بشرتي تعبانة بليييييييييييز ساعدووووووووووني

السلام عليكم و رحمة الله و بركاته
انا عضوة جديدة في المنتدى و هذه اول مشاركة لي
لي ‏
صراحة انا بشرتي دهنية و بيطلع لي فيها حبوب احيانا ‏
فجبت مجموعة بيور سكن كلها و قعدت استخدم فيها و حاليا لي ‏ اسابيع و ‏ انا بستخدم في المجموعة وانا ملاحظة ان الحبوب زادت بشكل ‏ كبير في وجهي و اصبح تطلع لي حبوب كبيرة و انا بسويلها الجل بتاع الحبوب واحيانا بتجف و احيانا بلاحظ ان وشي مليان زيوت
فأنا مش عارفة اغير المجموعة دي او امتى حتبتدي تدي مفعولها و تصفي لي بشرتي تماما و تخليها حلوة ‏
لاني بصراحة نفسبتي تعبت و بقيت اتكسف من شكلي قدام جوزي و الناس كلما يشوفوني يسألوني ايه الحبوب اللي في وشك دي لحد ما اتعقدت خلاص
معليش طولت عليكم بس رجاء ردو عليا لان نفسيتي بقت زفته جدا جدا

بستخدمها بقالي تلاتة اسابيع

هل افقع الحبوب و الا اعمل ايه ‏

اولا اهلا بيكى معانا فى المنتدى

بصى طالما المجموعه معملتش مفعول انصحك تروحى لدكتور جلديه ممكن يكون عندك نيبه الدهون عاليه لان المفروض الحبوب دى تكون فى ايامم المراهقه ووجودها دلوقتى اكيد ليه اسبابه وعلى فكرة مجموعه بيور سكن للمراهقات لحد 21 وبس ممكن تستخدمى مجموعه الشاى الاخضر بس انا افضل انك تروحى لدكتور الاول وبلغينا ايه الاخبار

انا مع روز المفروض تروحي لدكتور جلدية وتوقفي استخدام

ومرة قريت وصفة تجيبي زيت لوز حلو ومر وتخلطي وتدهني مرتين يوميا بيشيل الحبوب بس انا مجربتهاش لان الحمد الله معنديش حبوب ومعرفش فعلا هتتشال ولا ايه

اوعى تفقيعها كدة هاتسيب اثر وحفر واحنا مش فى غنا عنها

شكرا يا روز و هند ع الاجابة
بس عاوزة اقول ان بشرتي قبل بيور سكن ما كانش فيها حبوب زي دلوقت و كانت دهنية و لماعة لكن الحبوب زادت مع بيور سكن هل دة طبيعي وانا بقالي تلاتة اسابيع بستخدم المجموعة و ما شفتش نقاء تام للبشرة فهل المجموعة بتاخد زمن كبير عشان تدي مفعول؟
و بالنسبة للحبوب اللي على بشرتي هي مش حبوب دايمةزي حب الشباب ‏
بس كان بيطلع لي بينة فترة و التانية حبة حبتين اذا اكلت شطة او في ايام معينة ‏
لكن مع بيور سكن دلوقت طالع لي سبع حبات ‏
اربعة منهم في نفس المكان
و انا لما ابتديت استخدم المجموعة كان بيطلع لي كم حبة و يختفو في ثلاثة ايام بس دلوقت بقالي خمس ايام الحبوب مش راضية تروح لكن حجمها بيقل
بس برضو ما اختفتش نهائي

بيور سكن ممتازة بس داومى عليها شويه بس انتى بتقولى بتزيد؟
كل الى استخدمها شكر فيها جدا وخصوصا الاسكرب والتونر وكريم الهايد اند تريت
كملى الشهر ولو حاسه مفيش تقدم استخدمى مجموعه الشاى الاخضر دى للناس اللى بشرتهم دهنيه جدا اعرف ناس حبوها جدا الغسول التونر والمصحح الاستيك المعالج هيقلل كل الدهون الزياده ف الحبوب هتقل بشكل كبير انما مجموعه بيور سكن بتعالج الحبوب اللى ف مرحله المراهقه غير مختصه بالبشره الدهنيه

شكرا يا نونا بس انا اليوم الصبح بعد ما اصحيت شايفة الحبوب زادت تاني ايه رأيكم اوقفه خلاص
بس انا زمان من غير ما استخدم الغسول بستخدم كريم مزيل اللمعان و تونر الرؤوس السوداء حلوين معايا ‏
يعني اوقف الغسول و جل تجفيف الحبوب و الغسول المقشر
و استخدم غسول شجرة الشاي اللي انا قبل فترة طويلة استخدمته و كان كويس معايا بس مش عارفة استخدم ايه للحبوب عشان ما تطلع تاني

