عن عينات شهر نوفمبر

مساء الخير مدام رشا اهلا بيكى بالنسبة للعينات فى كتالوج شهر نوفمبر انا عملت 900 نقطة وما اخذتش ولا عينة ممكن اعرف ايه مصير العينات

انا كمان ما جاليش ولا عينه
وكمان المفروض كان ليا اسفنجات كريم الاساس وما فيش اي حاجه منهم جاتلي
Mad

لا ازاي انا لسة مطلبتش يعني معشمش نفسي بيهم

العينات بيقولوا خلصت وطبعا خلاص كده شكرا ويقولولك تتعوض بعد كده

انا قولتلكم من بدري انا عملت اوردر اول يوم في الكتالوج كان قبل الوقفة بيوم والاوردر جالي يوم الوقفة الصبح وملقتش ولا عينة فقولت انها خلصانة من اول يوم وبعد كدة عرفت من ناس هنا في المنتدي انهم خدوها بعد ما عملوا اوردر بعد العيد المهم انا خلاص زهقت من الشركة الواحد بيتعب علشان يعمل طلبية ويحقق النقط والمنتجات غليت انا خلاص مش هشتري حاجة تاني من اول السنة الجديدة

فعلا الاسعار غليت جدا لدرجه مستفزه

كل كتالوج اغلى من اللى قبله

ayoya كتب:: انا قولتلكم من بدري انا عملت اوردر اول يوم في الكتالوج كان قبل الوقفة بيوم والاوردر جالي يوم الوقفة الصبح وملقتش ولا عينة فقولت انها خلصانة من اول يوم وبعد كدة عرفت من ناس هنا في المنتدي انهم خدوها بعد ما عملوا اوردر بعد العيد المهم انا خلاص زهقت من الشركة الواحد بيتعب علشان يعمل طلبية ويحقق النقط والمنتجات غليت انا خلاص مش هشتري حاجة تاني من اول السنة الجديدة

ايه ده ده شكله قرار جماعي
انا كمان خدت القرار ده
بس علي الله مانضعفش لما نشوف كتالوج يناير
صحيح انا خدت العينات يا ايويا بس ماخصموش المكافأة
قلولي لسه وطبعا انتي عارفة لو ماعملتيش اوردار تاني يبقي شكرااااااااااااااااااااااااا

انا يعتبر شوفت جميع الكتالوجات الجديدة فمفيش جديد لو حاجة جديدة عجبتني هجيبها لو سعرها عجبني غير كدة مش هاهتم بنقط ولا هدايا ولا اي حاجة لاننا مبنلاقيش نفس المعاملة والتقدير بتاعت زمان من اوريفليم

فعلا هو ده القرار الى انا كمان اخدته مش مهم نقط لا هدايا والا هقدر اعمله هعمله وشكرا على كده انا خلاص فلست بجد من كتر الشرا على الفاضى

يا ايويا و يا ام يامن يمكن انتو بتسوقوا المنتجات بتشتغلوا يعنيي
انما انا يا بنوتات يا قمرات بشتري ليا و لأختي بس
يعنييي فلست من زمااااااااااااااااان

اصل الواحد كان الاول فرحان بالشركة وانة مشترك فيها لكن دلوقتي الخدمات بقت اقل والعروض مش حلوة زي زمان والحاجة غليت جدا دة انا افضلي ازود شوية فلوس واشتري حاجة من الماركات العالمية خلاص فرحتنا انتهت وانا فهمت نظام الشركة كويس فكفي اللة المؤمنين شر القتال والحمد للة علي كدة

ازيك يارورا خلاص ياحبيبتي هنرجع نغتني تاني ومش هنفلس ومش هنضعف احنا الاول كنا فرحانين بكام هدية لكن دلوقتي صعبوها علينا فلو هنشتري هنشري اللي محتاجينة بجد لكن غير كدة مش هنشتري حاجة تاني

