موضوع فى غاية الاهمية ارجو من الجميع الدخول

والله يا مى انا حصل معايا شىء يشبه ذلك عرضت على ناس منتجات اوريفليم والله بارخص من الكتالوج بس ما بخسر طبعا قامت واحدة قالت لى انها بره ارخص لدرجة انى لقيت برفان انيجما فى محل ب 110 يعنى ارخص من اننا الاعضاء بناخدها وحصل برده وانا فى فرع الشركة كان فى زحمة جامدة جدا اتسرق منى برفان امبريس الجديد وانت عارفة تمنه قد ايه فانا قلت اكيد اللى سرقها بيبعا للمحلات برخص التراب زى ما شفت انيجما ياريت فعلا الشركة تحد من الذين يشترون المنتجات بكميات كبيرة جدا لتجميع النقاط وف الاخر يضربونا فى السوق
حرررررررررررررررررررررررررررررام عليهم

وشكرا لك يا مى انك طرحتى هذا الموضوع على المنتدى

فعلا كلامك مظبوط يا مى انا اصلا بقيت لما اورى الكتالوج لحد يقولى فى محلات ارخص بكتير مع انى ببيع اقل من سعر الكتالوج على قد ما اقدر تصوروا فيه محل وناس بتبيع كرات الؤلؤ البرونزيه بخمسين جنيه
طبعا انا مصدقتش ورحت اتأكدت بنفسى وبرفيوم جورانى جولد برده بخمسين ودى مش عروض دى اسعار تقريبا دايمه يعنى خلاص مبقاش يفرق مع الناس لما اقول اورفليم عامله عرض او مش عامله فى كل الاحوا هما شايفين انى الاسعار غاليه لدرجه انى بقيت ابيع بسعر العميل وبدفع الشحن من عندى بس بردوا خلاص محدش بياخد تقريبا فبقيت اجيب لنفسى واخواتى وخلاص

بصوا الموضوع دا بقى عامل لى مشاكل ومضايقنى جدا جدا

ودول مش بس بيأثروا على مصداقية الشركه دول بيأثرو فى مصداياتنا احنا كمان

ازاى ؟؟؟

بمعنى ان أنا مثلا لما يكون ليا صديقه غاليه عليا جدا فبديلها الحاجه بتمن العضويه حتى الشحن مش بشيلهولها

فلما تشوف اعلان عليه 27 % خصم على المنتج ولا 30 %

هتشك فيا انى كذبت عليها واديتها بسعر عالى وكسبت منها وأوهمتها انى اديتها بسعر العضويه

ودى طبعا حاجات عمرى ما اقبلها

وهيا معذوره فى ظنها لأنها مش فاهمه نظام الشركه وبتقول معقول المحل هيخسر 5% ولا 10% طبعا مستحيل

وأنا بضم صوتى لصوتكم ولازم الشركه تعمل وقفه حقيقيه لمنع الموضوع ده وتحط قانون أو نظام يحرم الأعضاء اللى بتحرق علينا شغلنا من حاجات تؤثر فيهم بحيث يمتنعوا عن الاسلوب ده

ازيكم كلكم كويس انكم فتحتوا الموضوع ده لانى متغاظه وهطق من طبعا كلكم شوفتوا الموضوع بتاع تعالوا وشوفوا اوريفليم فى قنا وزى ماعرفتم انا عملت معرض للتعريف بمنتجات اوريفليم وفى يوم فوجئت بواحده وجوزرها جايين فى المعرض وبيتفرجوا وقعدوا يسألوا عن الاسعار وفى الاخر قالولى طيب ايه رايك تشتغلى معانا ؟؟؟؟؟؟
وشوفوا بقى الاغراءات والعروض
*قالولى انتى عمرك ماتقوليلنا انك بتشتغلى عشان اوريفليم انتى بتشتغلى عشان تطلعى لنفسك مكسب
*طيب ايه رايك هنديكى منتجات اوريفليم بخصم 40 فى الميه
*وكمان هنوصلك مستوى 21% فى خلال 6 شهور من تعاملك معانا
*وبدل ماتاخدى شيك واحد ب 1000 دولار هنديكى شيكين
*طبعا رفضت لانى فقريه ومش عاوزه اوقف حال ناس تانيه شغاله فى نفس المجال
والمنتجات كلها متوفره عندهم مفيش حاجه اسمها مصاريف شحن ومفيش حاجه اسمها منتج مش موجود اى حاجه تطلبيها تلاقيها
شوفتوا بقى يبقى ايه الحل

