عضوة جديدة وعندى اسئلة ..

اهلا بيكي يا Mushera انتي واصحابك

نورتي منتدانا حبيبتي

اسئلتك جميلة وان شاء الله مفيدة للجميع وبجاوبلك عليها كلها واحد واحد

هو انا لو حد اشترك تحت الكود بتاعى واحنا الاتنين فى برنامج الترحيب هاخد نسبة نقط على مشترواته ولا لازم اكون خلصت برنامج الترحيب الاول ..؟؟


اكيد ان شاء الله تاخدي نقط علي مشترواته حتي وانتي في برنامج الترحيب عادي خالص

السؤال التانى .. على فرض ان حد اشترك تحت الكود بتاعى بعدين بعد برنامج الترحيب.. انا باخد نسبة اد ايه من النقط بتاعته .. يعنى لو هو عمل 100 نقطة الشهر دا انا هاخد زيه 100 نقطة ولا هاخد نسبة من ال 100 نقطة بتاعته .؟؟

سواء اللي اشترك ده كان قبل ما تخلصي برنامج الترحيب او بعده انتي بتتضاف اليكي عدد نقاطه كلها ال 100 نقطة مثلا بتتضاف الي ال 100 نقطة بتاعتك اللي عاملاها علي كودك
وتبقي مجموع نقاطك 200 نقطة
وبكدة بتبقي حققتي اول مستوي في الشركة عليه مكافأة مالية وهدية من عندنا

انا ممكن اروح اشترى المنتجات من اى فرع صح ..مش لازم اللى اشتركت فيه ..؟؟

ايوة يا جميل ممكن تشتري المنتجات من اي فرع غير اللي اشتركتي منه وممكن كمان بالتليفون عن طريق خدمة الشحن 19662

ينفع حد يطلب ويستلم الطلبيه بتاعتى لو اديته اصل البطاقه الشخصيه بتاعتى ولا لا ...؟؟

ينفع حد يطلبها عادي خالص ومن غير البطاقة كمان بس يكون معاه كود عضويتك وبس ويطلب عليها الاوردر اللي عايزه

لو انا فى شهر 8 وطلبت حاجه من شهر 7 وكانت متوفرة عندهم هتضاف
نقطها للمشتروات ولا لازم لازم تكون كل النقاط من كتالوج شهر 8 ...؟؟

اي منتج تطلبيه هتتضاف نقاطه للشهر اللي طلبتيه فيه
يعني هتتضاف نقاط للمنتجات اللي طلبتيها حتي لو مش موجودة في كتالوج 8
بس هتكون بسعرها الاصلي مش السعر اللي في البرموشن الا اذا كنتي حجزاها بالسعر اللي في كتالوج 7
ولو مش فاهمة النقطة دي قوليلي واوضحهالك اكتر

اه يارشا معلش انتى مجاوبتيش على سؤالى الاخير ... معلش
بس هو ال 100 نقطة ب 300 جنيه ولا اكتر اعمل حسابى ازود المنتجات ...؟؟

وشكرا على سرعه الرد

بالنسبة لموضوع طلبيه شهر 8 هقولك .. انا عايزة الاى لينر اللى فى صفحه 23 بتاع شهر 7 بس قولت هطلبه فى 8 وخلاص علشان يزود النقط بالمرة بس مكنتش اعرف انه مش هيكون فى التخفيض ..
وكده كده انا مش هعرف اتصل واحجزه لانى مش عضوة اصلا

امنمنمنمنم

انها لمشكلة صعبه بالفعل ..

Mushera كتب:

الله يكرمك يارشا بجد ربنا يباركلك .. علشان جاوبتى عل ىالاسئله وعلشان كمان الاجابات طلعت حلووووة زى ماكنت عايزاها هههههههههههه خصوصا فى موضوع النقط دى ...
اصل انا عندى مشكلة انى عايزة اكون فى برنامج الترحيب وبصراحه بشترى حاجات مش ضرورية اوى فى كتالوج 8 علشان اوصل لل 300 جنيه مع ان الضرورى عندى ب 210.. بس كده لو ناس اشتركت تحتى ممكن هما يكملولى ال 100 نقطة ويزيد كمان .. انا مبسووووووووطة ههههههههههه

