حرق المنتجات حراااااااااااااااااااام

ياجماعه انا من سوهاج بس هنا في محل بتبيع منتجات اوريفلام باسعار اقل بكتير من سعر العضو انا مش عارفه اعمل ايه وكل مأجي ادخل عضو جديد يقول انا بشتري باسعار اقل متلا بيبع اقلام العين اللي هي في العروض ب13.25 او 15 حسب العروض هو بيبعها ب 10 جنيه وطبعا باقي المنتجات كده بيحرق الاسعار.انا قريت ان الشركه بتحذر المحلات التجاريه وانها هتعرضهم للمسأله القانونيه فياريت لو حد يعرف انا المفروض اعمل ايه يقول لي لان كده حرام انا حتي مش عارفه ادخل اعضاء كل مأجي اقنع حد بالعضويه يقول لي علي المحل ده انه بيبيع بسعر اقل بكتير من البروموشن يبقي اتعب نفسي ليه .والله كده حرااااااااااام ومش عارفه اتصرف وطبعا بلدنا صغيره غير مصر فالناس كلها عارفه المحل ده وكمان لانه بيبيع طرح واكسسوارات فطبعا ليه الزباين بتاعته ياريت حد يرد عليا ضرووووري

ممكن تبلغى الشركه بالتليفون عن المحل ده وتقوليلهم انه بيبيع اقل من سعر الشركه وهما يتصرفوا

نفس السؤال برضوا اللى بسأله ومحدش راضى يقولى
ازاى بيبعوا بالاسعار دى وبيكسبوا
بيعملوا ايه
انا ماشية اسأل فى كل المواضيع ومحدش راضى يعبرنى
انا عاوزة افهم لو سمحتوا عبروووووووووووووووووووووووووونى
ا

دول عادة دايركتورز او مستويات عالية فى الشركة
بيكونوا بيكملوا النقط بتاعتهم بحيث يحافظوا على مستواهم
فبيشتروا منتجات يكملوا بيها نقطهم حتى لو باعوها بخسارة بعد كده
لان بالنسبة ليهم خسارتهم فى المنتج بتتغطى بالمكافئة
بس هما كده بيضروا الاعضاء الصغيرين و بالعكس ممكن ميعرفوش يشتغلوا تماما
لان الزبون ليه يشترى منك بسعر العضوية إذا كان ممكن يشترى بسعر أقل
و ليه يعمل عضوية فى الشجرة بتاعتك و هو اساسا هياخدها منهم أرخص ما هيشتريها من الشركة
هو الصح الدايركتور يراعى الشجرة بتاعته و يكبرها و هو كده هيستفيد لانه بيكبر و يكبر ناس معاه
انما اسلوب حرق البضاعة ده معناه أنه بيستفيد على حساب أنه يضر الاعضاء الصغيرين
لان العضو الصغير ميقدرش يبيع البضاعة أرخص من السعر اللى أشترى بيه
و كمان مش هيقدر يدخل أعضاء تحته و يكبر شجرته بحيث يكبر هو كمان

انا كمان من سوهاج يا سهير وغالبا عرفت المحل اللى بتتكلمى عنه مش هوه فشارع الكاشف ؟

انا اسمع ان بيع منتجات اوريفليم فى المحلات غير قانونى اصلا بس للاسف موضوع الحرق دة موجود من زمان ومنتجات اوريفليم بتتباع فى كل محل بالنظام دة وفى واحد قالى انها موجودة فى شارع الازهر برخص التراب انا معرفش دا حقيقة ولا خيال

ايوه فعلا يا ريهام في شارع الكاشف الكاشف

هما غالباً بيشتروا المنتجات دي بكميات كبيرة لما بتنزل في العروض وبيكون عليها خصم 50% وساعات بيوصل لـ 75% كمان ... وبالتالي لما يبيع بأقل من سعر العضوية اللي هو الخصم بتاعة 23% تقريباً برضه بيكون كسبان ... ده غير الهدايا اللي بتكون على تحقيق عدد معين من النقط كل شهر وبياخدوا عليها منتجات مجانية

على العموم الشركة فعلاً عملت إعلان تحذيري للمحلات دي ونزل في الجرايد ... ونزل هنا كمان في المنتدى : https://oriflame.ahlamontada.com/t4060-topic

بس معرفش هل فعلاً أخدوا أي موقف ضدهم والا لأ ... وهو على العموم الموضوع أولاً وأخيراً موضوع ضمير وأمانة هنسأل عنها يوم القيامة لأن العقد اللي بين الشركة وبين أي عضو مكتوب فيه حذر بيع المنتجات أوعرضها في المحلات التجارية ... يعني حرام عليهم من جميع النواحي وهيتحاسبوا عليه .

انا كمان من اعرف محل عندى بيبع المنتجات كنت بلف عنده هديه لقيت منتجات اورفليم وسالته ع الاسعار لقيته منزل فيها كتير فعلا حتى سالته ع ماء تواليت اللى نازل الشهر ده لقيته بيبعه ب 45 جنيه

ميرسى ليكى يا مدام هالة والله الواحد مش عارف من غيرك كان هيعمل ايه
طول عمرك ذوق ومش بتتأخرى على اى حد بأى معلومة
ربنا يباركلك يا رب
حرق المنتجات حراااااااااااااااااااام 20726

حرق المنتجات حراااااااااااااااااااام 20726

العفو يا بمبم
تسلمى لى يا رب
حرق المنتجات حراااااااااااااااااااام 855315