ممكن حد يساعدني

لو سمحتوا كنت عايزه اعرف عنوان الشركه بالكامل في القاهره ولو عايزه اعمل العضويه عن طريق النت اعملها ازاي وهتتعمل في قد ايه مع العلم اني اصلا عامله عضويه وعايزهاعمل واحده تانيه بس تحت الكود بتاعي وفي نفس الوقت عايزه اعملها مع مدام رشا بس اللي فهمته اني الاحسن اني اعملها تحت كودي لاني شغاله في برنامج ترحيب فعلشان استفيد من النقط اللي هعملها علي الاتنين
بليز حد يوضحلي اكتر والاهم اني لو عملت عضويه باي شكل هتوصلي امتي علشان انا عايزه اعمل اوردر ضروري بعد العيد مباشره
Wink

بصى يا قمر سهل انك تعملى عضويه تحتك لو هتروحى الشركه هتصورى البطاقه وتكتبى ان كود الراعى هو كودك انتى وبكده هتستفادى من النقط ولو روحتى الشركه هتعمايها بنفس اليوم او ممكن تبعتيها فاكس ودى كمان بتوصل فى نفس اليوم وبتتعمل بانك بتصورى البطاقه صوره واضحه جدا جدا جدا وش وظهر فى صفحه واحده وهتكتبى فيها العنوان بالتفصيل وارقام التليفون وكود الراعى الى هو كودك وتبعتيها على رقم الفاكس الى على ظهر الكتالوج وعلى العموم هو 02\ 26387416 وبعدها تتصلى بالشركه على 19662 وتقولى انك بعتى فاكس باسم ........ وتاكدى البيانات ووممكن تطلبى الاوردر فى نفس الوقت وهيوصلك تانى يوم وبكده برضوا هتكونى عملتى العضويه فى نفس اليوم اما بالنسبه للنت الى اعرفه انك بتبعتى للشركه صوره البطاقه بس الطريقه معرفش وعنوان الشركه فى القاهره فى اكتر من عنوان فى فى المعادى وفى فى المهندسين وفى فى مصر الجديده

ازيك يا يامن عاملة اية ؟؟؟
و فعلا اللي قالتة يامن مظبوط

تسلميلي يا يامن بجد اجابه وافيه ربنا يخليكي
وخلاص مدام بالفاكس كده سهل وممكن اعملها في نفس اليوم واطلب كمان في نفس اليوم يبقي كده تمام اوي ومش محتاجه اروح الشركه لاني من البحيره وهي بعيده عني فهصرف اكتر من مصاريف الشحن اصلا

walaa loaa كتب:: تسلميلي يا يامن بجد اجابه وافيه ربنا يخليكي
وخلاص مدام بالفاكس كده سهل وممكن اعملها في نفس اليوم واطلب كمان في نفس اليوم يبقي كده تمام اوي ومش محتاجه اروح الشركه لاني من البحيره وهي بعيده عني فهصرف اكتر من مصاريف الشحن اصلا

مغلبة نفسك ليه يا لولو
الاول كلام البنات مظبوط عن العضويه بالنت و الفاكس
بس انتي اقرب ليكيي اسكندرية اعتقد ساعة تقريبا من البحيرة
و عنوانها شارع كلية الطب في المنشية سهلة يعنيي

هي اسكندريه فعلا اقرب لي بس انا العضويه اللي انا عانلها اصلا كانت في فرع القاهره فعايزاهم يبقوا مع اعض علشان اطلب الاتنين مع بعض
طب هي مصاريف الشحن هتختلف من اسكندريه عن القاهره
وكمان هو ينفع اطلب من فرع اسكندريه بالعضويه اللي انا عمالها من القاهره عادي

عادى يا لولو انت أهم حاجة انك عارفة كودك وانت فى اى حته فى مصر ممكن تعملى الاوردر بتاعك سواء اسكندريه مصرالمنصورة اى فرع انت بتتصلى بقسم الشحن والاوردر يوصلك فى المكان اللى انت تحدديه

اما مصاريف الشحن فحسب النقط يعنى انت من البحيرة لو الاوردر اقل من 200 نقطة بيبقى ب 15ج ولو 200 بيبقى ب10ج ولوانت معك اكتر من عضوية ممكن تعملى اوردر مجمع والاوردر المجمع بعضويتين لحداكتر وده بيبقى اوفر فى الشحن
ارجعى لمصاريف الشحن وانت حتلاقى فيها الاوردرات المجمعةأوفر بكتير

لا انا كان قصدي اني لو طلبت الاوردر من اسكندريه يبقي المصاريف ارخص علي اساس انها اقرب لكن الظاهر انها نفس المصاريف
علي العموم تسلمولي كلكم بجد انتو زي العسل والله ومتعاونين خالص ربنا يجازيكم خير

