سؤال عن كريم الاساس

السلام عليكم
اولا بحب اشكركم على المنتدى الرائع والي عرفني على كتير من منتجات اوريفليم و استخداماتها وشجعني استخدم كتير منها

حابة احكيلكو حكايتي من الاول خالص
ههههههههههه

انا عروسة جديدة لسة مخطوبة وهاسافر لخطيبي قريب ان شاء الله ادعولي
يعني احتمال الفرح بعد شهر كده

وانا ولا عمري حطيت ميك اب على وشي من نفسي ,, يعني معرفش حاجة في اي حاجة ,, الا يوم خطوبتي الكوافير عملتلي الميك اب
الحمد لله خطيبي مش بيحب الميك اب خالص ومريحني

بس الي اكتشفته انه مش مبيحبش الميك اب ,, لا هوا مش بيحب التقيل والي يبان في الوش يعني الي يخلي الواحدة عاملة اكنها عروسة المولد

بس لما كنت بحط حاجات خفيفة ومش باينة اوي(يعني جلوس خفيف وشوية تحديد مش باينة وشوية كحل وماسكرا بدون اساس ) بس عاملة فرق اكيد ومدية لوشي اشراقة <<<حلوة حكاية اشراقة دي

كان بيقلي اني حلويت
احم احم
لذلك قررت ادور على الحاجات الخفيفة قوي
او الحاجات الي ممكن تخفي عيوب وشي ( انا عندي نمش كتير اوي على فكرة على انفي وخدودي شوية)
المهم والي هوا سؤالي

ايه كريم الاساس الي بيدي تغطية كاملة للنمش والحكايات التانية الي في وشي بس مش بيدي المنظر الصناعي
يعني بيبقى عامل اكنو وش بني ادماية بس صافي
ههههههههه
يعني مثلا انا بلاحظ الممثلات الاجانب مش بيبان انهم ماخدين وش دهان وبيبان ولا كانه حاطين حاجة يحرام ههههههههه
بس عندنا الحمد لله كل المكياج باين ومش حلو

يلاا مستنياكم على نار
ههههههههههه

اه بالمناسبة لو لاقيتو كريم الاساس السحري ده
قولولي ايه الي يناسبني لون منه

انا بيضا بس وشي محروق من الشمس انما بيضا هههههههه يعني وشي وجسمي بينهم فرق لصالح جسمي طبعا

مبروووووووووووووووووووووووووووووووووووووووك يااحلى البنات على الخطوبه
وعقبال ماتسافريله احلى عروسه يارب ويعاكس فيكى بقه
ههههههههههههههههههههههههههه

بصى ياحبيبتى كريم الاساس الfoundation ده عباره عن طبقه بتحطيها غلى وشك كاساس للبودره وبيخلى وشك متظبط علشان لما تجطى البورد ماتحسيش بفرق بين اى منطقه اما فى الوجه او الرقبه
وده مش بيشيل عيوب
انما اللى يخفى العيوب سواء كان نمش لو جبوب ده اسمه كونسيلر وهاتلاقيه فى مجلبه اوربفايم ماركات متعدده بص ترتيبهم بالنسبه للجوده:
1- جيوردانى
2-ماركه اوريفايم نفسها
3-قيجينز
بس بصراحه جيوردانى واوريفليم تكاد تكون الجوده قريبه من بعضها انما فيجينز خفيفه اوووى

بص صعب انك تجيبى كل احتياجتك فى شهر واحد لان مش كل الحاجات هاتلاقى عليها عروض
ممكن استاذ علاء لو قدر يوفر ليكى بعض احتياجتك من عروض سابقه لو عنده سيوله فيهم
هو ان شاء الله هايرد عليكى هو مش بيتاخر على اى عضو بصراحه ولا هو ولا مدام رشا ربنا يجازيهم خير يارب
يارب قدرت افيدك ياعروسه
lol!

السلام عليكم
اولا الف مبروووووووووك ياقمر
انا بقى ياسيتى زيك كده بالظبط مش بحب ان الميك اب يبقى ظاهر بحب يبقى طبيعى ويدينى مجرد اشراقه فقط
وانا بستخدم كريم اساس فينجر وهو حلو اووووووووووووى بيخفى العيوب وبيبقى طبيعى اوى على البشره
واحسن ميزه فيه انه خفيف لما بحطه وكمان بحد بودر كل الناس بتحس ان انى مش حاطه حاجه خالص
جربى وشوفى على ضمانتى واستخدى اول درجه اللى هيه بورسيلين دول
والف مبرووووووووك ياقمر
ربنا يسعدك يارب

[center]

مرسي منولة على ردك

الله يبارك فيكي يا عسولة

[color=blue][b]انا عارفة انه الكونسيلر بيخفي العيوب

كريم اساس جوردوانى جميل جداااااااااااااااااااااا وخفيف واختارى لون بشرتك بجد تحفه وكمان بوردره المضغوطه جوردوانى جميله

الف مبروك و ان شاء الله تسافري لعريسك و تكوني احلى عروسة و تنوري بيتك
بصي بقى يا قمر احلى كريم اياس هو جيورداني هو غالي شوية بس نصيحة لازم لازم و لابد ان كريم الاساس يكون ماركة نضيفة جدا علشان دي الحاجة اللي بتتحط على الوش عالطول ده طبعا لو ماكنتيش بتستعملي base و برضه base بتاع جيورداني جميل جدا -- بصي انت حاجات جيورداني خديها كده و انت مغمضة - بس انت لما تجيبي كريم الاساس جيبي درجة قريبة من بشرتك
كمان لو عايزة لوك طبيعي استعملي loose powder بتدي فعلا لوك حلو قوي و بيبان طبيعي
و نصيحة صغنونة كده عالماشي قبل ما تحطي كريم الاساس و الميك اب حطي كريم مرطب ووزعيه كويس و استني 10 دقايق و بعدين اعملي الميك اب بتاعك
لو عندك كتالوج 13 بصي عالموديل اللي في صفخة42 شوفتي اللوك بتاعها رقيق ازاي ؟

كلامك كله تمام يا ايس
بس البنت باعتة المشاركة من شهر 5 زمانها اشترت واتجوزت من زمان
هههههههههههه
معلش بقى بس فعلا مشاركتك جميلة وردك تمام