دلوقتى فى واحده صحبتى عايزه منتجات من اوريفلام بس مش عارفه تحدد هى عايزه ايه بالظبط
انا هبعتلكم اللى هى بعتتهولى وعايزاكم تقولولى انصحها بايه
ياريت تفيديني بقى
انا الحاجه الوجيده اللي جبتها من اوريفليم هي كريم اساس جيورداني كانت اختي بتجبهولي وتقريبا كانت الدرجه الاولى لان درجاتهم كلها غامقه بصراحه مش فاكره كان الكود ايه
انا حاساه كان حلو وجبته اكتر من مره
بس انا عايزه من حضرتك تفيديني في نوع كريم اساس كويس لاني بحسه كويس بس في الشتاء
ووشي مش صافي خالص ومش عارفه بفكر استخدم كريم اساس كل يوم وانا نازله الكليه لان وشي بيبقى شكله تعبان بس متردده لاني بدات اتعالج من حب الشباب اللي في وشي وخايفه استخدم حاجه غير الصن بلوك
معلش يمكن الكلام ده مش قصتك بس حابه اعرف منك معلومه تفيدني
تانيا بقى
انا عايز منك تساعديني في اختيار مجموعه للعنايه بالبشره الدهنيه عنايه يوميه
اصلي بشوف حاجات كتير ومش عارفه اختار ايه معنديش خبره خالص
ولو يهمك تعرفي لاني بستخدم علاج خطير شويه
اللي هوه الisotretinoin لحب الشباب
ياريت بجد تفيديني غسول تونر ماسك لتنقيه وتحيد لون البشره الرؤؤس السوده
حاجه كده تدي نضاره للبشره
وياريت تختاريلي الحاجات اللي اسعارها هوينه كده
قولولى بقى ايه اللى يناسبها من منتجات الشهر برقم الصفحه من الكتالوج عشان اعرف اوصل
انا عارفه انى بتعبكم معايا بس اعمل ايه بقى مفيش حد اساله غير اصحابى اللى هو انتم
موضوع: ياترى مين ممكن تساعدنى 