الحمد لله االاجابات طلعت زي مانتي عايزاها
و ميرسي يا مشيرة علي كلامك الجميل
بس في حاجة .. .. مهمة
وهي انك لازم تكملي ال 100 نقطة علي كودك الشخصي
علشان تتضافلك نقاط المشتركين تحت كودك
وبرنامج الترحيب بيكون علي ال 100 نقطة علي كودك الشخصي برده

Mushera كتب:

اه يارشا معلش انتى مجاوبتيش على سؤالى الاخير ... معلش
بس هو ال 100 نقطة ب 300 جنيه ولا اكتر اعمل حسابى ازود المنتجات ...؟؟

وشكرا على سرعه الرد

بالنسبة لموضوع طلبيه شهر 8 هقولك .. انا عايزة الاى لينر اللى فى صفحه 23 بتاع شهر 7 بس قولت هطلبه فى 8 وخلاص علشان يزود النقط بالمرة بس مكنتش اعرف انه مش هيكون فى التخفيض ..
وكده كده انا مش هعرف اتصل واحجزه لانى مش عضوة اصلا

امنمنمنمنم

انها لمشكلة صعبه بالفعل ..

مش صعبة ولا حاجة انا ممكن اوفرلك اللي انتي عايزاه دلوقتي ان شاء الله
بس اتعرف بيكي اكتر واعرف انتي فين وكده
ضيفيني علي الماسنجر
roshabakr@yahoo.com
انا موجودة من 6 ال 10 مساءا كل يوم ماعدا الجمعة
منتظراكي حبيبتي

ميرسى على النصايح يامدام رشا وبجد استفدت منها وفعلا ياقمر لازم تعملى 100 نقطة كل شهر على كودك عشان تستفيد بنقاط الناس اللى تحتك
وحاولى مثلا تجيبى حاجات لاصحابك او قرايبك معاكى عشان تقدرى تكملى ال 100 نقطة بتعتك

بالنسبة للنقطة هيه ساعات النقطة بتكون ب 3 جنيه على منتجات وساعات بتكون ب 3.25 جنبه
وكل شهر فيه فلاير جديد بيتكتب فيه المنتجات واسعارها وعدد النقاط

بالنسبة كمان للعروض الداخلية فاسعارها دائما بتكون اقل من البروشور لان الخصومات بتوصل لنسبة 50 و60 %
وكمان النقاط هنا بتكون مختلفة وقليلة نظر لان السعر بيكون مخفض جدا ويلا الحقى العروض الداخلية الحالية لانها بجد جميل حتلاقى مدام رشا منزلة الصورة بتاعتها
واهلا بيكى فى المنتدى الجميل ده

حبيباتي
اعضاء نادي اوريفليم
ابلغ لكم اعتذار مدام رشا عن عدم وجودها ف المنتدى هذه الفترة والتي ستنتهي يوم السبت القادم ان شاء الله لوجود عطل في الانترنت لديها فنلتمس لها العذر وبعد ذلك ان شاء الله ستتواجد ف المنتدى وع الميل من الساعة ال 6 وحتى ال 10 يوميا ما عدا الجمعة

وتحت امر اعضاءنا الكرام ف اي استفسار

ان شاء الله العطل يتصبط وترجع تنورنا تانى

ربنا يخليكوا عل ىالترحيب دا ...
بس انا لاحظت حاجه هى خانه العميل والعضو متشقلبه فى الدوف بتاع 7 ... لان سعر العضو اعلى من سعر العميل ههههههههه

على العموم انا كده توهت اكتر فى موضوع النقط ... مش عارفه بقى كده النقطه بكام كل شوية تتحسب بسعر ...
كمان انا كنت فاكرة انى بقسم سعر العميل على ال 3 او ال 3.25 لكن طلع انى بقسم سعر العضو على الارقام دى ...

مش هلحق اكمل برنامج الترحيب كده

ان شاء الله

Mushera كتب:-
ربنا يخليكوا عل ىالترحيب دا ...
بس انا لاحظت حاجه هى خانه العميل والعضو متشقلبه فى الدوف بتاع 7 ... لان سعر العضو اعلى من سعر العميل ههههههههه

على العموم انا كده توهت اكتر فى موضوع النقط ... مش عارفه بقى كده النقطه بكام كل شوية تتحسب بسعر ...
كمان انا كنت فاكرة انى بقسم سعر العميل على ال 3 او ال 3.25 لكن طلع انى بقسم سعر العضو على الارقام دى ...