معلش والله انا آسفة اني هدخل والكل شايط كده واسال سؤال

هااااااااااااااااااااااااااااااااااااااااااااااايف

Cool

يعني اية عينات؟؟؟؟؟
بس محدش يتنرفز بالله عليكم

ayoya كتب:: ازيك يارورا خلاص ياحبيبتي هنرجع نغتني تاني ومش هنفلس ومش هنضعف احنا الاول كنا فرحانين بكام هدية لكن دلوقتي صعبوها علينا فلو هنشتري هنشري اللي محتاجينة بجد لكن غير كدة مش هنشتري حاجة تاني

ايويا حبيبتي وحشاني اخبارك
الاول بعتت لك طلب صداقة هنا و انتي لسة ماوافقتيش ليه ؟
ثانيا والله فعلا انا لو كنت حوشت الفلوس دي
كان زمان معايا مبلغ محترم
ان شاء الله يكون اخري الجريس و مش جايبة الميد نايت بيرل
لما تنزل تخفيضات زي زماااااااان 50 % يمكن يمكن نفكر
كنت بجيب منها حاجات كتيررررر و اسعارها يدوبك علي قدها
لاحظي حاجة برضة حاجات كتيررررر بعد مابشتريها بحس اني اتضحك عليا
والمفروض يكون عليها 75 % تخفيض كمان علشان يدوبك ده يكون سعرها
بس يالا الحمد لله علي كل حال نشتري طلبتنا و بناقص الهدايا
الللي يعجبنا نجيبه بفلوسنا مش عاوزين هدايا من حد
حتي عيد ميلادي في يناير مش عاوزة الماسكرا
بس لو غيروها ؟؟؟؟ افكر
هههههههههههههههههههه
عن عينات شهر نوفمبر 424858

مسلمة بفضل الله كتب:: معلش والله انا آسفة اني هدخل والكل شايط كده واسال سؤال

هااااااااااااااااااااااااااااااااااااااااااااااايف

يعني اية عينات؟؟؟؟؟
بس محدش يتنرفز بالله عليكم

مش هايف يا بنتي و لا حاجة
انتي معاكي كتالوج 12 ؟
كانوا قايلين اشتري منتج وخدي عينه برفيوم ميدنايت بيرل
ها وصلت

انا اشتريت منتجات من الكتالوج واخدت عينات بس مش ميدنايت كلها كانت سينسوريا واكسيت
بس
بس مش مشكله المهم اخدنا حاجه بدل تعبنا عالفاضى geek

لا انا اخدت عينات كري اساس الاكسجين واستغربت اوى لما لاقيتها فى الشنطة قولت اللى يجى منهم اهوة فايدة ولونها مش جامدة اوى بس يلا على فكرة انا اخدت نفس قرار ايويا ورورا وبردة مش هجيب حاجة تانى اللى يجى فرصة ابقى اجيبة اكتر من كدة لا

كمان انا بتصدم لما بشوف حجم المنتجات بتكون صدمة لية وبندم انى جبتها وعلى فكرة يا ايويا انتى ورورا انا بتصدم اكتر لما بلاقى فى بعض محلات الميك اب ماركات معروفة وباسعار محترمة واحجام محترمة
زى مثلا ماركة لوريال
بجد حاجات كتير ممكن تلاقيها احسن بس شرط عشان تضمنيها هاتيها من صيدلية زى العزبى

Roraa كتب:

ayoya كتب:

ايويا حبيبتي وحشاني اخبارك
الاول بعتت لك طلب صداقة هنا و انتي لسة ماوافقتيش ليه ؟
ثانيا والله فعلا انا لو كنت حوشت الفلوس دي
كان زمان معايا مبلغ محترم
ان شاء الله يكون اخري الجريس و مش جايبة الميد نايت بيرل
لما تنزل تخفيضات زي زماااااااان 50 % يمكن يمكن نفكر
كنت بجيب منها حاجات كتيررررر و اسعارها يدوبك علي قدها
لاحظي حاجة برضة حاجات كتيررررر بعد مابشتريها بحس اني اتضحك عليا
والمفروض يكون عليها 75 % تخفيض كمان علشان يدوبك ده يكون سعرها
بس يالا الحمد لله علي كل حال نشتري طلبتنا و بناقص الهدايا
الللي يعجبنا نجيبه بفلوسنا مش عاوزين هدايا من حد
حتي عيد ميلادي في يناير مش عاوزة الماسكرا
بس لو غيروها ؟؟؟؟ افكر
هههههههههههههههههههه
عن عينات شهر نوفمبر 424858