لا المصاريف واحده وانتى تقدرى تطلبى من اى مكان انتى عاوزاه وعلى العموم تحت امرك

لا المصاريف واحده وانتى تقدرى تطلبى من اى مكان انتى عاوزاه وعلى العموم تحت امرك

دا انا طلبت النهارده اوردر واتصدمت احلي صدمه
في منتجات كتير مش موجوده وكمان سعر النقطه زاد واضطريت اشتري حاجات بزياده عن الاوردر اللي انا عايزاه علشان اكمل نقط ومش عارفه بعد الدربكه دي هيزودوا المكافات ولا ايه النظام
albino

لا يا جميل المكافاه زى ما هى على عدد النقط وكلنا بنعانى من ارتفاع سعر النقطه

حاجة وحشة اوى
النقطة زادت قيمتها
والاسعار كمان زادت
ومعدش حد عاوز يطلب من الكتالوج
وكمان لعروض اختفت
مش عارفة ليه كل دا
المفروض يسهلوا علينا شوية عشان نعرف نطلب

فعلا حاجه وحشه اوووووووووووووووووووى Sad

bembem كتب:: حاجة وحشة اوى
النقطة زادت قيمتها
والاسعار كمان زادت
ومعدش حد عاوز يطلب من الكتالوج
وكمان لعروض اختفت
مش عارفة ليه كل دا
المفروض يسهلوا علينا شوية عشان نعرف نطلب

طيب و ايه العمل
انا فاكره الاول ان انا لما كنت بشترى من صاحبتى اللى كان بيبقى معاها الكتالوج
ان الاسعار كانت ال من كده بكتيييييييييييييييييييييييييير
و كان فى عروض حلوة
لكن دلوقتى لا
طيب هو محدش يوصل شكوانا دى
و لا ايه بقا ممكن حد يساعدني 173375

الشركه بتبص للناس الى بتشترى وفى ناس مش مهم بالنسبه ليها فرق سعر النقطه فعلشان كده تشتكى او لا مش يهمهم فى حاجه لان فى الى بياخدوا منهم

طيب انا واحدة من الناس بشتري لنفسي اللي بحتاجة ومبركزش في النقط والهدايا قوي بس برضة الحاجات بقت غالية بزيادة ومبقتش اشتري لأن الأسعار مش عالية شوية دي عالية قوي واوقات بحس ان الحاجة مش مستاهلة كل السعر دة
انا بدات اضايق من الشركة اصلا

sobysoo كتب:: طيب انا واحدة من الناس بشتري لنفسي اللي بحتاجة ومبركزش في النقط والهدايا قوي بس برضة الحاجات بقت غالية بزيادة ومبقتش اشتري لأن الأسعار مش عالية شوية دي عالية قوي واوقات بحس ان الحاجة مش مستاهلة كل السعر دة
انا بدات اضايق من الشركة اصلا

انا اتضايقت من فترة طويلة
بس هنعمل ايه انا كمان بشتري لنفسي و لأختي
و كتير بكون زيك كده بحس ان الحاجة ماتستاهلش السعر ده كله
بس فيه حاجات بكون محتاجاها و بنضطر نجيبها
ربنا معانا يا بنتي

الى ينفع فى الشركه دى الناس الى بتبيع مش الى زينا لنفسه وبس لنفسه وبس يبقى هيفلس يعنى انا مطلوب منى اعمل كل شهر 100 نقطه على كودى علشان اقدر استفاد من النقط الى تحتى واخد مكافاه وياريت بيدونى المكافاه لا بيخصموا منها علشان مفيش فرق بين الى تحتى وبينى مستوين والفرق بس مستوى واحد والله ده حرام

السلام عليكم يا بنات .....أنا كنت بفكر أعمل عضويه لكن فى ظل كل الأجواء دى وكل المشاكل اللى بتتكلموا عنها شايفه الموضوع ملهوش لازمه بقى
أنا بطلب كل حاجاتى اللى عايزاها من واحده أعرفها وبتضايقنى إنها مش سريعه فى عمل الأوردر ودايما تقولى أغلب الحاجات اللى طلباها خلصت ... ومش عارفه بقى إيه الصح

Nuna كتب:: السلام عليكم يا بنات .....أنا كنت بفكر أعمل عضويه لكن فى ظل كل الأجواء دى وكل المشاكل اللى بتتكلموا عنها شايفه الموضوع ملهوش لازمه بقى
أنا بطلب كل حاجاتى اللى عايزاها من واحده أعرفها وبتضايقنى إنها مش سريعه فى عمل الأوردر ودايما تقولى أغلب الحاجات اللى طلباها خلصت ... ومش عارفه بقى إيه الصح

