الحقوني يا عالم

متزعليش يا ام سيف معلش الواحد مش بيتعلم بلساهل بس مش انتى عضوه يعنى اطلبى انتى الاورد بتاعك وحاسبى عليه مش هى اللى تبعلك المنتجات وبلنسبه لما حد يكون عايز يدخل تحت كودك اعمليله انتى العضويه او خليه يشترك بنفسه ويطلب الدخول تحت كودك يعنى يبعت صوره البطاقه ويطلب ده او ابعتيها انتى ودخليه تحت كودك
ولا يلدغ المؤمن من جحر مرتين وخلى باللك بعد كده يا جميل و اهم حاجه متزعليش نفسك

انتى ياما تعملى الاوردر شحن ويوصلك على البيت ياما تروحى الفرع وتعملى الاوردر بنفسك طالما بتاخد حاجاتك يبقى انتى تعملى حاجتك بنفسك

ام يوسف كتب:

مرسي علي كل اللي رد عليا لكن ليا استفسار وهو شكل علبه كورات اللؤلؤ البرونزيه بتبقي متسلفنه يعني عليها ورق بلاستيك من بره زي البرفيوم كده عشان العضوه اللي انا تحتها باعتهالي وهي مفتوحه وكمان باعتهالي وهي دي الهديه اللي مفروض اخدها هديه لما اشتريت اول شهر للترحيب ب180 جنيه كملت هي وخدت الهديه وبعد كده كمان بعتهالي والله حلو اوي اللي بيحصل ده ياريتني كنت اعرف مدام رشا عشان كنت اعمل العضويه معاها يا خساره

لا ياقمر الكورات مش متغلفة وبتتفتح عادى بس بيكون معاها الفنجة الخاصة بالاستخدام
معلش ياقمر ربنا يعوضك بس بعد كده اعملى حاجاتك بايداك او اعمليها شحن

سبحان الله .. فى كدا ؟

من رأى المفروض تقابلى حد من مسؤلى الفرع اللى اشتركتى فيه

وانا رأيى من رأى مدام رشا
انتا تعملى شكوه بكده للمسؤلين فى الفرع الخاص بيكى وهما يتعاملو معاها

هو في كده بجد كده كتير و ربنا معاكي يا ام يوسف

على فكرة انا زى ام يوسف بردوا وبعتولى ميس اوه مش جيوردانى

يا جماعه هو فعلا الواحد ينفع يشترك مثلا باسم اخته ويبتدى من جديد ده مش هيسبب مشكله عشان انا نفسى اكون ضمن شجره مدام رشا عشان انا تحت الشركه وجديده وتقربيا معرفش حاجه ومحتاجه اللى يساعدنى ويوجهنى؟؟؟؟

روشة انا هشترك انشا الله الشهر ده باسم جوزى بس عاوزه اعرف العضوية مجانية عشان انتى عارفه انا هموت وابقي معاكي انتى هسيب العضوي بتاعتى عشان انا اصلا مجاليش حاجه خالص زى ما انتى عارفه من برنامج الترحيب ولا الراعيه بتاعتى قالتلى اصلا عنه حاجه وكنت بطلب طول الوقت من غير هدية واحدة حتى
قوليلي بس العضوية مجانية و لا ايه النظام
كمان كرات الؤلؤ دي طالما عدى 8 دسمبر خلصت ولا ايه عشان مش شايفاها في الكتالوج الجديد
وكمان الكريم بتاع الخطوط البيضاء مش شايفاها بخصم ايه النظام كده بقي

السلام عليكم
اولا بس عاوزة اهنيكم بروح التعاون بينكم ومشاركتكم لحل اي مشكلة وده اللي شجعني اني اتواصل واتمنا اني اكون بينكم حكايتي مش بعيدة عن مشكلات لاخوات الجدد انا مشكلتي تتلخص في الكسل والثقة الزايدة بصديقتي عرضت عليها ادفع لها الاشتراك وهي تجيب لنا حاجتنا عشان هي اخف ني واقرب للشركة في اسكندرية ومن ساعتها ه بتاخد كل الهدايا اللي بتنزل مع ان حاجاتي انا اكتر منها ولما كنت بدخل هنا وبقرا كلامكم عن ازاي اتعرف على ناس واوزع وكده كنت بفهمها واشرح لها ازاي تتعرف على ناس وتسوق المنتجات
وبالفعل ابتدت تعرف وتوزع ولا بشوف حاجة من المكسب او الهدايا على الاقل ولا حت بتعمل زي الاصحاب وتيجي تفرجني انا كنت بعرف بالصدفة ودلوقت قررت اعمل انا عضوية جديد لوحدي فياريت لو حد يبدا معايامن البداية واحدة واحدة ويعرفني الخدطوات ويفهمني النقط وانا قارية عندكم العضوية مجانا ياريت حد يكون عنده سعة صدر ويساعدني وشكري ليه مسبق