جزاكى الله خيرا بجد ياام سيف

ناس كتيره مكانك مش بترفض بس لو الكل بص لطلب الرزق الحلال زى ما انتى عملتى مش هنلاقى موضوع حرق البضاعه دا وتوقيف حال الناس

بس للأسف النماذج السيئه الكتيره موجوده

ولازم يكون فيه حل وتدخل من الناس المسؤاله بشكل أو بآخر لمنع الظاهره دى

يببنات هو مش مكتوب ف العقد ممنوع عرض منتجات اوريفليم ف المحلات ومتوب انها متتحطش على الرفوفف وحجات كدا امال فين دة كل محلات الميكب كدا
بس انا مش عارفة انهم ييعوا الحجات بسعر ققلل دة حرام ولا حلال لانهم احرار لو عيزين يخسروا
انا بتيهالى لو هما مبيغشوش ف المنتج وجودتة وحبوا يبعوة بسعر ارخص دة براحتهم دة مش حرام لان انا وحدة من الناس جبت مثلا كزا حاجة عشان اكمل النقط ومحدش عايز يخدها بسعرها ال جيباة بيها ويقولوا غلية مع العلم انى والله العظيم بجيب لكل ال اعرفهم ببسعر العضوية فبنزل فتمن الحاجة ال جبتها من غير ميكون ف طلب عليها عشان لو فضلت عندى وانا مش محتاجاها وشريها بفلوس ببردوا ققول اخسرلى فيها بس على الاقلل مكنش خسرت الفلوس كلها
والله اعلم دة صح ولاغلط
حد يرد بقة عليا ويقول عشان مش عارفة

كويس قوى انك بلغتيهم واحنا فعلا عايزين صوتنا يوصل لادارة اوريفليم الشركة الام
وتخلى سحب المنتجات يكون بحساب مش ناس تحتكر السلعة وناس ماتلاقيش حتى طلباتها الشخصية
فمثلا شركة افون عملت مرة عرض على 3 انواع من البرفان بسعر رخيص ولكنها حطت شرط اللى عايز كمية ما ياخد اكتر من عدد معين ويكون الاوردر بمبلغ معين وبكده مفيش حد احتكر المنتج وشكرا لل يا مى وياريت الموضوع ده ما يتقفلش حتى نصل لحل يرضى جميع الافراد

طيب فين رأى مدام رشا واستاذ عصام هما دول ال ممكن فعلا يوصولوا صوتنا كلنا للشركة لان مدام رشا ليها كلمة مسموعة هناك طبعا وكلنا ثقتنا كبيرة فيها انا والله شفت محل ف سوق ف اسكندرية بيبع مزيلات العرق ب 5 جنية وعندة بكميات كبيرة جدا وروحت اشوف اخرة اية قاللى لو هتاخدى 3 هحسبهملك ب 12 ونص بدل 15 وكلهم تاريخهم تمام ومطبوع عليهم علامة الشركة وكميات كبيرة جدا والله يعنى كل نوع فوق ال 50 علبة مزيلات عرق ال احنا عمرنا ما جيبناها بالسعر دا

ياريت مدام رشا تشوف حل مع الشركة

بجد فعلا حاجة تغيظ لو أعرف بس بيعملو ايه واحد قريبى عندة محل وقاالى سيبك من العضويه وخليكى معايا وقالى على الخصم ابو30%وغير الهدايا طبعا قلتله ازاى لغوش فالكلام وقاللى أصلنا بناخد كميات كبيره ومينخشش فبرامج ولا نقط لازم حل وحل سريع

صحيح ياجماع انا شفت عالمنتديات ناس بيبيعوا اقل خالص ولما يسألوها ازاى تقول انا مظبطه مع الدايركتور بتاعتى
هى المنتجات بتنزل للدايركتور اقل من الأعضا........؟
والله غريبه الحكايه دى
بس انا شايفه انه لازم يكون فى هدايا شهريه زى آفون كنا ناخد هدايا على منتجات ب200 جنيه
وده حيشجع الناس انها تشترك لكن الهدايا فى اورفلام على مبالغ كبيرة قوى لما اكون انا بجيب حاجتى انا واختى فقط اكيد مش حناخد هدايا خالص الا لو فى مسسابقه او مناسبه وحفله ويمكن لأ
لكن بالنسبه للى بتقول العقد بيمنع عرض المنتجات فى المحلات اعتقد ده شىء صعب مراقبته
انا مرة لاقيت برفان فولار فى محل ب 50 جنيه طب ازاى
والله فعلاً مشكله واعتقد انه الشركه لازم تاخد خطوة

