فيييين الصعيد من فروع اوريفليم؟؟؟؟؟؟

هو ليه يا جماعة الصعيد دايما منسى وحقنا فيه بيضيع يعنى لو اتعمل لكل محافظة فرع لاوريفليم ده هيكون كتير علينا ؟؟؟؟؟؟ يا ريت كل اللى بيطلبو شحن من الصعيد يشاركونى رأيهم فى الموضوع ده ويا ريت كمان مدام رشا والاستاذ عصام يوصلو صوتى للمسئولين فى الشركة ويكون الموضوع ده موضوع مفتوح للنقاش وانا مستنية أرائكم وشكرا

يا حول الله يا رب ده مفيش حد عاق على الموضوع خالص طيب ليه كده يا جماعة وانت فين يا مدام رشا بكدة انا بجد اسفة على كل الاعضاء اللى شاركت معاهم فى موضوعاتهم

اولا انا بشكرك يا استاذ عصام جدا على ردك على ثانيا انا معاك انى احنا 28 محافظة طيب فى حل وسط ممكن مثلا يختاروا اماكن معروفة والحركة فيها كتير زى مثلا محافظة الاقصر ومحافظة اسيوط وانا اعتقد ان اغلب البنوك والشركات عندهم فروع فى المحافظتين دول ولما يفتحوا فرع واحد فيهم ( المحافظتين ) او واحدة منهم اولا انا فى راى الشخصى هيزيد عدد الاعضاء لانهم هيروحوا الفرع ويوفروا الشحن او اللى هيشحن شحنه هيقل كتير من انهم يشحنوا من القاهرة واتمنى ان الموضوع ده يتفتح تانى للنقاش وبشكرك مرة تانية لاهتمامك واتمنى ان مدام رشا تقولى رايها والسادة الاعضاء الافاضل اللى محد فيهم حتى كلف نفسه وعلق بكلمة واحدة وشكرا

شكرا ياالفى على الموضوع الجميل ده بس محدش هيحس بمتاعب الشحن غير اللى بيتعاملوا معاه زينا احنا كده
وبعد كده انا قولتلك ياريت نتعرف على بعض مدام احنا من بلد واحده يمكن ننفع بعض ياريت لو تحبى يعنى

انا اتمنى يا ام سيف بس ازاى

عايزة اعرف رأيك فى بتاع بكرة اللى احنا بنتفرج عليه وبس

معقولة انا وانت بس الغلابة اللى بنشحن فى المنتدى ده يا ام سيف ؟؟؟؟؟

معقولة يا ام سيف مفيش غير انا وانت بس اللى من الصعيد فى المنتدى ؟؟
طب ايه رأيك لو نفضل وراهم فى الموضوع ده يعنى انا سمعت ان فى محافظة الاقصر هيفتحوا كارفور واتخصصته ارض عند المطار على ما اعتقد ليه ميبقاش فيه اوريفليم ؟؟؟؟هو صحيح كارفور قدامه وقت طويل شوية بس لو احنا طابنا واتكلمنا اكيد فى حد هيسمعنا واكيد الاستاذ عصام ومدام رشا هيفتحوا الموضوع ده تانى هو مش معنى انه اتفتح قبل كده يبقى خلاص انتهى الكلام فى الموضوع مهى الدنيا بتتطور والاقصر بقت محافظة ولا ايه؟؟؟؟

السلام عليكم
انا برده من البحر الاحمر القصير بعاني من شركات الشحن وبتخنق من مندوبين بتنظرهم كتير ياريت لو يعملو فرع في الغردقه او نستلم عن طريق البريد افضل

اهلا بيكى يا فاطمة ونورتينا اتمنى انك متسكتيش على الموضوع ده ويا ريت لو تعرفى حد تانى من الصعيد وبيعانى نفس مشاكلنا يشاركنا اتعبنا وهمومنا لان زى ما قالت ام سيف محدش هيحس بينا غير اللى بيعانى من نفس مشاكلنا وانا باعاتب الاستاذ عصام بس بكل محبة من عشمى فيه لانه دخل المنتدى وخرج وماقليش رايه تانى يعنى هو رد على مرة وخلاص بس الكلام اخد وعطا

