حنة بناتي .. عايزة رأيكم ضروري

وعليكم السلام ورحمته الله وبركاته يا بيور
شوفي انا قريت كلامك وافتكرت واحده صاحبتي زيي وزيك
-زيي وزيك دي حتبان من الكلام -
كانت بتحكي اللي انتي بتحكيه بالضبط على حنه بنت خالها وازاي ان كان كل واحده جاية ومعاها كيس تدخل بعباية وتقلع هدوما-بالمعني الحرفي -
والللي تلبس بدلة رقص واللي تلبس لانجيري
واللي تلبس هوت شورت
وحاجات من دي وزي مانتي بتحكي
صاحبتي بتقوللي انا بقيت قاعده وسطهم عادي لابسة هدوم محترمة ومناسبة لمناسبة بعد الضهر وفي بيت
حسيتهم بيبصووالي على اني ست الحاجه او الأخت المتجوزة اللي شايلة الهم
او الحاجة
او الشيخة
او المستشيخه!!!!!!!!!!!!!!!!!!!!!!!!!
وللأسف الحكاية دي منتشرة زي مانتي بتقولي
وبقي الصنف بتاعي انا وانتي وصاحبتي دي قليل قوي وبقي يتقالنا اننا معقدينها وفكيها شوية
لكن في رأيي في فرق بين الفرش وعدم التعقيد والسبهلله دي
ده رأيي

انتى مش غلطانه يا بيور مفيش بنت محترمه تقلع هدومها بره بيتها وده اللى احنا اتعلمناه فى بيت اهلينا البنات دلوقتى باقوا فى قمه قله الادب نادر لما تلاقى بنات محافظه على العادات اللى اتربت عليها

و الله يا جماعة طمنتوني لإني بجد بدأت أحس إني واحدة مختلة عقلياً من كتر اللي بشوفه و من ساعتها و أنا دماغي عماله بتودي و تجيب في الموضوع مش راضية تهدى... أنا أقولتيلهم في البيت إني مش رايحة حنة حد تاني لإني بجد إضايقت و حسيت إني في عالم تاني و أكيد مش هقدر على المسخرة دي
ربنا يباركلي فيكم و يهدينا جميعاً و يصلح أحوالنا

بالظبط كدا زى مالبنات قالوا
انا حضرت حنتين بالمنظر الى بتحكوه دة بس انا طبعا لابسة لبسى العادى الى بروح بيه الشغل ومقومتش من ع الكرسى انا وبنت كمان صحبتى بس زهقنا ومشينا وفعلا الموضوع دة بقا منتشر وبقا دة العادى بس طبعا مينفعش

بصى يا بيور انا الحقيقه محضرتش حنه قبل كده لان بابا موش بيرضى ينزلينى افراح اصحابى كمان او خطوبه الا بطلوع الروح ثانيا انتى متغيرش نفسك واخلاقك عشان حد تانى كفايه انك جتلها وعملتى الواجب بسسسس موش لازم بقى تغيرى هدومك والكلام الفاضى ده كله انا اول مره اعرف والله منك ان الحاجات دى بتحصل ف الحنه انا اصلا اما بروح لوحده صاحبتى وميكونش ف حد كمان الا مامتها موش بعلق الطرحه حتى بكون مكسوفه الصراحه وده اصلا المفروض متقوليش كده لانك قدرتيها وجتلها حتى لو لبسه ايه ويعدين الفرحه ف القلب موش بالهدوم بقى والكلام ده وجزاكى الله خيرا انا بحسبهم اخرهم انهم يقلعوا الطرحه بس لو بنات بس قولنا عادى بس لدرجه انا لو ف مطرحك كنت هاعمل الواجب واقولها مبروك وامشى الصراحه ده لو مكنتش اتكلمت كنت قعدت عادى وماليش دعوه بس لو ف مكانك واحرجتنى كنت امشى وانتى متزعليش بقى وربنا يصلح احولنا يااارب

انتي مش غلطانه يابيور انتي عندك حق وزي مالبنات قالوا كده دلوقتي بقى في حاجات كتير اوي اوووووووووفر والناس تقول عادي عادي وبقت كل حاجه عادي لكن لا طبعا ربنا يثبتنا ونفضل ديما على التربيه اللي اهالينا ربوهالنا
وقال (ص) "طوبى للغرباء"

