عضوه جديده و مشكله مع الراعى

السلام عليكم
لو سمحتوا أنا عضوة جديده

مسجله الشهر اللى فات و الراعى بتاعى هيا اللى عملتلى العضويه و أديتنى رقمى
و عملت فى شهر نوفمبر 50 نقطه و الشهر 12 لحد دلوقتى 16 نقطه
اللى فاهماه إن العضوات الجدد لما بيجمعوا أول 100 نقطه بيكون ليهم هديه
أنا إكتشفت إنهارده إن الراعى بتاعى بتعمل أوردرات بالعضويه بتاعتى من غير ما أعرف

و إنهارده رحتلها علشان أعمل أوردر طلبنا الأوردر و أخدت الإيصال تصرفهولى و راحت صرفته و أخدت الهديه ليها من غير ما أعرف إن فيه هديه أصلا
و جابتلى الأوردر بتاعى بس
و لما روحت لقيت فى إشعار التسليم إن الكميه 4 و المفروض إنها 2 بس
يعنى ظبطت نفسها بالهديه

ممكن أعرف المفروض أعمل إيه ؟ و إزاى أغير الراعى بتاعى ؟؟
أو أوقف العضويه خالص ؟؟؟؟؟؟
أنا هروح يوم الحد أشتكيها لمدير الفرع فى مصر الجديده
بس تفتكروا هيجى بفايده
أنا ميهمنيش الهديه اللى خدتها على أد ما يهمنى إنى أعرفها إزاى متنصبش على العضوات الجدد بالشكل ده و تستغفلهم
و المصيبه إن مديرتها كانت واقفه معاها و الإتنين بقوا بيحوطوا عليا علشان تاخد الهديه من الشنطه من غير ما أشوفهم

» انا عضوه جديده
» عضوه جديده وعندي استفسار
» عضوه جديده و محتاسه خالص
» عضوه جديده
» عضوه جديده