قولولى اعمل ايه ؟

ازيكم يا احلى واجمل اصحاب

انا فى مشكلة وياريت تقولولى الحل

بعد معارك الحمد لله اقنعت اختى انها تعمل عضوية فى اوريفليم

بس هيا مش عاوزة تبقى تحت كود اى حد

حتى انا عاوزة تبقى منها للشركة على طول

ايوة دا طلبها الوحيد

المهم عملنا اوردر محترم حوالى 100 نقطة

ورحت الفرع بتاع المنصورة

عاوزة اعمل عضوية جديدة بس مش تحت حد

فيه هناك واحد قالى مش هينفع وانتى لو ماكتبتيش كود الراعى انا هكتبه من عندى

قلتله يعنى ايه دا حقى وانا حرة اعمل العضوية براحتى

المهم قعد يعقدها فوشى ومرضاش

سيبته ورحت لواحدة تانية

شافت الاوردر قالتلى خلاص انا هدخلك تحت كودى

ومش هتندمى

وتحلف وهفيدك وهقولك على العروض

وكلام من دا للصبح

قلتلها معلش ريحينى ووانا عاوزة ابقى تحت الشركة

قالتلى طيب

انا هاكتب فى الاوردر كود الراعى اوريفليم

بس اول ما الاوردر هيروح الشركة هما هيدخلوكى تحت حد من السويس او الاسماعيلية

وانتى مش عارفه وهما مش هيفيدوكى

فخليكى معايا احسن

وانا برضه مصممة

قالتلى انتى حرة بس قلتلك اللى هيحصل

اصل الفرع هناك مش مكمل التارجت فيحطوكى معاهم

انا اصريت برضه ومامشيتش الا لما كتبت قدامى اوريفليم فى خانة الكود الراعى

بس بصراحة انا خايفة الكلام اللى قالته يطلع حقيقى ودا يحصل فعلا

انا حاسة انهم بيعموا القصة دى عشان ادخل تحت كودهم وخلاص بأى شكل

انا هاروح استلم الاوردر يوم الاحد ومش عارفة لو لقيت نفسى دخلت تحت كود حد معرفوش اعمل ايه

ساعدونى انا محتاجلكم قوووووووووى

حقك تكوني تحت الشركة ومفيش حاجة اسمها الشركة هتحطك تحت حد
انا عاملة عضوية تحت الشركة وكمان حصل مرة قدامي موقف في فرع المهندسين ان واحدة كانت بتحاول تقنع واحدة جديدة تدخل تحتها وشافوها ووقفوا عضويتها واللي كانت بتكلمها كانت بتقولها من حق اي حد انة يختار هيدخل تحت مين ومن حق اي حد يدخل تحت الشركة
هو غالبا انتي ممكن تكوني رحتي مكتب عضو فاتحة فأكيد هيبقي عايزك تكوني تحتيهم
برافو عليكي انك اصريتي
انا بصراحة مش عارفة انتي ممكن تعملي اية بس ممكن تاخدي رقم الفرع (بس اتأكدي انة فرع مش مكتب)اللي عضويتك هتتعمل فية وبلغيهم انك عايزة تبقي تحت الشركة مش حد تاني
وربنا ييسرلك يارب

وان شاء الله لو حد عندة نصيحة ليكي او حاجة تعمليها يقولك

بم بم صباح الخير
اقولك حاجة و ماتزعليش مني ؟
انتي غلطانة و اختك غلطانة ممكن افهم ايه الفايدة من عضويتها دلوقتي ؟
لا انتي استفادتي و لا هيا استفادت
و هيه كده هتفيد حد ماتعرفهوش
انتي اصلا فاكرة ايه ماهو لما حد بيعمل عضوية وماعندوش عضو راعي
بيحطولوا اي رقم عشوائي كده و ممكن فعلا يطلع حد من اسوان و انتي في اسكندرية حاجة كده يعنيي
وبعدين خدي هنا ماهي كل العروض و التخفيضات بنعرفها من هنا
و 90 % من الدايركتور مابتتصلش بحد
انا هأقولك علي موقف يضحك
انا عملت اورداري انا واختي علي كود واحد بس علشان الهدايا المهم الحمد لله عملنا نقط كويسة
لقيت الدايركتور بتاعتي اخر يوم في الكتالوج متصله تقولي ده فيه عروض 50%
بيني و بينك اتغاظت قوووي انتي لسة فاكرة بعد ماخلصت
لو ينفع تعملي عضوية ليها من اول و جديد تحت كودك يبقي افضل
وبعدين معلش ماتزعليش مني اني كنت حادة شوية اصلي اتغاظت قوووي
و هيه ليه كمان مش عاوزة تعمل تحت كودك ؟