انا قريت كلامك يامدام رشا ياعسل
انا بس بفتكر كده من اللى كانت تبيع المنتجات اقل هى كانت تقول انا بظبط مع الدايركتور افتكرت انه بتديها المنتجات اقل
لأنه بتبيع باسعار غريبه
ربنا يعين الجميعوشكراً على تفاعلك معانا

كلامك حلو يا مدام رشا وبيرح المغلوب على امره بس بصراحة الموضوع ده عايز وقفة احتجاج لان كل ما اعرض الكتلوج على حد يقولى دى فلانة بتعمل 30 % على العرض طيب فضل ايه تانى واحنا عندنا فى قنا الناس اللى بتتعامل مع اوريفليم هى اللى مستوى معيشتها مرتفع ودول ميستحملوش حد يلعب فى الاسعار واحيانا كتير بيجلنا اكتئاب من اللى بنشوفه ونسمعه والشركة واقفة محلك سر وسايبة الناس دى تتحكم فى السوق الظاهر ان اهم حاجة هى نسبة المبيعات عندهم لكن تتوزع ازاى دى مش مشكلتهم دى مشكلة العضو الغلبان اللى هيفضل مكانه وعمره ما هيقق مستويات

كلام جميل يا مدام رشا

وانا ليا رأى بما ان حضرتك قولتى نشوف الاراء الايجابية انا رأى ان الشركة لما تنزل عروض جامدة يعنى برفان ب 150 مثلا تنزلة ل 60 او اقل يبقى بكمية معينة لكل واحد يعنى مثلا اى عضو ميخدش اكتر من اتنين او تلاتة عشان ميتاخجش بال 10 وال 20 ويتباعوا بعد ما البرفان دا سعرة يرتفع تانى ويبقى كدا اقل من نسبة 23 ف المية بكتير جدا وال بيشوف الكتالوج بيفتكر نفسة ان البياع دا كويس لان التمن ف الكتالوج 150 وهوة بيبيع ب 60 او 55 ميعرفش ان دا كان عرض داخلى او كدا دا بالنسبة للعروض الداخلية اما ال ف الكتالوج ف بردو الشركة متديش بكميات كبيرا انا كنت بجيب حجات انا وخطيبى من فرع اسكندريا يوم الجمعة لقيت وحدا اخدة برفانات كتيرااااااا اوى من نوع واحد ومن كل نوع مش اقل من 10 برفانات

ياريت يا مدام رشا تتقبلى رأى وتقدرى توصلية للشركة لو دا هينفع

كلام حضرتك جميل جداً يامدام رشا بس يريت حضرتك تعرفينا نشتغل ازاى وسط الظروف ديه يعنى احنا كمان ننزل فى السعر وله نعمل ايه

نور اليكس كتب:

كلام جميل يا مدام رشا

وانا ليا رأى بما ان حضرتك قولتى نشوف الاراء الايجابية انا رأى ان الشركة لما تنزل عروض جامدة يعنى برفان ب 150 مثلا تنزلة ل 60 او اقل يبقى بكمية معينة لكل واحد يعنى مثلا اى عضو ميخدش اكتر من اتنين او تلاتة عشان ميتاخجش بال 10 وال 20 ويتباعوا بعد ما البرفان دا سعرة يرتفع تانى ويبقى كدا اقل من نسبة 23 ف المية بكتير جدا وال بيشوف الكتالوج بيفتكر نفسة ان البياع دا كويس لان التمن ف الكتالوج 150 وهوة بيبيع ب 60 او 55 ميعرفش ان دا كان عرض داخلى او كدا دا بالنسبة للعروض الداخلية اما ال ف الكتالوج ف بردو الشركة متديش بكميات كبيرا انا كنت بجيب حجات انا وخطيبى من فرع اسكندريا يوم الجمعة لقيت وحدا اخدة برفانات كتيرااااااا اوى من نوع واحد ومن كل نوع مش اقل من 10 برفانات

ياريت يا مدام رشا تتقبلى رأى وتقدرى توصلية للشركة لو دا هينفع

كلام جميل وايجابي يا نور اليكس ....... شكرا كتير ليكي حبيبتي وبوصله للادارة ان شاء الله

samsam85 كتب:

كلام حضرتك جميل جداً يامدام رشا بس يريت حضرتك تعرفينا نشتغل ازاى وسط الظروف ديه يعنى احنا كمان ننزل فى السعر وله نعمل ايه

