Oriflame Egypt نادي اعضاء اوريفليم مصر
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه

Oriflame Egypt نادي اعضاء اوريفليم مصر

نادي اوريفليم لشركة اوريفليم السويدية في مصر لارقي منتجات التجميل الطبيعية والعناية بالبشرة (منتدي خاص بالدايريكتور رشا محمد)
 
دخولبحـثالتسجيلالرئيسية

شاطر | 
 

 ساعدونى انا بموت..........

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
diva_faraona
عضو ملكي متألق
عضو ملكي متألق
avatar

انثى
عدد الرسائل : 1505
العمر : 30
الدولة : اسيوط-مصر
العمل/الترفيه : جعلونى دكتورة
تاريخ التسجيل : 07/12/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:43 pm

ليه لأ كتب:
الحمد لله ربنا كبير انا نسيت اقولكم اخوه اللى معايه فى الشغل اكبر منو جه و أعتذر وقالى والله انا مكسوف منك وحكالى انو عمل اللى باباقال عليه لما جه يتجوز بس من ورا اهلو يعنى كتب 50جرام دهب من غير تمن و20مؤخر وجاب جهاز اكتر من اللى كان اخوه هيجيبو يعنى جاب النجف اللى امو كانت هتموت لما عرفت انو على العريس وبابا قالها خلاص احنا نجيبو
بس كل ده من ورا اهلو وقالى انا عملت كده علشان كنت عارف ان ماما هترفض طلبات مراتى هو لسه متجوز جديد
مع العلم هو غير اهلو خااااااااالص امبارح كل شويه يجى يعتزرلى ويقولى انا مكسوف منك ولو اخويا اتصل بيكى متروديش عليه ده ميستهلش ظفرك وأن شاء الله ربنا هيرزقك احسن منو انالما شوفتك فى الشغل وقولت لأخويا عندى ليك عروسه كويسه والله قولتلو انا كنت اتمنا واحده زى هبه ولو مكنتش قابلت مراتى كنت اتجوزتها وفضل يقولى ادينى رقم باباكى اعتذرلو عن اللى حصل وهما لما كانوا عندنا ومامتو متنرفزا زعقلها وقالها احنا مش بنتخانق ولما قالت انتى مش احسن من بناتى قالها هى ست البنات انا فعلا بحترموا جدااااااا ربنا يكرموا هو الوحيد اللى سلم على بابا وعليه قبل ما ينزلو
وطبعا هتقولو هو بيعمل كده علشان كان بيتمنانى هقولكم لأ هو بيموت فى مراتو انا وهو بنشوف بعض فى الشغل اكتر مابنشوف اهلنا هو فعلا انسان محتلرم ربنا يكرمه ويرزقه الذريه الصالحه بالله عليكم تدعوله
مش بقولك هما اللى خسرانين يا بوبا? pirat
الرجوع الى أعلى الصفحة اذهب الى الأسفل
dinaali
عضو ملكي متألق
عضو ملكي متألق
avatar

انثى
عدد الرسائل : 3278
العمر : 36
تاريخ التسجيل : 05/08/2011

مُساهمةموضوع: رد: ساعدونى انا بموت..........   الإثنين فبراير 20, 2012 4:13 pm

عشان تعرفي ان امهم معززاهم وعندها فرخة بكشك -مش صعيدي -اسكندراني- شوفتي بقي كنتي ترضي انك تعيشي مع واحد كل حاجه بيحس انه عاملة من ورا مامته ؟؟؟؟؟؟؟؟؟؟؟شوية وحيستأذنها لما يجي يشرب ميه او ياكل قلقاس!!!!!!!!!!!!!!!!!!!!!!!!
الرجوع الى أعلى الصفحة اذهب الى الأسفل
rose_elmansoura
عضو ملكي متألق
عضو ملكي متألق
avatar

انثى
عدد الرسائل : 2116
العمر : 30
تاريخ التسجيل : 25/08/2011

مُساهمةموضوع: رد: ساعدونى انا بموت..........   الإثنين فبراير 20, 2012 4:39 pm

الف سلامه عليكى يا حبى والمفروض عليكى يا هبه دلوقتى تقومى تصلى ركعتين شكر لله يا حبيبتى بجد والله انتى كدة عرفتى معدن الشخص والحمد لله بدرى ودى هديه من ربنا لانك بنت طيبه ومعدنك طيب عشان كدة ربنا موركيش حاجة وحشه صدقنى الموقف ده بينلك حاجات كتير كان ممكن تخدى وقت على ماتكتشفيها

اولا دلليل ان زميلك يجى يقولك انه لو اخويا كلمك مترديش عليه ده معناه انه عارف انه اخوه مقدركيش ولا شارى ابدا هوا موقفه زى موقف الست والدته الى رافضه فعلانه من قبل ماتدخل البيت ودة واضح جدااااا لاسباب الى دينا قالتلك عليها ممكن يكون مدايقاه انك اكبر منه لمجرد انها عاوزاة لواحدة قريبته ولا بنت صاحبتها المهم موقف عريسك معروف جدااا بدليل انه مصدق ان باباكى عاوز يبيعك وصدقينى ماماته شكلها مسيطره على البيت كله وعلى باباهم كمان ومنصحكيش ترتبطى بانسنان تولد فى بيت زى كدة لانه بيبقى ضعيف الشخصيه ونادرا لما يطلع زى زميلك شهم مزعلش ماماته واطاعها برضه وكمان عمل الى عليه ومزعلش خطيبته وريح اهلها ووافق وطلع شهم جداااا بصى لو كان عريسك زيه كدة كان على الاقل اتفق فى ال 3 شهور الى كنتم بتتكلموا فيهم مع بعض على كل حاجة وعلى الى هايقدر يجيبه وعلى القايمه والمؤخر وانتى ساعتها كنتى عرفتى تتناقشى معها وتتفوقا ساعتها وكمن برضا اهلك بس هوا معلشى مطلعش جدع زى اخوة وفعلا ابن ماماته جدااااااا

متزعليش يا حبيبتى وبكرة تنسى ويجيلك سيد سيده وتحبيه وصدقينى دة مش النصيب وياريت تجيبها انتى منكم وترفضيه

ولو شايفه انك لسه متعلقه بيه صلى صلاة استخاره النهاردة وشوفى ربنا هايوجهك بايه وانا مقتنعه ان اكيد ربنا هايوجهك للرفض لانه مش يستاهلك بمعنى الكمله دى بالزبط
صدقنى هاتعيشى وتحبى وهاتتجوزى باءزن الله

وان كان على موضوع العريسان ده يا ماريان فكلنا فى الهوا سوا والله يا بنات انا نفس الوضع وسبحان الله بقول لماما هيا الناس متعرفش غيرى ولا ايه سبحان الله بيجيلى ناس غريبه بجد ومفيش تناسب نهائيا مرة فى الشكل اللهم لا اعتراض ومرة فى الاخلاق ومرة فى المستوى الاجتماعى والحمد لله نصيبنا لسه مجاش يابنات وانا بدات اعمل بنصيحه ماريان عيشى لنفسك وبس واتهنى وافرحى مع اصحابك واخواتك غيرى مودك كلى شكولاته كتير اخرجى اتفسحى بجد واضحكى من قلبك
الرجوع الى أعلى الصفحة اذهب الى الأسفل
م.هالة
عضو ملكي متألق
عضو ملكي متألق
avatar

الاوسمة : وسام تكريم وتقدير
انثى
عدد الرسائل : 1615
العمر : 37
تاريخ التسجيل : 06/01/2011

