حاجة تضايق

موضوع: حاجة تضايق السبت مارس 27, 2010 5:36 pm

يا جماعة انا رحت الشركة عالشان اخد مجوهرات جيوردانى اتلقلتها خلصت وبدلوة بسلسلة شكلها وحشششششششششششششششششش اخر حاجة بجد ولا تسوى بجد ده حرام لو حد ادهالى ببلاش مش هرضى اخدة يعنى شكلها مينفعش تكون هدية من شركة زى اوريفليم وياريت اللى اخدها يقول رئيوا فيها حاجة تضايق 649663

موضوع: رد: حاجة تضايق السبت مارس 27, 2010 8:05 pm

هو فعلا يا قمرة انا شفتها يوم الاربعاء في الشركة وشكلها ما عجبنيش ابداااااا...بس معلش متزعليش خيرها في غيرها ربنا يوفقك في اللي جاي انشاء الله

موضوع: رد: حاجة تضايق السبت مارس 27, 2010 10:27 pm

يعنى ايه الكلام ده
دى فعلا حاجه تضايق
مهو يااما يدوا لكل واحده هديتها اللى محجوزة يااما حاجه بقيمتها
أتمنى توضيح المسأله دى
لأن أنا ليا أربع كروت محجوزين فى الشركه وكمان مش عارفه هييجوا امتى
وبعدين هما أساسا مش ليا دول لأصحابى اللى اشتروا منتجات كتير مخصوص علشان خاطر كروت الخربشه
وأنا خايفة كده يجيلهم حاجه مش حلوة
لأن ده برده مهم علشان فكرتهم عن الشركه ما تتغيرش ولازم يكون فيه مصداقيه

موضوع: رد: حاجة تضايق السبت مارس 27, 2010 11:00 pm

لا اطمنى يا زهرة لو اصحابك طلعتلهم المجوهرات خلصت وهيدلهم سلسلة مش قدرة اوصفلك شكلها وحش ازاى يعنى بجد اللى هياخدها هيتعب نفسيا زى ما حصل معايا اتخنئت جدااااااااااااا فحاولى حاجة تضايق 649663

تشرحلهم الموقف

موضوع: رد: حاجة تضايق الأحد مارس 28, 2010 1:07 am

بصراحة هي مش بس حاجة تضايق دي حاجة تجيب الضغط لان الكروت بتاعة الطقم والساعة والكريم الابيض دي خلاص من زمان ومع الاسف ان الكروت اللي محجوزة يا اما السلسلة المقرفة اللي منزلنها او كريم التيوليب بتاع الايد ال30 ملي الروز او الموف ..يعني طقم مجوهرات جيورداني والساعة دول انتوا من زمان ودي طبعا خبطة جامدة جدا للي عاملين اوردرات ومحجوزلهم الكروت يعني اخدنا بمبة جامدة جدا

موضوع: رد: حاجة تضايق الأحد مارس 28, 2010 8:54 am

الله يبشركم بالخير
والله أنا زعلانة جدا
وبوجه نداء لمدام رشا انها توصل أصواتنا دى للناس المسؤلة عن الكلام ده فى الشركه
لو الحاجه دى ليا أنا ماكنتش زعلت قد ما انا زعلانه انها لناس بتشترى مخصوص علشان ثقتها فيا
ودى كمان سمعة للشركة مش تمام
فأنا مش هتسرع فى الكلام أكتر لحد لما مدام رشا تنقذنا بكلامها المبشر ان شاء الله
ياريت ما تتأخرش علينا وتقولنا ايه الحكايه وكمان الكروت المحجوزة هتيجى امتى

موضوع: رد: حاجة تضايق الأحد مارس 28, 2010 10:52 am

وأنا برضه عندي نفس المشكلة مع الكروت ... معايا كرتين من أوردر أول الشهر واحد بتاعي وواحد بتاع عضوة في الشجرة بتاعتي ... المشكلة إن أنا في البحر الأحمر ولما سألتهم الهدايا هستلمها إزاي قالوا ابعتي الكروت بالبريد ... طبعاً استنيت لما نزلت القاهرة في عيد الأم وأخدتهم أبدلهم قالوا لأ لازم يكون معاكي الفاتورة اللي اشتريت بيها ... وطبعاً ما كنش معايا فواتير ... ده غير إني اشتريت أوردر تاني وليا كارت بس مش موجود في الشركة ... يعني أنا دلوقتي ليا 3 كروت اتنين معايا ومش عارفه ابدلهم أصلاً وواحد عندهم وانا في البحر الأحمر أعمل إيه دلوقتي .

وزي زهرة الفل ما قالت الكروت دي أصلاً مش بتاعتنا بتاعة لناس اللي طلبت الأوردر ... يعني لو لينا هنقول معلش ... لكن كده ممكن يفتكوا إن إحنا اللي بنضحك عليهم مش الشركة .

موضوع: رد: حاجة تضايق الإثنين مارس 29, 2010 1:28 am

طبعا هيفتكرو اننا احنا اللى بنضحك عليهم وهنفقد المصداقيه مع زباينا انا لو رحت الشركه والسلسله معجبتنيش هقولهم شكرا مش هاخدها وربنا يصبرنا

موضوع: لا بتهرجوا الإثنين مارس 29, 2010 9:19 am

لا بجد بتتكلموا ده انا ليا 4 كروت واحد منهم بتاعى وتلاته الاعضاء الجدد اللى جبتهم الشهر ده ولما كسبت السلسله عرفوا شكلها ياعنى عمرهم ما هيصدقوا انها خلصت لان لو خلصت ما الشركه تجيب غيرها تانى كميات تانيه ليه تغير شكلها ده كده هيفتكروا انا احنا اللى بنخودها وبنبدل فى الهدايا انا حتى برنامج شهر مارس مش حلو الدايركتور بتاعتى عدلتلى فيه من عندها عشان اعرف اعمل اعضاء وبقالى 3 ايام مش عارفه اوصلها لما بشد فى شعرى وكده الناس دى مش هترضى تكمل حتى برنامج الترحيب بتاعها لو بالشكل كده وهيبقا شكلى وحش قوى هى الشركه بتعمل معانا كده ليه ؟ا

موضوع: رد: حاجة تضايق الإثنين مارس 29, 2010 5:22 pm

انا برضه ليا كارتين فى الشركة ومش عارفة اجيبهم ازاى؟
وانتو زعلتونى لما قلتولى الهدايا خلصت كمان
موضوع كروت الخربشة ده فااااااااااااااااااشل جدا بجد

موضوع: رد: حاجة تضايق الإثنين مارس 29, 2010 7:23 pm

لا بجد بتتكلموا ده انا ليا 4 كروت واحد منهم بتاعى وتلاته الاعضاء الجدد اللى جبتهم الشهر ده ولما كسبت السلسله عرفوا شكلها ياعنى عمرهم ما هيصدقوا انها خلصت لان لو خلصت ما الشركه تجيب غيرها تانى كميات تانيه ليه تغير شكلها ده كده هيفتكروا انا احنا اللى بنخودها وبنبدل فى الهدايا انا حتى برنامج شهر مارس مش حلو الدايركتور بتاعتى عدلتلى فيه من عندها عشان اعرف اعمل اعضاء وبقالى 3 ايام مش عارفه اوصلها لما بشد فى شعرى وكده الناس دى مش هترضى تكمل حتى برنامج الترحيب بتاعها لو بالشكل كده وهيبقا شكلى وحش قوى هى الشركه بتعمل معانا كده ليه ؟ا

أنا نقلت كلام جوجو2010 كله عشان هو نفس مشكلتى
بس الحل ايه بقىىىىىىى حاجة تضايق 705119

موضوع: رد: حاجة تضايق الإثنين مارس 29, 2010 7:25 pm

دا انا كمان ليا 2 لوحدى حاجة تضايق 209889

متزعليش انا رديت عليكى يا sad angel

بايفي كتب:: بصراحة هي مش بس حاجة تضايق دي حاجة تجيب الضغط لان الكروت بتاعة الطقم والساعة والكريم الابيض دي خلاص من زمان ومع الاسف ان الكروت اللي محجوزة يا اما السلسلة المقرفة اللي منزلنها او كريم التيوليب بتاع الايد ال30 ملي الروز او الموف ..يعني طقم مجوهرات جيورداني والساعة دول انتوا من زمان ودي طبعا خبطة جامدة جدا للي عاملين اوردرات ومحجوزلهم الكروت يعني اخدنا بمبة جامدة جدا

مش لوحدكم انا العضوة اللى تحت منى عاملة 4 كروت خربشة وكلهم السلسلة المقرفة دية وهى زعلانة جدا وقالتلى حاجة اخر قرف بجد حرامية وقالتلى كانى انا اللى واخدة فلوسها قالتلى سلسلة متسواش 3 ج وانا هضر مضرة اجبلها هدية من عندى عشان هى زعلانى ومتغاظة من الهدايا الوحشة دية

