ياترى هاتجيبوا ايه فى عيد الام

عايزين نفكر نجيب ايه فى عيد الام وطبعا كل سنه وهيه طيبه ياريت تفكروا معايا

ممكن عباية وطرحة
شنطة شيك
كيس فلوس قيم شيك
برواز خشب او ليزر وعليه صورتها ومكتوب عليه اللى تحبه تكتبوه
وهبقا افكر تانى واقولكم

وممكن كمان فازه
تابلوه نحاس
كوفرته
طقم ملايات
مفرش سفره من بتوع العرايس
علبة مجوهرات
ساعة يد
وممكن تجيبه لو فى امكانيات حاجه نقصاها فى البيت زى مثلا ميكروييف -مكنسه -غسالة اطباق
خاتم دهب
وشوية تانى وافكرلكم فى هدايا تانيه

موبايل
برفان
تونك او قماش لوحابه تفصيل
كرسى هزاز

كفايه كده قوله انتم باقى الافكار

و لا حاجة

علي فكره الأمهات بتزعل لما بيجيلها هدايا حاجه للبيت

وبعدين يا اصحابي الحلوين بلاش هديه عيد الأم دي عشان ده مش عيد للمسلمين ممكن نجيبلها الهدايا في اي وقت مش لازم نزنق نفسنا في البدع

وربنا يخليلنا مهمهاتنا يارب

ربنا يبارك لنا فى أمهاتنا حقيقى كل ما الواحد يكبر بيعرف أد إيه هما تعبوا معانا هما و والدنا و حقيقى حقيقى مهما أتهيالك ان ليك ناس نتهتم بيك سواء زوج أو أصحاب عمر ما حد هيحبك زى أهلك لانهم ببساطة بيحبوك زى ما أنت بعيوبك مش بس مميزاتك
و أى حد مهما حبك حيحط مصلحته قبل مصلحتك
اهلك بس هما الوحدين اللى فى الدنيا دى ممكن يحطوا مصلحتك قبل مصلحتهم
و لو غلطت فى حد هيفضل فاكرهالك لكن أهلك حقيقى بيسامحوامن غير حتى ما تستسمحيهم لان قلبهم ما بيستحملش يزعل منك

ربنا يخليهم لينا يا رب و يجازيهم خير فى تعبهم فينا و يعينا على برهم صراحة الواحد مقصر معاهم
بالنسبة لعيد الأم متهيالى حسب مامتك يعنى لو هى هتزعل لو ما جبتيش هدية هأتيلها علشان تفرحيها بس هى لو متفهمة يبقا الأفضل زى ما سوبيسو قالت تخليها فى وقت تانى و يا سلام لو يكون فى العيدين لان دول أعيادنا الاسلامية
و بالنسبة للهدايا ما شاء الله يا نهى الواحد عرف لو محتار فى هدية يسأل مين

ياجماعة ايه الكلام الغريب دا يعنى ايه مش عيد للمسلمين كمان خليتوا عيد الام مسلمين ومسيحين على فكرة انا عضوة مسيحية ومش شايفة ان احتفالنا بالام فى يوم فى السنة يكون بدعة وعيب قوى الكلام دا وفكروا شوية علشان البلد دى تتقدم ياريت مش كل حاجة فى حياتنا نقحم فيها الدين بشكل غريب عييييييييييييييييييييييييييييييييييييييييييييب

عندك حق يا فيكى طب يمكن دا اليوم اللى بينسوا فيه امهم بيفتكروها فيه
دا اللى عمله ممكن ياخد ثواب عشان احنا بقينا فى زمن صعب قوى

كل ام وكل المصريين بخير يارب

احناااااااااااا زمان واحنا صغيرين ماما كانت تقلناا كفاية نجاحكوووا وابقوا كويسين وانا مش عايزة حاجة
لما كبرنا دخلناااا الجامعة بقة بابا يقلنا ماما مش عايزة حاجة غير نجاحكواا ماما تعترض تقول لاء انا عايزة
هههههههههههههههههههه وتزعل بقة وتتقمص بقة وطول السنة تمرمط فينا راحة جايااا تقلى شفتى بنت مش عارفة مين جبتلها اى شفتى عيال مش عارفة مين عشل والله ماماتى دى ربنااااا يخليهالى ويدينى على اد نيتهاااااااااااااا يااااااااااااااااارب بحبك ياماما
المهم بعد مناقشة طويلة اتقفناااااااا انا واخواتى كل واحد يدفع 100 بس الصغير يدفع 50
ياعنى احنا 3 انا 100 ومحمد 100 وحسام 50
نيجى بقة على البوس بابا هو بيقول لماما ياماما فنا قلتلوا مش هتقلها ببلاش ياماما فهيدفع 150
وهنجيب بقة ان شاء الله
شنطة وشوزة نفس اللون وانا بقة لازم استنفع بردوا وعايزة اكمل نقط اوريفليم فهنجيب برفيوم كماااااااااااااااااااااااااااان بس دة بينى وبينك هماااااااااا ميعرفوش انى هكمل نقط اوريفليم

بس ان شاء الله بقة دة كلوا يحصل

لا يا فيكي يا حبيبتي انا مش قصدي كده خااااااااااااااااااااااااالص وعمري ما بفكر في مسلمين ومسحيين ومقلتش انه مش عيد مسلمين عشان هو عيد مسيحيين
لالالا انتوا فهمتوني غلط انا مبفكرش كده اصلا
الفكره ان كلمه عيد والأحتفال بيوم معين في دينا في العيدين فقط عشان كده مينفعش نخص يوم معين بعينه بحاجه معينه
انا عن نفسي مامتي بتزعل فبجيبلها هديه قبل اليوم ده