مُساهمةموضوع: رد: ساعدونى انا بموت..........   الإثنين فبراير 20, 2012 4:43 pm

اهم من اتفاق الماديات اتفاقك مع اهله
اتفاق الماديات ممكن يتحل و هيكون موضوع شهور و يخلص
لكن اتفاقك مع اهله ده هتكون سنين عمرك الجاية
يعنى لازم تستريحى للشخص و لاهله
لان لو اهله صعبين ده هيعمل لك مشاكل كتير فى حياتك
انا شايفة دى النقطة المهمة
يعنى لو اتصلوا و قالوا هما موافقين على القائمة و المؤخر زى ما انت طلبت
انت هتكونى مستريحة مع مامته و لا لأ

لان دايما هيكون ليها تاثير على ابنها مش علشان هو معندوش شخصية بس فى النهاية هى أمه
و زى ما اهلك اكيد ليهم تاثير عليك اكيد اهله هيكون ليهم تاثير عليه
لانك زى ما انت بتعزى اهلك و تحترميهم هو هيكون كده مع اهله
دى طبيعتنا كشرقيين ان احترام الاهل شى واضح عندنا حتى لو العريس شخصيته قوية هيتاثر برده باهله
حتى انت بتقولى شخصيتك قوية بس فى النهاية هتلاقى مامتك و بباك ليهم تاثير عليك و رضاهم حاجة مهمة عندك

و على فكرة انا مش شايفة انه غلطان ان مامته عارفة انه بيكلمك
بالعكس ده معناه انه واخد الموضوع جد مش تسلية و ناوى يدخل البيت من بابه
انا شايفة ان الغلط انك كنت بتكلميه من وراء اهلك

انا بالنسبة لى النقطة المقلقة فى الموضوع الحاجات اللى انت مش مركزة عليها
نقطة سيطرة مامته الزيادة و انهم بيسلموا و هما قاعدين و افتعال الخناقة على الماديات
دى بالنسبة لى نقطة مش مريحة خالص يعنى حتى لو اتفقتوا على الماديات
انت كنت هتقدرى تستريحى فى التعامل مع مامته و لا لأ
الرجوع الى أعلى الصفحة اذهب الى الأسفل
diva_faraona
عضو ملكي متألق
عضو ملكي متألق
avatar

انثى
عدد الرسائل : 1505
العمر : 30
الدولة : اسيوط-مصر
العمل/الترفيه : جعلونى دكتورة
تاريخ التسجيل : 07/12/2011

مُساهمةموضوع: رد: ساعدونى انا بموت..........   الإثنين فبراير 20, 2012 4:46 pm

rose_elmansoura كتب:
الف سلامه عليكى يا حبى والمفروض عليكى يا هبه دلوقتى تقومى تصلى ركعتين شكر لله يا حبيبتى بجد والله انتى كدة عرفتى معدن الشخص والحمد لله بدرى ودى هديه من ربنا لانك بنت طيبه ومعدنك طيب عشان كدة ربنا موركيش حاجة وحشه صدقنى الموقف ده بينلك حاجات كتير كان ممكن تخدى وقت على ماتكتشفيها

اولا دلليل ان زميلك يجى يقولك انه لو اخويا كلمك مترديش عليه ده معناه انه عارف انه اخوه مقدركيش ولا شارى ابدا هوا موقفه زى موقف الست والدته الى رافضه فعلانه من قبل ماتدخل البيت ودة واضح جدااااا لاسباب الى دينا قالتلك عليها ممكن يكون مدايقاه انك اكبر منه لمجرد انها عاوزاة لواحدة قريبته ولا بنت صاحبتها المهم موقف عريسك معروف جدااا بدليل انه مصدق ان باباكى عاوز يبيعك وصدقينى ماماته شكلها مسيطره على البيت كله وعلى باباهم كمان ومنصحكيش ترتبطى بانسنان تولد فى بيت زى كدة لانه بيبقى ضعيف الشخصيه ونادرا لما يطلع زى زميلك شهم مزعلش ماماته واطاعها برضه وكمان عمل الى عليه ومزعلش خطيبته وريح اهلها ووافق وطلع شهم جداااا بصى لو كان عريسك زيه كدة كان على الاقل اتفق فى ال 3 شهور الى كنتم بتتكلموا فيهم مع بعض على كل حاجة وعلى الى هايقدر يجيبه وعلى القايمه والمؤخر وانتى ساعتها كنتى عرفتى تتناقشى معها وتتفوقا ساعتها وكمن برضا اهلك بس هوا معلشى مطلعش جدع زى اخوة وفعلا ابن ماماته جدااااااا

متزعليش يا حبيبتى وبكرة تنسى ويجيلك سيد سيده وتحبيه وصدقينى دة مش النصيب وياريت تجيبها انتى منكم وترفضيه

ولو شايفه انك لسه متعلقه بيه صلى صلاة استخاره النهاردة وشوفى ربنا هايوجهك بايه وانا مقتنعه ان اكيد ربنا هايوجهك للرفض لانه مش يستاهلك بمعنى الكمله دى بالزبط
صدقنى هاتعيشى وتحبى وهاتتجوزى باءزن الله

وان كان على موضوع العريسان ده يا ماريان فكلنا فى الهوا سوا والله يا بنات انا نفس الوضع وسبحان الله بقول لماما هيا الناس متعرفش غيرى ولا ايه سبحان الله بيجيلى ناس غريبه بجد ومفيش تناسب نهائيا مرة فى الشكل اللهم لا اعتراض ومرة فى الاخلاق ومرة فى المستوى الاجتماعى والحمد لله نصيبنا لسه مجاش يابنات وانا بدات اعمل بنصيحه ماريان عيشى لنفسك وبس واتهنى وافرحى مع اصحابك واخواتك غيرى مودك كلى شكولاته كتير اخرجى اتفسحى بجد واضحكى من قلبك
احلى كلام بامانة يا نيرة Shocked Shocked Shocked Shocked Shocked Shocked 10\10 بس ماعدا موضوع الشيكولاتة عشان الدايت ههههههههههه confused
الرجوع الى أعلى الصفحة اذهب الى الأسفل
Roraa
عضو ملكي متألق
عضو ملكي متألق
avatar

انثى
عدد الرسائل : 1439
العمر : 44
الدولة : Egypt
العمل/الترفيه : Sales Executive Secretary
تاريخ التسجيل : 21/05/2010

مُساهمةموضوع: رد: ساعدونى انا بموت..........   الإثنين فبراير 20, 2012 5:02 pm

الاول صلوا علي النبي يا بنات
و معلش انا بنسي الاسماء فماتزعلوش مني
نتفق بقي ان مافيش حد بيموت علشان حد
لسبب ان محدش يستاهل اصلا
ثانيا الضربة اللي ماتكسرنيش تقوينيي
البنات قالو كتير يا ليه لأ
ووفوا بصراحة و انا مش هأزيد
انا بس هأشرح لك سيناريو الحاجة ام المحروس
ومن اولها ماتزعليش من كلامي
و ماتزعليش مني اكبر منك بيوم بقي يعرف عنك بسنة و عدي انتي الايام
خالتك دي عارفة طبعا ان ابنها اصغر منك سنة احنا نشوفها مش مشكلة
انما هيه شافتها كبيرة و جت علشان تقطع عرق و تسيح دم و تفركش الليلة
و هوه طبعا مش هاقول ابن ماما انما هيه اللي ست مسيطرة هيه اللي راجل البيت
( انتي صحيح ماجبتيش سيرة باباه ) واضح كده انها الامر الناهي في بيتهم
بدليل اخوه قالك انا عملت كذا و كذا من وراهم
والدك ماطلبش كتيرر بالعكس ده اقل من العادي اليومين دول وكل جوازة زي مادينا قالت ليها ظروفها
و اصلا بتعتمد علي اتفاق الطرفين ممكن عروسة ماتجيبش غير هدومها بس
هيه اللي شايفة ابنها كتير عليكيي تشبع بيه بقي
احنا مش ناقصين يا بنتي البنات اللي هوه احنا مالهومش غير كرامتهم
سيبك من الكلام الفكسان خدي اللي يحبك و الكلام ده
و الله يا بنتي ماحد يستاهل ولا عاد فيه حب من اصله
انا مش بعقدك بس انتي لسة صغيرة و يامااااااااااااااااا هتقابلي و هتشوفي
ومش هتموتي علشان كل واحد لا قدر الله
و باتمني ليكيي تتجوزي من الصبح حد يقدرك و يؤتمن عليكي
صدقينيي و كان حصل نصيب كنتي هتتعبي قووي مع خالتك الحاجة دي
اللي بيبقي شاري بيعمل زي اخوه ماعمل
روقي و استهدي بالله و قل لن يصيبنا الا ماكتبه الله لنا
الرجوع الى أعلى الصفحة اذهب الى الأسفل
secret.whisper
عضو ملكي
عضو ملكي
avatar

