سؤال عن كريم للعيون ضروري

ممكن حد يفيدني ضروري عن كريم عيون مناسب عايزة اختار بين اتنين  الأول بلسم العين بالخميرة كود 18675 _  والتاني  كريم العين متعدد الفوئد كود 10796 . انا عندي 25 سنة  عندي هالات وخطوط رفيعة تحت العين . ولو في حاجة احسن منهم  ياريت اي حد مجرب يقوللي ضروري انا هاطلب الاوردر انهاردة . سوري هاتعبكم معايا

7ad yrod 3alaya plz

انا قريب سألت السؤال دة وقالولي هنا في المنتدي ان الكريم متعدد الفوائد احسن حاجة

علي فكرة امبارح كنت بتفرج علي برنامج كان مستضيف دكتور عيون وأتكلم عن الأنتفاخات والهالات
ونفسي افرغلكم الحلقة لأنها كانت حلوة قوي
ومن ضمن الحاجات اللي قالها علي الهالات كأسباب لحدوثها وممكن كلنا نبقي بنعملها واحنا مش مركزين اننا بنرهق منطقة العين بحط مكياج ونشيلة بأستمرار فالأحتكاك في المنطقة دي بيؤدي لتحفيز الخلايا الصبغية اللي بتسبب اللون الأسود
ولو حابين ابقي الخصلكم الحلقة ابقوا قولولي

ياريت ياسوبيسو ياقمر قوليلنا الملخص هنتعبك معانا

ولا تعب ولا اي حاجة
الحلقة كانت عن الهالات والأنتفاخات اية اسبابها وممكن تتعالج وازاي
اولا الأنتفاخات:
هي دهون وظهرت نتيجة ان العضلات حول العين ضعيفة فالدهون دي برزت للأمام
اسبابها:
-اسباب وراثية
-الألعاب العنيفة مثل رفع الأثقال,بعض الأعمال مثل النفخ في الزجاج,بعض الناس المصابين بأمراض معينة مثل الأمساك المزمن
علاجها:
افضل علاج ويعتبر الوحيد التدخل الجراحي
والدكتور قال ان الكريمات والحاجات التانية ممكن يبقي ليها تأثير بس بسيط جدااااااااااا
والجراحة ممكن ترجع تاني بعد 8-10 سنوات وهتحتاج تتعمل تاني
وهي بسيطة بجرح من الداخل وتستغرق حوالي ساعة الأ ربع فقط والمريض بيروح بعد ساعة من العملية
وممكن يبقي في ورم او زرقان بس بيروح بعد العملية

بالنسبة للهالات:
هي اصلا عبارة عن خلايا صبغية وهي دي اللي بتدي اللون الغامق وهدفها حماية المنطقة اللي بتظهر فيها
وبتتركز في مناطق الأحتكاك,فمثلا بطن اليد افتح من ظهر اليد وكذلك الكوع غامق لأنة منطقة احتكاك فالخلايا الصبغية بتظهر فية لحماية الجلد
اسبابها:
-الوراثة
-التعرض للشمس
-تعريض هذة المنطقة للأحتكاك المستمر مثل وضع مستحضرات التجميل وازالتها باستمرار والمبالغة في وضع الكريمات
-التعب والأرهاق
-نقص الفيتامينات
العلاج:
تجنب التعرض للشمس
النوم الكافي
تناول الفيتامينات والتغذية الجيدة
اراحة هذة المنطقة
وكمان الدكتور قال ان لو في كريم فية فيتامينk هيبقي كويس ومفيد
وقال ان مفيش علاج بالليزر ولا باي حاجة للموضوع دة
الواحد بس ياخذ بالأسباب ويتجنب المسببات
يــــــــــــــــــــــــــرب مكنش نسيت حاجة واكون افادتكم

روبي كتب:

ممكن حد يفيدني ضروري عن كريم عيون مناسب عايزة اختار بين اتنين الأول بلسم العين بالخميرة كود 18675 _ والتاني كريم العين متعدد الفوئد كود 10796 . انا عندي 25 سنة عندي هالات وخطوط رفيعة تحت العين . ولو في حاجة احسن منهم ياريت اي حد مجرب يقوللي ضروري انا هاطلب الاوردر انهاردة . سوري هاتعبكم معايا

كريم العين متعدد الفوائد تحفه بس عاوز استمرار

thank you lekom kteeer ana t3abtokom m3aya

7elw kteer elly enty ktbah ya sobysoo thank you

العفو يا قمر علي اية
هتلاقيني دايما لو احتاجتي اي حاجة