ازيك ياالفى ويارب تكونى بخير على فكره انتى شوفتى الموضوع بتاع تعالوا وشوفوا اوريفليم فى قنا
وعرفتى مكانى انا موجوده فى المعرض كل يوم من الساعه 7 حتى الساعه 10 مساءا ولو جيتى وكنت مش موجوده هتلاقى اعلان قدام باب نقابة التطبيقيين بقنا بجوار قصر الثقافه عليه ارقام التليفونات
هستناكى وانا نفسى بجد نتعرف على بعض لان ايد لوحدها متسقفش عاوزين نبقى مجموعه ونعمل حاجات كتيره جدا كويسه ونعرف اراء بعضنا ونحل مشاكلنا ونساعد بعض فى اى حاجه تخص اوريفليم

elive بجد انتا ممتاااااااااااااااااااااااااااااز انا اصلا سجلت فى المنتدى علشان الموضوع ده بالذات
اولا انا من الاقصر واسعار المكياجات فى الاقصر نااااااااااااار طبعا لان كل المحلات شغاله مع مناديب من القاهرة يعنى المحل بيتصل بالمندوب من القاهرة ويطلب منه الاوردر والمندوب يجيبه لغايه عنده بس فى مشكله هو ان الشخص ده مش مندوب اصلا الشخص ده مجرد واحد اشترى بضاعه وعمل لنفسه اسم فى محافظات منسيه زى الاقصر فبيدى المحلات غالى وطبعا المحل بيغلى اكتر على الزبوبن والزبون بيشترى
ونا والله ليا شهر عمال اجرى عايز افهم وياريت استاذ عصام ولا مدام رشا ولا اى حد يفهمنى ومعلش استحملونى بس علاشن انا لسه جديد مش فاهم اى حاجه دلوقتى انا عايز طلبيه بضاعه بمبلغ ولنفترض من تلاتين لخمسين الف ايه اللميزات اللى انا حاخدها وطرق التعامل بعد كده حتبقى ازاى واعرف اسعار كل حاجه منين لانى مش عارف اوصل لبرموشن الشركه وكمان المفروض ان كل الكميه ما تزيد العروض تزيد سواء اذا كان بالنقط او بالتخفيضات خصوصا وانى حبقى نقطه وصل بين الشركه وبين المحلات بس يكون فى العلم ان مش شغال لحساب اورفيليم بس ده نا كمان حجيب شغل تانى من شركات تانيه وطبعا اللى حيمشى فى السوق وفقا للاسعار والجوده حيبقى عليه الضغط طتير
بجد نفسى حد يفهمنى

اهلا بيك يااسر فى المنتدى شرفتنا احنا طبعا كلنا هنا مجموعه واحده تبع مدام رشا واستاذ عصام حضرتك ممكن تتصل بيهم وتبلغهم اللى انت عاوزه وهما هيفهموك كل حاجه ومش هيتأخروا عليك وارقامهم موجوده هنا على المنتدى اتمنى ليك النجاح ويارب اكون افدتك

يا جماعه الموضوع مش قاصر على الصعيد وبس وكمان الشرقيه مع انها محافظه كبيره بس كمان مافيهاش فرع
ومحدش حاسس بمشاكل الشحن ولا اسعاره
لو تعرفوا انا قررت خلا ص اشترى المنتجات من مندوب اوفر واحسن

انا برحب بيك جدا يا اسر وانا كمان بهديك بوكيه الورد ده عشان مشاركتك الجميلة معانا واتمنى ان دى تكون اول مشاركة بس مش الاخيرة وتعلى صوتك معانا فى موضوع اوريفليم الاقصر وانا بصراحة امنية حياتى انهم يفتحوا فرع عندكوا رغم انى انا من قنا بس برجح الاقصر طبعا لانها قريب جدا هتبقى مدينة عالمية طبعا بفضل الدكتور سمير فرج ومجهوداته الرائعة

بس يا توتو انت لو عملتى كده بشجعى الناس انهم يزودا تجارتهم فى المحروق اكتر وبصراحة ده ميرضيش ربنا انا مش عايزاكى يبقى نفسك اوصير انت لازم تجاهدى وتحاربى الناس دى انا ياما فى ناس بعتتلى انى انا اسيب العضوية واخد منهم اللى انا عايزاه بس مش بوافق وكمان عرضوا على 30 % على عرض الكتالولج بس فى حاجة عايزة اوضحهالك لو جاتلك حاجة منهم بايظة مش هايغيروهالك طبعا لانها مركونه عندهم وربنا معاكى يا توتو