شكرا ليكي حبيبتي وطبعا انتي ليكي الحق تبيعي بالسعر اللي يحققلك مكسب ولو بسيط بشرط انك ما تبعيش باقل من سعر العضوية ...
وبالنسبة للظروف وانك ازاي تتغلبي عليها ، انك لازم دايما تبحثي عن عملاء جدد باستمرار واعضاء جدد ينضموا معاكي في اوريفليم
وباسلوبك وفهمك عن الشركة وحضورك لاجتماعات الدايريكتور الخاص بيكي هتتعلمي ازاي تردي علي اسئلة العملاء السلبية وهتقدري تتخطي اي شيء وتعرفي تتعاملي مع اي عقبة باذن الله

فى اقتراح احنا ممكن اي حد يعرف مكان بيحرق الاسعار نبلغ عنه لمدام رشا او للشركة وبجده ممكن نساعد فى حل المشكلة ديه

على فكره فيه ناس كمان بتستغل عروض اليوم الواحد ودى طبعا معناها أن لها ناس فالشركه بشكل دايم وبيحجزلهم المنتجات بأعداد كبيره وده ممكن يظلمنا طبعا وبرضه تبقى أسعارهم رخيصة عننا

يا سلاااااااااااااااام مش عارفة كلامك بيريحنى ياريت كل الناس المهتمين يكونوا زيك يا مداك رشا وانا بدعيلك ان ربنا يخليك صوت الحق دايما والحق صوته عاااالى ولازم يوصل والعيار اللى ميصبش يدوش

بجد شكرا ليكي يا روشا انتى فعلا كلامك جميل اوى وبيريح بس بردو احنا عايزين كلام عملي اكتر عشان يبقي واضح ونقدر ننفذ ونعلى معاكي يا روشا
وبالنسبة بقي للناس الى بتحرق المنتجات دي تأكدو انهم اول ناس هايتحرقو بالنار دي ليه بقي عشان ربنا مابيرضاش بالظلم
وعندي ليكم طريقة مش بطالة انا شخصيا بانفذها وعايزاكو كلكو تردو عليا وتقلولى انا غلط ولا صح وخصوصا روشا القمر عشان كلنا نستفيد من بعض
بصو بقي انا العملا بتوعي الى هما على ادي بردو يعني مش كتير اوى بس المهم عارفين نظامي ازاى بمعني انى دايما باقولهم على العروض الحلوة الى بتبقي مش اقل من 40% يعني بيبقو عارفين ان المنتجات كدة سعرها معقول اوى ودة مسألة ثقة بينا نتجت طبعا عن سنين من التعامل ولو حصل وحد طلب حاجة والتخفيض بتاعها قليل انا باقولها لا استني شوية ممكن تنزل بسعر اقل من كدا يعني باعرفها وهى براحتها لو مستعجلة بتاخدها ولو عندها استعداد انها تستني بتستني يعني الموضوع بردو مش ان المنتجات هنا ارخص ولا هنا اغلى لا الموضوع موضوع ثقة وناس بنتعامل معاها ومرتاحين لها وبعدين لما بيشوفو المنتجات فى اماكن تانية رخيصة كدا بيشكو وبيقولو مايمكن الحاجة دي مضروبة؟ ولا انتهت صلاحيتها ومتعدلة؟ ولا متخففة؟ماهي بردو حاجة بالعقل
ولا انتو ايه رايكو؟؟؟؟

انا الكام عيمل اللى بتعامل معاهم منبهين على اى عروض تنزل خمسين او ستين فلمية اقولهم وياخدوا منى غير كده مبشتغلش يعنى شهر مايو عملت ال350 نقطة كلها من العرض الداخلى والكتالوج محدش خد منه اى حاجة عشان كده انا اتدايقت جدا امبارح لما لقيت اغلب الاكواد خلصت

اصلا انا شفت بعينى رحت محل ميكب امبارح
كل المنتجات ال نازل عليها عرض جايب منها ب 10 وبال 20 كان لسة بيظبطهم ادامى
والله قلتلوا لو كل واحد عمل زيك كدا احنا هنروح نشترى مش هنلقى حاجة بجد جايب كميات رهيبة كريم القدم دة مش ققل من 20 ولا 25 واحدة الماسكرا وقلم جوردانى ال نازل كلوا جايب كل حجاة قلت والله حرام بجد حاجة تغيز تغيز تغيز