فين يارورا ماوصلش لية طلبك ياقمر انا مصحباكي من زمان من غير طلب انا عايزة اقابلك في الشركة بس لسة محددتش يوم انزل ومش عارفة هقولك هنا امتي والساعة كام وهنعرف بعض ازاي لكن انتي حبيبتي من ايام الجيزة
عن عينات شهر نوفمبر 20726

سارة قدرى فهمى كتب:: كمان انا بتصدم لما بشوف حجم المنتجات بتكون صدمة لية وبندم انى جبتها وعلى فكرة يا ايويا انتى ورورا انا بتصدم اكتر لما بلاقى فى بعض محلات الميك اب ماركات معروفة وباسعار محترمة واحجام محترمة
زى مثلا ماركة لوريال
بجد حاجات كتير ممكن تلاقيها احسن بس شرط عشان تضمنيها هاتيها من صيدلية زى العزبى

انا زيك ياسارة في الراي بتصدم كتييييييير وخصوصا لماتيجي تقنعي حد بيها ويستهزأ بيكي فابلتالي مبترضيش تعرضي الكتالوج عليهم علشان مهزأش نفسي وانا في غني من دة كلة وبالنسبة من الماركات اللي بتقولي عليها انا كنت بشتريها من زمان كدة من العزبي وسيف وكنت بختار براحتي اللي عايزاة وضمناة

ربنا يبارك فيكي حبيبتي......دايما ذوقك سابقني
اااااااااااااااااااااه صح افتكرت ان ف عينة ميد نايت
بس هنا بيقولوا عيمة كريم اساس وحاجات تانية؟؟
مش فاهمة بقه اية ده!!!!

بيكون نازل كريم اساس فى كيس صغير للتجربه فبيكون على اد مره واحده
وياايويه ويا روره انا زيكم مش بشترى غير لنفسى وبدبس ماما معايا علشان تدفعلى الفلوس وجهزت كل الجهاز بتاعى وبتاع جوزى عندى جميع البرفانات الرجالى والحريمى والمكياج حتى ماكينه الحلاقه والمحفظه جيباها لجوزى من من اوريفليم علشان كده مش لقيا حاجه اجبها تانى عندى كل حاجه وبدل الواحده 2 و3 ومفيش فايده لسه بشترى

yamin كتب:: بيكون نازل كريم اساس فى كيس صغير للتجربه فبيكون على اد مره واحده
وياايويه ويا روره انا زيكم مش بشترى غير لنفسى وبدبس ماما معايا علشان تدفعلى الفلوس وجهزت كل الجهاز بتاعى وبتاع جوزى عندى جميع البرفانات الرجالى والحريمى والمكياج حتى ماكينه الحلاقه والمحفظه جيباها لجوزى من من اوريفليم علشان كده مش لقيا حاجه اجبها تانى عندى كل حاجه وبدل الواحده 2 و3 ومفيش فايده لسه بشترى

لأ يا ام يامن كده غلط
ده اسمة مرض يا حبيبتي حاجتين و تلاتة من المنتج الواحد حرام عليكيي
و لسة بتشتري كفاية بقي
عموما خلاص احنا اتفقنا لا تدبيس بعد اليوم
لا تراجع ولا استسلام

