و بيروح يحضر
و اي حد من اي محافظة ممكن يحضر
طالما كمل النقط و دفع الاشتراك

ههههههههههههه انتي فهمتيني غلط يا قمر اسوان اخر بلاد العالم؟؟؟؟؟؟؟ 215510

انا مش بستقيد من الهدايا لأن من فترة و هما بينزلوا الهدايا على 100 و 200 نقطة و انا زي مكتبت في كذا موضوع بشتري الحاجات اللي عايزاها انا و اختي بس و عشان كدة مش بكمل نقطي و عشان كدة مش بستفيد من الهدايا اسوان اخر بلاد العالم؟؟؟؟؟؟؟ 424858

بيور يا حبيبتي ماهو الحال من بعضه
الاول كنت بشتري و اكمل النقط
دلوقتي عندي حاجات تفتح محل
تقريبا كل المنتجات المناسبة ليا و كل البرفانات
فبشتري اللي يعجبني بس و من النت
بس ساعات بنزل الفرع لما اكون في القاهرة

مرسى يا جماعة ليكم كلكم على الردود واتمنى ان يكون للصعيد واسوان فرع حتى على الاقل ويوم حتى فى السنه حفله او كورسات
شكرا ليكم

ما تزعلوش يا جماعة انه مافيش فروع جمبكم
ان شاء الله ربنا يسهل والشركة تفتح مراكز خدمة في المحافظات كلها
ان شاء الله الموضوع ده تحت دراسة الشركة الان
وربنا يقدرني وانقلكم صور وفيديوهات من الفروع عن الحفلات واعيشكم في الجو تمام
ونعمل دورات في المنتدي ان شاء الله وتفيد الجميع

تسلمى يامدام رشا
makasart

ياريت مدام رشا تبقى خدمتينا
ومحتاجين نعرف تجارب بنات كتير وصلت لمستويات اعلى ونجحو
وازى نشجع العميل انه يشترى ونوصل لمستوى اعلى
محتاجين كورسات فى حاجات كتير

بصى يا فيما مش تزعلى نفسك لان زى ما بيقولولك معظم المحافظات مفهاش فروع
بس عايزة اقولك ان الشركة كل فترة بتختار محافظة وبتعمل فيها حفلات
يعنى عندنا فى اسيوط عملوا قبل كدة حفلتين وانا حضرت واحدة منهم وكانت جميلة ومشجعة اوى واكيد ان شاء الله هيعملوا حاجة قريب فى اسوان برضو ,
وبعدين يا قمر خليكى معانا هنا ع المنتدى وانتى هتلاقى كل حاجة محتجاها هنا ان شاء الله , وربنا يخليننا الأون لاين ويكرمنا برضو بفروع فى جميع المحافظات

رشا محمد كتب:: ما تزعلوش يا جماعة انه مافيش فروع جمبكم
ان شاء الله ربنا يسهل والشركة تفتح مراكز خدمة في المحافظات كلها
ان شاء الله الموضوع ده تحت دراسة الشركة الان
وربنا يقدرني وانقلكم صور وفيديوهات من الفروع عن الحفلات واعيشكم في الجو تمام
ونعمل دورات في المنتدي ان شاء الله وتفيد الجميع

مرسى ليكى يا مدام رشا على اهتمامك بجد فرحتينى كتييير واحنا ان شاء الله منتظرين المذيد من حضرتك وعايزين دورات فعلا نعرف ازاى نسوق احسن وكورسات فى التجميل
وشكرا ليكى مره تانيه
cherry

» اغرب الفواكه في العالم
» أجمل المعاني في العالم !!!!!!!!!!!!
» تعالو نتخيل العالم بدون بنات ولنرى كيف سيكون ؟؟؟؟؟؟
» اصغر قطه في العالم سبحان الله
» أكثر الأماكن رعبا فى العالم