ارجوا الافاده بليز

السلام عليكم ورحمة الله وبركاته
لو سمحتى يا مدام رشا :-
انا عضوه جديده وكنت عاوزه استفسر على بعض الحاجات مش فهماها
اْولا
: ياعنى ايه سعر الشحن لطلبيه واحده او اتنين ياعنى ده بيتحدد ازاى هل
الطلب بيتحدد بنوع واحد مثلا انتى بتطلبيه ولا ممكن تطلبى الاوردر فيه
اكتر من نوع ويتحسب طلب واحد
ثانيا : ازاى بتتحسب عدد النقاط
ثالثا : ازاى اطلب اوردر

اسفة
طولت فى اسئلتى بس بجد انا من المهتمين بمنتجات اوريفليم وبصراحه لما
بشتري اى منتج بشتريه غالى عن ثمن العضويه فعلشان كده حبيت اكون عضوه
فارجوا الافاده

اهلا بيكى فريال معانا فى منتدى اورفليم
اولا سعر الشحن للطلبية دة بيتحدد على حسب منطقتك يعنى كل منطقة ليها سعر يعنى القاهرة غير الاسكندرية وكدة والطلبية مش بتحدد بنوع واحد ولا حاجة انتى بتطلبى الى انتى عاوزاة بيجى مش شرط نوع واحد زى منتى عاوزة
عدد النقط بيتحسب على حسب المنتجات الى انتى طالباها كل ما المنتجات تزيد النقط بتزيد وفى الدوف بتلاقى خانة مكتوب فيها النقط وعموما لما بتعملى الاوردر بيقولولك ف الاخر كام نقطة انتى عملتيهم
اطلبى الاوردر اما بالتليفون على الخط الساخن او من الافضل انك تروحى اقرب فرع ليكى وتطلبى الاوردر

اهلا بيكى معانا فريال منورانا
لو تقصدى موضوع اسعار الشحن
زى ما قالت شيماء انى الشحن لكل بلد بيختلف

وفى حاجه اسمها طلبيات مجمعه
يعنى مثلا انا وانتى وشيماء من بلد واحده بنعمل الطلبيه فى يوم واحد وبنبعتها مع بعض بدل ما كل واحده حتدفع مثلا 10 ج لوحدها فى الطلبيه المجمعه دى ممكن مثلا كل واحده حتدفع 6 جنيه بتبقى مخفضه

وفى حاجه كمان ان كل ما نقط الطلبيه بتزيد على الفاتوره الواحده بيقل الشحن

والاوردر بتطلبى فيه اللى انتى عاوزاه والعدد اللى عاوزاه
عوزه واحده 2 3 زى ماتحبى

اما الاوردر لو فى فرع قريب منك عادى من الفرع زى ماقالت الاخت شيماء
او بالتليفون تتصلى بالرقم 19662
وبتمليهم اكواد المنتجات

» ارجوا الافاده
» أريد الافاده
» سؤال مهم ارجوا الافاده
» ارجو الافاده للأهميه
» ارجو الافاده بسرعه