مونمن دا نفس اللي حصل معايا قعدت متحركتش و بعدين أعتذرت و مشيت أولاً لأني كنت فعلاً حاسة إني غريبة و في وضع غلط و ثانياً خوفت إنهم يكونوا مكسوفين و عايزين يعملوا أكتر من كدة لإني أعرف زي ما دينا قالت إن في ناس في الحنة بيلبسوا بدل رقص و لانجيري و بيغيروا كمان كذا مرة مش مرة واحدة فإحترمت نفسي و مشيت
ساندريلا يا بختك إنك مبتروحيش صدقيني و الله أحسن أنا كانت ماما و بابا برضه مبيرضوش و أنا صغيرة لكن دلؤتي لو عارفين صحبتي بيوافقوا و بصراحة أنا دلؤتي بتمنى لو مكونتش روحت كان أحسن
h.m.h.m جزاكي الله كل خير سعدت كثيراً بتذكيري بهذا الحديث و نسأل الله الثبات و أن يمن علينا بالدين والأخلاق و الحياء و العلم و أن ينطبق علينا هذا الحديث و أن يمن علينا برضاه و أن تكون صحبتنا من الصالحين

ربنا يبارك فيكي يابيور فعلا الموضوع ده انتشر بشكل مستفز بل ان والله العظيم في بنات بتخطط له وبتسني يوم حنة صاحبتها مخصوص
انا رايي ان ده مسموح في حدود يعني مفيهاش حاجه لما نبقي لابسين بنص كم او حتي كت
وسايبين شعرنا
لكن مش ميكروجيب ولانجيري وحاجات اللي دينا قالتها في ردها
ايه الكلام ده مش من الدين ولا من الاسلام في شئ حتي لو مفيش رجاله في المكان
وبعدين ان البنت تقلع هدومها في بيت غير بيتها دي ملعونه وفي حديث بيقول كده علي فكره
بس للاسف مش متذكراه وحرام جدا
انتي عارفه في حنة اختي كان في بنات جايين وعاوزين يعملوا كده
وكان خلاص هيقنعوا اختي
بس علي مين وربنا ماسبتهم
مع اني قاعده مش فاهمه حاجه لاني مش بسمع بس حسيت
وكمان من لبسهم ومناظرهم اتنرفزت جدا ولقيت واحده فيهم بدأت ترقص بسفاله مع ان اصلا كان في شباب وخلاني وولادهم وكانوا بيصوروها بالموبايل وقاعدين يتهامسوا
قمت طفيت الاغاني وقلتلهم لو سمحتي اهدي واعقلي وارقصي باحترامك
هي قعدت تعيط وانا بصراحه اتسرعت بس اتاسفتلها وفهمتها الوضع
والحمد لله الليله عدت علي خير

بصى يا بيور المحترم بيكون محترم قدام الناس وقدام نفسه قبل الناس وان كانت هى كده فاكيد ده نفاق زى بتوع السعودية اللى لابسين النقاب ومع بعضهم ما يبقى فى احتشام حتى

وكمان مش معنى انهم بنات مع بعض يعملوا كده دا بيبقى فساد ودا رأيى شخصيا

البنت ما تفسدها الا البنت وكمان اسلامنا جعل هناك حدود حتى البنات مع بعضها

وربنا يهدينا سبيل الرشاد

الحديث هنا

(إذا خلعت المرأة ثيابها في غير بيت زوجها فقد هتكت الستر الذي
بينها وبين الله عز وجل)


http://www.elshabab.com/docs/general/index.php?eh=newhit&subjectid=2388&subcategoryid=35&categoryid=6

ساندي حبيبتي ربنا يجازيكي كل خير و برافو عليكي على اللي عملتيه في حنة أختك ... للأسف في بنات أصبحت متعرفش العيب و معندهاش مشكلة في الرقص و التعري في أي مكان و أمام أي حد و بيتخيلوا إن دي شطارة و إبراز لإنوثتهم مع إني شيفاهة و قاحة و تقليل لقيمتهم ...ربنا يسترنا جميعاً و يثبتنا على دينه
و ربنا يبارك فيكي على الحديث ... تعرفي لما كانت والدتي والدة أختي الصغيرة كانت خالتي عندنا بتراعيها و كان بابا في اليوم دا مش موجود فدخلت و أخدت دش و لما جدتي الله يرحمها عرفت زعأتلها و قالتلها إنهم لما كانوا في الحج كانوا بيقولولهم و ذكرت معنى الحديث دا ... شوفي الفرق بين أمهات زمان برغم قلة تعليمهم و بين الأمهات المتعلمات اللي بيكونوا عارفين إن بناتهم مصاحبين و داخلين خارجين مع شباب و رايحين جايين بيرقصوا و بيألعوا لبسهم في الحنة بتاعت صاحبتهم و أمهاتهم زايطين مبسوطين و بيشجعوهم !!!!!
ربنا يهدينا جميعاً و يهدي نساء المسلمين و المسلمات و يرجعنا إلى دينه و يثبتنا عليه