وأنا كمان معاكوا ولو أنى أتخذت قرار عدم شراء ألا ما يلزمنى من اكتر من سنه
اصل أنا قديمة فى أوريفليم من 2006 .يا سلااااااام كانت أيام جميلة والأسعار مكنتش رهيبه كده كانت برضة غالية بس كانت محتملة لكن دلوقت الدنيا كلها ولعت وهما فى اوريفليم طالعين فيها أووووى كاننا منقدرش نستغنى عنهم
وبعدين هداياهم كانت أقيم وأحلى من دلوقت ولسه بستعملها زى شنط الظهر وحقائب اليد الجميلة ومكنتش على نقط كتيره زى ما بيعملوا دلوقت وكان فيه كمان مصداقيه فى الكلام وتوافر فى المنتجات وحقك بتخديه حتى لو بعد ايه
لكن برضة لا ننكر ان منتجات أوريفليم محترمة وخاصة الخاصة بالعناية بالبشره ولكن نصيحتى ألا نشترى الا ما نحتاجه فعلا وبلاش نتوهم أو نتغر فى هداياهم وخاصاآآآآآ لو مش منتجات من أوريفليم لانها بتبقى أى كلام خالص ولا تسوى
وأقبلونى صديقة جديدة معاكوا يا أحلى منتدى وأحلى بنات فى الدنيا عن عينات شهر نوفمبر 20726

اهلا بيكى يا تميمه منوره المنتدى كله

اهلا بيكيي يا تميمة وانا فعلا معاكي
صاحبتي كانت بتجيب لي حاجات تحفة بأسعار معقولة
حاجات انا بعد مابقيت عضوة ما شفتهاش
كان فيه الوانات ماسكرا تجنن فين ايام زمااااااااان

قول الزمان ارجع يازمان
تفتكروا ممكن ترجع

ميرسى ليكوا جدا يا يامن ويا رورا
بجد أنتوا ناس زىىىى العسل
أما بالنسبة للزمان فلو جت على اوريفليم تهوووون لكن هنقول ايه على باقى الاسعار اللى حولينا ولا على الزحمة والخنقه ولا على كل حاجه اللى مبقلهاش طعم لا فاكهه ولا خضار ولا حتى الجبنة الفلمنك عن عينات شهر نوفمبر 424858

معلش اصلى كنت بحبها أوى ولا عن أخلاق الناس وسلوكياتها مع بعض
بقلكم ايه !!!
خلينا فى اوريفليم احسن عن عينات شهر نوفمبر 417400

ولكم كل حبى

السلام عليكم يا بناويت ..... كيفك يامن وايويا ورورا القمرات واهلا بيكى يا تمتوم
والله يا ايويا بيجيلى نفس الخاطر والفكره دى كتير ..... خصوصا لما اشترى البيرفيوم... والاقى اللى ب 300 واللى داخل على ال 400 .... اقول فى نفسى يابنتى انت هابله طيب ماتشترى اى ماركه سينيه احسن ... تخيلى انى قاطعت الماركات الاصليه كلها بعد ما عرفت اوريفلام ... والله الماركات بتقعد كتير جدا معاكى ... والله عندى مكياج شانيل ولانكوم وحاجات من ايستيه لودر وكلارانس قاعده معايا وزى الفل وقيمه بس الواحد استسهل يشترى الحاجات كلها من مكان واحد بدل ما يلف ويدور ..... وهى حاجات اوريفلام حلوه جدا وشيك بس كان سعرها كويس بالنسبه للجوده وكان بينافس الماركات بكده ... لكن دلوقتى بقى كتير قوى .... وكأنى بضحك على نفسى .... علشان كده انا هاعمل العضويه استفيد من عروض الكتالوج بس واكون محتاجه المنتج اولا طبعا ...... واشترى العروض اللى .. واو..وااااو
لان ربنا ميحبش المسرفين ولا السفهاء ... والرسول صلى الله عليه وسلم قال .... المسلم كيس فطن .. او كما قال

» عايزة مساعدة لو سمحتو باكواد عينات البرفانات
» الاشتراك من 1 الى 14 نوفمبر
» عينات المنتجات
» الاشتراك حتي أخر نوفمبر
» مفاجأة**عينات اوريفليم**تم تعديلها وتنظيمها