سؤال عن الديركتور

هو نا امتى اكون دايراكتور
يعنى يكون تحتى كام عضو تقريبا عشن كون دايركتور
يا ريت حد يرد علية ضرورى

مش بعدد الاعضاء
بكم الشغل و عدد النقط
لازم المجموعة كلها تعمل 10000 نقطة لمده 6 شهور بعدها تبقي ديركتور
ولازم تحافظوا علي نفس المستوي

مووووووووووووووووت يا حمار
هههههههههههههههههههههههههههههههههههههههههههههه

مين قال انى عايزة اكون دايركتور
خلينى كدة احسن
انا مبسوطة بلا وجع دماغ
ولا انتى شايفة اية يا رورا

صح ياسارة بلا وجع دماغ دة كلة عايز ناس تكون عندها واجهة لعرض الاشتراك لعمل عضوية مثلا عندها محل للميكب او اكسسوارات وتحاول تقنع الناس اللي قدامها يعملة عضوية فالموضوع كبير فعلا
فكلمة وجع دماغ دي قليلة علي الموضوع

مش كدة بردة
وبعدين احنا اتفقنا هنجيب احتياجتنا لشخصية بس
مش كدة ولا اييييييييييية

بالظبط خلينا ثابتين علي قرارنا وكدة كدة احنا بنكمل ال100 نقطة بالعافية
اللهم ثبت ايمانا

اللهم امين
بس انا دلوقتى مبكملش 100نقطة اساسا
انا دلوقتى بجيب حاجتى وبس ومش اى حاجة كمان
بجيب العروض الحلوة والحاجة اللى الاقيها فرصة

قوليلى صحيح اية احلى حاجة فى الكتالوج المرة دى
الفرص يعنى

هو عاوز تكون واحده جريئه مش شرط محل انا اعرف ناس مكملوش سنه وعملين مجموعه كبيره تحتهم احنا بس الى ولاد ناس زياده عن اللزم وبنكسف نقنع حد او نكلم حد فى الموضوع اصلا

ههههههههههههههههههههههه
فعلا والله يا ام يامن
انتى عارفة اصلا انا فى اول 3 شهور الترحيب طبعا كنت لازم اكمل النقط عشان هدايا الترحيب كملتهم بالعافية طبعا من خلال الناس اللى كنت بتعامل معاهم وكانوا بيتعبونى جداااااااااااااااااااااا لدرجة كانوا ممكن يحسسونى انى نصابةهههههههههههههههههه
وبعدين فيه ناس تقولك اه هى عايزانى اشترك معاها عشان تستفيد من وراياااا
والنبى مين فية دماغ لكدة

فعلا يا جميل دى عاوزه واحده فاضيه ورايقه وعندها صبر

وحشتيني ياام يامن عاملة اية فعلا عندك حق في حكاية احنا ولاد ناس زيادة عن اللزوم اقولكم علي حاجة بجد واللة العظيم دي فية اني بخاف اصلا انزل الشارع لوحدي والحاجة دي مخلية جوزي عايز يقتلني بسببها يقعد يقنع فية متخافيش عادي زي ما كل الناس بينزلوا لوحدهم بس احنا اتربينا علي كدة فدة سبب بيخلينا نتحرج اننا نعرض الكتالوج علي اي حد المهم لاتراجع ولا استسلام ولا مهانة احنا نجيب اللي محتاجينة فقط علشان منبقاش مسرفيين وربنا يغضب علينا وبالنسبة لسؤالك ياسارة انا افضل عروض عجبتني مجموعتين السويدش سبا بس اصلا المجموعة الزرقا عندي كاملة والماسكرا الجديدة وكريم الاساس الجديد فري مي والكونسيلر بتاعة والماسك المرطب اللي بالكاكاو والقلمة الكحل وبس مفيش حاجة شدتني قوي غير كدة ودة اللي جبتة

شكرااااااااااااا ايويا
اصلى بجمع اية احلى حاجة عشان اعمل الاوردر بتاعى

بجد صعبة قوي حكاية الدايركتور دي

[quote="yamin"]هو عاوز تكون واحده جريئه مش شرط محل انا اعرف ناس مكملوش سنه وعملين مجموعه كبيره تحتهم احنا بس الى ولاد ناس زياده عن اللزم وبنكسف نقنع حد او نكلم حد فى الموضوع اصلا

انا اصلا ماعنديش وقت اقابل حد
علشان احاول اقنعه
وكون اننا ولاد ناس بقي زيادة عن اللزوم ده بجد
من فترة كده كنت بشتغل في شركة في الادارة
وصاحبها كان شايف فيا اني اكون احسن في الــــSals وانا ماوافقتش ابدااااااا
عارفين كنت اعمل زي عبد السلام النابلسي في الفيلم هاقول اشتروا يا ...... يالا الحمد لله
وموقف كمان
من فترة لقيت محل زي اللي سارة عاوزة تعمله صاحبه دايركتور
مش حرق اسعار يعنييي المهم اشتريت منه حاجات وعرفته اني عضوة بس مابسوقش
استغرب جداااا كان معتقد من اسلوبي ان عندي شجرة كبيرررررررة و عملاء كتيرررر
و انا و الله بتكسف جدااا

