موضوع محير

السلام عليكم
مش هطول عليكم
اولا انا عضوة جديدة اللي حصل بالظبط معايا وملخبط الدنيا ومحتاجة مساعدة عشان افهم انا فين واعمل ايه
انا اشتركت في شهر 10-2009 وكنت جاية مع زميلتي في الشغل اوك وهي مضت علي انها العضو الراعي بتاعي
واشتريت يومها حاجات وخلاص روحت
شهر 11 مشترتش ولا جبت حاجه
شهر 12 برده مشترتش ولا جبت حاجه
جيت شهر 1-2010 اشتريت باكتر من 100 نقطة اللي حصل بقي
اني مخدتش اي هدايا وانا مش عارفه انا عضوة قديمة ولا جديدة وسالت ليه مخدتش هدايا قالولي عشان محضرتش برنامج الترحيب
انا اصلا محدش قالي علي برنامج الترحيب ومش عارفه اي حاجه والمشكل ان البنوتة اللي هي مضت عضو راعي دي مش مهتمة يعني باوريفلام هي بحتاج حاجه تجيبها وخلاص مش في دمغها
انا ناو مش عارفة هل انا عضوة قديمة ومن حقي الهدية؟
ولا انا عضوة جديدة ولازم احضر ترحيب وايه الترحيب ده اصلا
وهل ينفع انقل تحت راعي تاني ولا مش فارقة
في الاخر انا عاوزة انتظم وافهم انا فين وايه اهمية الراعي بالنسبة ليا كعضوة؟

اولا حبيبتى انتى اشتركتى فى شهر 10 ومكملتيش فى 11 و 12 يعنى البرنامج الترحيب بتاعك خلاص راح
انتى كده بقيتى عضوه قديمه
يعنى من حقك الهدايا على ال 100 نقطه والكبه لو كملتى 250 نقطه
والمفروض انى العضو الراعى ليكى يبلغك بالحاجات دى ويعرفك تمشى ازاى
اما بالنسبه لنقل العضويه دى مينفعش
ويارب اكون افدتك واى استفسار انا موجوده وتحت امرك

sasooo كتب:

اولا حبيبتى انتى اشتركتى فى شهر 10 ومكملتيش فى 11 و 12 يعنى البرنامج الترحيب بتاعك خلاص راح
انتى كده بقيتى عضوه قديمه
يعنى من حقك الهدايا على ال 100 نقطه والكبه لو كملتى 250 نقطه
والمفروض انى العضو الراعى ليكى يبلغك بالحاجات دى ويعرفك تمشى ازاى
اما بالنسبه لنقل العضويه دى مينفعش
ويارب اكون افدتك واى استفسار انا موجوده وتحت امرك

طيب انا اشتريت وعديت الميه والكاشير اللي بحاسبه قالي ماليش هدايا اقدر اروح تاني واقوله واقوله ايه اصله قالي مالكيش عشان محضرتيش الترحيب وبالنسبة للعضو الراعي هي بقولك بنوتة كده مش منتظمة هي بتحتاج حاجه تشتريها وخلاص مينفعش اتنقل للراعي اللي هو راعيها اصل هي ولا بتكلم ولا تعرف حاجه اصلا هي عروسة بتجهز نفسها تجيب حاجات وخلاص علي كده

هاه يا جماعة مفيش اي مساعدة تاني

لا حبيبتى انتى تروحى بالفاتوره الشركه لو معديه ال 100 نقطه يعنى فوق ال 300 ج يبقى اكيد ليكى الهدايا

ازاي يا ساسو هيبقي ليها هديه وعلي اي اساس؟ وهي عضوة قديمة يعني مالهاش عالميت نقطة

Barbie كتب:

السلام عليكم
مش هطول عليكم
اولا انا عضوة جديدة اللي حصل بالظبط معايا وملخبط الدنيا ومحتاجة مساعدة عشان افهم انا فين واعمل ايه
انا اشتركت في شهر 10-2009 وكنت جاية مع زميلتي في الشغل اوك وهي مضت علي انها العضو الراعي بتاعي
واشتريت يومها حاجات وخلاص روحت
شهر 11 مشترتش ولا جبت حاجه
شهر 12 برده مشترتش ولا جبت حاجه
جيت شهر 1-2010 اشتريت باكتر من 100 نقطة اللي حصل بقي
اني مخدتش اي هدايا وانا مش عارفه انا عضوة قديمة ولا جديدة وسالت ليه مخدتش هدايا قالولي عشان محضرتش برنامج الترحيب
انا اصلا محدش قالي علي برنامج الترحيب ومش عارفه اي حاجه والمشكل ان البنوتة اللي هي مضت عضو راعي دي مش مهتمة يعني باوريفلام هي بحتاج حاجه تجيبها وخلاص مش في دمغها
انا ناو مش عارفة هل انا عضوة قديمة ومن حقي الهدية؟
ولا انا عضوة جديدة ولازم احضر ترحيب وايه الترحيب ده اصلا
وهل ينفع انقل تحت راعي تاني ولا مش فارقة
في الاخر انا عاوزة انتظم وافهم انا فين وايه اهمية الراعي بالنسبة ليا كعضوة؟