انثى
عدد الرسائل : 462
العمر : 35
تاريخ التسجيل : 03/01/2011

مُساهمةموضوع: رد: ساعدونى انا بموت..........   الإثنين فبراير 20, 2012 5:38 pm

نصيحتى .. إصرفى نظر عن الموضوع ده
ومش تبكى عليه .. اللى بيحب حد بيشتريه مش بيفاصل فيه
وباباكى كتر خيره رضى بالمعقول ومش حملهم فوق طاقتهم
ومامته هتكون بالنسبة لك حماة مش أم وهتتعبى جدا فى الجوازة دى
وكفاية قلة الذوق اللى اتعاملت بيها معاكم
وربنا يعوضك عنه خير ويراضيكى بالأحسن ياااااااااااارب
الرجوع الى أعلى الصفحة اذهب الى الأسفل
medo
عضو فعال
عضو فعال
avatar

انثى
عدد الرسائل : 167
العمر : 27
تاريخ التسجيل : 22/12/2011

مُساهمةموضوع: رد: ساعدونى انا بموت..........   الإثنين فبراير 20, 2012 5:42 pm

طبعا كل اصحبنا وفوا وكفوا مش حقول حاجة بعدهم غير انت مفكرتيش فى رد فعلة بعد الزيارة يعنى الى بيحب حد وشارية وعوزة وبيكلمة لمدة 3 شهور ( مع تحفظى على الموضوع دة لانى بعتبرة خطأ) مش من كلمتين مامتة قلتهم اتغير 180 درجة
وبقى بيتكلم زيها دة ضعيف الشحصية احمدى ربنا واشكرية على عدم ارتباطك بية
عاوزة اقللك على حاجة حاولى مترطبتيش بحد قبل ميدخل بيتكم عشان القعدة دى لو ال تعملت من 3 شهور من ساعة ما شافك مكنتيش اتعلقتى بية ولة كنت مجروحة بالشكل دة
متزعليش منى احنا هنا اخوات بنحاول ننصح بعض للى فية الخير والصح
الرجوع الى أعلى الصفحة اذهب الى الأسفل
h.m.h.m
عضو مميز
عضو مميز
avatar

انثى
عدد الرسائل : 254
العمر : 28
الدولة : مصر
تاريخ التسجيل : 08/09/2010

مُساهمةموضوع: رد: ساعدونى انا بموت..........   الإثنين فبراير 20, 2012 6:02 pm

هوبه روقي ولالا يهمك ده اصلا مايستهلكيش والبنات وفوا بصراحه انا مش هقول اكتر من اللي قالوه بس عايزاكي تبطلي تقولي كلمة حبيبي دي عليه لانه مايستاهلهاش منك
ونفسي انا وانتي وكل البنات نبطل بقى نتخدع بالكلام الحلو والطريقه اللي الواحد يحسسك بيها انه ستين راجل ف بعض يخاف عليكي وممكن يزعقلك ويرجع يصالحك وتحسي انه مافيش زيه ف الدنيا وف الاخر يطلع ولا حاجه مع اول مواجهه مع اهله تحسي بقيمته الحقيقه وانا حصل معايا حاجة شبة كده ربنا يهدينا ويوفقنا للي فيه الخير يارب وربنا يكرم اخوة لانك طلبتي ندعيله ولان اكيد كلامه هون عليكي كتير على الاقل خالى ثقتك ف نفسك ماتتهزش ف ربنا يباركله ويباركلك
الرجوع الى أعلى الصفحة اذهب الى الأسفل
ساندي
عضو ملكي متألق
عضو ملكي متألق
avatar

انثى
عدد الرسائل : 1154
العمر : 30
تاريخ التسجيل : 22/03/2011

مُساهمةموضوع: رد: ساعدونى انا بموت..........   الإثنين فبراير 20, 2012 6:26 pm

حبيبتي هبه خليكي واثقه في اختيار ربنا ليكي
وان ده كان الافضل وان الموضوع انتهي من اول زياره عشان تنسي بسهوله
وانا واثقه ومتاكده ان مكنش يستاهلك وربنا كاتبلك الاحسن منه مليون مره
يكفي رده عليكي بعد ماروح واللي قاله علي والدك
الرد ده المفروض يخليكي فرحانه ان ربنا نجاكي منه
يارب تنسي بسرعه ياحبيبتي وربنا يفك كربك
الرجوع الى أعلى الصفحة اذهب الى الأسفل
rose_elmansoura
عضو ملكي متألق
عضو ملكي متألق
avatar

انثى
عدد الرسائل : 2116
العمر : 30
تاريخ التسجيل : 25/08/2011

مُساهمةموضوع: رد: ساعدونى انا بموت..........   الإثنين فبراير 20, 2012 6:32 pm

diva_faraona كتب:
rose_elmansoura كتب:
الف سلامه عليكى يا حبى والمفروض عليكى يا هبه دلوقتى تقومى تصلى ركعتين شكر لله يا حبيبتى بجد والله انتى كدة عرفتى معدن الشخص والحمد لله بدرى ودى هديه من ربنا لانك بنت طيبه ومعدنك طيب عشان كدة ربنا موركيش حاجة وحشه صدقنى الموقف ده بينلك حاجات كتير كان ممكن تخدى وقت على ماتكتشفيها

اولا دلليل ان زميلك يجى يقولك انه لو اخويا كلمك مترديش عليه ده معناه انه عارف انه اخوه مقدركيش ولا شارى ابدا هوا موقفه زى موقف الست والدته الى رافضه فعلانه من قبل ماتدخل البيت ودة واضح جدااااا لاسباب الى دينا قالتلك عليها ممكن يكون مدايقاه انك اكبر منه لمجرد انها عاوزاة لواحدة قريبته ولا بنت صاحبتها المهم موقف عريسك معروف جدااا بدليل انه مصدق ان باباكى عاوز يبيعك وصدقينى ماماته شكلها مسيطره على البيت كله وعلى باباهم كمان ومنصحكيش ترتبطى بانسنان تولد فى بيت زى كدة لانه بيبقى ضعيف الشخصيه ونادرا لما يطلع زى زميلك شهم مزعلش ماماته واطاعها برضه وكمان عمل الى عليه ومزعلش خطيبته وريح اهلها ووافق وطلع شهم جداااا بصى لو كان عريسك زيه كدة كان على الاقل اتفق فى ال 3 شهور الى كنتم بتتكلموا فيهم مع بعض على كل حاجة وعلى الى هايقدر يجيبه وعلى القايمه والمؤخر وانتى ساعتها كنتى عرفتى تتناقشى معها وتتفوقا ساعتها وكمن برضا اهلك بس هوا معلشى مطلعش جدع زى اخوة وفعلا ابن ماماته جدااااااا

متزعليش يا حبيبتى وبكرة تنسى ويجيلك سيد سيده وتحبيه وصدقينى دة مش النصيب وياريت تجيبها انتى منكم وترفضيه

