عايزه نصيحتكم يابنات

السلام عليكم
ازيكم يابنات عاملين ايه في الحر ده
انا عايزه نصيحتكم علشان انا بثق في رأيكم اوي
في حاجات محتاره فيها في كتالوج 7
عايزه اسأل عن صابونة الشاي والروز ماري اللي في صفحه 121
اي لاينر ستايلو اللي في صفحه 113
جيل العين اسينشايل صفحه 110
ماسك سويدش سبا هو اكيد حلو طبعا بس عايزه اسأل هو مناسب للبشره الحساسه ولا لا صفحه 109
بودره فيري مي للتحكم في اللمعان صفحه 88
روج فيري مي صفحه 86
ايشادو فيري مي صفحه 84

وعايزه اعرف نوع اي لاينر كويس وماسكرا بس تكون بتسود الرموش بس مش عايزاها تطولهم ويكون سعرهم معقول
انا عارفه اني طولت عليكم بس ده من عشمي فيكم
وتسلمولي يابنات

اهلا بيكى يا قمر بورصى انا اللى اعرفو هقوللك اولا شهر7 ف حاجات جميله الصابونه بتاعت الشاى شكروا فيها هنا ف المنتدى بس انتى لو بشرتك دهنيه استعمليها لانها بتنشف الوش او لو ف حبوب ف جسمك ولا حاجه ...اى لاينر ستيلو حلو معايا هو بس زى الفلو مستر اكانك معاكى قلم فلو مستر وساعات بتبقى اقلام ناشفه وساعات بتبقى اقلام حلوه ع حسب حظك ..... جيل العين اسينشال قلوا عليه بردو حلو كمرطب واكانه بتعملى ريفرش كده لعينكى بس موش بيعمل حاجه للهالات يعنى بينعش منطقه العين دى بس حوالى متقربوهش من عينك يا قمر عشان ميحرقهش ..... وكمان ماسك سبا معرفش الصراحه بس منتجاتها حلوه وبودره فيرمى موش بتخفى اى عيوب ف البشره خفيفه جدا والروج وايشادو انا هاجيب الروج الشهر ده انشالله بالنسبه للماسكرا بقى عندك ماسكرا 2FX نازله الشه رده وكمانا نا بحب الماسكرا الحمار اوووى اللى كلها اعحمر المشط دى فى وموش بيعرفوا يستعملوها بس هى تحفه معايا ومع ناس كتير اووى او ماسكرا فيرى مى الاسود ف احمر جميله بردو وانا انشالله هاجيب الماسكرا الجديده ف اول الكتالوج اللى ب 39 شكلها كده حلو بسسسس اتمنى تكونى استفدى وباقى النبا ت هيفيدوكى انشالله

بجد متشكره ليكي اووووووووي اكيد استفدت منك
بس الماسكار اللي نازله في اول الكتالوج دي بتطول الرموش اوي ولا عادي مش هتأثر
وايشادو فيري ناويه تجيبيه ولا هتجيبي الروج بس ياجميل

سندريلا ماشاء الله عليها قالت ووفت
بالنسبه لروج فير مى حلو اووى وطرى جدا والوانه جميله
ماسك سويدش سبا جميل اوى وبيمتص الدهون ومناسب للبشره الدهنيه
الماساكرا المشط الحمرا برضه بحبها هيا وانتنس بلاك من وندرلاش
بودرة فير مى زى قلتها
اى لاينر استايلو معجبنيش سواده بس حلو للمبتدءين لانه سهل الاستعمال

ايلينر ستايلو معجبنيش خااااااااااالص سوادة خفيف

انا عندي ماسكرا وندر لاش و كانت بتسود رموشي اوي و حلوة و ناوية اجيب الماسكرا اللي في اول كتالوج 7 ان شاء الله

بودر فيرمي مش حلوة و خفيفة اوي

و ماسك سويدش سبا انا سمعت انه حلو و كنت عاوزة اجيبة بس مش عارفة مناسب لبشرتي ولا لأ انا بشرتي دهنية

بس هو الروج بتاع فيري مي ثابت ؟؟ يعني هو احلي ولا تربيل كور ؟؟؟؟؟

rose_elmansoura كتب:

