استفسار عن الاوردر

بنات لو سمحتوا كان عندى سؤال بخصوص الاوردر
دلوقتى انا مسافرة و مش هرجع قبل يوم التلات ان شاءالله يعنى هيكون ابريل خلص و انا فى اوردر عايزة اعملة
هل بقى ينفع اعمل الاوردر بالتليفون و اروح استلمة من الشركة يوم التلات ان شاءالله ولا مش ينفع

اعتقد انه ممكن ينفع انا ماجربتش بس بعرف ناس بتطلب اوردر وتاجل استلامه وممكن كمان تقوليلهم اليوم اللى هاتستلميه فيه ويوصلك للبيت عادى ولا تروحى الشركه

ياجماعه لو حد يعرف انى ممكن نطلب من النت فى مايو ولا لا يقولى عاوزه اعرف ضرورى

الطلب من النت مستمر يا قمر بس هيغالى ويرجع زي الطلب بالتليفون مش عارفه بقا هبتدي في شهر 5 ولا6
هي حركه وحشه اوي منهم والمفروض يرخصوا الحاجه مش يغلوا علينا

سماءاوريفليم كتب:: الطلب من النت مستمر يا قمر بس هيغالى ويرجع زي الطلب بالتليفون مش عارفه بقا هبتدي في شهر 5 ولا6
هي حركه وحشه اوي منهم والمفروض يرخصوا الحاجه مش يغلوا علينا

سماء انتي جبتي المعلومات الخطيرة دي منين ؟
انا عارفة انه هيستمر بس ماعرفش انه هيغلي
اعترفي من فضلك

فى شهر مارس بعد عمل نظام الأوردر من النت حد من البنات كانت كاتبة أن فى الفروع مكتوب أن الأوردر خلال شهرى مارس و ابريل

أنا الأول كنت فاكرة أنها تقصد أنهم شهرين و هيقف بس لقيت فى منتدى مكتوبة أن أوردر النت بخمسة جنيه خلال شهرى مارس و أبريل فعرفت ان الموضوع موضوع فلوس مش هيقف

من الواضح أن الشركة كانت عاملة موضوع الخمسة جنيه دى علشان تشجع الأعضاء انهم يستعملوا النت فى عمل الطلبات

بس مش عارفة فيه معلومات أكيدة عن ان السعر فى شحن النت هيبقى زى التليفون و لا لا

يا ريت لو أستاذ عصام عنده معلومة عن الموضوع يقولنا

مدام هاله معلشى ممكن تقوليلى لو فاكره العرض اللى فات هى الجيوردانى وايت خلصت الاول ولا الفرشه عشان انا ماكنتش عاوزه حاجه غير الفرشه فاتصلت بالدايرتكتور بتاعتى وقولتلها عالعرض لانها ماكنتش لشه عرفت ايه اللى فيه وقولتلها تجيبلى معاها الفرشه ضرورى واديها الكود فقالتلى انا هااطلب مها 5 ليا واجيبلك واحده وكل ما اتصل بيها تقولى قربت تيجى عشان واحده اللى جابتهملى والنهارده بتقولى انها ما حصلتهاش ولحقت بس 10 من الجيوانى وايت وانا اتخنقت منها بجد ومضايقه اوى ونفسى ما اكملش تحت اسمها وابقى لوحدى

ميرسى اوى يا اسماء

مش عارفة و الله يا اسماء مين اللى خلص الاول

و ممكن فعلا كانت ناوية تتصرف لك فى واحدة و معرفتش

عادى يا قمر أا طلبت أوردر أمبارح الجمعة وطلبتة الاتنين

انا اقصد انى اروح اجيبة انا من الشركة مش يجيلى على البيت لانى اصلا ساكنة جنب فرع المهندسين

هوه افضل طلب امتى للاوردر عشان عايزه اطلب