رهف أنا فعلاً معاكي إن ديننا عمل حدود لكن للأسف إحنا بعدنا عن الدين و الأخلاق و أصبح مجتمعنا زي المسخ مزيج من مساوئ المجتمات الغربية و للأسف العربية ... نسأل الله الهدى و الثبات ربنا يبارك فيكي

أنا بجد بشكركم كلكــــــــــــــــم جداااااً و الله رفعتوا من معنوياتي كنت حاسة إني بنت معقدة و عايزة الضرب الحمد لله طلعت لسة بعقلي هههههه

Pure Snow كتب:

مونمن دا نفس اللي حصل معايا قعدت متحركتش و بعدين أعتذرت و مشيت أولاً لأني كنت فعلاً حاسة إني غريبة و في وضع غلط و ثانياً خوفت إنهم يكونوا مكسوفين و عايزين يعملوا أكتر من كدة لإني أعرف زي ما دينا قالت إن في ناس في الحنة بيلبسوا بدل رقص و لانجيري و بيغيروا كمان كذا مرة مش مرة واحدة فإحترمت نفسي و مشيت
ساندريلا يا بختك إنك مبتروحيش صدقيني و الله أحسن أنا كانت ماما و بابا برضه مبيرضوش و أنا صغيرة لكن دلؤتي لو عارفين صحبتي بيوافقوا و بصراحة أنا دلؤتي بتمنى لو مكونتش روحت كان أحسن
h.m.h.m جزاكي الله كل خير سعدت كثيراً بتذكيري بهذا الحديث و نسأل الله الثبات و أن يمن علينا بالدين والأخلاق و الحياء و العلم و أن ينطبق علينا هذا الحديث و أن يمن علينا برضاه و أن تكون صحبتنا من الصالحين

ااااااامين يارب العالمين
وربنا يجازيكي كل خير لان كلامك هو اللي فكرنا بالمعاني دي واحياها ف قلوبنا لان الانسان ديما بيكون محتاج لحد يذكره

انا اللي فرحانه جدا بالموضوع ده يا بيور لأنكم حسستوني اني مش من كوكب تاني زي ما ديما بيوقولولي
حتي لما جيت عملت الحنه بتاعتي كنا مشغلين التليفزيون على قنوات اغاني والي كانوا بيرقصوا اطفال اصحابي وكانت قعدة لذيذة جدا من وقت العصر لحد قبل العشا وكنا عمالين نكمل التوطيبات الأخيرة اللي مبتحصلش غير ليلتها زي فرش السرير والسجاد اللي مكانش اتفرش عشان كان في عمال
بجد حسسوني ان عندي اخوات كتير ربنا يباركلهم
ويباركلكم يا بنات وتعملوا حنه تجمعوا فيها اصحابكم اللي جايين يباركوا ويفرحوا مش يستعرضوا دولابهم او رقصهم او اجسامهم!!!!!!!!!!!!!!!!!!!!!!!

الحمد لله انا كمان مش من كوكب تانى انا بروح الحنة مش بقوم من مكانى وأخرى أصقف وأبتسم لكن رقص وكده نووووووووووووووووووووووووووووووووو
وكانت فيه حنة واحده صحبتى وكلهم غيرو هدمهم وانا فضلت بهدومى وكلهم أستغربوا وقالولى ايه انتى بدفى نفسك
احنا اللى صح الحمد لله وعلى فكره انا بحس ان الحاجات دى بتتحسد يعنى انا زمااااااااااااان واحده شافت شعرى وعنيكوا ماتشوف اللى النور بقى عامل زى شيتا وشويه وهقلبوا مقشه

يا ساتر يا رب ربنا ينجينا ويبعد عنا الشر
معلش يا هبه

الحمد لله يادودو على كل حاجة

عادى يابيور دة فكل حتى بس بصراحة أنا لما بروح بطبعى فأى حنة مبحبش الهيصة والهبل وأصحابى عرفين كدا بس ببقى مضايقة وهما قلعين قدامى
عرفة أخر حنة رحتها لوحدة صحبتى والله يابنتى البنت كان لبسها شيك جدا عرفة فساتين كب وقصيرة وفردة شعرها بس تحسيها هى وأخواتها برنسيسات كدة مع العلم أنهم منتقبات بس هما كدة عشان البيت مأفول علينا ومفيش حد غريب بس أول ماجة صحاب مامتها لبست جيبة تحت الركبة وبلوزة نص كم بس برضة كانت قمر ربنا يبارك للكل

h.m.h.mجزانا الله و إياكي و يارب دايماً نفكر بعض بكل خير و باللي يرضي ربنا ... ربنا يبارك فيكي