سندريلا ماشاء الله عليها قالت ووفت
بالنسبه لروج فير مى حلو اووى وطرى جدا والوانه جميله
ماسك سويدش سبا جميل اوى وبيمتص الدهون ومناسب للبشره الدهنيه
الماساكرا المشط الحمرا برضه بحبها هيا وانتنس بلاك من وندرلاش
بودرة فير مى زى قلتها
اى لاينر استايلو معجبنيش سواده بس حلو للمبتدءين لانه سهل الاستعمال

انا هاجيب الماسكارا والروج انشالله يا قمر اول الشهر وهاقولك اذا كانوا حلوين ولا لا

تسلموووولي يابنات بجد استفدت من كلامكم

انا كان قصدي بودره فيري مي بتاعت التحكم في اللمعان

مش الهدف منها التغطيه اهم حاجه انها بتمنع ظهور لمعان البشره الدهنيه ولا لا

سوما انا كمان بشرتي دهنيه وهجيب الماسك بتاع سوديش سبا ان شاء الله

لان روز قالت بيمتص الدهون

هو انا مش بعرف احط اي لاينر خالص عشان كده كنت عايزه اجيب ستايلو

بس شكلي كده مش هجيبه مادام سواده مش حلو

وبجد شكراااا يابنات

لو عاوزة بودر للتحكم في اللمعان عندك بودر بيوتي المات كنترول دي حلوة اوي و محدش اختلف عليها

ايوة ماسك سويدش سبا حلو وبيمتص الدهون فعلا والسيرم بتاعها بينعم البشرة جداا وبيديها نضارة وبيتشرب بسرعة

monmon mony كتب:

ايوة ماسك سويدش سبا حلو وبيمتص الدهون فعلا والسيرم بتاعها بينعم البشرة جداا وبيديها نضارة وبيتشرب بسرعة

souma كتب:

لو عاوزة بودر للتحكم في اللمعان عندك بودر بيوتي المات كنترول دي حلوة اوي و محدش اختلف عليها

تماااام كده ياجميل
تسلميلي ياحبيبتي

monmon mony كتب:

ايوة ماسك سويدش سبا حلو وبيمتص الدهون فعلا والسيرم بتاعها بينعم البشرة جداا وبيديها نضارة وبيتشرب بسرعة

ان شاء الله هجيبه
طب السيرم بتستخدميه كل يوم ولا كام مره في الاسبوع
تسلمي علي ردك ياجميل

ازيك ياموني
اخبارك ايه ؟؟؟؟
طمنيني علي السيرم بتاع سويدش سابا
رايك فيه ايه ؟؟؟؟ وبستخدميه ازاي ؟؟؟؟؟ وكام مرة في اليوم وبتحطي بعديه كريم ولا لا ؟؟؟؟؟
وحصل تاثير بعد فترة من الاستخدام ولا عادي ؟؟؟؟

الحمد لله ياجيجى عاملة ايه ياقمر
بصى انا بغسل وشى بالغسول وبعدين بحط الماسك بتاعه وبعدين التونر وبعد كدا السيرم
هى جميل والوش بيتشربه بسرعة وانا بحطه بالصدفة يعنى كل يومين كدا ولا حاجة
ونا محطيتوش غير تقريبا 3 مرات او اربعة لحد دلوقت
وتاثيره الى حسيته انه بينعم وشى جدااا وبيرطبه وبحس ان فيه نضارة كدا
ومش بحط بعديه كريمات ولا حاجة هو احلى من الكريمات بكتير

شكرا ياموني ياعسول
ان شاء الله اجيبه من شهر 7 واجربه ويطلع حلو باذن الله
بتستخدمي غسول وتونر ايه ؟؟؟؟
انا بستخدم بتوع بيور سكن وحلوين اوي
كنت عاوزة اغير اجيب حاجة تانية مش عارفة اجيب ايه لان احيانا مش بينزل او بيكون نازل بس غالي
انا بشرتي دهنية

انا بشرتى مركبة دهنية وجبت غسول وتونر بيور سكن الشهر دة العفو ياجيجى وان شاء الله السيرم يعجبك
وقبل كدا كنت بستخدم بتاع الشاى وحلو بردو معايا