كويس كده يا ام سيف انا ان شاء الله فى اقرب فرصة هتلاقينى قدامك

كويس كده يا ام سيف فى اقرب فرصه هتلاقينى قدامك

انا كمان نفسى اشوفك يا ام سيف وان شاء الله فى اقرب فرصه هتلاقينى قدامك

تنورينى ياالفى وان شاء الله هنبقى اصحاب ونعمل عصابه اورفلاميه قناوية وبكده نكون اخدنا تارنا ياريت تجيلى قبل يوم السبت عشان فى مفاجأه حلوه نفسى تكونى معانا فيها حاولى تجيلى عشان تعرفى التفاصيل

شوقينى وحلوة منك عصابة اوريفلامية قناوية دى هههههههههههههههههه ربنا يسهل ان شاء الله هاجيلك

فيه ناس كتير بتشتكى من الشحن بس اوحش شحن واغلى سعر شحن هو الصعيد حتى فى تفرقه فى اسعار الشحن بين المحافظات انا بدفع 30 جنيه على كل طلبيه يعنى لوعملتلى 3 طلبيات هقفل 100 جنيه فى الشهر وياريت فيه عدل بينى وبين اللى فى الفروع يعنى مثلا مفيش ايام عنايه للبشره وتنضيف بخار واوزون اللى بيعمل ميت نقطه واديكوا شايفين الهدايا والتفرقه الواضحه مع ان المفروض لو فيه تفرقه تكون فى صالح الشحن عشان يعوضوه عن الفلوس اللى بنفعها شحن ويدفعوا الناس انها تتطلب مش الواحد دمه يتحرق من الظلم كفايه انى مش بشوف الحاجه غير على الورق وبتكون طبعا فيه فرق فى الحجم مش متوقع واهو النهارده طلبت برفيوم حريمى جالى رجالى فى الشحن ومش عارفه اعمل ايه واكيد اللى طالباه منى مش هتاخده وهدبس انا فيه وطبعا اللى بيجيب الشحن لما ياخد بقشيش واللى يفرس سعات الراجل يتصل يقولى ليكى طلبيه تعالى استلميها وانزل اركب تاكسى واروح شركه الشحن واشيل الطلبيه
انا اصلا اكتر جزء بكرهه هو جزء الشحن ده بجد نفسى يكون فيه فرع لاورفليم فى اسيوط دى محافظه كبيره جدا وكل الشركات والبنوك والمطاعم والتوكيلات فاتحه فيها بس للاسف مفيش اورفليم

اولا انا مبسوطة منك يا ايمى لانك شاركتينى موضوعى ودى نفس مشاكل الشحن اللى عندنا والموظفين اللى فى شركة الشحن مش بيقدرهم ربنا ويتصلوا عشان يقولولى ان فى طلبية بأسمى وفى مرة اعدت هندهم 4 ايام ولما اتصلت بيهم قالولى اه فى حاجة باسمكاما بالنسبة للبرفان اللى جه رجالى بدل الحريمى كل هاتعمليه هتتصلى 19662 ( رقم الشحن ) وتقوليلهم يعملولك مرتجع بس ده هيكون على طلبية جديدة طبعا يعنى لو معملتيش اوردر تانى الشهر هتتحملى بيها يا غلبانة للشهر الجاى بس لازم تأكدى عليهم على المرتجع والافضل انك تكونى بتتعاملى مع حد معين من الشركة تكونى عارفة اسمه يعنى لما تتصلى تقولى انا عايزة فلان او فلانة وبعد ما يوصلهم المرتجع هيبعتولك حاجتك على طول بس ده لوكان فى منه فى الشركة طبعا لانه لو مش موجود هتستنيه توفوضى امرك لله بس لازم تتابعيهم بالتليفون وعايزة اقولك اسيوط دى بلد جميلة انا جوزى دايما بيحب ها لانه اخد 4 سنين فى كلية تجارة فيها ومن حبه الكبير لاسيوط بنروحها كتييير بالعربية