مش هلحق اكمل برنامج الترحيب كده


فعلا يا مشيرة
هية الخانتين المرادي متلغبطين والسعر الاقل للعضو والنقط هية الخانة لي مكتوب فيها Bp
مثلا اول منتج ف الدوف هتلاقي اول خانة له مكتوب فيها الكود 1001 جنبها خانة اسم المنتج لي هوة السيرم المرطب وبعدين خانة سعر العضو والعميل وبعدين خانة BV ودي انت مش حتحتاجيه خالص لانها خاصة بحسابات الشركة وحجم العمل والمكافات
وبعدها خانة ال Bp وهية دي خانة النقط مكتوب فيها 39
يعني انت عشان تعملي اوردر من 100 نقطة تكتبي طلباتك كلها ف ورقة جنب كل منتج كوده عشان وانت بتملي الاوردر هتملي الكود مش المنتج وعشان تسهليها ع نفسك اكتبي عدد نقاط كل منتج برده جنبها وف الاخر اجمعي النقط لحد ما توصلي ل 100 نقطة وبكدة تعملي الاوردر وتاخدي الهدية ان شاء الله
بس اعملي حسابك ف حاجات احتياطي عشان لو مش لقيتي المطلوب تحطي بدالة وفهميه كده اللي هيعمل معاكي الاوردر ع الاوريكو قوليلة وصلني لل 100 نقطة وهوة هيقولك وانت بتملي فاضلك قد ايه او وصلتي ولا لا عشان مش تخسري الهدية لانك لو خسرتيها مش هيبقى من حقك انك تكملي الويلكم وهتخسري هدايا الترحيب كلها
يلا الحقي جمعي حاجاتك واعملي قبل الشهر ما يخلص
عندك عروض داخلية نازلة فيها كريم القدم بسعر هايل اول مرة ينزل كده نازل لينا ب 9 وربع بس وهو كريم هايل فعلا وبيرطب الرجل جامد ولو فيها الم بسيط من الوقفة مثلا بيظبطها بيستعمل قبل النوم ع قدم نظيفة
وكمان اسبراي افتر اورز جميل وعرضه تحفة والتندر كير ف الكتالوج اول مرة ينزل بالعرض الجامد ده
لو عايزة اي استفسار انا تحت امرك بس يلا بسرعة الحقى اعملي العضوية واوردرك قبل الشهرما يخلص والعضوية المجانية تروح عليكي لانه الشهر جاي مش مضمون عضوية مجانية فيه ومش ضامنين برنامج الترحيب هيكون ازاي حلو زي ده ولا لا انت الشهر الرابع لو عملتي عضوية ف 7 ليكي 2 بارفان
بسررررررعة مش تفوتي العرض
ومش تنسي الكود بتاع مدام رشا خديه معاكي واكتبيه ف خانة الراعي عشان تبقى معانا ف الشجرة بتاعتنا
لو مش قدرتي تجمعي النقط ومش عايزة تضيعي الفرصة جمعي طلباتك اانت واصحابك ف اوردر واحد واعملو عضوية واحدة المرادي وبعد كده انتي ساعديهم ف تجميع نقاطهم لما تنزل عضوية تانية ببرنامج ترحيب تاني حلو
يلا مستنية تقوليلي انك عملتي العضوية بكرة واخدتي الهدايا
سلااااااااااام يا قمر وسلميلي ع صحبتاتك

السلام عليكم
انا عضوة جديدة وعايزة اكون عضوة في الشركة بس مش عارفة ازاى ؟؟؟
ومش عارفة نظام الشركة ايه؟؟؟
يا ريت حد يفهمنى واية هى طريقة عمل عضوية في الشركة؟؟؟

اهلا بيكى ياقمر فى المنتدى
ابعتى لمدام رشا فى اتصال بينا وهيه حتفيدك جدا وكلميهاعلى الايميل بتاعها