الطلب من النت واكاديميه الجمال

انا عضوه جديده معاكم بس مش جديده اوى فى اوريفليم
انا بقالى كتير مش طلبت اوردر اخر اوردر طلبته كان فى شهر 12 وكان المفروض ان ليه مكافأه 80 جنيه ومش طلبت بعدها ودلوقت انا جيت اعمل الاوردر الرقم مش بيرد واللى موجود النت مش حاطط العروض الداخليه وفى حاجات كتير فى العرض جيت اطلبها لقيتها خلصت يعنى ولا عارفه اخد المكافأه ولا عارفه اخد الخصم ازاى ده ييعنى
وكنت عايزه اسال على اكاديميه الجمال لو حد مشترك تبع اسكندريه يعرف هيه هتبتدى امتى

أنا كمان ليا مكافأة من شهر 12 اللى فات ماأخدتهاش
معقدين الموضوع أوى
لازم أروح الفرع أخدها
وانا من المنصورة مش من القاهرة وعندنا فى فرع لأورفليم فى المنصورة
لكن لازم اروح بنفسي فرع القاهرة اخدها ..والسفر صعب بالنسبة ليا
مش عارفة اعمل اية ؟؟؟

هيا مش برضه المكأفاة بتتخصم من لاوردر
ولا دى حاجة تانيه
انا كنت عاملة اول مستوى واتخصملى 13 جنيه

مهى بتتخصم من الاوردر دلوقت الاوردر هيتعمل ع النت وانا بعمله ولا خصمو المكافاه ولا خصمو الخصم اساسا اللى على الحاجات

هو مينفعش ناخد المكافأة فلوس ؟؟؟؟ يعنى لو احنا مش عاوزين نعمل حاجة الشهر الى بعده ؟؟؟؟ يعنى بيجبرونا اننا نشترى منتجات بسعر المكافأة عشان ناخدها ؟؟؟

كمان كنت عاوزة أسألكم هل فروع اوريفلام هتكون قافلة يوم الأحد او الاثنين عشان شم النسيم ؟؟؟

بصى هوانا اللى اعرفه فى موضوع المكافأة ده انها بتتخصم من الاوردر اللى بتعمليه بعدها سواء كان الشهر اللى بعده او غيره.. انا بس حبيت افيدك بتجربتى الشخصية مع موضوع المكافأة ده

شكرا ليكى يا روجى بس ده ظلم قدرى انا مش عايزة اعمل اوردر بالمكافأة ,,, امال يبقى اسمها مكافأة ازاى

يابنات أنليا مكافأت وبنزلها على طول وبجيب شحن كمان أطلبى بس أنعم ينزلوها من الاوردر وأنتى بتطلبية

يا جماعة ما حدش يعرف اخبار عن العرض الجديد انا سمعت انه احتمال يبئى مضاعفة

ربنا يخليكم كلكم يا بنوتات

لو سمحتوا يا جماعة
ممكن حد يقولى ازاى اطلب اوردر عن طريق النت اون لاين يعنى لانى لسة جديدة ومش عارفة اوصل لاى موضوع يشرحلى او يودينى على لنك لطلب الأوردر عن طريق النت

ادخلى على الموقع

http://eg.oriflame.com/index.jhtml

اكتبى كودك و رقمك السرى اللى هيكون فى البداية رقم البطاقة ال 14 رقم او الرقم بدون تاريخ الميلاد

من صفحتى هاتى من تحت استمارة الطلب السريع

دخلى اكواد المنتجات اللى عيزاها و عددها و ضفيهم للسلة

فى السلة هتظهر المنتجات و سعر العضو ممكن تلغى حاجة أو تغيرى عددها بس لو غيرت العدد دوسى تحديث السلة

دوسى المستطيل الازرق للمتابعة علشان تكملى الاوردر و هتظهر لك الفاتورة راجعيها كويس قبل ما تكملى

لو مضبوط اختارى save لو فيه حاجة مش مضبوطة أو عايزة تضيفى منتجات لسه دوسى back و ارجعى للسلة

لما هتدوسى save هتظهر صفحة فيها مربع متعلم عليه صح خاص بموافقتك الدفع عند الاستلام و كملى علشان تبقى خلصتى الاوردر

عرض 1+1 بتدخلى المنتجين اللى عوزاهم فى السلة بيظهروا عادى لكن فى الفاتورة هتلاقى واحد بفلوس و واحد هدية مجانا

merci

كتير ليكى يا مدام هالة بجد على التوضيح
عامة انا هجرب ادخل واعمل طلبية وهمية كدة وامشى الخطوات بس اكيد مش هعمل save فى الآخر وربنا يستر والواحد مش يغلط

العفو يا mora_81
وبإذن الله تلاقى الامر سهل و بسيط
أهم حاجة طالما مش ناوية تعملى اوردر بجد ترجعى back
أنت لما تجمعى المنتجات فى السلة لو عاوزة تشوفى بيها فاتورة دوسى المستطيل الأزرق
و هتظهر لك الفاتورة و هتلاقى لو حاجة طلبتيها مش موجودة متعلم عليها بالاحمر
و الخطوة دى ممكن تفيدك علشان تعرفى نقطك و السعر النهائى بعد ما يضبط بعض العروض
زى عرض 1+1 أو الخصم 50% لو اشتريت المجموعة كاملة
أهم حاجة بعد كده طالما مش هتعملى أوردر دوسى back و ارجعى سلة التسويق
و بالتوفيق يا جميل