انا بستخدم بتاع الشاي برده
بس كان واحدة في المنتدي هنا قالت يستحسن نغير الغسول كل فترة
فمش عارفة بقي استمر عليه ولا اغيره ؟؟؟
هو حلو بتاع بيور سكن وبحسه بينظف كويس
خصوصا في الصيف
اصل بشرتي جافة شتاءا دهنية مركبة صيفا

السيرم ملهوش اى فايدة يابنات مجرد كريم خفيف بس بيغزى ويدى نضارة لكن مش زى اى سيرم ماركه بينشط الوش ويغزى بالمعادن
انا جربت اتنين الجديد والمجموعه القديمه ومحستش بفرق

والسيرم الماركة دي ممكن يكون ايه ؟؟؟؟
ادينا اسم ؟؟؟؟
لاني محتاجة حاجة ترجع لوشي النضارة تاني احسن حالته صعبة اوي

asd1234 كتب:

انا بستخدم بتاع الشاي برده
بس كان واحدة في المنتدي هنا قالت يستحسن نغير الغسول كل فترة
فمش عارفة بقي استمر عليه ولا اغيره ؟؟؟
هو حلو بتاع بيور سكن وبحسه بينظف كويس
خصوصا في الصيف
اصل بشرتي جافة شتاءا دهنية مركبة صيفا

ازيك يا قمر ... أنا اللي قولت ان الأحسن تغيري الغسول كل فترة و الكلام دا قالته استشارية جلدية لأختي لأن اختي بشرتها جافة و كان بيطلعلها رؤوس سودا في الشتاء كتير و راحت للدكتورة و قالتلها ان البشرة بتتعود بعد فترة على الغسول و عشان كدة يفضل التغيير كل فترة مع العلم ان اختي بتستخدم بيور اسكين من فترة كبيرة و كانت مبسوطة منه جداً لكن مشكلتها بس موضوع الرؤوس السودا في الشتا
و على فكرة الموضوع دا مش في غسول البشرة بس إنتي لو لاحظتي إنك لو استخدمتي شامبو أو كريم لشعرك فترة طويلة شعرك بيتعود عليه بعد فترة و مبيعملش بعد كدة نفس النتيجة

asd1234 كتب:

والسيرم الماركة دي ممكن يكون ايه ؟؟؟؟
ادينا اسم ؟؟؟؟
لاني محتاجة حاجة ترجع لوشي النضارة تاني احسن حالته صعبة اوي

اعملي ماسك الخميره احلي من اي سيروم و منشطه
و ادعيلي

قصدكوا يا جماعة جيل العين اللي لونة اخضر ولا ابيض؟؟

biscoboby كتب:

بص ياجميل انا استخدمت جيل اسانشيل للعين ومش جايب اي نتيجة وبيحرقني كمان ، اما اي لاينر استايلو حو جدا جدا يعني لونه اسود قوي وناعم وحلو سهل جدا في الاستخدام بس احذري هو بينشف بسرعة جدا حتي انا استخدمت نفس القلم من بورجوا كان فرنساوي وكنت جايبة من برة وبردة نشف لمجرد اني بطلت احط منه لمده شهر عامل زي القلم الفوليمستر بيطير

تسلميلي ياحبيبتي علي ردك
كده ممكن اجيب ستايلو اجربه ان شاء الله

souma كتب:

قصدكوا يا جماعة جيل العين اللي لونة اخضر ولا ابيض؟؟

انا كان قصدي علي اللي لونه ابيض اللي صفحه 110
بس مش عارفه البنات قصدهم ايه

No MoRe كتب:

souma كتب:

قصدكوا يا جماعة جيل العين اللي لونة اخضر ولا ابيض؟؟

انا كان قصدي علي اللي لونه ابيض اللي صفحه 110
بس مش عارفه البنات قصدهم ايه

اها اصل انا عندي جيل العين الاخضر و عاجبني هو كا ترطيب بس مش اكتر و بيريح المنطقة دي اوي

انما الابيض فعلا مش حلو و المجموعة كلها عند واحدة صاحبتي و طلعتلها جبوب مع ان بشرتها عادية