احسن الاسعار فى كتالوج الكريسماس

عايز كل واحد يقول راية فى اسعار الكتالوج دة لان ساعات الواحد مش بياخد باله من منتجات اسعارها كويسة وينبه العملاء بتوعه ليها
هابدا بنفسى
مجموعة الفولار والديلايت والسول والاسيندنت و الاتيتيود دي احسن اسعار لها لان الخصم 50 % وبعدين احنا حتى بنشوف العروض الداخلية بنلاقيها 50 % مش اكتر الا نادراً
كمان محدد العين 10752 -17053-17054 دة احسن سعر له وآخر ظهور فى الكتالوج وبالتهيألى اتنسف لاني لقيته موجود وجبته لناس عندى وقريت فى المنتدى انه خلص
كمان مجموعة الكريسماس سعرها حلو قوي ولسة مش عارف هي موجودة ولا لأ طلبتها مش موجودة
كمان البودرة آخر الكتالوج سعرها حلو
غير كدة مش لاقي اي حاجة مميزة بالرغم انه مكتوب على كذا صفحة سعر خيالي للكريسماس
لو حد عندة اي افكار للتنشيط يقلي لان دة بيخلي الناس تتحمس وتشتري لما تعرف انه السعر دة مميز ومش بتعرف تجيبه بالسعر دة تاني

على فكرة محدد العين حيرجع ينزل تانى بس عروض داخلية

فيه كمان عرض تندر كير حلو وعرض الشامبوهات ال 400 مل برضه حلو

مجموعة الكريسماس نازلة تانى الشهر الجاى بس اغلى يعنى لو مش موجودة تتحجز وكمان البابل باث بنفس السعر والصابونة نازلة المرة الجاية ارخص ب 7 جنيه

اوريفليم الحبيبة هو فيه عرض على نص الشهر ولا ما فيش اخبار

احمد فايد كتب:: اوريفليم الحبيبة هو فيه عرض على نص الشهر ولا ما فيش اخبار

حنشوف بعد انتهاء الجرد الايام دي

ان شاء الله تكون فيه عرووض كويسة

المشكله دايما انى بلاقى اغلب المنتجات خلصانه حتى لو كنت طلبت بدرى مش عارفه ليه Wink

انا شايفه ان محدد العين 17082 17083 17084 سعره كويس وكمان ظل الجفون المزدوج من فيجينز بس بشكل عام الكتالوج ده غالي احسن الاسعار فى كتالوج الكريسماس 682635

يارب تنزل عروض وان شاء الله مدام رشا حتفيدنا بالجديد

اعتقد انه في عروض قبل نهاية الشهر ف الاسبوع الاخير زي كل سنة الكرسماس بتبقى في عروض ع البيرفيومز والله اعمل برده

يا جماعه لو ملقتش عرض برفيوم ينفع احجزه عشان لما بحجزه بيقولى انا العرض مش بيتحجز وانا عايزه اتاكد

معلش يا جماعة يعني ايه احجز حاجة يعني لما اجي اعمل اوردر مالقيهاش احجزها فتضاف علي اسمي للأوردر الجاي ؟
طيب لازم الأوردر يكون في نفس الشهر ولا ممكن يكون في اللي بعده ؟وهيكون بسعر اي شهر ؟

مدام رشا
بالنسبة للحجز حضرتك لما بتطلبي طلبية والمنتج مش موجود بيتم حجزه ليكي مباشرة وبتتأكدى من ده من خلال وجود المنتج فى اخر الفاتورة اللى بتجيلك بتلاقي اسم المنتج والكود بتاعه و حضرتك بتابعي مع الشركة امتى ييجي وبتاخديه بالسعر اللى حجزتي بيه وبيفضل تقدري تشتريه فى خلال الشهر الى طلبتي فيه + 2 شهر كمان يعني لو طلبتي فى اكتوبر ممكن تشتريه خلال نوفمبر وديسمبر كمان ومن الملاحظ ان المنتج العرض مش بيتحجز يعني مجموعة التوت مش بتنزل حجز ولو فيه مثلا 3 برفان عليهم 50 % وفيه واحد فيهم ناقص برضه مش حجز ومش عارف بقي المجموعات اللى نازلة فى كتالوج الشهر دة حجز و لا لأ
اتمنى اكون افدتك

ياجماعه المنتج لو الكتالوج عادى بيتحجز انما لو فى عروض داخليه مش بيتحجز مينفعش حجزه

رشا عبد العزيز كتب:: معلش يا جماعة يعني ايه احجز حاجة يعني لما اجي اعمل اوردر مالقيهاش احجزها فتضاف علي اسمي للأوردر الجاي ؟
طيب لازم الأوردر يكون في نفس الشهر ولا ممكن يكون في اللي بعده ؟وهيكون بسعر اي شهر ؟

بصى حبيبتى انتى لمال بتعملى اوردر من الكتالوج وفيه حاجه ملقتهاش ممكن تحجزيها وبتابعى مع الشركه ووقت ماتيجى فى الشركه بتطلبيها وبتاخديها بالسعر اللى كنت حجزه بيه ونقها بتتحسب فى الشهر اللى حتاخديها فيه

هو موضوع الاسعار دة مش عاجبكوا يا جماعة ما فيش مشركات على الموضوع لية

الموضوع حلو بس الازمه ان المنتجات اللي اسعارها حلو تتعد عالصوابع احسن الاسعار فى كتالوج الكريسماس 424858

عندكوا حق فعلاً الكتالوج دة غالي جدا واتمنى يكون فيه عرض نص شهر كويس

انا من اول ماشوفت كتالوج الكريسماس بصراحه اتصدمت الكتالوج غالى جدا وحاجات بسيطه فيه هى اللى سعرها حلو
عموما نستنى شويه يااااااااااااارب يكون فى حاجه كويسه

شكرا يا استاذ احمد وشكرا ليكي يا ساسوو
اما موضوع الأسعار انا شايفة ان البارفانات بس هي اللي عليها عروض كويسة اما الباقي فعادي
وعلى فكرة كمان يناير مش شايفة اسعار كتير كويسة

رغم ان المنتجات غالية الا ان الفروع زحمةو عليها سحب جامد ومعظم العروض خلصت

عندك حق يا اوريفليم انا برضه حسيت بالزحمة دي

الفروع زحمة جدا والطلبيات كتيرة والمنتجات اللي بتخلص بتيجي منها كميات تاني وتخلص برده
ممكن تتابعوا مع الشركة يوميا لحد ما تيجي المنتجات اللي طالبينها
وكل يوم غير التاني يعني المنتجات اللي خلصت امس ممكن تلاقوها موجودة النهاردة

هو الشاور كريم تاع الكريسماس لسة ما جاش طلبته اكتر من مرة مش موجود ياتري جه وحد جربه ولا لسة

احمد فايد كتب:: هو الشاور كريم تاع الكريسماس لسة ما جاش طلبته اكتر من مرة مش موجود ياتري جه وحد جربه ولا لسة

ان شاء الله يجى طالما حجزته متقلقش هو نازل تانى الشهر الجاى

فعلا هو كتالوج الكريسماس مش شغال اوى ويا ريت الشركه تنزل عروض علشان نعرف نشتغل وبرده كتالوج شهر 1 مش حلو خالص ومش عارفه هينزل عروض الشهر اللى جاى ولا لا اى شهر واحد Laughing