استفسار عن عروض جيوردانى

هوا فيه عروض نازلة دلوقتى ولا انتى بتسألى على ايه يا قمر

انا كنت بسأل عن عروضه اللى هتنزل الان لانى نفسى اكون المجموعة بتاعته

عايزه تعرفي عن منتجات جورداني

حاقولك اللي جربته فيها

بالنسبه لكريم الاساس
جربت نوعين الاول بتاع age-defying ودي لكل الاعمار وده خرافه بجد وحلو في الصيف و الشتاء وكل زميلاتي عجبهم جدا
وده مابقدرش استغني عنه تحفه بصراحه لما تحطيه حتحسي بفرق تاني
وبحطه ساعات من غير بودره بيبقي تحفه برضه
وما جربتش لسه بتاع الطالحب حاجيبه واقولك ظروفه ايه

جربت كريم الاساس العادي بتاع adaptive راسه كده لونها بيج فاتح ماعجبنيش
بحس انه سوري كده ملزق مش عارفه اذا كان ينفع لبشرتك ولا لا

بس خلي بالك وزن كريم الاساس عموما 30 ملل علشان ماتدعيش عليا لما تجيبيه لانه غالي

بس بيقعد فتره طويله معاكي ممكن اكتر من شهر لو بتخرجي كل يوم

جربت كمان الكونسيلر يعتبر نوعا ما علاج حتلاقي مكتوب عليه كده وده بجد تحفه
وهو بفرشاه دوراه جميله اوي
حجمه 2.75 ملل

جربت كمان كرات اللولؤ اللي مديه علي بمبي نوعا ما حلوه اوي بتدي لون برونزي علي الخدود
حجمها 25 ملل

وعندي برفان جورداني جولد سان شاين روعه
ريحتها خرافه و لما تحطيها بتقعد ثابته فتره طويله
حجمها 50 ملل

وجربت بودره التلك بتاعت جورداني جولد حلوه اوي برضه

وبيقولوا الماسكرا بتاع جورداني حلوه ماجربتهاش لكن زملائي قالوا كده عنها

وان شاء الله حاجيب محدد العين من كتالوج 7 شكله فظيع

عموما منتجات جورداني بتبقي غاليه بس منتجات نظيفه بجبها و انا غمضه عيني

اتمني ان اكون افدتك

شكرا ياجميل على الرد