ولو شايفه انك لسه متعلقه بيه صلى صلاة استخاره النهاردة وشوفى ربنا هايوجهك بايه وانا مقتنعه ان اكيد ربنا هايوجهك للرفض لانه مش يستاهلك بمعنى الكمله دى بالزبط
صدقنى هاتعيشى وتحبى وهاتتجوزى باءزن الله

وان كان على موضوع العريسان ده يا ماريان فكلنا فى الهوا سوا والله يا بنات انا نفس الوضع وسبحان الله بقول لماما هيا الناس متعرفش غيرى ولا ايه سبحان الله بيجيلى ناس غريبه بجد ومفيش تناسب نهائيا مرة فى الشكل اللهم لا اعتراض ومرة فى الاخلاق ومرة فى المستوى الاجتماعى والحمد لله نصيبنا لسه مجاش يابنات وانا بدات اعمل بنصيحه ماريان عيشى لنفسك وبس واتهنى وافرحى مع اصحابك واخواتك غيرى مودك كلى شكولاته كتير اخرجى اتفسحى بجد واضحكى من قلبك
احلى كلام بامانة يا نيرة 10\10 بس ماعدا موضوع الشيكولاتة عشان الدايت ههههههههههه

مرسى يا موسوعه اخجلتم تواضعنا

انا كمان بعانى من موضوع الدايت ده بنفس السبب
الرجوع الى أعلى الصفحة اذهب الى الأسفل
logyalex
عضو جديد
عضو جديد
avatar

انثى
عدد الرسائل : 37
العمر : 34
تاريخ التسجيل : 04/12/2011

مُساهمةموضوع: رد: ساعدونى انا بموت..........   الإثنين فبراير 20, 2012 8:51 pm

الف بعد الشر عليكي من الموت انا مش هكرر الكلام اللي اتقال لعدم التكرار لكني موافقاهم في كل اللي اتقال بس عايزة اقولك انك ما حبتيش نانوس عين مامته انت بس اتعلقتي بيه وهتنسيه في وقت بسيط جدا واللي ذي ده ميستهلكيش عشان انت طيبه وربنا بيحبك عشان بينلك كل حاجه من اولها واوعي لو رجع يتصل بيكي تضعفي وتردي عليه حتى لو حاول يصلح الموضوع ويجي تاني لباباكي لان اللي ذي ده مش هتكوني متجوزاه لوحده انت هتتجوزي مامته معاه وربنا يرزقك الزوج الصالح وادعي ربنا وانت بتصلي يرزقك الزوج الصالح
{ اللهم ارزقننا فرجًا قريب ًمن حيث لا ندري ولا نحتسب تقرّ به عيننا }
ويارب يحقق لكل انسان اللي بيتمناه
اسفه على الاطاله
الرجوع الى أعلى الصفحة اذهب الى الأسفل
hend_dodo
عضو ملكي متألق
عضو ملكي متألق
avatar

الاوسمة : وسام التميز
انثى
عدد الرسائل : 3361
العمر : 29
تاريخ التسجيل : 21/02/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 3:41 am

معلش ياهبة مفيش حاجة والله تستاهل زعلك ولا دموعك

ربنا عملك الخير

انا مقدرة موقفك وحاسة بيكي بس بكرة ربنا هيكرمك بواحد احسن منه مليون مرة والحمد الله انك اكتشفتي الست دي وانتو لسة علي البر بدل ما كان الموضوع مشي وطلعت عينك فيما بعد

ولا يهمك اي حاجة بس نصيحة مني بلاش تكلمي اي شاب تاني من ورا اهلك مهما كانت الظروف

وربنا يكرمك بالزوج الصالح عاجلا وليس اجل انتي وجميع بنات المسلمين ان شاء الله
الرجوع الى أعلى الصفحة اذهب الى الأسفل
nona mido
عضو ملكي مميز
عضو ملكي مميز
avatar

انثى
عدد الرسائل : 727
العمر : 26
العمل/الترفيه : DoCtOr
تاريخ التسجيل : 06/11/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 4:11 am

بعد الشر عليكى يا حبيبتى من الموت ربنا يبعد عنك كل غم وهم ويفرح قلبك
وكمان يا هوبي 3 شهور دول مده قليله اوى انك تتعلقي بيه للدرجه في ناس بتسيب بعض بعد حب سنين طويله بسبب الاهل بردو يعنى الحمدلله انها جت على اد كدا والمده مطولتش
وعلى فكره هو لو بيحبك بجد كان لاقي مليون طريقه وطريقه يتصرف فيها مع مامته اقلها زى اخوة ما عمل او طالما هو اللى هيدفع ويجهز كان قالها يا ماما لو سمحت متدخليش انا الى هجيب انا اللى هتجوز او ع الاقل كان سلم على باباكى وهما نازلين واعتزرله ومتزعليش لان ام زى دى بعد الجواز كانت هتقوله طلقها لاى ظرف هيطلقك وكمان انه ابن امه شيء واضح جدا بدليل انه تانى يوم بيقولك ف الفون نفس البوقين اللى امه قالتهم له من اول ما روحت
وهى فعلا شكلها مش مقتنعه بالجوازه وجت بس عشان تسكت ابنها وما يفتحش الموضوع تانى واللى زى ده متزعليش عليه يا حبيبتى لو شاريكى كان حارب الدنيا عشانك
وباباكى مطالبه معقوله احنا مثلا عندنا ف طنطا المتبع العروسه بتجيب المطبخ بس والمفروشات والعريس بيجيب الباقي انما بالنسبه لاهلى ديما يقولو لو يستاهل وراجل بجد هنديله عنينا ولو هيجيب دبله وبس وباباكى حاول يرضيهم ع اد ما يقدر ع الاقل عشان متندميش ولا تفكرى ان باباكى هو السبب

ويا حبيبتى كفايه حبنا ليكى وحبنا لبعض كاخوات هنا والله انا قريت عنوان التوبيك قلبي اتنفض وقلت خير يارب اديكى شايفه كام رد وشيفه الردود ده يفرفشك شويه ولا ايه Embarassed
الرجوع الى أعلى الصفحة اذهب الى الأسفل
nona mido
عضو ملكي مميز
عضو ملكي مميز
avatar

انثى
عدد الرسائل : 727
العمر : 26
العمل/الترفيه : DoCtOr
تاريخ التسجيل : 06/11/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 4:42 am