بصى يا جميلة انا مش اخصائية جلدية بس دكتورة امتياز هنصحك كام نصيحة ع الماشى يارب يفيدوكى ا ش ا
1-اولا نحاول نبطل توتر شوية
2-نحاول نخف شاى وقهوة شوية
3-نحاول نغسل وشنا بانتظام ننشفه كويس بس بالراحه
4-فى الصيدلية مرهمين كويسيسن بس عايزين انتظام ف الاستعمال واحد اسمه ميكسدريمmixderm ده ممتااااااز وعن تجربة شخصية بس يستخدم 3 مرات ف اليوم تحطى نقطة على كل حبة وما تمسيحاش والمرهم التانى اسمه كيناكومب كويس برضه بس ده للحبوب اللى لسه هتطلع فانا افضل الاولانى
5-فى مركب اسمه الازليك اسيد فعال جدا للحبوب Azalic acid اسالى على مركباته ف الصيدلية هو ده اسمه العلمى انا للاسف مش فاكرة اسمه التجارى
6-فى حل اخير بيستخدموه اطباء الجلدية انك تاخدى مضاد حيوى عن طريق الفم واحسنهم للحبوب حاجة اسمها دوكسى ساكلين deoxyclclin بس ما انصحكيش تعملى كده الا باستشارة الاخصائى
7-لو كل ده ما نفعش يبقى مافيش حل غير تروحى لطبيب جلدية متخصص يعملك صنفرة او تقشير غالبا على كذا جلسة بس مش مؤلمة ما تخافيش
ودى مشكلة بسيطة ا ش ا ما تقلقيش خالص
واى سؤال انا تحت امرك لو اقدر
نورتى المنتدى

انصحك برضه تروحى لدكتور باطنى احيانا مشاكل الجهاز الهضمى تسبب حبوب الوجه ملحوظة انا ست زيكم

برافو عليكى ياماريان ربنا يكرمك وانا كمان شايفه انها تروح للدكتور علشان الموضوع ميقلبش حاجه تانيه
وانا عايزه اسألك ياميرو بما انك دكتوره نابغه وعسوله وانا وانتى طلعنا اخوات وكنا تايهين
قوليلى حل للمناطق الحساسه الغامقه

انا دكتورة غلبانة على قدى يا هبة لا نابغة ولا غيرة بصى مرهم البيتادين كويس ا ش ا و هيقتل البكتريا ويمنع الالتهابات يا كده يا تجيبى جليسويد وعليه مية ورد ونص لمونة واهم حااااااااجة تحاولى ما تستعمليش حاجة بريحة عند المنطقة دى لان ده اللى بيسمر

طيب معليشى يا د/ مريان ممكن تقوليلى المعطر النسائى بتاع اوريفليم ده كمان بيسمر ولا لا لان انا لسه جايبه وعاوزه اعرف

ما اعرفش مكوناته عشان احكم يا سارة عمرى ما جربته

diva_faraona كتب:

بصى يا جميلة انا مش اخصائية جلدية بس دكتورة امتياز هنصحك كام نصيحة ع الماشى يارب يفيدوكى ا ش ا
1-اولا نحاول نبطل توتر شوية
2-نحاول نخف شاى وقهوة شوية
3-نحاول نغسل وشنا بانتظام ننشفه كويس بس بالراحه
4-فى الصيدلية مرهمين كويسيسن بس عايزين انتظام ف الاستعمال واحد اسمه ميكسدريمmixderm ده ممتااااااز وعن تجربة شخصية بس يستخدم 3 مرات ف اليوم تحطى نقطة على كل حبة وما تمسيحاش والمرهم التانى اسمه كيناكومب كويس برضه بس ده للحبوب اللى لسه هتطلع فانا افضل الاولانى
5-فى مركب اسمه الازليك اسيد فعال جدا للحبوب Azalic acid اسالى على مركباته ف الصيدلية هو ده اسمه العلمى انا للاسف مش فاكرة اسمه التجارى
6-فى حل اخير بيستخدموه اطباء الجلدية انك تاخدى مضاد حيوى عن طريق الفم واحسنهم للحبوب حاجة اسمها دوكسى ساكلين deoxyclclin بس ما انصحكيش تعملى كده الا باستشارة الاخصائى
7-لو كل ده ما نفعش يبقى مافيش حل غير تروحى لطبيب جلدية متخصص يعملك صنفرة او تقشير غالبا على كذا جلسة بس مش مؤلمة ما تخافيش
ودى مشكلة بسيطة ا ش ا ما تقلقيش خالص
واى سؤال انا تحت امرك لو اقدر
نورتى المنتدى

بيقولوا كريم الفيمينل بتاع اوريفليم بيفتح مناطق بين الأفخاذ
شطورة يا ماريان برافو عليكي ما الطب اهو طلع بينفع للستات يا بنتي متعقديهش

Admin كتب:

انصحك برضه تروحى لدكتور باطنى احيانا مشاكل الجهاز الهضمى تسبب حبوب الوجه ملحوظة انا ست زيكم

اهلا بيكي معانا منورانا

ليه لأ كتب:

برافو عليكى ياماريان ربنا يكرمك وانا كمان شايفه انها تروح للدكتور علشان الموضوع ميقلبش حاجه تانيه
وانا عايزه اسألك ياميرو بما انك دكتوره نابغه وعسوله وانا وانتى طلعنا اخوات وكنا تايهين
قوليلى حل للمناطق الحساسه الغامقه

لا والله اخوات وتايهين احنا في فيلم هندي اصلنا لأ وخدوا بالكم واحده صعيدية شبة الفراعنه وواحده قاهرية تجارة ونضارة وعايزة تروع مناطق اشباح

ههههههههههههههههههههههههههههههههه
دينا انا فى الشغل وعماله اضحك والناس هيقولوا عليه مجنونه