هو كسوفنا ده الى جينا ورا والناس بتضحك علينا عارفين احنا اصحاب ليه واخدنا على بعض اوى وبنحب بعض علشان كلنا شبه بعض فى تربيتنا وكسوفنا واننا ولا ناس وعنينا مليانه ومحدش عاوز يهين نفسه علشان خاطر كام قرش زياده
ربنا يكرم الجميع ويوفقهم ويخلينا لبعض وميحرمناش من بعض

والله يا أم يامن عندك حق انا اعرف ناس اعضاء فى شركات تانيه وبيعرض كتالوجاتهم فى منتها الرزاله لدرجة انك تبقى عايزه
تشترى علشان تخلصى من زنهم
وانا وله اعرف حتى اطلع الكتالوج افرجه لحد

الموضوع مش وجع دماغ ولا حاجة

الموضوع ان فيه ناس معتبرة اوريفليم شغل بجد وناس لسه مصدقتش ان ده شغل

وفيه ناس بتقضي 12 ساعة كل يوم في اعمال ممكن يكون المرتب 500 جنيه انما بيتعب من شغل ساعة في اوريفليم

اوريفليم مشروع كبير للي يحب العمل في اوريفليم مش موضوع 100 نقطة وبس

اقل واحد فينا عنده على موبيله اكتر من 50 من اصحابة ومعارفة بس مش بيكلف نفسه يعرض عليهم الفكرة اصلا

نفسي تعيدو النظر تاني في اوريفليم اللي لسه فيها كتيير جدا في مصر

عصام كتب:: الموضوع مش وجع دماغ ولا حاجة

الموضوع ان فيه ناس معتبرة اوريفليم شغل بجد وناس لسه مصدقتش ان ده شغل

وفيه ناس بتقضي 12 ساعة كل يوم في اعمال ممكن يكون المرتب 500 جنيه انما بيتعب من شغل ساعة في اوريفليم

اوريفليم مشروع كبير للي يحب العمل في اوريفليم مش موضوع 100 نقطة وبس

اقل واحد فينا عنده على موبيله اكتر من 50 من اصحابة ومعارفة بس مش بيكلف نفسه يعرض عليهم الفكرة اصلا

نفسي تعيدو النظر تاني في اوريفليم اللي لسه فيها كتيير جدا في مصر

انا مع حضرتك في كل كلامك
بس احنا ماعندناش الملكة بتاعت ده
محدش عرفهالنا ولا علمنا نعمل ايه
دلنا علي الطريق يا مستر عصام يمكن حد فيها يشتغل بجد

الموضوع فعلا صعب
انا اول ما اشتركت كنت بجيب لنفسى وادبس ماما وبابا معايا عشان اكمل برنامج الترحيب وفضلت كدة على طول
لحد ما الدايركتور بتاعى اقنعتنى انى لازم احاول اعرض وابقى جريئة واخده شغل بجد
اول ما بدات اورى الكتالوج لقاريبى اول حاجة سالونى حتجبيلنا بالخصم ولا لا طبعااااااااااااااااااااااااااااا اتكسفت موت وبجبلهم بالخصم واول ما اقولهم اعملكم عضوية وانتو احرار محدش عايز
وفعلا فى ناس تحسسك انك نصابة يعنى فعلا حاجة محرجة وزى ما سارة ما بتقول كتير اوى يقولو دى عايزة تعملنا عضوية عشان تستفيد من ورانا كانى هضحك عليهم
ده غير لما حد يشوف الكتالوج ويقولى اسعارك غالية ده فى محل بيبيع ارخص من الاسعار دى كانى انى الى عاملة الاسعار
والشهر ده دخلت عضوين بالعاااااااااااااااااااااااااافية سبحان الله هما الى طلبو العضوية وعملتلهم نقط للعضوية المجانية وواحده عايزانى اكملها 100 نقطة عشان برنامج الترحيب كانها اصلا عملت ال50 الاولى
هههههههههههههههههههه
ده فعلا عايز حد رايق وفاضى ومش وراه حاجة خالص
سؤال عن الديركتور 71234

عصام كتب:: الموضوع مش وجع دماغ ولا حاجة

الموضوع ان فيه ناس معتبرة اوريفليم شغل بجد وناس لسه مصدقتش ان ده شغل

وفيه ناس بتقضي 12 ساعة كل يوم في اعمال ممكن يكون المرتب 500 جنيه انما بيتعب من شغل ساعة في اوريفليم

اوريفليم مشروع كبير للي يحب العمل في اوريفليم مش موضوع 100 نقطة وبس

اقل واحد فينا عنده على موبيله اكتر من 50 من اصحابة ومعارفة بس مش بيكلف نفسه يعرض عليهم الفكرة اصلا