اقتباس :
بصى يا هبة يا حبيبتى واضح انك طيبة وعلى نياتك زى حلاتى انا ما كنتش حابة افتح الموضوع لان بعانى زيك واكتر وربنا عالم ولما سارة كانت زعلانة من خطيبها كنت حابة اقولها اى حاجة بس ما قدرتش لانى موجوعة اوووووى انا بنت وحيدة وماليش اخوات ومعظم دفعتى ارتبطوا وانا بنت جد شوية ماحبش اعمل علاقات مع شباب الشاب من دول يعود يشتغل ف الواحدة وبعدين يجرى فقولت ارتبط بالاصول احسن وكان يوم اخبر يوم ما ابتدى يجيلى ناس -الشباب بقوا حاجة مسخ لا تتطاق ربنا يتصرف فيهم-الواحد فاكر روحه ما حصلش انا ربنا مش حارمنى م الجمال الحمدلله وشهادتى عالية وماديا واجتماعيا كويسة ومش عاجب البشوات !!!مع ان كل اللى اتقدمولى شهادات اقل منى ومستوى اجتماعى اقل بس الواحد فيهم فاكر يبقى ولا بيفهم حاجة وعايز يتجوز عروسة حلاوة وحصلى موقف شبه بتاعك من كام شهر كنت هرتبط بواحد اكبر منى ب 10 سنين وبكالريوس تجارة ودخله مش ثابت وقلت زيك مش مهم الفلوس برضه وكنت هتغرب واروح القاهرة كمان واهله كمان دخلوا على طمع بس بابا وقفلهم لدرجة ما كانوش راضيين يجيبوا شبكة حتى بس خليناهم يجيبوا دبل مبدائيا وقبل تلبيس الدبل بساعة يجى حضرة العريس يقولك انا مش متاكد انا مش مرتاح كفاية تصدقى????انا عرفت بعديها حتى انى كنت اول واحدة توافق عليه !!!!! وكنت جبت الفستان و الاكل زيك كده وكل حاجة والادهى كمان انى كنت لسه بدرس وقتها وكان باقيلى 8 ايام على امتحانات البكالريوس وقلت لصحابى وكانوا جايين يباركولى واحنا امتحانتنا اكتر من 4 شهور متواصلة جانى عريس بعده ساكن ف حتة ما يعلم بيها الا ربنا وبرضه كلية اقل وحضرة الاستاذ ما شافنيش الا نص دقيقة بالعدد وما حاولش يتكلم معايا خالص ومشى واخرتها سالت حد قريبه يقولى اصل عايز واحدة شقرا وعنيها ملونة حسبى الله ونعم الوكييييييل لا تعليق ع الشباب دى هما ما بيخافوش ربنا?انا تعبت جدا بعدها ومازلت لدرجة انى بطلت اخرج خالص ولا اكلم صحابى حتى
بس ربنا موجود يا حبيبتى هنعمل اية ?طالما هما بالشكل ده يبقى احسن حل نخليها على الله ونبطل نربط سعادتنا بيهم ونحاول نسعد نفسنا احنا لحد ما ربنا يفرجها وبجد رنا معاها الف حق ده بتاع مامى زى معظم شباب النهاردة انا اسفة طولت عليكى وصدعتك بمشكلتى بس حبيت اقولك ان البنات كلها بيحصلها زيك واكتر ربنا يعوضك حبيبتى ويرزقك بس برضه ما تستنيش حاجة من حد ومن هنا ورايح تخلى الواحد من دول يتشحتف على ما يكلمك لان ماحدش فيهم بيجى بالذوق واحنا كلنا هنا اخواتك ف المنتدى وتحت امرك سيبك من اللى ظلمك وفوضى امرك لله مافيش احسن و لا ارحم منه واسفة تانى للاطالة bounce bounce bounce
ماريان يا حبيبتى معرفش الزمن ده فيه ايه كل وحده مخلفه ولد مفكره نفسها جايبه ديك البرابر والبنات اغلبهم اللى بيدى ايحاء بده يعنى من كام يوم ببارك لصحبتى الى اتجوزت تقولى يابنتى الحقي نفسك العوانس زادو؟؟؟؟ على اساس ان بقا عندى كام سنه
وحده تانيه خطيبها بيقولها انتى عارفه مصر فيها كام عانس 9 مليون عانس يعنى الى تلاقي راجل زيي امها داعيالها ومن حظها
وقبل كدا وانا جايه من الكليه وشايله البالطو يوقفنى واحد يقولى لو سمحت والله مش بعاكس بس انتى شقرا واموره اوى ممكن رقم بابا اكلمه انا عندى ميكروباصين يا دكتوره وشقتى فالشارع الى جنبككم والله العظيم انى ضحكت ف وشه وانا في الحاجات دى مقولكيش فضيحه confused وقبل كدا بياع ف السوق بتاع الاقصر ههههههههههههه
يعنى من الاخر ما احلاها عيشه الحريه Basketball
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 10:00 am

شكرا...ماريان.م/هالة.دينا.سحر.نور.هند.ايمان.نيرة.شيماء.هبة.اسراء.رنا.secret ربنا يكرمكم يا احلى بنات واسفه لو نسيت اسم او اتلخبط فى اسم حد
الحمد لله على كل شئ انا بس اللى تعبنى ان كل مره اقول اكيد الشاب ده احسن من اللى قبله ...
كل شئ قسمه ونصيب وأكيد ربنا عمل كده خير ليه
انا بتمنى من ربنا يجبلى حقى وحق اهلى لان اللى تعبنى ان اهلى لحد دلوقتى بيذكروهم بالخير وميعرفوش اتقال عليهم ايه وكل اللى بابا قاله على مامته .....انها صعبه شوفتو ازاى اهلى صعبانين عليه ........وانا قولت لبابا انى صليت صلاه استخاره وحسه انى مفيش نصيب وهقول لأخوه اللى معايه فى الشغل مفيش نصيب
مع ان انتو فهمين مش ده اللى حصل بس انا مقدرش اكسر اهلى ادام نفسهم واقولهم ده قال كذا كذا
انا مش ندمانه على انى عرفت الشاب ده بالعكس الدنيا علمتنى انى اتعلم من اى حاجه اعملها او تحصلى انا اتعلمت وان شاء الله المره اللى جايه مش هيحصل كده
وعايزه اضحكم .....امبارح وانا مروحه انتمتى كلمتنى وحكتلها وجات هى وجوزها يخرجونى ربنا يكرمهم بجد ضحكونى وكانو طول الوقت بيهزروا معايه
وجوزها قالى عريسك عندى من قبل ما اعرف هو مين قولتله لأ شكرا مغلق للتحسينات
قالى فكرى ده اخويا
مع العلم اخوه بسم الله ماشاء الله عندو عربيه لسه جايبها قريب.ومحل
وهيشتريلك شقة فى المكان اللى عيزاه وشبكه ومؤخر وفلوس
زى الافلام كده ومامته واختو بيحبونى جدااااااااااا
وكانوا فتحو الموضوع ده السنه اللى فاتت وانا رفضت لأنو اقل منى فى السن والتعليم ومش بيصلى
الرجوع الى أعلى الصفحة اذهب الى الأسفل
دعاء عبد الحميد
عضو جديد
عضو جديد
avatar

انثى
عدد الرسائل : 49
العمر : 33
تاريخ التسجيل : 15/01/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 10:47 am

السلام عليكم ياهبهوب انا مش هزود على كل الكلام الجميل اللى تقالك من اصحابنا فالمنتدى بس حبيت بس اقولك انك تبوسى ايد بابكى قوى مش بس لانه مفرطش فى حقك وكرامتك قدام ناس مبيقدروش الاحترام والكرامه لا كمان بابكى راجل وذكى كونه لما حس ان الموضوع هيبوظ من واحده ست وانتى عارفه الستات مهما كانوا على قدر من العلم والثقافه بردوا الرجاله قرارتهم فالغالب بتكون اصوب فاخد اللى المفروض انهم الرجاله واتفق معاهم وحب يكملك الموضوع بس لانهم مش رجاله سابوا واحده ست تمشى كلامها عليهم سيبك منهم كلهم باذن الله ربنا يدى بابكى طولت العمر ويفضل سندك وظهرك اللى يحميكى من اى انسان وسلامى لوالدك بجد ربنا يخليهولك هو ووالدتك
الرجوع الى أعلى الصفحة اذهب الى الأسفل
Houpy
عضو فعال
عضو فعال
avatar

انثى
عدد الرسائل : 168
العمر : 34
تاريخ التسجيل : 26/11/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 3:23 pm

اولا انا لازم اقلك يا هبهوب ان باباكى ده راجل عاقل جدا واحتوى الموضوع للاخر واحترم وجود الست دى ف بيته
تانى حاجه انا شايفه ان اباباكى طلب العادى جدا لا واتنازل كمان ف حاجات عشان خاطرك وعشان يفرحك
والناس ياحبيبتى لازم يغلو بنتهم عشان جوزك ياخدك غاليه ويتعب ويصرف على مايتجوزك عشان اللى بيجى سهل بيروح سهل
وزى مانتى قلتى ان كتير من الناس المريضه لما بيلاقو اهل العروسه متهاودين ويقولو بنشترى راجل بيفتكروهم مدلوقين عليهم وده اللى باباكى حب يعمله انه يغليكى
وانا كنت هقلك ان المفروض العريس كان يعمل نفس اللى قاللك عليه اخوه لان ده اللى المفروض يعمله اى واحد شارى يرضى اهله و يشترى اللى هتكون مراته
ربنا يرزقك الزوج الصالح اللى يستاهلك بجد وميكنش البنى ادم ده لانه شخصيته ضعيفه مش زى اخوه وكنتى هتتعبى معاه ف حياتك
معلش طولت عليكى واحنا معاكى ف اى وقت
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 3:36 pm

