أنا زعلانة جدا وأرجو نصيحتك مدام رشا

دلوقت اتحطيت فى موقف زعلنى جدا جدا لدرجة انى بفكر بجد اترك العمل فى أوريفليم

عملت أوردر للمرة التانية الشهر ده شهر فبراير يعنى لكن لسوء حظى حصل خطأ فى الأوردر وجانى ماسكرا من اللى عليها العرض يعنى واحدة وعليها واحده هديه مع انى ماطلبتهاش فى الأوردر بتاعى وكمان نسوا يبعتولى كتالوج مارس رغم ان ده تانى أوردر ليا فى الشهر

ولما اتصلت بالشركة ساعة ما وصلنى الأوردر بالضبط رد عليا الموظف كويس جدا وقالى هبعتلك الكتالوج بكرة على طول وتبعتى الماسكرا كمرتجع مافيش مشكلة

وانتظرت حد يجينى زى ما قاللى لكن ماحصلش

اتصلت تانى قالولى ان الموظف اللى انا عاملة الأوردر معاه مش موجود النهارده اتصلى بكرة

اتصلت تانى وتالت ورابع وفى آخر مرة موظف تانى قالى ايه المشكلة فقلت له كتب عنده وقالى أنا هبلغ الأستاذ فلان اللى عملك الأوردر وهخليه يتصل عليكى ويعملك اللى انتى عاوزاه

وبرده انتظرت حد يكلمنى لكن برده ماحصلش

فاتصلت انبارح وكلمت الموظف اللى عملى الأوردر بعد انتظار طويل جدا على التليفون فقلتله حضرتك كنت قلتلى كذا كذا وماحدش جانى فقالى ازاى يعنى انتى ماطلبتيش الماسكرا هى يعنى هتنكتب لوحدها؟؟؟؟ قلتله انا فعلا ماطلبتهاش ومش عاوزاها قالى تانى هى هتنكتب لوحدها يعنى ازاى ماطلبتيهاش يعنى قلتله يعنى ايه أعمل ايه دلوقت أنا فعلا ماطلبتهاش وعلى فكرة هى لو كانت لونها اسود كنت اتصرفت فيها وبعتها لصحابى وسكت لكن حتى لونها أخضر

يقولى لا الماسكرا اللى جايالك لونها اسود مش أخضر
اتضايقت بزيادة ولولا انى مش متعودة انى أحتد على حد فى الكلام كنت رديت عليه رد مختلف
المهم قلتله أنا بقول لحضرتك الماسكرا اللى جاتنى لونها أخضر وأهى موجوده عندى يعنى قصدك ايه أعمل ايه دلوقت

قالى بقى فى الآخر خالص طيب لما تعملى أقرب أوردر هعملك ليها مرتجع تبعتيها مع المندوب لما يجيلك

قلتله طيب كتالوج مارس ماجانيش برده مع ان ده كان تانى أوردر ليا فى شهر فبراير قالى هبعتهولك وبرده انتظرت النهاردة الكتالوج يجينى وماجاش أعمل ايه بقى اتصل بيهم تانى ولا أعمل ايه ؟؟؟؟؟؟؟؟؟

وعلى فكرة اتصالاتى بالشركة علشان الخطأ ده كلفتنى تلتين تمن الماسكرا دى يعنى لو بلعتها وسكت كان أوفرلى بس كتالوج مارس ده أعمل فيه ايه بقى؟

وبعدين أنا عاوزة أعرف طريقة الطلب من خلال الانترنت علشان مش عاوزة أتصل عليهم تانى ده لو استمريت يعنى وعلشان كمان اللى أطلبه مايجينيش غيره وأكون أنا اللى متحملة اللى أكتبه فى الأوردر علشان ماحدش يكلمنى بطريقة تدايقنى
أنا آسفة جدا يامدام رشا انى بتعبك معايا بس ياريت تنصحينى أعمل ايه
وياريت مشكلتى تكون واضحة لحضرتك

