انهى احلى لو سمحتوا

عارفاه يا حبيبتي متشكرة خااااااااااااااااااااااااااااااااااااااااااااااالص على انك فكرتي في منحرمش منك
الأبراهيمية عااملة ايه ؟؟؟؟؟؟؟؟؟؟؟؟؟؟؟؟؟؟زحمة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انا اصلي بنزل محطة الرمل او سان استفانو رجلي خفت شوية على الأبراهيمية رغم انها اقرب بس تعملي ايه بقي في الترامات!!!!!!!!!!!!!!!!!!!!!!!!!!!!!!!!!!

بجد يارورا دانا بردو من اعجابى بالاسبراى كنت عايزة اجيب البرفيوم
بس طمنتينى وريحتينى

والكريم بتاعه تحفة بجد والمزيل خرافه الحمد لله اني مشتريتش البارفان

العفو ياحبيبتي على ايه انتوا ديما على بالي والله
الابراهيمية كويسه وزحمة مووووت زي ماهي كنت فكراها هتبقى فاضيه بعد الضرب اللي حصل فيها والترامات اللي واقفه بس ايه ولا بيأثر طبعا انتي عارفه
بس بيقولوا الترام رجعت تاني وبربع تاني

ليه يا جماعه برفان الديلايت والله جميل جدااا

ايوة الترام رجع وبربع جنية
بس ضرب ايه اصلي مبسمعش اخبار وبعدين كفاية اللي عندنا في المنطقة يشيب
بصراحه البلد كلها بقت مفتوحه زياده عن اللزوم

محدش قال ان الديلايت وحشة يا نيرة بس المزيل والكريم والأسبراي احلي منها وريحتهم مختلفة شوية عنها

اهااا يا دينا الترام بقى بربع جنيه تااانى هههههههه كل شويه بيشتغلونا بقى انا لسه ركبها امبارح وكنت ف سان بقيت بربع جنيه وحصل موقف امبارح انا وصاحبتى قاعدين ف الترام والترام كنت فاضيه انا متعوده والله العظيم اما اشوف حد تعبان او عجوز او ست معاها بيبى اقوم ع طول حتى لو كنت موش قادره اقف واقعدها فانا قاعده انا وصاحبتى وست كده جمبنا وبنت تانيه جا راجل كده موش عجوز اوووى يعنى عادى جاى يقول لبنت اللى جمبنا بيزعق فيه اويقولها انتى قاعده ليه ده مكانى وبطريقه وحشه ويقولها اقراى الكلام اللى مكتوب يعنى ع الترام ان الكراسى مخصصه للناس العواجيز والمرضى وكده وكلمها بطريقه وحشه والبنت يا عينى اتحرجت اوى وقامت من مكانها وقعدت رغم ان ف كراسى كتير وبنات كتير كنت قاعده عادى والراجل ده قعد جمبى بقينا انا وصاحبتى وهو وست وانا وصاحبتى بنتكلم ع المحاضرات والكليه وكده وفجاه لاقيتوه بيكلم صاحبتى ويقولى انتى المفروض ف كليه وقاعده فاهمه والمفروض تقومى وتسيبى المكان ده وبيزعقلها قالتله حضرتك انا فاهمه كويس وحضرتك ملقيتش الا انا اللى ف الترام والمهم برطم كده والست اللى جمبنا قالتلها معلش اتخنقت منه فقولته حضرتك اما حد يجى عايز يقعد احنا بنقوم عادى وقولت لصاحبتى تسكت وبيقول للست انتى نازله فين انزلى معايا سيدى جابر وميعرفهش اصلا شكلوه كان عايز يتخانق وخلاص ربنا يهديه بس انا والله اما بلاقى الترام زحمه انا موش بركبها ع طول بس ساعات متكونش فى مواصلات خالص فقعد واما بلاقى مجرد اى حد بقوم ع طول يلا ربنا يهدى هههههههه انا غيرت الموضوع اللى بتتكلموه فيه خااالص معلش المهم يا بنات انا فعلا عارفه المحل اللى ف الابراهيمه ده انا كمان حلو اوووى وبيحط حاجات افون واوريفليم وبتبقى عنده حاجات رخيصه وكمان البروان والمقص ماكينه الارجل والاظافر دى عجبيتى اوووى

كان حصل فيها من شهر كده ضرب وبلطجية ومحلات اتكسرت وتقريبا كانت عركة بين الباعة الجائلين بس الحمد لله كل حاجة رجعت تمام

اهلا فعلا يا h.m كان ف فالابراهيميه ضرب جامده وبلطجيه انا فاكره ده كان من فتره حتى انا يومها مروحتش الكورس والدكتور لغاه خاف يحصل حاجه عشان كنت ف بلطجيه بس الحمد لله عدت ع خيررر انتى ساكنه ف الابراهيميه يا h.m

لا حول ولا قوة الا بالله
في الأبراهيمية ؟؟؟؟؟؟؟؟؟؟؟؟؟ ضرب وبلطجة ؟؟؟؟؟؟؟؟؟؟؟؟؟؟؟؟
تقي انا عارفة الناس دي بتاعه الترام اللي بتتصرف على اساس ان الأربع كراسي دي احتكار بالنسة لها حتي لو الترام كلة فاضي
وبعدين باين انه بتاع ربنا شوية
كمان مش معني انك في كلية تبقي مستريحه طول اليوم وبتقلمي ضوافرك
لأ
بالعكس انا كنت كلية نظرية لكن المدرج كان بيبقي فوق بعضه الكليات زي تجارة وحقوق بنكون فوق بعض ومفيش نفس تقفي فيه مش تقعدي
ولو كنتي في كلية عملية برضه مش بتقعدي حتي السكاشن بتكوني وقفه تشوفي التجربة والحاجات دي
انا بنت خالتي كانت في علوم كانت مابين المحاضرات تجري عشان بيكون عندها محاضرات في كل مكان شوية محاضرة فيالمحمع ومحاضرة في طب اسنان ومحاضرة في علوم محرم بك ومحاضرة في طريق الحرية تلاقيها طول النهار في المواصلات اكتر ما بتحضر محاضرات!!!!!!!!!!!!!!!!!!