ربنا يكرمك ياهبهوب
الرجوع الى أعلى الصفحة اذهب الى الأسفل
Houpy
عضو فعال
عضو فعال
avatar

انثى
عدد الرسائل : 168
العمر : 34
تاريخ التسجيل : 26/11/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 3:42 pm

ليه لأ كتب:
ربنا يكرمك ياهبهوب
Arrow
الرجوع الى أعلى الصفحة اذهب الى الأسفل
Houpy
عضو فعال
عضو فعال
avatar

انثى
عدد الرسائل : 168
العمر : 34
تاريخ التسجيل : 26/11/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 3:55 pm

ليه لأ كتب:
شكرا...ماريان.م/هالة.دينا.سحر.نور.هند.ايمان.نيرة.شيماء.هبة.اسراء.رنا.secret ربنا يكرمكم يا احلى بنات واسفه لو نسيت اسم او اتلخبط فى اسم حد
الحمد لله على كل شئ انا بس اللى تعبنى ان كل مره اقول اكيد الشاب ده احسن من اللى قبله ...
كل شئ قسمه ونصيب وأكيد ربنا عمل كده خير ليه
انا بتمنى من ربنا يجبلى حقى وحق اهلى لان اللى تعبنى ان اهلى لحد دلوقتى بيذكروهم بالخير وميعرفوش اتقال عليهم ايه وكل اللى بابا قاله على مامته .....انها صعبه شوفتو ازاى اهلى صعبانين عليه ........وانا قولت لبابا انى صليت صلاه استخاره وحسه انى مفيش نصيب وهقول لأخوه اللى معايه فى الشغل مفيش نصيب
مع ان انتو فهمين مش ده اللى حصل بس انا مقدرش اكسر اهلى ادام نفسهم واقولهم ده قال كذا كذا
انا مش ندمانه على انى عرفت الشاب ده بالعكس الدنيا علمتنى انى اتعلم من اى حاجه اعملها او تحصلى انا اتعلمت وان شاء الله المره اللى جايه مش هيحصل كده
وعايزه اضحكم .....امبارح وانا مروحه انتمتى كلمتنى وحكتلها وجات هى وجوزها يخرجونى ربنا يكرمهم بجد ضحكونى وكانو طول الوقت بيهزروا معايه
وجوزها قالى عريسك عندى من قبل ما اعرف هو مين قولتله لأ شكرا مغلق للتحسينات
قالى فكرى ده اخويا
مع العلم اخوه بسم الله ماشاء الله عندو عربيه لسه جايبها قريب.ومحل
وهيشتريلك شقة فى المكان اللى عيزاه وشبكه ومؤخر وفلوس
زى الافلام كده ومامته واختو بيحبونى جدااااااااااا
وكانوا فتحو الموضوع ده السنه اللى فاتت وانا رفضت لأنو اقل منى فى السن والتعليم ومش بيصلى
اخر سطر ده يخليكى ترفضيه بالثلث نصيبك جاى يا هبهوب واحسن من اللى بتتمنيه ربنا اسمه الكريــــــــــم
الرجوع الى أعلى الصفحة اذهب الى الأسفل
diva_faraona
عضو ملكي متألق
عضو ملكي متألق
avatar

انثى
عدد الرسائل : 1505
العمر : 30
الدولة : اسيوط-مصر
العمل/الترفيه : جعلونى دكتورة
تاريخ التسجيل : 07/12/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 4:03 pm

كلام هوبى صح يا هبة الواحدة فينا لما بتوافق حتى تقابل واحد اقل منها ف اى شىء بيبدا على طول يشك ان فيها عيب Mad والهسهس بيشتغل اسمعى كلامى انا
الرجوع الى أعلى الصفحة اذهب الى الأسفل
Pure Snow
عضو ملكي متألق
عضو ملكي متألق
avatar

انثى
عدد الرسائل : 1174
العمر : 36
تاريخ التسجيل : 16/06/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 4:23 pm

و عليكم السلام و رحمة الله و بركاته

أولاً أنا بعتذر لو كان كلامي مقرر لإني مش هقدر أقرأ ردود أخواتنا الكرام لإني مريضة جداً و دخلت فقط أشوف إيه الأخبار بس مقدرتش أشوف أسم الموضوع لغير لما أطمن في إيه و طبعاً أكيد مش هاقدر أطلع من غير مرد عليكي كأخت و الكلام اللي هقوله مش ليكي بشكل خاص لكن للكل و والله بتكلم كأخت ليكم
ثانياً الجوازة دي كانت في كل الأحوال مش نافعة لأن والدته كانت جاية أصلاً تخربها و بصراحة أنا غايظني جداً جداً إن الرجالة إتفقت و هي قالت لأا بصراحة و متزعليش دي عيلة مفيهاش رااااااجل واحد لأن لو فيها راجل مكنش ينفع أن ست تتكلم بعد إتفاق الرجالة
ثالثاً إنتي غلطتي في كذا حاجة و والله مرة تانية أنا لما بتكلم مع حد بتكلم كأنكم أخواتي الصغيرين و ربنا أعلم بكدة ... أولاً مهما كان الشخص محترم ياجماعة لازم نفهم و نعرف إنه مينفعش أكلمه و لا أقابله أبداااااً مهما كانت الظروف و أهلى ميعرفوش لأسباب كتيرة أصغر و أقل سبب فيها أن ممكن جداً حد يشوفكم و ساعتها كنتي هتقعي في مشكلة كبيرة .. كمان من أهم الأسباب أن مفيش حد يعرف الغيب و كلنا بنتغير أحياناً من موقف و أحياناً من خبرات فين الضمان أن الشخص المحترم من يوم و من موقف ميتغيرش ... أنا طبعاً مش هدخل الدين في الموضوع بس لازم أعرف أنا قبلكم و الكلام دا بقوله لنفسي قبلكم أن ربنا ميرضاش بإني أكلم أي حد أو أقابل حد من ورا أهلى

كمان غلطتي في حاجة مهمة جداًفي حالة أن البنت و الشاب عارفين بعض بيفضل جدااااً إنهم يتكلموا في التفاصيل المادية قبل مقابلة الأهل ليه؟؟؟؟ عشان ميحصلش قلق و دا إحنا عملناه مع أخويا لإنهم كانوا يعرفوا بعض و بالتالى إتفقوا و أهلها و إحنا وافقنا على الإتفاق و بعد كدة روحنا نأكد على الإتفاق اللي الكل موافق عليه لأن الموضوع دا بيعمل قلق جداً فيفضل يكون متظبط

