عندي مشكلة رجاء الأهتمام

يا جماعة انا عندي مشكلة وياريت لو حد يقولي ممكن اعمل اية
انا اشتريت اول الشهر قلم اي لاينر ولما استلمتة لقيت سن القلم نازل لتحت حسيت ان في عيب
فقلت للي اداني الحاجة فبصلي كأني بتدلع او بهرج وقالي ابقي ابرية
انا روحت وكنت جايباة لمامتي لما شافتة قلتلها اللي حصل وافتكرنا اننا لما هنبرية الموضوع هينتهي
بس المشكلة ان ماما سابتة وجربت بس امبارح تستعملة ولما برتة لقت السن بردو بيحخل لجوة هو القلم في عيب صناعة ان السن حجمة اصغر من حجم القلم فمهما بريناة هيفضل واسع وبينزل
مش عارفة اعمل اية
انا هروح بكرة وهقولهم اللي حصل
ونفسي اشتكي اللي قالي ابري القلم دة
بس مش عارفة هيرضوا يرجعوة ولا لأ لأن عدي علية 5 ايام طبعا
وفي نفس الوقت هو عيب صناعة وقلة ذوق من العامل
واكيد انا كمان غلطانة اني مأصرتش ابدلة بس كسفني
قولولي ممكن اعمل اية ضرووووووووووري
لأني رايحة بكرة

حد يرد بليييييييييييييييييييييييييييييييييز

اولا لو انتي طالبة شحن فالعامل ملهوش دعوة خالص بالشركة لان الشحن دة شركة توصيل متفقة مع اوريفليم فقط ملهوش دعوة بالمنتج اي نعم دي قلة ذوق منة بس كان ممكن يقولك اتصلي بالشركة وقوليلهم مش يقولك ابرية
ثانيا انا مش فاهمة قصدك في السطر الخامس اللي فهمتة ان القلم فية عيب ان سنة تخين القلم دة هو اللي نازل في الكتالوج ب19 جنية اصلي جبتهم كلهم لو هوة القلم دة السن بيفضل تخين بس مش قوي هوة سنة كدة مش ببوز بيبقي مقوس كدة من فوق لكن القلم اللي نازل للحواجب بيبقي ببوز لانة ناشف عن القلم الكحل بيبقي طري عشان مش يجرح العين

شكرا علي اهتمامك يا ايويا
بصي انا جبت القلم من من الفرع يعني العامل اللي في الأستلام فوق هو اللي قالي كدة
بالنسبة لمشكلة القلم بصي انا جايباة موف الأنبوبة الموف بقي دي بتطلع من القلم كلهاوالقلم بيبقي فاضي يعني مش متثبتين فبعض
فهو عيب تصنيع

زي مقلت المشكله وقلت حاجه وحشه قابلتني لازم برضه اقول ايه اللي حصل معايا
انا رحت بعدها وقلت اجرب وخلاص لأني عارفه ان وقت اعاده القلم كان فات خلاص وقلت للكاشير وشرحتله القصه كلها فأتأسفلي كتيير وقالي مفيش اي مشكله اطلعيله فوق وانا هخليه يبدلهولك عشان ده عيب تصنيع ,وكان ذوق جدا ما شاء الله

كمان في حاجه مهمه قوي عشان دي رد المظالم
انا كنت كتبت برضه في موضوع بس للأسف مش عارفه ارجعله تاني ان كان ليا مكافأه ورحت بعدها واشتريت حاجات وكان المفروض ان المكافأه نزلت ومتخصمتش من الفاتوره
وفات شهور وسلمت امري لله وقلت خلاص كده اكلوها عليا وكنت مضايقه قوي
رحت بقي الأسبوع اللي فات وكنت بشتري حاجات عادي وهما بيقولولي حسابك كذا قالولي في مكافأه مخدتيهاش وخصموها
فرحت قوي عشان اتخصمت وزعلت قوي عشان ظلمتهم
فقلت لازم اقولكم زي ما اشتيك لازم تعرفوا هما عملوا معايا ايه

مبروك المكافاه يا قمر

مبروك المكاقاه وكويس منك انك زى ما قولتى الوحش قولتى الكويس

ر
قبل ما مشى راجعى على كل حاجه و متنقتنعيش بكلام حد لانهم بيبقوا عايزين يريحوا دماغهم

و مبروك للمكافاه

مبروك للمكافأه يا جميل
وبرافوا عليكى زى ما حكيتى الوحش حكيتى الحلو

سابيسو حبيبتي
انتي حد كويس قووووووي بيديي كل ذي حق حقه
تستاهلي كل خير
اوعي تتغيري يا بنتي خلي الخير اللي جواكي طول عمرك كده
عندي مشكلة رجاء الأهتمام 20726