متزعليش يازهره ياما بيحصل صدقينى وانا برضوا ياما عانيت فى موضوع الشحن ده بصى احسنلك تروحى بنفسك تجيبى الاوردر ثم بصى عموما لو حصل غلط فى الشحن قولى لاى موظف يكلمك عايزه اكلمك استاذ اسامه وده رئيس الشحن وهو فعلا بيهتم وبيتصل بيكى بس صدقينى للخبطه بتاعت الشحن روحى بنفسك جيبى الاوردر ياحبى ومتزعليش يا قمرايا ومين عارف مش ممكن تلاقى للماسكرا زبون قولى يارب بس انتى

بس المشكلة الحقيقية عندى ياشيمو ان انا بعيدة جدا عن أقرب فرع
وصعب جدا انى أروح
مهو ياريت كنت أقدر وعلشان كده أنا سألت عن كيفية الطلب من خلال النت
على العموم شكرا ليكى على اهتمامك

بصى عموما لو حصل غلط فى الشحن قولى لاى موظف يكلمك عايزه اكلمك استاذ اسامه وده رئيس الشحن وهو فعلا بيهتم وبيتصل بيكى اوك صدقينى عن تجربه بيتصل استاذ اسامه

أشكرك كتييييييييييييييير على اهتمامك ياشيمو
هنتظر النهارده لآخر النهار لو ما جاش الكتالوج هتصل بيه بكره ان شاء الله

على فكرة قسم الشحن متعاون جدا بس ساعات بتكون الخطوط مشغولة وهما مشغولين جدا

بس ممكن نختار الاوقات اللي تكون رايقة زي فترة الصبح

ومن الاول ممكن تعرفي اللي بيعمل معاكي الاوردر وتطلبي تكلميه من البداية

هما حيحولوه ليكي لان قسم الشحن حوالي 10 افراد وكل واحد مسئول عن الاوردر اللي بيعمله

ولو فيه شيء صعب الاستاذ سلامة مش بيتاخر

وطبعا الغلط وارد وبيتحل ان شاء الله

ومدام رشا كانت مشغولة شوية بسبب ظروف معينه وهي حتكلمك ان شاء الله

أشكرك أستاذ عصام
أنا على فكرة من يوم ما اشتركت هما حوالى أربع أوردرات عملتهم اتنين الشهر اللى فات واتنين الشهر ده وهما أسلوبهم كويس جدا لكن المرة دى اللى ضايقنى ان أنا فعلا ماطلبتش الماسكرا حتى بعد ما الموظف كلمنى كده رجعت لأجندتى مرة واتنين علشان أتأكد هل كنت كاتبة كود لمنتج غلط ولا حاجة لكن والله مالقيتش الكلام ده ولقيتنى كاتبة الأكواد صح هى دى اللى مليتهاله
وبعدين اقوله الماسكرا اللى عندى خضرا يقولى لا سودا
وطلبت منه كتالوج مارس وبرده مابعتهوش
على العموم زى ما حضرتك قلت الخطأ وارد لكن أنا بصراحة مش عارفة أعمل ايه هنتظر مدام رشا لحد ما تفضى وتكلمنى تقولى أعمل ايه وربنا ييسر لها أمورها

طبعا ربنا يبارك فيهم ردوا عليكى بصى يا زهره ياجميله اسمعى كلامو وكلامى وحاولى لو معرفتيش شوفى اى حد حواليكى يحب الماسكرا دى وهتلاقى باذن الله وبصى صدقينى الاستاذ سلامه مش بيتاخر خالص حتى لما بيبقى مشغول شويه وكلميه هيهتم وخدى رقم المندوب بتاع اوردرك وباذن الله هيحصل كل خير وبالنسبه لكتالوج مارس خلى حتى العضوالراعى بتاعك تديكى من اللى عندها لو معرفتيش تحصلى عليها من المندوب وباذن الله ييسرلك احوالك يارب

ياااااااااارب شكرا ليكى ياشيموان شاء الله هحاول أكلم أستاذ سلامة بكرة