أخر حاجة هتكلم فيها هي إنك لسة بتقولي إنه حبييك ودا لو دل يدل على حسن خلقك و طيبتك و روحك الصافية ... حبيبتي اللي ميصونكيش و يصون كرامتك و إنته لسة على البر تتوقعي إنه يقدر يصونك بعد كدة ... في فرق كبيـــــــــــــر بين الشخص البار بأهله و أمه و الشخص الدلدول اللي أمة ممشياه و للأسف ممشية رجالة العيلة كلها ... أنا مش قادرة أتخيل إن أهل عريس ييجوا لبيتنا و يسلموا على أمي و هما قاعدين أقسم بالله دا أنا كنت شبشبتلوا يطلع مين دا اللي أمة تسلم أمي و هي قاعدة في بيتنا و في الأخر بعد كل التهاون اللي والدك عمله عشان يمشي القاعدة و متزعليش يتم إتهامه بإن كل اللي همه الفلوس ؟؟؟؟؟ فلوس إيه اللي والدك إتكلم فيها دا الراجل يا عيني كا بيقول حاضر مش من إنبساطة لكن من غلبة عشان خاطرك أنا عايزة أعرف هما جايين على أساس إنكم بتشتروا راجل و هتاخدية بشنطة هدومة؟؟؟؟؟؟؟؟؟؟؟؟
بصي يا قمر أنا مقدرة جدااااااااااً اللي إنتي فيه و ربنا يسعدك باللي أحسن منه بمليون مرة و يصونك و يحفظك و يسعد قلبك و أهلك ... الشخص دا مهما كان محترم فهو ميستهلكيش لإنه مقدركيش و لا إنتي و لا أهلك و المفروض لو عارف إن أمه مش موافقة إنها متتنيلش و تييجي و كان يتم الإعتذار عنها و لو مكانش يعرف كان المفروض بعد إتفاق الرجالة و فور إعترضها يتم وقفها عند حدها لكن دا مش بيحترمك و عن تجربة مع واحدة قريبتي الجوازات اللي بالشكل دا بتكون أيامها ما يعلم بيها إلا ربنا و بتكون نهايتها للأسف سيئة جدااااااااااً
أنا بتمنى ليكي كل الخير و أسفة لو كان كلامي ضايقك بس والله أنا ربنا أعلم أنا تعبانة قد إيه بس والله كمان مرة أنا مش هاين عليه زعلك أبداً و محروق دمي جداً عشانك و لو أعرف الناس دي كنت أتصلت بأمه و عرفتها مقامها بس عموماً حسبي الله و نعم الوكيل فيهم كلهم و ربنا يكتبلك الخير و المهم دلؤتي إنك متزعليش و أحمدي ربنا إنك عرفتي الناس دي من بدري و حاولي تتكلمي مع والد لوحدكم و أسأليه عن رأيه بالراحة و إنتي تعرفي هو قد إيه متضايق و كان بيتهاون علشان خاطرك و هو من جواه زعلان
الناس دي بايعة و لو حبيبك دا شاريكي لازم هو اللي يجري وراكي لإنك تستاهلي دا نصيحة أخوية لوجه الله لو كلمتيه تاني قوليله إنك مش هتقدري تكلميه تاني لأن الموضوع دلؤتي بينه و بين والدك و إنك هتستني تشوفي سبع السباع هيعمل إيه عشان يوصلك خاصة إن طلبات والدك مش طلبات أصلاً و شوفي هيعمل إيه لو الشخص دا فعلاً باقي هييجي يعتذر لوالدك هو و الرجالة و يتم الإتفاق و لو مكنش يبقى ميستهالش دمعة واحد من عيونك لإنه هيكون عيل و دلدول و ننوس عين ماما و مش بيحبك و ميستهلش ضفر من ضفرك و لا إنتي و لأا أهلك الطيبين اللي إنحنوا عشان يسلموا في بيتهم على ناس ميستهلوش
أنا أسفة مرة تانية إني بتكلم بشدة بس والله العظيم دا من حرقتي عليكي و على أهلك ... ربنا يسعدك و يصلح أحوالك و لو مش زعلانة مني إدعيلي ربنا يشفيني لإني تعبانة أووووي

الرجوع الى أعلى الصفحة اذهب الى الأسفل
ام روان وعمر
عضو نشيط
عضو نشيط
avatar

انثى
عدد الرسائل : 86
العمر : 39
تاريخ التسجيل : 25/01/2012

مُساهمةموضوع: رد: ساعدونى انا بموت..........   الثلاثاء فبراير 21, 2012 5:03 pm

حبيبتى بابا مش غلطان ربنا يكرمة وافق على حاجات المفروض عليهم هما المهم بباكى كده بيحافظ عليكى مش بيبعك زى ما العريس ما بيقول المفروض كان يعتذر عن اللى عملته مامتة يكفى عدم تقديرها لكم من البداية وهو الواضح انه ماما هى اللى كلمتها ماشية فى العيلة والنوع دة من الرجالة صعب العيشة معاة مش هيبقى لكم اى خصوصيات وهتتعبى جدا معاه عندى جارتى كدة لو اشترت طبق فى البيت ومقالتش لحماتها واخواتة الدنيا تقوم ما تقعدش ولازم حماتها تجيب زيها جارتى عندها 3بنات وهى كارهة الوضع دة بس ما باليد حيلة صعب ياخدو قرار خاص بيهم ولا يخرجو لوحدهم حبيبة قلبى ما تزعليش نفسك ما فيش حد يستاهل دا لو شاريكى ما كنش يخلى امه تهنكم كدة وحتى ينزل من غير ما يراضى ابوكى وجايب الغلط عليكم وعايزك تشيلى من بباكى وتحملية المسئوليةوفى المقابل هو ما غلطش مامتة فى كلمة مامتة مش اغلى من بباكى دى نتيجة الاستخارة والحمد لله كدة وانتو عالبر حبيبتى خلى بالك من نفسك واعتبرية ابتلاء والحمد لله عدى على خير اللى يبعنى ما اشترهوش وارجعى لطبيعتك تانى فريش ومتنكديش على نفسك واهلك الطيببين ربنا يخليهم ليكى وقولى الحمد للة ربنا يعوض عليكى بالللى يستاهلك وانسى ال3شهور دى بما فيها وعيشى حياتك معاش طولت عليكى دا شخص ما يتزعلش علية
الرجوع الى أعلى الصفحة اذهب الى الأسفل
ام روان وعمر
عضو نشيط
عضو نشيط
avatar

انثى
عدد الرسائل : 86
العمر : 39
تاريخ التسجيل : 25/01/2012

مُساهمةموضوع: حبيبتى شفاكى الله وعفاكى والف سلامة عليكى   الثلاثاء فبراير 21, 2012 5:16 pm

Pure Snow كتب:
و عليكم السلام و رحمة الله و بركاته

أولاً أنا بعتذر لو كان كلامي مقرر لإني مش هقدر أقرأ ردود أخواتنا الكرام لإني مريضة جداً و دخلت فقط أشوف إيه الأخبار بس مقدرتش أشوف أسم الموضوع لغير لما أطمن في إيه و طبعاً أكيد مش هاقدر أطلع من غير مرد عليكي كأخت و الكلام اللي هقوله مش ليكي بشكل خاص لكن للكل و والله بتكلم كأخت ليكم
ثانياً الجوازة دي كانت في كل الأحوال مش نافعة لأن والدته كانت جاية أصلاً تخربها و بصراحة أنا غايظني جداً جداً إن الرجالة إتفقت و هي قالت لأا بصراحة و متزعليش دي عيلة مفيهاش رااااااجل واحد لأن لو فيها راجل مكنش ينفع أن ست تتكلم بعد إتفاق الرجالة
ثالثاً إنتي غلطتي في كذا حاجة و والله مرة تانية أنا لما بتكلم مع حد بتكلم كأنكم أخواتي الصغيرين و ربنا أعلم بكدة ... أولاً مهما كان الشخص محترم ياجماعة لازم نفهم و نعرف إنه مينفعش أكلمه و لا أقابله أبداااااً مهما كانت الظروف و أهلى ميعرفوش لأسباب كتيرة أصغر و أقل سبب فيها أن ممكن جداً حد يشوفكم و ساعتها كنتي هتقعي في مشكلة كبيرة .. كمان من أهم الأسباب أن مفيش حد يعرف الغيب و كلنا بنتغير أحياناً من موقف و أحياناً من خبرات فين الضمان أن الشخص المحترم من يوم و من موقف ميتغيرش ... أنا طبعاً مش هدخل الدين في الموضوع بس لازم أعرف أنا قبلكم و الكلام دا بقوله لنفسي قبلكم أن ربنا ميرضاش بإني أكلم أي حد أو أقابل حد من ورا أهلى

