بخصوص كود العضوية

بالنسبة للعضوات اللاتي يعرضن كود العضوية الخاص بهن على مواقع الانترنت حتى يتسنى لغير الاعضاء عمل طلبات بواسطته:
ماذا لو قام احد بعمل طلب بواسطة التليفون بهذا الكود ألن يتم ارسال هذه الطلبية بالشحن الى عنوان العضو؟؟ ماذا يكون التصرف في هذه الحالة؟؟؟ !!! ؟؟؟

لو حد طلبه بالفون وعمل شحن حتوصل للعنوان االعضو مش للى طالب الحاجة

طيب مهو العضو مكنش طلب الطلبات دى هيعمل ايه هيستلم الطلبيه ويتدبس فى فلوسها
ولا يرفض الاستلام ولو رفض يحصل ايه؟

نيفين فتحى كتب:: طيب مهو العضو مكنش طلب الطلبات دى هيعمل ايه هيستلم الطلبيه ويتدبس فى فلوسها
ولا يرفض الاستلام ولو رفض يحصل ايه؟

ايوة يا نيفين انتى فهمتيني صح
حد يجاوبنا يا جماعة ؟؟؟

يا جماعة هم بيطلبوا العضو تانى و يتابعوا معه و يأكدوا الأوردر

الموضوع مش بالساهل اوى اعتقد

لا يا زمزم انا شغاله على 3 عضويات وبعمل الاوردر على اى اسم منهم ومفيش ولا مره حد اتصل يتاكد من صاحب العضويه اذا مان فعلا هو عايز الاوردر اللى اتطلب مش باسمه ولا لآ

ياحبايبى لو راحلها اوردر مش هى اللى طلباه عادى بترفض استلامه لانها معملتش اوردر وبالتالى الاوردر كمان بيتلغى وبيرجع للشركه مع مندوب الشحن
اصل مدام مش هى اللى طلبته حتستلمه ليه ولو رفضته الشركه مش حتخسر لانى منتجاتها معاها وحقها ضمناه يارب تكونو فهمتونى

وهما هيعرفوا منين انها مش هى اللى طلبته
هما مش بيسالوا مين اللى بيطلب انت بتملى الكود وبياخدوا الاوردر
بس لما مره عملت عضويه لوجده وبعد ما وصلها المندوب قالتله مش عايزه العضويه اتصلت الشركه بيها وقالتلها انت كده بلوك مش هتقدرى تعمل عضويه باسمك تانى
ففى اجراء بيتاخد فى حاله عدم الاستلام

ما اظنش
لانى انا مره كان طلبه الاوردر اجل وجالى كاش ومردتش استلمه والاوردر رجع للشركه

يعني ممكن يترفض ويرجع عادى مايحصلش مشاكل؟؟

بصراحه انا مش متاكده
بس مدام الشركه معاها حقها تبقى فين المشكله

معقول كدة مفيش حد عنده الاجابة الاكيدة ؟؟!!؟؟

احنا نستنى رأى استاذ عصام او مدام رشا لانى اكيد كلامهم ثقه

ياريت فعلا حد يجاوبنا اجابه موءكده

لما العضو يرفض يستلم الطرد مندوب الشحن بيبلغ الشركة ان العضو رفض يستلم الاوردر

والشركة تتصل بالعضو وتشوف السبب ايه لو سبب مقنع يبقى مفيش مشكلة

اما السبب غير مقنع وتكرر من العضو ممكن تتخذ الشركة اي اجراء هي شايفاه ممكن يصل ان العضو ميقدرش يعمل اوردر شحن تاني لان كود العضو ممكن يتكتب فيه اي ملاحظات

والسبب طبعا ان اوريفليم بتدفع لشركة الشحن ميدل ايست التوصيلات دي وكمان المرتجع بيكون سعر الشحن مضاعف

وقسم الشحن بيخدم اكتر من 2000 عضو

شكرا ليك جدا يامستر عصام والله مش عارفين من غير حضرتك انتا ومدام رشا حنعمل ايه انا بعتبر انى حضراتكم العضو الراعى ليا

فعلا يا جماعة انا مرة طلبت اوردر بس غيرت العنوان للبنت اللي طلبت الحاجات وهي ربنا يجازيها رفضت الاوردر بالرغم انها قعدت شهر مستنية العروض دي وماكده عليهل قبل الاوردر ما يروحلها ومجرد ما راحلها رفضته
الشركة كلمتني وكانو فعلا هيلغو كودي والدايركتور بتاعتي عي اللي حلت المشكلة بعد ما كلمت المدير وحولوها من حد للتاني
فخلو بالكو اوي من المواضيع دي لانهم ممكن فعلا يلغو الكود ويعملوه بلوك

كويس جدا ان الشركة عاملة الموضوع ده عشان كل واحد يخلى باله

اللي انا فهمته من كلامكم ان لو اي حد اتصل يالشركة و قالهم كود معين بيبعتوا الأوردر على عنوان صاحب هذا الكود مش اي عنوان تاني !!!!!!!
امال ليه المنتديات مليانة اعلانات بتقول لو عايز اي من منتجات اوريفليم اطلب على كودي رقم ....... و بنفس سعر الأعضاء .
انا مش فاهمة الأوردر حيوصل للشخص اللي طلب ازاي ؟ .... و صاحب الأعلان ده بيستفيد ايه ؟

وسؤال كمان لو سمحتم هو لو حد راح الشركة و طلب اوردر على كود معين بيتأكدوا ازاي انه صاحب الكود ده ؟ ولا أي حد ممكن يطلب على أي كود لو عارفه ؟

بصى حبيبتى ممكن اى حد يتصل بالشركه ويطلب اوردر على كود حد معين ويقولهم عنوان اللى طالب الاورد بس لو مستلمش حتحصل مشكله وعضويتك حتتسحب منك لانك موزعه كودك لناس متعرفيهاش والشركه مش ملزمه توصل لشحن لحد ويترفض الاستلام وترجع تانى مدى مصاريف للشركه
انما لو راح الشركه نفسها انا شيفه انه مفيهاش مشكله لو انتى حد خد كودك وراح الشركه واشترى على كودك
دى حتتحسبلك انتى
انما بالنسبه للشحن لا طبعا غلط كبير لانك ممكن تخسرى عضويتك
اللى بيتعاملو على المنتديات وبينزلو اكوادهم ده غلط
اوعى تفكرى كده