ساعدونى ربنا يكرمكم :)

يا بنات ... ازيكم ..........وحشتوينى اوووووووووووووووووووووووووووووووووووووووى ... كل سنه وانتم طيبين ... وان شاء الله تكونوا بخير ..... انا ف حد طلب منى كريم للنمش ... بس حد مهم اوووووووووووووووى ... بليز اللى يعرف كريم للنمش من اوريفليم او من بره يقولى عليه والمهم انه بيجيب نتيجه ومتجرب ... ضرورى يا بنات ... يارب ترفعولى راسى قدام اللى طالبوه منى :)   

أولاً نورتي المنتدي برجوعك و إن شاء الله تكوني بخير و كل سنة و إنتي بالصحة و السلامة

ثانياً بالنسبة لسؤالك (معلشي أنا هاطول عليكي بس أرجوكي أقري ردي للأخر لأني هقولك كلام مهم ) ...
كبداية أنا عندي نمش و كمان بقعة شمس و كنت عند دكتورة الجلدية الفترة اللي فاتت و متابعة معاها عشان البقعة و الحمد لله بدأ العلاج يجيب نتيجة ...
معروف أن النمش من الحاجات الصعبة جداااااااااااااااااً لإزالتها و كمان معروف أن غلط جدااااااااااااااً اللعب في مكان النمش و الحسنات لإنها عبارة عن أورام حسنة لا قدر الله ممكن اللعب فيها يحولها لخبيثة و عشان كدة هتلاقي فيه جدل بين الدكاترة منهم ممكن يعمل لواحدة عندها نمش تقشير كيميائي و منهم بيقول إنه خطر و في الحالتين لو دورتي على النت هتلاقي ان حتى الناس اللي عملوا تقشير النمش رجعلهم تاني بعده ...

و عشانن كدة بما أن دي حد عزيز عليكي أنصحيها لوجه الله تروح لدكتورة جلدية محترمة (أنا شخصياً بروح لدكتورة في مستشفى عين شمس التخصصي و فضلت أروح هناك لأن كلهك أساتذة و أنا مكونتش عارفة دكتورة كويسة)

و طبعاً أكدي عليها أن العدو الأول و العامل المسبب الرئيسي بعد الوراثة لظهور النمش هو الشمس و عشان كدة لازم تستخدم صن بلوك محترم و برضه يفضل تسأل الدكتور عليه عشان يكتب لها المناسب ليها و غالباً هيكون حاجة غالية بس مفيهاش كيماويات (بالرغم إني مكونتش بحط صن بلوك و لا بقبل أحطه لكن الدكتورة كتبتلي على نوع غالي للأسف و مش موجود كتير بس لما سألت العزبي و علي إيمدج قالولي أنه من أحسن الأنواع و على فكرة معظم الشركات دلؤتي نزلت بدل الصن بلوك الكريم اللي كان بيلزق بتاع زمان لوشن البشرة بتتشربه في ثواني و بالتالي مشكلة الزيت المقذذ اللي كنا بنعاني منها راحت و انتهت )
أنا أسفة إني طولت عليكي بس أنا بقولك خلاصة تجارب السنين و بكلمك بما يرضي الله :)

وانتى طيبه وب1000 خير يارب ,,, بجد تعبتك معااااااااااااااااااايا شكرا ليكى اوووووووووووووووووووووووووووووووووووى ,, ربنا يكرمك ويسعدك ,, ويارب تكون بشرتك اتحسنت من النمش والبقعه :) ,,,,,,,,,,,,, بس المشكله ان هى ست كبيره يعنى موش هتهم اوووى زينا كده وموش هتتفضى تروح للدكاتره وبالتالى بردو موش هينفع اقولها روحى للدكتور هيبقى شكلى وحش .. اكانى موش عايز اجيب حاجه واريح دماغى مينفعش طبعا ,, بس ايفن اوت ف ناس جربته وقالت عليه ممتاز وانا هاجيبلها الكريم النهار والليل منه ,,,, وهى النمش عندها خفيف ,,, وان شاء الله يجيب نتيجه ,, بس معلش هتعبك معايا انتى تعرفى صن بلوك كويس موش تقيل ع البشره ,,,,,,,,,, وشكرا ليكى اووووووووووووووى بجد كلك ذوق تســـــــــــــــــــــــــــلمى              

ايفن اوت مش بيعمل حاجة ف الاول هتحس بفرق بسيط وبعد كدا ولا اى حاجة وعايزة صن بلوك حلو من بيوديرما اسمو فوتو دريم عامل حماية 100وسعره 132 بس مش هتلاقيه غير ف الصيدليات الكبيرة زى العزبى والطرشوبى