دينا الحمد لله والله إنتوا بسطوني جداً أنا كمان زيك و كنت حاسة إني عايزة أسافر مسقط رأسي المريخ قريب ههههههه بس كدة هافضل معاكم على الأرض طالما إننا طلعنا كلنا من كواكب تانية غير الأرض

هبة فكرتيني بموقف حصلي من كام سنة كنت رايحة للكوافير أساوي شعري و أكدت علي البنت إني هساوية بس و أول مفكيته سمعت الناس اللي قاعدين ورا بيقولوا بصي شعرها طول إية أو حاجة بالمعنى دا و كان شعري طويل وقتها لنصف ظهري تقريباً و خير اللهم أجعله خير لقيت نصفه في إيد اللي بتقص و بدل متساويه قصيته لبعد كتفي تقريباً و أنا صوعقت و روحت عيطت طول اليوم و من ساعتها و شعري ما يعلم بيه إلا ربنا وجاف و مقصف و متبهدل أخر بهدلة و مش راضي يتعدل خااااااالص ههههههه

secret.whisperوالله بحاول فعلاً زي مقولتي أتمسك بمبادئي بس أحياناً المواقف بتحسسك إنك بتتمسكي بجمر نار أو لإن الوضع مقلوب بتحسي إنك إنتي اللي عاملة عاملة غلط مش الناس اللي حواليكي .. ربنا يثبتنا كلنا و يهدينا لكل ما يرضيه ... ربنا يبارك فيكي يا قمر

sad angel أولاً أنا مبسوطة جداً بإنك نورتي الموضوع أنا عارفة إنك مشغولة زي مقولتي في المنتدى بتاعك و أنا حاولت أوصل ليه من جوجل بس للأسف معرفتش أوصل ربنا يوفقك يا قمر
ثانياً أنا معاكي إنهم بيكونوا زي القمر لكن أنا مشكلتي في إنه إزاي أنا واحدة محترمة لمجرد إنها حنة جارتك و زميلتي في الشغل و الا أي حاجة و دايماً بشوفها و بتشوفني محترمة و محتشمة خير اللهم اجعله خير أروح الحنة الأيها ببدلة رقص أو بملابس فاضحة أو أءلع أنا كمان و نكون أكننا على البلاج... يعني يكون عريسها مشيفش لسة ظفر إيديها و هي فرجت أمة لا إله إلا الله عليها ... مش عارفة و الله يا ساد كتير من الناس أعرفهم إتعرضوا للموقف دا و بيقولولي مصايب كتير لكن أنا مش قادرة أستوعب أبداً دا ... دا أنا لما بتكون واحدة لابسة مفتوح شوية بكون أنا اللي مكسوفة و بكون مش عارفة أتكلم معاها أروح أشوف أصحابي و جيراني لابسين من غير هدوم و كمان عايزني أءلع هههههههه

كل سنة وانتى طيبة ياماما دينا

البلالين دى مش ليكى دى لأنس

دا انس اللي باعت مش انا

هههههههههههههههههههههههههههههههه انا معرفش اني في حد بيعمل حنن كده واضح اني مرحتش حنن من زمان الحنن الي بروحها بتبقي مليانة ستات كبار و العروسة و الكل بحجبهم عادي الي بتقلوه ده عمري ما شفته غير في مسلسل العشق الممنوع
فكرتوتي مرة واحدة اعرفها عملت خطوبة و كتب كتاب و هي لابسه نقاب و انا معرفتش اروح فرحت اباركلها في البيت بعدها روحت بعيد عنكوا و عن السامعين العريس هناك و دي لابسه بجامة كت و لابس الشرت بتاعها و البنت مليانة و محشورة فيها و الي فقعني ان لابسه كده في وجود بابها ههههههههههههه كنت مكسوفه اسلم ختها من قصيرها و خلعت

لا يا مارو الدنيا اتاخرت بعيد عنك وبقي فيه حنات كده واللي مش تعمل كده تبقي دقه قديمه دا الموضوع ده منتشر جدا بس مش كل الاس تعمله لأنه عايز بيت فاضي عشان الأخوة اللي بيقلعوا!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

واضح بقا اني دقة قديمة طيب ربنا يوفق ههههههههههههههههههههههههههههه

لالالالالالالالالالالالالالا انتي بس مبقيتيش بتروحي كتير حنات زي مانتي بتقولي او اصحابك عاقلين او من زحل زينا

هههههههههههههههههههههههه اذن انا من زحل و افتخرررررررررر