حد يقولى اعمل ايه

انا كنت عامله اوردر من عرض اليوم الواحد المهم فالعادى المندوب بيسيبلى الاوردر فمحل جمب شغلى وانا بروح اخده فاى وقت المره دى المندوب اتغير ومرضيش يسيبلى الاوردر فالمحل ومكناش فالبيت وهوه مصمم يجيلى البيت قلتله مش هينفع قالى فى تفتيش ومش هعرف اسيبه فالمحل او خلاص ارجع الاوردر الصراحه اتغظت وقلتله رجعه فنا دلواتى مش عارفه كده عضويتى هتتلغى ولا اتصرف ازاى؟؟؟؟؟؟؟؟؟؟؟

كلميهم بكرة واشرحيلهم الموقف عشان انتى مش بتتهربى من الدفع ولا مش عايزة الأوردر لأ ده انتى ظروفك مش سامحة ومش معقول يفصلوكى المفروض دى شركة محترمة

والله عملوها معايا قبل كده يا نادر وعملت عضويه جديده بس ساعتها مقتنعوش بالسبب بس هما اللى كلمونى فنا مش عارفه استنى اشوفهم هيكلمونى ولا ايه؟ انا بتخنق من حوار الخط الساخن بتاعهم ده

شوفى الاوردر اخباره ايه على النت و كلمى الشركة اشرحلهم الموقف متهيالى عادى يعنى و قليلهم انه كان مندوب مستفز جدا Mad

لا طبعا كلميهم واشرحى موقفك وقوليلهم ان المندوب كان مستفز وانتى كان عندك ظروف وانك مش بتلغى الاوردر ولا حاجه وان شاء الله خير وابقى طمنينا

خلاص هكلمهم بكره ان شاء الله وربنا يهديهم

بس قولولى هوه غلط يعنى انى استلم الاوردر عن طريق المحل؟ اصل معرفش ليه مش برتاح للمندوبين دول او بصراحه مش كلهم فالاول خالص كان بيجبلى الاوردر لحد البيت مندوب محترم جداااااااااا لكن اتغير واللى مكانه دلواتى ده معرفش مش مرتحاله من مجرد كلامه فالتليفون من غير مشوفه اصلا

لا عادى انا بقوله يسيبه فى صيدلية و بيدولوا الفلوس و ياخدوا الاوردر و مش بستلمه بنفسى وانا مش موجود

لا عادى يعنى هما كل اللى يهمهم انهم بياخدو الفلوس انتى مش قلتيله سيبه وابقى احاسبك بعدين يبقى عادى مفهاش حاجه

طالما اخد فلوسه يبقي يسيبه في اي مكان حتي لو في الشارع
كلمي شركة الشحن وزعقي معاهم
واتصلي باستاذ سلامه في الشركه وعرفيه الظروف
وانتي ممكن تغيري عنوان الاستلام لعنوان المحل ده

بالظبط برافو كلام ساندي

غيري مكان الشحن وخليه المحل ده علشان ميكونش ليه حجة

لا هوه المحل مش بيحاسبه انا اللى لما بروح بسيب الفلوس للمحل وهوه بيبقى يوصلهمله

بوسى عوزه اعرف اغنيه مين اللى انتى كتباها دى؟؟ حد يقولى اعمل ايه 20726

لا اتصلى دلوقتى انتى لسه هتستنى لبكره الحقى قبل الاوردر ما يرجع للشركه وقوليلهم انه مرضاش يسيبه وكده وانا عايزه حتى اغير العنوان وخليه عنوان المحل
لان لو الاوردر اتكنسل النقط بتاعته هتتخصم منك فى اى اوردر بعد كده فخساره
كلمى استاذ سلامه
والاغنيه دى بتاعت وائل جسار فى شريطه الجديد ودى انا عاملاها رنه لحبيبى ع الفون اما يرنلى اسمعها حد يقولى اعمل ايه 424150

طب يا ريهام ماهو عنده حق
انتي مش سايبة الفلوس و ماتعرفيهوش و عنده تفتيش
مش انتي بتبقي عارفة الفلوس قد ايه ؟
كنتي سيبتيها في المحل من الاول

د-ريهام كتب:: لا هوه المحل مش بيحاسبه انا اللى لما بروح بسيب الفلوس للمحل وهوه بيبقى يوصلهمله

بوسى عوزه اعرف اغنيه مين اللى انتى كتباها دى؟؟

الاغنيه دى من البوم وائل جسار الجديد يا رورو

مش عارفه هوه المندوب اللى قبله كان عارف صاحب المحل وهوه اللى خلانى استلم عن طريقه اما المندوب الجديد ده معرفش ماله عموما هوه كلمنى وقالى اوك هجبهوملك ع المحل واتاسف لان امبارح كان عنده تفتيش

وياريت تقولولى اسم الاغنيه ايه؟

الاغنيه اسمها (عمرى ما نسيتك) ياريهام واى خدمه ياقمر pirat

طيب الحمد الله

» يا بنات حد يقولى اعمل اية؟؟؟؟؟؟
» ممكن حد يقولى اعمل ايه
» ممكن حد يقولى اعمل ايه
» حد يقولى ينفــــــــــــع ولا لاء ؟؟؟
» وبعديييييييييييييييييييييييييين فى الشركة دى حد يقولى