كمان غلطتي في حاجة مهمة جداًفي حالة أن البنت و الشاب عارفين بعض بيفضل جدااااً إنهم يتكلموا في التفاصيل المادية قبل مقابلة الأهل ليه؟؟؟؟ عشان ميحصلش قلق و دا إحنا عملناه مع أخويا لإنهم كانوا يعرفوا بعض و بالتالى إتفقوا و أهلها و إحنا وافقنا على الإتفاق و بعد كدة روحنا نأكد على الإتفاق اللي الكل موافق عليه لأن الموضوع دا بيعمل قلق جداً فيفضل يكون متظبط

أخر حاجة هتكلم فيها هي إنك لسة بتقولي إنه حبييك ودا لو دل يدل على حسن خلقك و طيبتك و روحك الصافية ... حبيبتي اللي ميصونكيش و يصون كرامتك و إنته لسة على البر تتوقعي إنه يقدر يصونك بعد كدة ... في فرق كبيـــــــــــــر بين الشخص البار بأهله و أمه و الشخص الدلدول اللي أمة ممشياه و للأسف ممشية رجالة العيلة كلها ... أنا مش قادرة أتخيل إن أهل عريس ييجوا لبيتنا و يسلموا على أمي و هما قاعدين أقسم بالله دا أنا كنت شبشبتلوا يطلع مين دا اللي أمة تسلم أمي و هي قاعدة في بيتنا و في الأخر بعد كل التهاون اللي والدك عمله عشان يمشي القاعدة و متزعليش يتم إتهامه بإن كل اللي همه الفلوس ؟؟؟؟؟ فلوس إيه اللي والدك إتكلم فيها دا الراجل يا عيني كا بيقول حاضر مش من إنبساطة لكن من غلبة عشان خاطرك أنا عايزة أعرف هما جايين على أساس إنكم بتشتروا راجل و هتاخدية بشنطة هدومة؟؟؟؟؟؟؟؟؟؟؟؟
بصي يا قمر أنا مقدرة جدااااااااااً اللي إنتي فيه و ربنا يسعدك باللي أحسن منه بمليون مرة و يصونك و يحفظك و يسعد قلبك و أهلك ... الشخص دا مهما كان محترم فهو ميستهلكيش لإنه مقدركيش و لا إنتي و لا أهلك و المفروض لو عارف إن أمه مش موافقة إنها متتنيلش و تييجي و كان يتم الإعتذار عنها و لو مكانش يعرف كان المفروض بعد إتفاق الرجالة و فور إعترضها يتم وقفها عند حدها لكن دا مش بيحترمك و عن تجربة مع واحدة قريبتي الجوازات اللي بالشكل دا بتكون أيامها ما يعلم بيها إلا ربنا و بتكون نهايتها للأسف سيئة جدااااااااااً
أنا بتمنى ليكي كل الخير و أسفة لو كان كلامي ضايقك بس والله أنا ربنا أعلم أنا تعبانة قد إيه بس والله كمان مرة أنا مش هاين عليه زعلك أبداً و محروق دمي جداً عشانك و لو أعرف الناس دي كنت أتصلت بأمه و عرفتها مقامها بس عموماً حسبي الله و نعم الوكيل فيهم كلهم و ربنا يكتبلك الخير و المهم دلؤتي إنك متزعليش و أحمدي ربنا إنك عرفتي الناس دي من بدري و حاولي تتكلمي مع والد لوحدكم و أسأليه عن رأيه بالراحة و إنتي تعرفي هو قد إيه متضايق و كان بيتهاون علشان خاطرك و هو من جواه زعلان
الناس دي بايعة و لو حبيبك دا شاريكي لازم هو اللي يجري وراكي لإنك تستاهلي دا نصيحة أخوية لوجه الله لو كلمتيه تاني قوليله إنك مش هتقدري تكلميه تاني لأن الموضوع دلؤتي بينه و بين والدك و إنك هتستني تشوفي سبع السباع هيعمل إيه عشان يوصلك خاصة إن طلبات والدك مش طلبات أصلاً و شوفي هيعمل إيه لو الشخص دا فعلاً باقي هييجي يعتذر لوالدك هو و الرجالة و يتم الإتفاق و لو مكنش يبقى ميستهالش دمعة واحد من عيونك لإنه هيكون عيل و دلدول و ننوس عين ماما و مش بيحبك و ميستهلش ضفر من ضفرك و لا إنتي و لأا أهلك الطيبين اللي إنحنوا عشان يسلموا في بيتهم على ناس ميستهلوش
أنا أسفة مرة تانية إني بتكلم بشدة بس والله العظيم دا من حرقتي عليكي و على أهلك ... ربنا يسعدك و يصلح أحوالك و لو مش زعلانة مني إدعيلي ربنا يشفيني لإني تعبانة أووووي

الرجوع الى أعلى الصفحة اذهب الى الأسفل
ساندي
عضو ملكي متألق
عضو ملكي متألق
avatar

انثى
عدد الرسائل : 1154
العمر : 30
تاريخ التسجيل : 22/03/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 5:58 pm

بيور الف سلامه حبيبة قلبي ربنا يعجل بشفاءك يارب
وحشتيني خالص
الرجوع الى أعلى الصفحة اذهب الى الأسفل
nona mido
عضو ملكي مميز
عضو ملكي مميز
avatar

انثى
عدد الرسائل : 727
العمر : 26
العمل/الترفيه : DoCtOr
تاريخ التسجيل : 06/11/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 7:38 pm

الف سلامه يا بيور ربنا يشفيكى ويطمنا عليكى
الرجوع الى أعلى الصفحة اذهب الى الأسفل
secret.whisper
عضو ملكي
عضو ملكي
avatar

انثى
عدد الرسائل : 462
العمر : 35
تاريخ التسجيل : 03/01/2011

مُساهمةموضوع: رد: ساعدونى انا بموت..........   الثلاثاء فبراير 21, 2012 8:22 pm

ألف سلامة عليكى يا بيور ربنا يشفيكى ياااااااااااااارب
الرجوع الى أعلى الصفحة اذهب الى الأسفل
hend_dodo
عضو ملكي متألق
عضو ملكي متألق
avatar

الاوسمة : وسام التميز
انثى
عدد الرسائل : 3361
العمر : 29
تاريخ التسجيل : 21/02/2011

مُساهمةموضوع: رد: ساعدونى انا بموت..........   الأربعاء فبراير 22, 2012 12:29 am

بيور الف سلامة عليكي


بصي ياهبة ياحبيبتي بالنسبة للعريس الجديد ده فكك منه

مينفعش اساسا تاخدي واحد اقل منك في السن ولا التعليم والاهم من ده كفاية انه ميعرفش ربنا

الصلاة بتفرق بين المسلم والكافر

ثانيا اصلا البنت دماغها بتكون اكبر من الولد ما بالك لو واحد اصغر منك هيكون دماغه تافهه بالنسبالك

عارفة انتي ممكن تاخدي واحد اقل منك في المستوي المادي شوية لكن المستوي التعليمي مستحيييييل

ربنا يكرمك يارب
الرجوع الى أعلى الصفحة اذهب الى الأسفل
rose_elmansoura
عضو ملكي متألق
عضو ملكي متألق
avatar

انثى
عدد الرسائل : 2116
العمر : 30
تاريخ التسجيل : 25/08/2011

مُساهمةموضوع: رد: ساعدونى انا بموت..........   الأربعاء فبراير 22, 2012 12:41 am

الف سلام هعليكى يا بيور

ايه ياقمر مالك؟؟؟
طمنينا عليكى
الرجوع الى أعلى الصفحة اذهب الى الأسفل
 
ساعدونى انا بموت..........
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Oriflame Egypt نادي اعضاء اوريفليم مصر :: استراحة النادي :: المنتدي العام-
انتقل الى: