قولولى الحل بسرعة

لو سمحتم انا محدش رد عليا يا ريت لو حد طلب طلبيتة واول اشتراك لية ولة هدايا ترحيب لم ياخذها يقولى انا مش عارفة امتى هاخد الهدايا دى ولا امتى هيوصلنى الكتالوج ولا ازاى هصرف الخربشة كمان ولا عارفة اذا كانو هيبدلولى الكرات البرونزية اللى دمرت ولا اييييييية يا ريت حد يحس بية ويقولى امتى بالظبط علشان ارتاح على فكرة انا بحب الدقة والنظام والهدف المحدد وانا كنت فاكرة ان دى ميزة بس اتضح ان اليومين دول طلعت عيب لان الايام دى معندناش غير ربنا يسهل والوقت والجهد ملهمش تمن دة حتى الانسان مبقاش لية تمن على فكرة انا الموضوع ممكن ناس تشوفة مش مستاهل كل دة بس انا محبش ان حقى يضيع ولا بحب الاهمال واضاعة الوقت ارجو منكم اى احد يرد عليا بحلول واجابات قاطعة علشان الواحد يرتاح ولية الشركة تعمل اعلانات وهدايا مش موجودة ولية ما قالتش للناس ان الحاجة مش موجودة علشان محدش يعمل حسابة ملحوظة...انا عارفة ان المنتدى ملهوش دعوة بدة كلة بس بتمنى ان مدام رشا او الاستاذ عصام يقدرو يساعدونى وشكرا

كلمى مدام رشا على الموبايل احسن عشان تقولك تعملى ايه بسرعه

اهدى بس حبيبتى باذن الله خير
بس انا عاوزه اعرف انتى مشتركه جديد ولا اشتركتى امتى

لو ده اول شهر اشتراك ليكى لازم تكملى ال 100 نقطه علشان تاخدى الهدايا
لو عملتى مثلا 99 نقطه مش حتخدى غير لما تكملى ال 100 نقطه

وبالنسه للكرات لو هى جاتلك متبهدله انتى ممكن ترجعيها للشركه وتاخدى مكانها

حبايبى انا اشتركت الشهر دة وعملت 242 نتقط ودة تانى اشتراك لية لانى المرة الاولى اخطات ولم اعلم بموضوع النقاط فضاع على الترحيب ودة كان شهر 12 ولكنى اقنعت زوجى ان يشترك هو من جديد حتى اعوض الخطاء واكون مع مجموعة مدام رشا وفعلا اقتنع واشترك هذا الشهر ولكن الهدايا لم تصل وكان حوار طويل بينى وبين زوجى انة كان لا داعى للاشتراك وان هذا هو المتوقع وان الناس اللى عندهم افرع لاوريفليم هما بس اللى بيستفيدو والظاهر ان عندة حق وانا فعلا كلمت مدام رشا وهى كتر خيرها مهتمة جدا وقالتلى انا متابعة مع الشركة وعن كرات اللؤلؤ لسة بتسالهم بس لسة مردتش عليا وانا ليس لدى سوى الانتظار

يا جماعة هدايا برنامج الترحيب هتيجي متقلقوش بس لازم تتابعوا مع الشركة هي دايما بتعلق ورقة مكتوب عليها إمتي هتوصل المنتجات الناقصة ولو المنتج مش هييجي تاني لازم هتاخدوا حاجة بدالوا وميعاد الوصول التقريببي للمنتجات كان دايما بيعلن عنه في المنتدي بس الظاهر الأيام دي القائمين علي المنتدي مشغولين شوية أو سايبنه يمشي لوحدة وانا عايزة أقولكم علي ملحوظة مهمة قوي اللي عايز يكبر في أوريفليم لازم يتابع مع الشركة كويس جدا ويعرف تفاصيل كل كبيرة وصغيرة ويقرأ الورق اللي بتعلقه الشركه في أقرب فرع ليه ودا طبعا مش هيحصل الا اذا رحنا الفرع علي الأقل مرتين أسبوعيا انما موضع الشحن دا بصراحة مشروع فاشل يعني مفيش أي شخص ليه شأن في أوريفليم أو حصل علي ألقاب من غير ما يروح الشركة دايما ويتابع بالتفصيل وصدقوني أحسن ناس بتعمل شغل كويس اللي بيروحوا كل يوم علي الأقل من يعملوا عضويات لناس جديدة جاية الشركة وممكن كمان يتصرفوا في المنتجات اللي بيشتروا منها كمية ومش عارفيين يصرفوها أنا عايزة اقولكم ان الشركة مش بتضحك علي حد لازم كل واحد هياخد حقه بس يكون مصحصح