موضوع: رد: حاجة تضايق الثلاثاء مارس 30, 2010 2:22 am

ياجماعة انا العضوة اللى تحتى عملت اوردر باكتر من 200 جنيه ولا رجعولها ال30 جنيه بتوع الاشتراك ولا ادوها كارت الخربشة قالولها خلص اصلا وكمان لما اتصلت فى الشركة تستفسر عن الموضوع دة اتكلموا معاها بقلة ذوق ينفع الكلام دة يعنى ياريت يامدام رشا تردى علينا لانها بجد حاجة تضايق وتزعل جدا

موضوع: رد: حاجة تضايق الثلاثاء مارس 30, 2010 8:29 am

huda82 كتب:: ياجماعة انا العضوة اللى تحتى عملت اوردر باكتر من 200 جنيه ولا رجعولها ال30 جنيه بتوع الاشتراك ولا ادوها كارت الخربشة قالولها خلص اصلا وكمان لما اتصلت فى الشركة تستفسر عن الموضوع دة اتكلموا معاها بقلة ذوق ينفع الكلام دة يعنى ياريت يامدام رشا تردى علينا لانها بجد حاجة تضايق وتزعل جدا

السيستم بيخصم ال30 جنيه اتوماتيك مع اول فاتورة لما النقط تعدي 50 نقطة

بسبب طلب اوردر وكنسلته وطلب اوردر تاني فالسيستم مخصمش ال30 جنيه

بس بترجعلها ال30 جنيه في السيستم الشهر اللي جاي

وكروت الخربشة مش موجودة بس بيوقعو على الفاتورة وبتاخدها لما يطبعو غيرها حتى لو الشهر اللي جاي

ودي امور بسيطة جدا وبنحلهالها ان شاء الله

موضوع: نظام الشركه الثلاثاء مارس 30, 2010 10:07 am

اكيد مشكلتى ومشكلتك مع كل الناس المشكله احنا مش sad angel
عارفين نعمل ايه ومنظرنا بقا وحش قوى انا كلمت الداريكتور بتاعتى قالتلى بصى لازم نعرف ان من حق الشركه انها تغير فى الهدايا لو خلصت وان ده نظامها وان اى حد تحتى ادخله افهمه الموضوع ده وده لاحظته حتى فى مجله الشهر من يوم ما دخلت دايما بيكتبوا من حق الشركه بتغير الهديه فى حالات نفاذها باخرى من نفس القيمه وده نفس الكلام اللى الدايركتور قالته ليا كمان وان احنا لازم نوضح للناس ده من الاول عشاتن ميفتكروش ان احنا اللى بنبدل وقالتلى ان لازم الهديه تبقا فى نفس تمن التانيه قالتلى اصبرى لما اشوف السلسه فاممكن لو حد فيكوا يصورها عشان نشوفها

السلسلة دى اللى بدل طقم المجوهرات يعنى عاوزين تفهمونى ان دى بتساوى طقم المجوهرات فى الشياكة او الثمن استحالة

ياريت يا جماعة تقولوا رئيكوا دلوقتى بقى كلام وصورة بتهيألى كدة وضحت الصورة

موضوع: رد: حاجة تضايق الثلاثاء مارس 30, 2010 2:34 pm

شكرا استاذ عصام على الرد والاهتمام

موضوع: رد: حاجة تضايق الثلاثاء مارس 30, 2010 3:09 pm

الصراحه لا ده انا لما جتلى مجوهرات جوردانى شكلها معجنيش قوى انا اللى عجبنى قوى شكل الساعه بس كده الموضوع بقا صعب الصراحه ا

موضوع: رد: حاجة تضايق الثلاثاء مارس 30, 2010 9:48 pm

ما تزعلوش يا جماعة ان شاء الله الموضوع ده خلاص صعدناه للادارة الاجنبية في الاجتماع معاهم امس
حاجة تضايق 793671

ووعدونا انها هتكون الهدايا بعد كدة قيمة ومن منتجات الشركة
وانتظروا الفترة القادمة حملات قوية جدا من اوريفليم

يا ريت

موضوع: رد: حاجة تضايق الأربعاء مارس 31, 2010 8:14 pm

بصراحة انا معملتش اوردر الشهر ده من اللى سمعتو من كل اللى حواليا

» بجد حاجة تخنق
» استفتاء على كل منتجات اوريفليم
» حمل هدايا برنامج الترحيب الاول لشهر ديسمبر 2009
» حاجة مهمة؟؟؟؟؟؟؟؟
» حاجة مهمة اوي