اقلام شادو فيجنز

موضوع: اقلام شادو فيجنز الأحد مارس 01, 2009 5:59 pm

السلام عليكم يا بنات
كيفكم جميعا ان شاء اللة بخير
كنت عايزة اسال يا بنات لو فى حد جرب اللون الاخضر
بتاع افلام الشادو بتاعت فيجنز
كنت عايزة اعرف اللون اخضر فاتح ولا اخضر واضح
لان فى البرموشن مش واضح اوى على الموديل لونة اخضر حلو وواضح لكن السن بتاع
القلم نفسة فى البرموشن شكلة اخضر فاتح اوى
وهو نازل فى برموشن شهر 3 وكنت عايزة اجيبة
ياريت يا بنات حد يفيدنى وفى انتظار ردودكم
Crying or Very sad

انا جيبت الروز واللبنى حلوين اوى وهما فعلا لونهم فاتح
ياعنى اعتقد الاخضر هيبقى فاتح مش زيتى ياعنى ولا اخضر غامق وممكن كمان اللى شافه يفيدك اكتر
وبفكر اجيب الابيض كمان بس هما سنهم ناعم وحلوين اوى

انتى تقصدى الاخضر الملمع بالجليتر والا اخضر سادة
عشان فى نوع جديد من اقلام الاى شادو نازلة فى كتالوج مارس اخر صفحة
وعلى فكرة يا بنات الاقلام موجودة فى الشركة
انا عملت اوردر النهادرة ولقيت كل المنتجات اللى عوزها ومنها الاقلام الجديدة وكريم الايدى اللى بالشكولاته موجود كمان

أنا عارفة القلم اللي تقصديه
هو قلم العين اللي عامل زي استيك الروج
صح
هو أخضر فاتح بس لونه جميل أنا جايبة الجديد منه اللي في عبوة سوداء
أما باقي الألوان فكنت جايباها من القديم
الروز والأبيض
لأنهم أحلى من العبوة الجديدة
اللي نازل مكانهم الفضي والموف
بس درجة الأخضر فاتحة بس حلوة بس هي أفتح من اللي على الموديل
أي خدمة Idea

أخ أخذت بالي تقصدي قلم الفيجنس اللي زي القلم الرصاص
لا يا أختي ألوانه فاتحة جدا
أنا عندي الأزرق كنت جايباه في عرض
ولونه في ميزة مش موجودة في غيرة حاجة واحدة إن لونه بيقلب لألوان الطيف
أيوة يعني اللون الأورق بتاعي بيبرق كده في الإضاءه بس بيعطي ألوان طيف براقة
لكنه مش غامق زي ما هو في الكتالوج
ده الأزرق منه بس اللي جربته

ياريت لو توضحى ليا الاقلام دى فى صفحة كام
فى برموشن مارس

اشكركم يا بنات على تفاعلكم وردودكم السريعة والمفيدة
جزاكم اللة كل الخير
وانا اقصد يا سجود اقلام شادو فيجنز الى فى صفحة 42
ف كتالوج شهر مارس

انا ناوية ان شاء الله اجرب اللى بالجليتر وحجرب الأخضر ان شاء الله بس حد جرب كريم الشيكولاتة

انا جربته كريم الشيكولاته
بص ياسيتى لو انتى جايباه علشان ريحة الشيكولاته فمش هتلاقى اى شيكولاته فى الموضوع هو ريحته زى البنبونى كده وجوز الهند
اما تاثيره فهو عادى جدا مش واو يعنى

بصراحة انا جربت كريم الشكولاتة الجديد
وبجد روعة وعجبنى اوىبينعم والبشرة بتشربة
بسرعةوكمان ريحتة تحفة وبتقعد كتييييير فى الايد
وكمان ريحتة شكولاتة بيضاء جدا
وابعد ما يكون عن ريحة جوز الهند
اما بالنسبة لقلام فيجنز الى بالجليتر فهى بصراحة معجبتنيش خالص
ناشفة جدا وتقريبا مفهاش جليتر قليل اوى
انا جربت البنى منها وندمت انى جبتة بصراحة

يا بنات أنا جربت كريم الأيدي والأظافر اللي بالشيكولاته البيضاء ريحته فعلا شيكولاته بيضاء خالص بس انا عن نفسي ريحته معجبتنيش بالمرة وحسيت انه خفيف قوي وزي المية ولا يوجد له أي تأثير بس ممكن يكون حد تاني جابه وعجبه والناس أذواق بس لو انتي عايزة كريم لليد حلو قوي جربي التندر كير

انا جربت الكريم اللى بالشكولاتة
روعة يا بنات روووووووووووعة
وناعم جدااا وخفيف زى ما قالت مونيا انما درجة نعومته تجنن وريحته شكولاته فعلا
وبيقعد كتير فى الايد ومش بيلذق ولا الكلام ده
وعلى فكرة مش ريحته بنبون نهائى ريحته شكولاته شكولاته شكولاته
ولا فى اى ريحة من جوز الهند

وبالنسبة لللاقلام بتاعت فيجينز الجليتر
فهى فعلا مش حلوة وخفيفة جدااا مش نفس للون الا على عيون الموديلز نهائى
وناشفة مش ناعمة اوى زى اوريفليم بيوتى
انا جبت الاخضر منه والجليتر بتاعه مش خفيف
انا كنت مجربه من برجواه نوعين بالجليتر وكان ناعم وتحفة والجليتر كتير فى
جبت منه الدهبى والفوستقى
انما بصراحة بتاع اوريفليم مش حلو نهائى

كريم الشيكولاته كل اللي خده مني شكّر فيه خالص
وقال إنه زي البنبوني اللي بالبن والشيكولاته البيضاء فعلا
وأقلام الفيجنز قلت رأيي فيها
أول الشهر

» كود الماسكارا الشفافه = فيجنز
» عرض فيجينز الجديد للأى شادو
» اقلام العيون فى كتالوج 9
» شادو فيري مي
» حد جرب الآي شادو الجديد