استفسار لمدام رشا

السلام عليكم ورحمة الله وبركاته
كيفك مدام روشيه انشالله بالف خير يارب

انا زمان كنت عضوه فى اوريفلام وكان فيه عينه لكل منتج تقدرى تحكمى على المنتج من خلال تجربتها
ليه ميرجعش النظام ده تانى حتى ولو كانت العينات بفلوس .... خصوصا وان الاسلوب ده بيسهل على العضوات اللى لهم معارف كتير وبيعملوا بيزنس فى عرض العينات للعملاء وخصوصا فى العطور .... يعنى ازاى عضوه تقنع عميله بشراء عطر من الصوره ... او تقولها تعالى معايا الفرع اعملى تيست ؟ او تقنع عميله بشراء اى نوع من انواع الفوندايشن مثلا باختيار درجة اللون اللى فى البروموشن ؟ او لون رووج من غير ماتعرف ملمسه وحقيقة لونه ؟ اكيد ده شىء غير عملى وغير عقلانى ... وكده الشركه مش بتساعد العضوه على تسويق منتجاتها ... واكيد حضرتك عارفه ان كل الماركات لها تيستر لكل منتجاتها

انا اتمنى ان النظام ده يرجع تانى واتمنى ان حضرتك توصلى صوتى واصوات البنات اللى رأيهم موافقنى لادارة الشركه

وانا باشكرك من كل قلبى على كل الجهد اللى بتبذليه معانا وعلى سعة صدرك لنا ولاسألتنا وتساؤلاتنا واقتراحاتنا
وربنا يجازيكى عنا كلنا كل خير
استفسار لمدام رشا 363247

وأنا معاكى فى كل كلمة استفسار لمدام رشا 27879

ولو أننا قلنا الكلام ده كتيييير قبل كده وكان رد الشركة أن الجمارك بتحاسب الشركة على التسترات دى وخاصة البارفانات بأسعار غالية جداااا جدااااا اكتر من المنتجات نفسها كأنها مخدرات مثلا
لكن فيه حلول بدائية بيستعملوها البعض وهى رش البارفانات على منديل او على قطعة قطن ووضعها فى كيس لكن بصراحة لا تدوم الرائحة اكثر من يوم أو اثنين ودرجات الروج برضه وكريمات الاساس على منديل ولو انها طبعا غير عمليه لانك بتحبى تحسى الملمس على بشرتك وجايز فيه حلول تانيه البنات عرفوها يقولولنا عليها وأصل الشعب المصرى مبيغلبش وبيتصرف
ولكن أعادة الطلب لن تضر وربنا يسهل

يارييت النظام دة يرجع تاني يبقي حلو قوي العينات التيست دى ولو ليها سعر ياتميمة زي ما نونا قالت نشتريها بسعر معقول وفعلا فية برفانات كتير عجباني قوي لكن مش بعرف اقنع بيها الناس لاني مش ماشية بيهم كلهم واسعارها غالية فبالتالي بيفضلوا ميجيبوش البرفان احسن من انهم يدفعوا الفلوس وتطلع مش حلوة

ياريت على الاقل من السهل الواحد يقدر يحكم على الحاجه قبل ما يجبها حتى لنفسه بدل ما بنجيب بالبركه كده

وانا اوافقكم الرأي قلبا و قالبا
كانت زمان صاحبتي بتجيب كل التيستر
روج و برفيوم وكنت والله باخد منها حاجات كتيرررر
يارب ترجع تاني

بنتمني بجد نظام العينات ده يرجع تاني وده هيزود المبيعات بس مش عارفه ليه فرع الشركه هنا مش زي باقي الفروع لا هدايا كويسه للاعضاء ولا حتي اهتمات بالمطالب الصغيره ديه

شكرا لتميمه وايويا ويامن ورورا وايمى القمرات على مشاركتهم وتفاعلهم ..
باتمنى طلبنا يلاقى صدى لدى الاداره
اما بالنسبه للبدائل اللى اتكلمتى عنها يا تمتومه فهى اساليب لا تليق بشركه كبيره مثل اوريفلام ... وواجهه سيئه لها .. لان العضوه هى سفيرة الشركه امام عملائها .... دى الشركات البدائيه متعملش كده
انا شايفه ان هذا اسلوب سىء جدا للدعايه للشركه أى انها دعايه سلبيه ....

بس ياريت حد يسمع لنا المره دى مش يكون كلام وخلاص

على الله يا يمونه يا قمرايه

انا معاكى فى كل كلمة قولتيها
فعلا التيستر دى بتزود المبيعات جدا
والما الناس بتلاقى اسعار البرفانات غالية كده فى الكتالوج وكمان هما مش عارفين الريحة حلوة ولا لا محدش بيشترى
غير كده كمان
الروايح اذواق
يعنى ممكن بلافان يعجبنى ومايعجبش غيرى

فيا ريت الغينات ترجع تانى