الله يبارك فيكو يا حبايبي
الصراحه مكنتش متوقع الرد فعل الحلو ده منكم
ومتشكره قوي يا رورو علي الكلام الجميل ده يارب اكون كده فعلا وربنا يثبتنا جميعا علي الحق

مبروك ياسوبيسو ياقمر علي مكافأتك
وانتي اخدتي مكافأة تانية من ربنا علي طيبة قلبك وروحك الجميلة لانك قولتي اللي حصل معاكي من سوء وبعد كدة حكيتي الخير علشان متظلميش حد خالص ومبروك عليكي القلم ياقمر ياجميلة انا حاسة انك عاملة زي الطفل البرئ من اسلوب كلامك وطبعا مفيش اجمل من براءة الاطفال

ربنا يخليكي يا ايويا
عارفين يابنات انا بسمع التعليقات دي من ناس شايفاني وبتتعامل معايا وسبحان الله رغم اننا مش بنشوف بعض(بس فعلا بنشوف بعض بقلوبنا)بلاقي اوقات ردود فعل كأنكم شايفيني
ويارب اكون فعلا حاجه حلوة كده زي ما بتقولولي

واظاهر يا ايويا ان عشان الأطفال تخصصي فبهتوا عليا
هههههههههههههههه
سبحان الله

دي احلي حاجة ان الاطفال يبهتوا عليكي وتاني حاجة احنا بنشوف بعض بفكرنا وعقلنا وردودنا علي بعض كل واحدة فينا رسمة صورة لشكل كل واحدة بحسب طبيعة ردودها فهنا بنحب بعض من غير مظهر كل واحد

بارك الله فيكى يا سوبيسو وثبتك على الحق
فعلا يا جماعة الخير والحق حلوييييييييييين اوى
ودايما ينتصروا
يارب اهدى جميع المسلمين والمسلمات

فعلا يا جماعه احلى حاجه فى صدقتنا وحبنا لبعض انه اتبنى على الفطره مش المظهر وكده وكل واحده فينا بتحب التانيه لان كلنا شبه بعض ومشتركين فى حاجات كتير ونتمنى ان الصداقه والمحبه تستمر ويارب لو ربنا اراد واتجمعنا علشان تكمل اللمه الحلوه ونبقى عارفين بعض كتابه وصوره هههههههههههههههه

امييييييييييين ي رب العالمين

yamin كتب:: فعلا يا جماعه احلى حاجه فى صدقتنا وحبنا لبعض انه اتبنى على الفطره مش المظهر وكده وكل واحده فينا بتحب التانيه لان كلنا شبه بعض ومشتركين فى حاجات كتير ونتمنى ان الصداقه والمحبه تستمر ويارب لو ربنا اراد واتجمعنا علشان تكمل اللمه الحلوه ونبقى عارفين بعض كتابه وصوره هههههههههههههههه

تصدقي يا يامن تبقي فكرة حلوة قوووووووووووي
ايه رأيكم نتفق علي مكان و ميعاد نتقابل فيه كلنا
انا عارفه انه صعب بس مش مستحيل
نشوف ايه اقرب مكان لينا و نحدد يوم و ساعة و نتقابل
هتقوليلي انا من طنطا و القاهرة بعيد
وانا كمان من الزقازيق بس لو عاوزين هنتقابل
يالا يا بنات فكروا في مكان
و ردوا عليا

انا موافقه اي مكان في القاهره انا معاكو

او الجيزه
هههههههههههههههههههه

ياريت بجد بس تقريبا مش هتنفع غير يوم اجازه علشان الى معاها اولاد مطلعين عنيهازى يامن باشاكده اعرف اسيبه او اخده معايا بس ميكنش ورايا حاجه فى البيت واكيد كل المتجوزين رايهم هيكون زى ما انا بقول ولا ايه

yamin كتب:: ياريت بجد بس تقريبا مش هتنفع غير يوم اجازه علشان الى معاها اولاد مطلعين عنيهازى يامن باشاكده اعرف اسيبه او اخده معايا بس ميكنش ورايا حاجه فى البيت واكيد كل المتجوزين رايهم هيكون زى ما انا بقول ولا ايه

طبعا يا حبيبتي يوم اجازة
انا اتنقلت اصلا من القاهرة
و بعدين علشان نقعد براحتنا ساعتين تلاتة
فكروا بس في مكان

اي مطعم زي كوك دور مثلا
بس فرع كبير شويه عشان نعرف نقعد براحتنا والأنتظار والتجمع ميكنش محرج
وتكون كل واحده قايله هي هتلبس ايه

او اي نادي وده افضل برضه

» عندي مشكلة في بشرتي ومحتارة
» عندي مشكلة في بشرتي وعايزة حل من منتجات اوريفليم
» رجاء عايزاه صورة اسكرب الشفايف اللى فى العرض
» حفل تكريم فى دمنهور(رجاء دخول حد من الاداره)
» رجاء من مدام رشا برنامج اعمال يناير