الصح انك تعملي عضويه لنفسك تشتري حاجاتك اول الشهر قبل ماتخلص
انتي مش هتشتغلي انتي مجرد حاجاتك و بس فهيفرق معاكي السعر
الخصم الـــــــ 23% مهما صاحبتك عملت لك خصومات مش هتكون نفس سعر الشراء
هتعرفي العروض الجديدة من هنا وكل البنات بتساعد بعضها بالمعلومات
انتي بس الاول هتتكلفي مشتروات كتيررر لمدة 3 شهور ( برنامج الترحيب )
ده في حالة انك عاوزة الهدايا - هدايا الترحيب -
لو مش فارق معاكي يبقي خلاص العضوية سنوية بــــــ 30 جنية
و ساعات كتيررر بتكون مجانية
يعنيي مستفادة مستفادة ان شاء الله و ربنا يوفقك

جزاكم الله خيرا يا رورا والله إنتوا بتكسفونى من سرعة الإستجابه والرد والإهتمام والمساعده الطيبه وأحلى روح تعاون منكم حتى مع الأعضاء الجدد زيى ربنا يبارك فيكم ويكرمكم يا رب وييسر كل أمور حياتكم
يعنى يا رورا إنت شايفه كده ؟......طيب أنا سمعت إن العضويه أوقات بتبقى مجانا ...أنا أعرف إزاى إن العضويه مجانا فى شهر معين ؟

اهلا بيكي معانا يانونا
بصي هتعرفي كل حاجة من هنا في المنتدي عند اوريفليم العروض الجديدة والاخبار هتلاقي كل شهر مدام رشا واستاذ عصام بينزلوا برنامج الترحيب بتاع الشهر وهدايا الترحيب للقدامي وهيقولولك العضوية مجانية ولا لا في الشهر وانا بنصحك تعملي عضويتك تبع مدام رشا لانها هتفيدك جدا جدا وممكن تبعتلها صورة البطاقة واسمك والعنوان وهي تعملك العضوية تبعها من غير ماتتعبي نفسك وتروحي الشركة وتطلبي منتاجاتك شحن وتوصلك البيت

جزاكى الله كل خير يا أيويا ياحبيبتى وشكرا جزيلا لتعاونك ياحبيبه قلبى .... أنا فعلا عايزه أعمل العضويه مع مدام رشا إن شاء الله
أنا حبيتكم جدا فى الله من قبل ما أتعامل معاكم لإنسانيتكم وحرصكم على مصلحة بعض .... ربنا ييسر للجميع أحواله ويسع رزق الجميع.

كان نفسى اساعدك واخد دعوه حلوه من دعواتك بس رورا وايويا سبقونى يالا تتعوض مره تانيه ونورتى المنتدى واهلا بيكى عضويه وصديقه لينا

ربنا يجازيكي كل خير ياأم يامن انتي غالية عالينا جدا وخدومة كفاية انك بقالك شهر وشوية بس مشتركة في المنتدي وبقيتي عضو مميز جدا من كتر ما بتهتمي بالرد علي كل سؤال
جزاكي اللة كل خير

يامن ياحبيبة قلبى .. انا لسه شايفه ردك دلوقتى حالا والله
لا والله ما يهون عليا زعلك ابدا ... ويا رب يوسع رزقك ياحبيبتى ويرزقك رزق حلال طيب واسع يرضى عنه ويراضيكى بيه ... ويبارك فى ذريتك ويجعلهم من الصالحين المهديين ويقر عينك بيهم ويجعلهم من حفظة القرآن ويجعلهم قرآن يمشون على الارض ويعيذهم من الشيطان الرجيم ويحفظهم لك
اهو ياستى ولا تزعلى ابدا ... تامرى بايه تانى يا قمرايه

هههههههههه
والله انتو كلكم عسل بس ايه رائيك يا نونا تدعيلي لكل اعضاء المنتدي وانا اولهم طبعا

اللهم امين
تسلمى يا نونه على الدعوه الجميله ده ربنا يباركلك يارب ويحقق لكى كل الى تتمنيه لكى واولادك
وتسلمى يا ايويه يارب ده اقل واجب عليا على ناس محترمين وجمال زيكوا كده

والله ما عندى مانع يا ولاء ... اصل انا لئيمه ... انت متعرفيش انك لما تدعى لمسلم بظهر الغيب يقف ملك ويقول ولك مثله ولك مثله ... تخيلى بقى انت ان ملك يؤمن على دعائك او يدعيلك .... ملك من الملائكه وهم لايعصون الله ما أمرهم ... ويسبحوه ويوحدوه ويحمدوه منذ خلقهم الله عز وجل والى قيام الساعه ... تخيلى انت بقى ... غير ان الرسول صلى الله عليه وسلم قال " لا يؤمن أحدكم حتى يحب لأخيه ما يحب لنفسه " أو كما قال ....
الإسلام نعمه عظيمه يا ولاء تستحق الحمد