منى سؤال ومنك الاجابة

انا عصبيه جدا وبشيل كل حاجه على اعصابى بس بحاول مع الوقت اخفف من عصبيتى
لكن بجد مقصره جدا مع اهلى كل الوقت للبيت وبصراحه نفسى

س.هل عندك ثقه فى كل اصحاب؟

الى معايا دلوقتى اه بس قبل كده لا من كتر الى عملوه فيا
تؤيدى صداقه البنت بالولد ولا لا مع العلم فى صداقات بين بنات وشباب وبيكونوا متجوزين

انا باؤيد صداقه الاخ لاخته الاب لبنته الزووووووووووووووووووووج لزوجته
هل اتمنيتى قبل كده ان ربنا يرزقك بتوام

انا لسه متجوزتش بس اه اتمنيت
ايه اكتر ظلم واجهك واتعاملتي معاه ازاي؟

للاسف كل ظلم حصلى كنت بتعامل معاه بسلبيه قوى وبندم على ده
هل ممكن تكتشفى كل عيوب شريك حياتك فى فتره الخطوبه؟

ممكن لو جنبتى قلبك شويه و اتعاملتى بعقلك الى حد ما

ايه هى اسعدلحظه مرت بيكى

اخر لحظه قويه فكراها يوم ما فركشت خطوبتي



ايه اقرب سوره في القرآن لقلبك؟

سورة يوسف
احساسك ايه بعد الاحداث الجديدة في مصر ؟

زى ما يكون كابوس فى حلم مش مصدقاه


ايه امنيتك فى السنه الجديده نفسك تحقق

فى ظل الظروف اللى إحنا فيها إن الهدوء والاستقرار يرجع للبلد وتكون بعد كده أحسن من الاول فى كل حاجه , وكل إنسان يحس إنه عايش عيشه كريمه بجد.
وفى أمنيه تانيه شخصيه مش حقولها بس اتمنى من كل اللى يدخل انه يدعيلى إن ربنا ينولى اللى عايزاه يمكن بدعوه فى وقت استجابه تتحقق.

السؤال: ايه أكتر موقف فى حياتك حسيتى فيه ان قلبك دق بشكل متخيلتيهوش

يااااااااااااااااااااااااااااااااارب ياreal loveبس اهم حاجه بجد ودي نصيحه انك لما تدعي تقولي يارب لو كذا خير يسره او يارب يسرلي الخير عشان كتير بنفتكر ان الحاجه اللي احنا عايزنها دي خير وهنكون مبسوطين بس مش شرط ده يكون صحيح

انا كمان عندي امنيه ونفسي كل البنات تدعيلي معاكي بس علي شرط تدعولي انها لو خير ليا تتحقق,ولو اتحققت هبقا اقولكم عليها

اجاوب بقي:والله يابنتي الواحد قلبه بيدق لأسباب كتيره
هههههههههههههههههههه
انما اكتر مره فعلا دق بشكل فظيع كان من الخوف عشان كان في ناس بتهجم علي البيوت عندنا

اه نسيت اسيب سؤال

عشان منكدش عليكوا بعد اجابتي دي
هنخليه نفس السؤال بس يكون دق بسبب اي حاجه تانيه حلوة غير الخوف

ربنا يخليكى يا sobysoo
وأن شاء الله ربنا يحققلك اللى عايزاه لو كان خير ليكى وتيجى تفرحينا وأنا كمان لو إتحقق اللى عايزاه حاجى جرى أقولك. بصوا انا مش حجاوب على السؤال لان أنا اللى قلته فحسيبه تانى للى يدخل بعدى.
ايه أكتر موقف فى حياتك خلى قلبك يدق بشكل متخيلتيهوش

كل شويه تنسوا اللهبه الحلوة دي

انتوا وحشين مش عايزين تلعبوا معايا
خلاص مش عاجبكوا السؤال يالا اللي تدخل تسيب سؤال
انا مش هقول عشان حاسه اني بلعب لوحدي

هجاوب علشان خطرك يا سوبيسو اكتر مرة قلبى دق من الفرحة يوم كتب كتابى
السؤال
فترة حسيت إنك مكسورة و زعلانة جدا و فاقدة الثقة فى اللى حواليك تعملى إيه علشان تخرجى منها؟

ربنا يخليكي ليا يا حبيبتي
انا هجاوب برضع عشانك ياقمر ويارب نلاقي حد يلعب معانا بعد كده بدل ما نقعد نلعب لوحدنا

هقعد اتكلم مع نفسي وهقويها وهبقي عارفه اني هقدر اقف علي رجليا من تاني وهرجع الثقه لنفسي تاني وهكون مع ربنا وبس لأنه اقرب لينا من اي حد