يا جماعه خدوا الأمور ببساطه حتي دينا بسيط
ومع كامل احترامي ليكي ولكل المسيحيين

إيه بس مشكلة البلد و عيد الام البلد بلدنا جميعا بغض النظر عن الديانة بس زى ما أنتى يا فيكى بتجيبى هدايا لأهلك فى الكريسماس فيه مسلمين بيجيبوا هدايا لأهلهم فى عيد الفطر و الاضحى يعنى كل واحد فى العيد بيحب يفرح و يفرح أهله و أظن أن الكلام ده ميزعلش حد

بدع اية الله يكرمك بتهيالي لما نفرح امهتنا دي مش حاجة وحشة عشان نقول عليها بدعه لو كلمت عيد مزعلاكي خليها يوم الام او الامهات
انا هجيب لماما بقا عباية سمرا عشان عايزة واحدة تكون قيمة هخودها معايا و الي يزيد عن مزنيتي تدفعه هيه :)

احبابى كل سنة وانتوا طيبين مسلمين ومسيحين عموما انا مش بحب اصنف المصريين لان دا شىء متخلف جدا ويفكك الشعب علشان كدا هارجع اقول كل سنة وانتوا طيبين يامصريين ودايما فى تقدم وازدهار وشكرا لسعة صدركم ولا مانع من توضيح الاراء لان الاختلاف فى الراى لا يفسد للود قضية

اهم حاجه اننا فى الاخر مصريين وبنحب بعض وبنخاف على بعض والعيد عيدنا كلنا احنا عايزين نفرح ونفرح اهلنا وعموما انا والدتى متوفيه بس انا عندى خالتى زى والدتى عشان كده كنت عايزه اجبلها حاجه عشان تفرح وتعرف انى بحبها مش اكتر

ربنا يرحمها يا مروة و يجعل مثواها الجنة و يخليلك خالتو و من برك بأمك أكيد برك بأهلها ربنا يرضيها عنك يا رب و الموضوع فى الاخر حرية شخصية و مش ده اللى هيجمعنا أو يفرقنا اللى بيجمعنا هو البلد و أن كلنا نخاف عليها و على مصلحتها

ربنا يرحمهاااااااا يامروة ياسكر على فكرة الفوتوووا ال انتى حطاهااااااا النظارة وكلة نص وشهااااااااا
انا بحب بردوا مش بجيب لخالتوا هدية بس بقلهااااااااا ف التليفون ووكماااان عندى جرتى مبتخلفش بحب اققلهااااااااااا
رب اغفر للمؤمنين والمؤمنات المسلمين والمسلمات الاموات منهم والاحياء انك انت الغفور الرحيم

يا جماعه انا عن نفسى بجيب لماما وبابا لان كمان الاباء بيزعلوا شويه اننا مش بنكرمهم زى ما بنكرم الامهات وبالنسبه لليوم انا مش اشيفه اننا بنعمل احتفال يعنى لكن بنجيب حاجه تفرحهم وطبعا مش بيكون اليوم ده بس اكيد ممكن تجيبى اى حاجه طول السنه بس اليوم ده بنفرحهو برضوا بس مش بنلعق زينه ولا بنجيب تورته ونقول مش هنجيب هدايا غير فى اليوم ده
الدين يسر وليس عسر

شكرا ياسمرمر انتى شكلك زى العسل

feky كتب:

احبابى كل سنة وانتوا طيبين مسلمين ومسيحين عموما انا مش بحب اصنف المصريين لان دا شىء متخلف جدا ويفكك الشعب علشان كدا هارجع اقول كل سنة وانتوا طيبين يامصريين ودايما فى تقدم وازدهار وشكرا لسعة صدركم ولا مانع من توضيح الاراء لان الاختلاف فى الراى لا يفسد للود قضية

وانتي طيبه يا فيكو

ممكن حد يساعدني بدور لمامتي على (بورتوفيه جلد) مش سهرة ومش لاقيه حاجه مناسبه خالص لو حد في القاهرة يقولي الاقيه فين في القاهرة وإذا كان اللي موجود في كتالوج مارس كويس ولا لاء في صفحة 118 خامته كويسه؟

اول مره اسمع بورتوفيه دى
معلومات ادينا بنكتسبها من منتداناا والناس الحلوين اللى فيه

هو انتى قصدك بورتوفيه على الشنطه اللى ماسكها البنت فى صفحة 118 ؟؟؟؟؟

متهيقلي فهمت بس هستني برضه تفهميني اكتر
انا امبارح شوفت في فانجو اللي في الهرم حاجه زي كده ولا هي شنطه ولا هي محفظه مستطيله,يعني كأنها شنطه صغيره من غير ايدين
وكانت لذيذه قوي وفي منها كذا لون

sobysoo كتب:

متهيقلي فهمت بس هستني برضه تفهميني اكتر
انا امبارح شوفت في فانجو اللي في الهرم حاجه زي كده ولا هي شنطه ولا هي محفظه مستطيله,يعني كأنها شنطه صغيره من غير ايدين
وكانت لذيذه قوي وفي منها كذا لون

شكرا ليكم كلكم بس محدش قال اللي في العرض كويسه ولا لا

هي فعلا شنطه بدون ايدين وشبه المحفظه بيكون اكتر استخدامتها في السهرات بس دي بتكون مطرزة انا عاوزة حاجه زيها جلد وتنفع صباجي