حبيبتى باربى الاعضاء الجدد بتحددها الشركه يأما 3 شهور او 4 شهور حسب الشهر اللى اشتركتى فيه والهدايا الترحيب بتتحط ع اساس انك تعملى كل شهر فى شهور الترحيب 100 نقطه يعنى لو معملتيش شهر منهم ضاعت عليكى بقيه الهدايا بتاعه الشهور التانيه فمدام انتى من شهر 10 يبقى كده بقيتى عضوه قديمه يبقى هديتك ع 250 نقطه مش 100 متزعليش المهم اجتهدى انك تدخلى اعضاء تحتيكى لان ده بيرفع من نقطك انتى يارب اكون اقدرت افيدك

حبيبتى باربى دا نفس الا حصل معايا وعلشان كدا انا من شهر 8 مااشترتش حاجه على كودى علشان اسقط العضويه واشترك مع راعى تانى

توتو كتب:

حبيبتى باربى دا نفس الا حصل معايا وعلشان كدا انا من شهر 8 مااشترتش حاجه على كودى علشان اسقط العضويه واشترك مع راعى تانى

معلش انا اسالتي كتير بس عاوزة اعرف
ازاي بتوقعي عضويتك ؟ تعملي ايه يعني ومين الراعي اللي كويس الواحد يدخل تحته ؟
وبليز حد يقولي انا مش مهتمة بالهدايا خلاص بتاعة الترحيب بس عاوزة اعرف يعني هو الراعي ده هيفدني بايه ؟
يعني اسقط نفسي زيك كده وادخل تحت حد تاني ولا مش فارقة وخلاص ؟

حبيبتى باربى بتسقطى عضويتك انك مش بتشتغلى على كودك وبتجيبى بطاقه اى حد تعرفيه وتشتغلى عليه كده كودك القديم محدش بيشتعل عليه فبيسيط وحكايه الراعى الكويس من الوحش تعرفى الراعى الكويس انه يفيدك ويديكى هدايا ويساعدك لو فى اى مشكله تواجههك يوجهك ويساعدك مش اى عضو راعى يبقى كويس شوفى مين بيتقى الله فى الاعضاء اللى حواليكى وشايفاه مثلا مع اصحابك كويس وبيفيدهم فى اى مشكله تواجههم وخليه عضوك الراعى لان لاسف فى اعضاء رعائ ولا على بالهمم ولا بيساعدوكى خالص هما بس شاطرين لما تشتغلى انتى وغيرك يستفادوا منك بالنقط والهداايا اللى بتنزلهم واصلا فى ناس ولا على بالهممم خالص ولا حتى يردوا على تليفوناتك شوفى مين العضو الراعى اللى تحسى انه هيتقى الله فيكى وخليه عضوك الراعى وربنا يوفقك وتشتغلى كويس ومتقلقيش كده باذن الله هتلاقى حد كويس ولو حابه اى عضو هنا فى اوريفيلم يبقى عضوك الراعى هنا فى المنتدى اساليه واكيد هجاوبك وهرضى وربنا يوفقك لكل ما يحب ويرضى وتشتغل كويس وتوفقى فى اختيارك

يابناااااااااااااااات الاعضاء القدامى ليهم هدايا راس السنه على ال 100 نقطه والكبه على ال 250 نقطه
اى عضوه قديمه بتعمل 100 نقطه بتاخد هدايا راس السنه
يعنى هى من حقها هدايا راس السنه

اما بالنسبه لسقوط العضويه لازم تقعدى سنه ماتشتغليش على الكود بتاعك ولا تعملى اوردر وبالتالى حتسقط عضويتك وبعدها تشتركى من جديد وانصحك تبقى تحت مدام رشا لانها فعلا انسانه حبوبه وحتابع معاكى كل جديد ومش بتتاخر على اى حد فى حاجه انا واحده من ضمن الناس مش تحت كودها بس بحبها جدا وياريتنى كنت تحت كودها بس نصيب
بس برضو الحمد لله لانى العضو الراعى بتاعى برضو مش بيتاخر عليا