اللى من اسيوط تقولى رأيها

ياريت كل اللى من اسيوط يقولولى رأيهم فى محل شيزيل بتاع المفروشات اللى فى شارع بورسعيد لانه بصراحة عنده حاجات جمييييلة جدا وذوقه عالى بس انا حاسة ان اسعاره كمان غالية واتمنى من ايمى تكون عارفاه وتجاوبنى وشكرا اللى من اسيوط تقولى رأيها 20726

حبيبتى محل شيزل فعلا من المحلات الحلوة اوى وزوقها عالى هى اسعارة عالية بس انا حاسة ان هى دى الاسعار دلوقت كلها وكمان فى محل اسمة دانتيلا فى حاجات ظريفة برضوفو وماهر افندى بيقولو فى سواريهات ظريفة بس الصراحة انا بجيب من شبزل لانى قليل اوى لما افصل وسررت بالتعرف عليكى واى خدمة اللى من اسيوط تقولى رأيها 793671

amirayhia
انا مبسوطة منك جدا يا اميرة الاميرات عشان جاوبتينى واغلب حاجتى من اسيوط ودايما بروح عند ماهر افندى وجانتى كمان حاجته حلوة وبصراحة انا دايما بفصل لان الجاهز كسوة المخدة اكبر منه عندنا والقماش زى الكساء الشعبى تمشى فى الشارع تلاقى كله شبه بعضه وانا كان قصدى على المفروشات عشان انا عايزة اغير كسوة الانتريه بتاعى ولقيت عنده حاجات روعة وكمان حبة ستاير تحفة حقيقى تجنن وكمان يا عايزاكى تقوليلى فين عنوان دانتيلا ده بالظبط

اى خدمة يا قمر .هو دانتلا فى شارع محمد على مكارم عند مدرسة النهضة فى الحودات اللى هناك معلش مش عارفة فى اى حودة منهم بس انت لو وصلت هناك اسئلى وهما هيقولولك بس لو انت عايزة قماش مفروشات خليكى فى شيزيل والعجار عندة حاجات تحفة بس غالية حبتين لكن بتعيش وتستحمل يا رب اكون افدتك وان شاء الله نتعرف على بعض اكتر ونتقابل كمان اللى من اسيوط تقولى رأيها 855315

يارب نتقابل بجد المنتدى جميل اوى وانا قابلت امسيف وهى شخصية محترمة جدا وحبوبة كمان وعرفتها عن طريق المنتدى الجميل بتاعنا ده بس اللى من اسيوط تقولى رأيها 43725

يا اميراية هو العجار ده فين شارع ايه ؟ وميرسى اوى اوى اوى على تعبك معايا اللى من اسيوط تقولى رأيها 363247

العجار جنب سينما رينيسانس الجديدة والكل عارفة ولو ركبتى تاكسى قوليلو ودينى عند العجار اللى جنب السينما واى خدمة اللى من اسيوط تقولى رأيها 793671

ميرسى كتيييير كتيييير ليكى يا امر
اللى من اسيوط تقولى رأيها 530346

بصى يا حبيبتى شيزل ده فى شارع الجمهوريه مش بورسعيد يا قمر هو حجاته جميله اوى بس غاليه جدا
بصى فى برده محل حلو اوى اسمه جانتى ده جنب ميكس بتاع الهدوم فى وش برج صبره برده فى حجات جميله اوى
انا لسه مشتريه قماشه سورايه بعد ما لفيت كل المحلات واحلى حاجه لقيتها فى جانتى جبت المتر ب180 رحت شيزل لقيت نفس القماشه بس بيضا لفساتين الافراح تخيلى لقيت المتر ب800
روحى جانتيى وان شاء الله تلاقى حجات حلوه يا قمر
بس هو محل اقمشه مش مفروشات يعنى انا قماش الانتريه بتاعى جبته من شيزل وقماش الصالون تحفه بردو من العجار اللى جنب سينما رينيسانس

يا خبر ابييييييييييييييييييييض من 180 ل 800 جنيه يا ايمى بس فرق مرعب

» اللى جربت تقولى ضرورى
» ياريت يا بنات اللى تعرف تقولى
» احمر الشفاه اللى ع شكل قلب هل فى وسطه جليتر او ملمع زى اللى ف الصورة
» استفسار ...وارجو سرعة الرد
» كريم الاساس اللى بالاكسجين اللى عنده معلومه عنه؟؟؟؟؟؟