sobysoo كتب:: حقك تكوني تحت الشركة ومفيش حاجة اسمها الشركة هتحطك تحت حد
انا عاملة عضوية تحت الشركة وكمان حصل مرة قدامي موقف في فرع المهندسين ان واحدة كانت بتحاول تقنع واحدة جديدة تدخل تحتها وشافوها ووقفوا عضويتها واللي كانت بتكلمها كانت بتقولها من حق اي حد انة يختار هيدخل تحت مين ومن حق اي حد يدخل تحت الشركة
هو غالبا انتي ممكن تكوني رحتي مكتب عضو فاتحة فأكيد هيبقي عايزك تكوني تحتيهم
برافو عليكي انك اصريتي
انا بصراحة مش عارفة انتي ممكن تعملي اية بس ممكن تاخدي رقم الفرع (بس اتأكدي انة فرع مش مكتب)اللي عضويتك هتتعمل فية وبلغيهم انك عايزة تبقي تحت الشركة مش حد تاني
وربنا ييسرلك يارب

وان شاء الله لو حد عندة نصيحة ليكي او حاجة تعمليها يقولك

ميرسى ليكى يا سوبى سو
انا بصراحة قلقانة من القصة دى
بس انا متأكدة انو الفرع بدليل انو العنوان مكتوب هنا فى الموقع

Roraa كتب:: بم بم صباح الخير
اقولك حاجة و ماتزعليش مني ؟
انتي غلطانة و اختك غلطانة ممكن افهم ايه الفايدة من عضويتها دلوقتي ؟
لا انتي استفادتي و لا هيا استفادت
و هيه كده هتفيد حد ماتعرفهوش
انتي اصلا فاكرة ايه ماهو لما حد بيعمل عضوية وماعندوش عضو راعي
بيحطولوا اي رقم عشوائي كده و ممكن فعلا يطلع حد من اسوان و انتي في اسكندرية حاجة كده يعنيي
وبعدين خدي هنا ماهي كل العروض و التخفيضات بنعرفها من هنا
و 90 % من الدايركتور مابتتصلش بحد
انا هأقولك علي موقف يضحك
انا عملت اورداري انا واختي علي كود واحد بس علشان الهدايا المهم الحمد لله عملنا نقط كويسة
لقيت الدايركتور بتاعتي اخر يوم في الكتالوج متصله تقولي ده فيه عروض 50%
بيني و بينك اتغاظت قوووي انتي لسة فاكرة بعد ماخلصت
لو ينفع تعملي عضوية ليها من اول و جديد تحت كودك يبقي افضل
وبعدين معلش ماتزعليش مني اني كنت حادة شوية اصلي اتغاظت قوووي
و هيه ليه كمان مش عاوزة تعمل تحت كودك ؟
انا مش زعلانة منك
كفاية انك قلبك عليا
وبتنصحينى
بس
اكيد الموضوع مش غصب
يعنى اكيد كل واحد بيختار اللى يناسبه حسب ظروفه
انا والله بحس ان انتوا كلكم اخواتى وحبابيبى كمان

العفو علي اية
ربنا يطمنك وييسرلك الخير انتي واختك

الى انا سمعته ان ممكن حد فعلا فى الشركه يدخلك تحته او الشركه تدخلك تحت اى حد هى عاوزاه فى ناس مفيش ضمير وفى ناس عندهاربنا يوقعك فى حد عنده ضمير

السلام عليكم يا بمبومه انت وكل حبايبى اللى متجمعين
بصى يا حبيبة قلبى ... انا شايفه ان كلام رورا الجميله دى وآرائها مجننانى ..... هو عين العقل وعين الصواب و عندها حق ميه بالميه .. وعايزه مصلحتك ..... ربنا يجازيها كل خير
وبصى يا حبيبة قلبى قبل ما تقدمى على اى شىء او تعملى اى حاجه .. مش هقولك صلى استخاره ... بس على الأقل يا سيدتى قولى دعاء الأستخاره
وربنا يدبر لك انتى واختك امركم ويتخير لكم ويختار لكم يارب

» دينا.. وردة.. وكل البنات قولولى اعمل ايه
» قولولى الحل بسرعة
» تعالو قولولي اطلب ايه و مطلبش ايه من المنتجات دي محتاجة تجاربكو بليييز
» كتالوج شهر 8 للنقاش قولولى هتجيبوا ايه يا بنات
» ?????اعمل ايه