نفسي تعيدو النظر تاني في اوريفليم اللي لسه فيها كتيير جدا في مصر

احنا عارفيين يااستاذ عصام ان لسة في الشركة كتير
انت عارف حضرتك انا عرضت علي والدي انة يفتح فرع توكيل للشركة يكون في شبرا مصر انا والدي فاتح شركة توكيل لشركة فوجي للتصوير والفوتوغرافيا العالمية ومعامل واستوديوهات كان ممكن سهل علية اني اسوق المنتجات في الشغل بتاع والدي لكن طبعا زي ماكل البنات اللي قالت احراج وتاني حاجة نظرتهم لية ان بنت صاحب الشغل فكانت محرجة وبالنسبة للتوكيل لقيت والدي قاللي مش هينفع لانة مش هيبقي توكيل كامل هيبقي مركز بيع وهو مش عايز كدة ياأما توكيل كبير كامل زي مصر الجديدة ياأما لااا
واحنا يااستاذ عصام مش ساكتين احنا بنحاول نتكلم معاكو وتشوفوا أية اللي بيحصل معانا

هو اصلا ينفع حد يفتح مكان ويعرض فيه منتجات اوريفليم ولا مينفعش لان واحدة صاحبتى عندها محل اكسسوارات وعملت عضوية وبتسالنى السوال ده
وكنت عايزة اعرف الاكسسوارات الى فى الكتالوج سواء فرش ميكب او ادوات الباديكير وغيرهم عليه نقط ولا لا؟
ولو مش عليه نقط ليييييييييييييييه مش عليه لان الحاجات دى برضه بتتطلب والمفروض يبقى عليها نقط لان بصراحة حرام اشترى فرش مثلا ب100 جنيه وملقيش عليها نقط يا ريت حد يرد عشان نبقى عارفين
سؤال عن الديركتور 836339

كل الاكسسوارات عليها نقط بس مش كبيرة علي قد المبلغ اللي بتدفعية
بصي النقط بالتدريج اعلي نقط بتبقي علي البرفانات وبعد كدة الميكاب وبعد كدة الكريمات والعناية الشخصية وبعد كدة الاكسسوارات اخر حاجة عليها نقط بس قليلة بالنسبة للمبلغ اللي بيتدفع

عصام كتب:: الموضوع مش وجع دماغ ولا حاجة

الموضوع ان فيه ناس معتبرة اوريفليم شغل بجد وناس لسه مصدقتش ان ده شغل

وفيه ناس بتقضي 12 ساعة كل يوم في اعمال ممكن يكون المرتب 500 جنيه انما بيتعب من شغل ساعة في اوريفليم

اوريفليم مشروع كبير للي يحب العمل في اوريفليم
مش موضوع 100 نقطة وبس
اقل واحد فينا عنده على موبيله اكتر من 50 من اصحابة ومعارفة بس مش بيكلف نفسه يعرض عليهم الفكرة اصلا

نفسي تعيدو النظر تاني في اوريفليم اللي لسه فيها كتيير جدا في مصر

يا مستر عصام كل كلامك مظبوط بس انا سألت قبل كدة
ازاى نشتغل ومحدش رد علية
وكمان انا جالى احباط الشهر اللى فات انا كنت اشتريت فى الايام
اللى كان فيها السحب فى مصر الجديدة والسحب اتمد ل 3 ايام
يعنى اللى عمل ال100 نقطة فى يوم واحد دخل السحب ال3 ايام
فكان فية فبركة فى السحب وكانت ناس معينة هى بتكسب
دة تسمية ايىىىىىىىىىىىىىىة

والله انتوا معاكوا حق
فعلا انا كل ما افرج الكتالوج لواحدة من قرايبى
تقولى الاسعار غالية وومترضاش تشترى
وكمان اللى من صحابي بترضى تشترى عاوزة بسعر العضو وبتطلب حاجة واحدة او اتنين بالعافية
ومهما اقنع فى الناس ان الحاجة الغالية تمنها فيها وانى جربت دا ودا ودا
برضة يستغلوا السعر
اعمل ايه بس قولولى
سؤال عن الديركتور 10882

nona84 كتب:: هو اصلا ينفع حد يفتح مكان ويعرض فيه منتجات اوريفليم ولا مينفعش لان واحدة صاحبتى عندها محل اكسسوارات وعملت عضوية وبتسالنى السوال ده
وكنت عايزة اعرف الاكسسوارات الى فى الكتالوج سواء فرش ميكب او ادوات الباديكير وغيرهم عليه نقط ولا لا؟
ولو مش عليه نقط ليييييييييييييييه مش عليه لان الحاجات دى برضه بتتطلب والمفروض يبقى عليها نقط لان بصراحة حرام اشترى فرش مثلا ب100 جنيه وملقيش عليها نقط يا ريت حد يرد عشان نبقى عارفين

هى عليها نقط بس نصف النقاط الى المفروض تاخديها لو على منتج تانىيعنى لو فرشه 20 جنيه و كريم بنفس السعر نقط الكريم 10 يبقى نقط الفرش 5
يارب تكون وصلت