لا ياتقى انا مش ساكنة ف الابراهيمية بس كنت سمعت عن حوار البلطجية ده
وعندك حق ف موضوع الترام ده انا برضه عارفه الناس دي وعشان كده مش بقعد ف الكراسي دي خالص حتى لو مافيش غيرها فاضي بفضل واقفه عشان بخاف حد يحرجني كده مع ان والله ايام الكلية الواحد كان بيبقى متبهدل من الواقفه ف المدرج زي مادينا بتقول

والله يا دينا انا كمان كده والعمليه اللى انا عملها كمان مينفعش اقف كتير وانا اصلا موش بحب اقعد بس ببقى تعبانه وموش بقدر اقف بيجى ع نفسى لغيط اما خلاص لو بلاقى مكان بقعد والناس كمان اللى بتقولى والله تعالى اقعدى والمواصلات عندى زفت اووووى بجد انا كمان والله بقضى ف المواصلات اكتر من الكليه يعنى تلاقى المحاضره ساعه والمواصلات ساعتين و كمان ولازم اروح عشان عندى اعمال سنه وكمان الكورس اللى باخده ف شارع ابو قير انتى عارفه بقى يا دينا شارع ابو قير توقفى بالساعات وف الاخر الترام ده لو لاقيته اصلا والنهارده كنت بجد بهدله اوووى وف فيكتوريا ناس تضربت بعد وعاملين اضطراب ومفيش جاز وسواقين صحاب بعض ضربين بعض بالمطواه عشان اللى عايز يحمل ويطلع انا نزلت والله الصبح عشان اروح الكليه اركب من شارع 17 كرموز مفيش خالص والناس كتير اووى واللى روح يا عينى ومرحش شغله والكليات وكلوه ماما كلميتنى وقالتلى ارجعى كنت ف مشوار واستنينى وروحنا نزلت تانى عشان اروح الابراهيميه عندى كورس ملقيتش خالص ف عبد الناصر مواصلات وبردو زحمه راح بابا موصلينى بالعربيه قولت وانا راجعه هتبقى كويسه روحت راكبه الترام عشان مفيش ابو قير طبعا ونزلت رشدى كنت رايحه ادى حاجه لصاحبتى وركبت الترام تانى وزحمه موت متعرفيش تاخدى نفسك انا ركبت عربيه الستات وكله شبه بعضه ونزلت ف فيكتوريا ويلهوتى تقولى يوم القيامه وضرب وخناقااات وناس معاها كلاب عشان تخوف بيها اللى هيطلعوا ويحملوا راح بابا كلمينى وجا خدينى وروحت الحمد لله والتاكيسات بقى شغاله ع ودنها ربنا يستر بجد علينا وع الايام الجايه الناس بتاكل ف بعضيها وف العصافره بيقولوا الجيش نزل معلش انا رغيت اوى بس من اللى شوفته النهارده والله عذاااااااااااب وبهدله ربنا يسترها علينا ويرحمنا برحمته

يا h.m والله فعلا الواحد بيتحرج عشان ميسمعش كلام يضايقه والناس دوقتى مبقيتش طايقه بعد ربنا يسهلك طريقك ويعدى الايام دى ع خير يااارب

مش رغي يا تقي بس تحسي ان امبارح بالذات كان يوم عجيب انا عشان مش بنزل كتير ودايرة تحركاتي في حدود اربع محطات ترام من عندنا في باكوس لجناكليس اورح فتح الله او انزل السوق وده في الشارع اللي ورانا
بس امبارح جاتلي واحده صاحبتي -هي بعد ماتجوزت سكنت في دمنهور بس بتيجي طبعا هنا عشان باباها ومامتها هنا
بتقوللي ايه اللي عندكم ده انا خايفة ومرعوبة انزل انتم خلاص قومتم القيامه في اسكندرية ايه الجنان ده كل حته فيها ضرب وخناقات والترام بيدخل في العربيات والناس كلها مش طايقة بعض
بجد ربنا يستر على اللي جاي ويسلم لنا طريقنا كلنا ويعدي اللي جاي على خير كل ما نقول حتتعدل مفيش اي امل في عدلة

انتوا خاوفتونى من الاسكندريه انا بابا عاوز ياخد شقه هناك اليومين دول

الجو عندنا مش حلو يا سارة وبعدين لو حتاخدوا شقة تستقروا فيها ماشي ممكن تنقي مكان كويس
لكن لو حتاخدوا شقة مصيف منصحكيش لأن الشقق المصايف ممكن تتكسر بمعني اخر عايز كل شوية حد يخبط المشوار ويبات ليلة ولا حاجه
يعني اخوكي مثلا او اخو جوزك يكون بيدرس ويستغلها ويفتحها في الشتا
كمان لازم تكونوا واثقين من السمسارو صاحب الشقة عشان ميتنصبش عليكم
والحكاية الأخيرة دي في اي مكان مش في اسكندرية بس
وربنا معاكم ويعملكم اللي فيه الخير ويبعد عنكم الشر والنصابين