السؤال:مين اكتر شخصيه نفسك تشوفيها وتعرفي شكلها من بنات المنتدي؟

لما فكرت انى ممكن اتقابل مع حد من البنات عمرى ما فكرت الناس هنا فى المنتدى شكلها إيه فى الحقيقةاللى فكرت فيه أكتر الناس هتشوفنى إزاى و دى مشكلة عندى بقالى فترة مش علشان بنات المنتدى لا موضوع عام
الصراحة الواحد جسمه ملا جدا السنين اللى فاتت حتى الواحد بيحرج أنه يقابل الناس اللى كان يعرفها من زمان عارفة فجأة كده لقيت الوقت فات و الواحد كان مهمل فى حق روحه

و ده كان سبب أساسى إنى أشترك هنا فى المنتدى و فى أوريفليم إنى محتاجة اخد بالى من نفسى شوية و فعلا الواحد خد خطوة فى الاهتمام بمظهره بس محتاجة أتشجع كده و أعمل ريجيم و شوية رياضة ربنا يعينا

السؤال
؟؟؟
هفكر و أقولكم أو اللى يدخل يكتب سؤال

إيه بيتحكم فى تصرفاتك أكتر قلبك و لا عقلك ؟
يعنى لو قدامك قرار و العقل بيقول إن مصلحتك فى قرار معين و لكن عواطفك مش مع الاختيار ده رغم إدراكك أن اختيار العقل ممكن يفيدك و اختيار القلب هيسبب لك مشاكل
تمشى ورا عقلك طالما فيه المصلحة؟
و لا تمشى ورا قلبك و تستحملى المشاكل بس متعمليش حاجة من وراء قلبك؟

انا احب افكر بالاتنين والعقل الارجح لاني ممكن اضغط على قلبي عشان اعمل اللي يقول عليه عقلي انه صح وده الاسلم مهما كانت العواقب

سوري نسيت احط السؤال يا ترى الجواز قرار بالعقل ولا القلب؟؟؟

انا بقول القرار فى القلب بس فين هوه الحب الحقيقى عشان كده الواحد يفكر بعقله الاول وبعدين القلب

السؤال ياترى الواحد لما بينجرح بيتعلم ولا لا

الحياة بتعلم الواحد فعلا بتجاربها و ألامها كل تجربة بتمرى بيها بتتعلمى منها ممكن تتجرحى فى الأول بس فى الأخر بتكبرى و تتعلمى و بتبقى أقوى فعلا ما لا يقتلنى يقوينى هو هتبقى أقوى و لكن ممكن أقل سعادة ممكن علشان الظروف اللى بتمرى بيها بتكشف لك حقيقة اللى حواليك اللى للأسف مبتبقاش دائما عند حسن ظنك

و أقولك على حاجة أنا لحد دلوقتى بتعلم الواحد فاكر كان كل ما تمر عليه سنين و يفتكر قرراته زمان يقول ده الواحد كانت خبرته قليلة جدا و فيه حاجات مكانش بيعرف يحكم عليها كويس و يحس فى الوقت ده أنه تفكيره نضج و تمر بعدها كام سنة و لما يفتكر الوقت اللى كان مقتنع أنه خلاص كبر و فهم يلاقى أنه كان لسه مش بيحكم على الامور كويس


الحياة و المسئولية بتخليك تفهمى الناس حواليك بتفكر إزاى و تشوفى الحياة أكتر و ده لازم تكتسبيه لوحدك لان دايما لو حد نصحك ممكن متقتنعيش و تقولى أنا مش صغيرة و أعرف أفكر و سبحان الله تمر سنين و تفتكرى كلمة حد من أهلك قالهالك و تقولى ياه هما عرفه كده إزاى إزاى هما يقدروا يحكموا على الشئ ده فى أيام و أنت أخدت سنين علشان تعرفى أنهم كان عندهم حق

السؤال : علاقتك بأهلك عاملة إيه هل دائما بتأخدى برأيهم و لا أنت عنيدة و مش من السهل تغيرى رأيك؟

علاقتى باهلى كل واحد بدماغوا وكنت زمان عنيده بس الوقت خلانى افكر اكتر لانى بقيت فاضيهاما راى فده مش بيتغير بسهوله عشان كل واحد مع نفسه

السؤال:ايه الحاجه اللى تهدى العصبيه؟؟؟

تغيري وضعك يعني لو واقفه تقعدي او تمشي لو قاعده تقفي وهكذا
تتوضي
تستعيذي
تسكتي خاااااااالص وتمشي من المكان ولما تهدي تتكلمي

السؤال:نفسك تغيري ايه في لبسك؟

المقاس


لو صحيت من النوم لقيت أن الزمن رجع بيك لوراء إيه اهم قرار ممكن تغيريه؟