البرنامج الترحيبى

صباح الخير يا جماعة
كنت عايزة اسالكو على حوار البرنامج الترحيبى
انا عملت عضوية ف الاسبوع من 8 ل 15 اغسطس
وطلبت طلبيتين واحدة ف الفترة دى وواحدة بعدها بحوالى اسبوع
المهم ان نقط الحاجات اللى جبتها ميجبش 25
ف اللى عايزة افهمه هل انا كدا لسه يعتبر عضو جديد ولا ايه بالظبط
معلش هتعبكو معايا

ايوة ياقمر عضو جديد وهتفضلي كدة 3 شهور

بس لو مكملتيش ال 100 نقطة مش هيكون ليكي هدية الترحيب

اولا شكرا ع الرد السريع دة Embarassed

ثانيا يعنى انا لازم ف تسعة وعشرة اكمل 100 نقطة صح
طيب البرنامج الترحيبى كدا هيبقى تبع انهى شهر؟ عشرة ولا حداشر
وكمان سؤال معلش هو هدية الترحيب حاجات بختار بينها ولا انا وحظى

بصي ياقمر انتي ابرنامج الترحيبي بتاعك هيكون شهر 8 و 9 و 10

بس كل هديه هتاخديها الشهر البعده

يعني لو كملتي الشهر ده 100 نقطة مع اول اوردر هتطلبيه في 9 هتجيلك هدايا 8 وهكزا

العضوية بتاعتك الهدايا مش هتختاري بس في برامج تانية بتختاري

المهم لازم عشان تاخدي شهر 9 تكوني كملتي 8 ولازم 10 تكوني كملتي 9 و8 لانها متتالية

وانضحك تكملي لانها هداية قيمة والحمد الله عاملين مضاعفة نقط اهو يعني هيساعدك كتير

واي استفسار تاني انا معاكي اهو

طيب معلش خدينى بالراحة لانى اول مرة اعرف الحاجات دى
يعنى لو انا مثلا دلوقتى 20
وف تسعة مثلا 50
وف عشرة 30
كدا ابقى كملت ال100 نقطة
ولا لازم ف شهر واحد اعمل ال 100 كلهم

حكاية مضاعفة النقط جت متاخر للاسف لانى طلبت اللى عايزاه اول ما عملت العضوية
مش عارفة بعد كدا ابقى استنى لاخر الشهر ولا ايه

لأ ياقمر

لازم كل شهر 100 كاملة

يعني خلال ال 3 شهور تعملي 300

ولازم عشان تاخدي الهدية تكملي ال 100 ولو في شهر مكملتيش

مش هتاخدي الشهر البعده حتي لو كملتي ال 100

حاولي تعرضي الكتالوج علي قرايبك وصحابك عشان يشترو وتكملي النقط

هممممم
يعنى انا لازم اعمل 300 نقطة ف اول 3 شهور
ولا لو ف تسعة مثلا عملت ال 100 اخد الهدية الشهر اللى بعده

بصي لو كملتي المية في شهر 8 كدة هتاخدي الهدية بتاعته في 9

لو مكملتيش كدة مش هيكون ليكي ولا هدية ل 8 ولا 9 ولا 10

لو كملتي بتاعت المية بتاعت 9 كدة هتاخدي هدية 9 في 10

لو مكملتيش يبقي مش ليكي هدية في 9 وعشرة

وهكزا شهر 10

فهمتيني كدة ؟

اها كدا فهمت اخيرا
معلش تعبتك معايا Embarassed

ولا تعب ولا حاجة

اي استفسار انا في الخدمة

انتى ممكن لو عايزه هدية الترحيب تسيبى عضويتك وتعملى عضوية تانية باسم حد من اهلك واهى فرصه فى عضوية مجانية فى شهر 9 وتبدأى من جديد بس تحاولى تعملى 100 نقطة فى ال3 شهور اللى هما 9و10و11:drunken:

» البرنامج الترحيبى لشهر 7
» سؤال عن البرنامج الترحيبى لشهر 11
» البرنامج الترحيبى لشهر 10 اكتوبر 2011
» البرنامج الجديد
» رأي في البرنامج التنشيطي في رمضان