ميراج المقلب

ايكم ياجماعه كلكم عاملين ايه انا النهارده جيبت هديتى الميراج اللى بقالى 3 شهور مستنياها وبكمل نقطى عشان اخدها وكرات اللؤلؤ كمان وكان ليا خصم 22 جنيه طبعا منه 9 مصاريف شحن و4 جنيهكتالوج كالعاده يعنى انا استفدت ب 9 جنيه بس دا الخصم بتاعى تانى حاجه حاسب 4 جنيه كتالوج وما فيش كتالوج مش يعنى انا من ال22 جنيه استافدت ب5 جنيه والحمد لله الاهم منكدا بقى ان الميراج دى طلعت ريحتها زيت وتشبه تركيبان تعبانه اوى ورخيصه جدا ب5 او ا0 جنيه فى اردئ محلات تركيب العطور نفش الريحه بالظبط هو صحيح البيرفم ازواق بس فيه بيرفم ما يختلفش عليه 2 اعتقد ان دى ما يختلفش عليها اتنين فى الوحاشه وفى والله حد شمها وقالى انها بتشبه كتير الروايح اللى بيشتروها لالااموات بجد مش هزار ياريت ياجماعه اللى ناوى يشتريها وما جربهاش قبل كدا بلاش معلشى طولت عليكم وكمان كرات اللؤلؤ اللى نازله للعضو الراعى جاتلى اغلبها برونزى وبيغمق جدا الكور الروز فيها 3 او 4 بس ونفسى اغيرهم باى حاجه لانى اتصدمت فى الهدايا بتاعتى والحمد لله خاصه انى كنت بشترى حاجتى انا واختى بس عنت فاكراهم حلوين على حسب ما بسمع والحمد لله لو حد بقى يعرف ازاى استفاد من خصمى من غير كل الخصومات دى حد يقولى

معلش يا قمر مش كل الحاجة وحشة ومش كل البرفنات وحشة بجد فية حجات فوق الزوق بمراحل زى مثلا ميوز الجديدة دى رهيبة زى مس أة الدهبى
وغيرهم وفية بودر كتير تحفة معلش المرة الجاية تتعوض

م.هالة كتب:

بصى يا أسماء أنا زيك بالضبط ميراج كانت هدية ترحيبى التالتة بس عامة مقدرش اقول حلوة هى و الله مش لقية وصف اقوله

ماشى الحال لما بتهدى شوية بتبقى كويسة و اهم ميزة انها ثابية

متزعليش نفسك يا جميل حطى منها رشة كدا على خفيف هتبقا حلوة أن شاء الله

و أنا شخصيا بنصحك بما أن أنت مش مستريحة مع الدايركتور بتاعتك ممكن تعملى عضوية جديدة الشهر ده باسم حد من قرايبك

لان البرنامج بتاع الترحيب حلو أنا صراحة لما شفته اتحسرت انى اشتركت بدرى

يعنى بدل الميراج كانت هتيقى جريس

عموما كل شئ قسمة و نصيب

يالله الحمد لله انا ان شاء الله هااعمل عضويه تانى بس ممكن مش الشهر دا بس قوليلى يا مدام هاله ليه ما جابوليش الكتالوج مع ان حاسبينه فى الفاتوره

ميراج اسووووء برفان فى التاريخ واللى يقهر انها ثابته
يعنى وحشششششششششششششششة وثابته بجد فعلا مش حلوة نوهاااااااااااائي :)

قلبي ملك ربي كتب:

ميراج اسووووء برفان فى التاريخ واللى يقهر انها ثابته
يعنى وحشششششششششششششششة وثابته بجد فعلا مش حلوة نوهاااااااااااائي :)

عاكى حق يا قلبى انا بقى نفسى كل الناس تشتم فيها عشان يحرمو ايعملوا هديه تالت شهر حاجه معفنه زى دى انا فاكره فىحد كان بيقول عليها تحفه اكيد بتتريق او بتهزر

samsam85 كتب:

انا مستغربه جداً من البهدله ديه فى برفان ميراج انا جاتلى هديه واختى لما شمتها طلبت واحده غير اصحابى كلهم اجمعو انها تحفه وريحتها مميزه مفيش شبيه ليها فى اوريفليم استنى عليها شويه لحد ما تهده
وبعدين الكرات جميله انتى بس وزعيها كويس على بشرتك

معلشى يا حبيبتى احنا قولنا ان البرفانات ازواق ياريت الاقى حد بيحبها واديهاله هديه ومبروك عليك طالما انتى حبتيها بس يارب ما تغيريش رايك فيها

يا جماعه البرفانات دي ازواق واحنا قلنا كده قبل كده لكن بجد هي برفان حلو اوي دي من وجهه نظري انا عاجباني بصراحه وكل واحد حر في رايه
وعلي فكره انا اول مره حطيتها محبتهاش خالص وقلت انها وحشه جدا لكن بعد كده بجد عجبتني

يا جماعة والله برفان ميراج ده حلو قوى انا انا جاتلى برضه هدية وفعلا لما بتهدى بتيئى تحفة وثابتة اوى جربى بس يا اسماء ورشى خفيف واستنى شوية

انا عندى ميراج برضه وريحتها مش وحشه هى كويسه وشغاله
بس الصراحه فى برفانات احلى منها فهى درجات فى الاذواق

وبالنسبه للكرات اللؤلؤ افصلى البنى عن الروز وحطى من الروز بس هتلاقيه جميل جدا
ولا بيغمق ولا حاجه لانه بيغمق بسبب الكرات البنى إللى ممكن تستخدميها كأيشادو مثلا

ميرسى يانهى انا فعلا فكرت اعمل كدا بس لقيت ان الروز هايبقى قليل اوى ممكن 8 كرات مش عارفه هاينفع ولا لا

هينفع انتى لما تيجى تحطى بالفرشاه او بالاسفنجه تمشى اكتر من مره على الكرات عشان تزيد الكميه على الفرشه او الاسفنجه
وانا عامة كنت مشتريه اتنيين كرات وفصلت الروز لوحده وحطيته فى علبه لوحدها وبقيت بستخدمه

البرفانات ازواق يا قمرايه وبجد انا من عشاق برفانات اوريفليم وميرااااااج اوة رهيب بجد حلوة جدابس مش مقلب ولا حاجه انا واحده من الناس مش بحب خالص جيورداني جولد هل هيا تبقي وحشه لا ديه ازواق ليس اكثرفهماني يا قمر

انا أشتريت ميراج و عجبانى جدا و كمان عجبت أختى و زوجة أخى .

و مثلا فى ناس بتحب جيوردانى جولد و دانسينج ليدى بس انا مش بحبهم خالص و ده برضه مش معناه انهم مقلب .بس هو زوقى انا مختلف عن الناس دى.

حبيبتى انتى عاجباكى انتى حره انتى بس انا كمان حره انا شايفه انها بالنسبالى مقلب كل واحد حر فى زوقه