Oriflame Egypt نادي اعضاء اوريفليم مصر
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه

Oriflame Egypt نادي اعضاء اوريفليم مصر

نادي اوريفليم لشركة اوريفليم السويدية في مصر لارقي منتجات التجميل الطبيعية والعناية بالبشرة (منتدي خاص بالدايريكتور رشا محمد)
 
دخولبحـثالتسجيلالرئيسية

شاطر | 
 

 ساعدونى انا بموت..........

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4  الصفحة التالية
كاتب الموضوعرسالة
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: ساعدونى انا بموت..........   الإثنين فبراير 20, 2012 11:14 am


السلام عليكم ورحمه الله وبركاته


انا مش عارفه ابتدى منين ................انا قولت لازم
احكيلكم لانى بجد بموت وحسه ان كرهت الدنيا كلها



انا اتعرفت على شاب يبقى اخو زميلى فى الشغل يعنى هو جه
مره الشغل وشافنى وقال عايز يتقدملى وقولت لأهلى وكنت بفكر



وفقت انو يجى يقابل بابا وكان عندنا بنعمل تجديدات فى
الشقه فتفقنا انا وهو اننا نأجل الميعاد شويه وكنا بنكلم بعض فى التليفون



وبعد شهر اتقابلنا مره واتكلمنا وعرفت ظروفه هو
عندو 25 سنه يعنى اصغر منى ولسه بيكون نفسه .........ولسه مجبش شقه ولا اى حاجه
وقدامه سنتين : سنتين ونص على الجواز



المهم انا صليت صلاه الاستخاره وتوكلت على ربنا وقولت ان
شاء الله خير ومكنتش الفلوس والامكانيات رقم واحد اه الفلوس مهمه بس الامان
والارتياح وان الشاب يكون محترم وعلى خلق اهم بكتيييييييييييييييير ومش كلام افلام
لأ فعلا انا بتكلم بجد



وفضلنا كده لحد ما الشقه عندنا تخلص ومحدش كان عندنا فى
البيت يعرف انى بكلمو وبعد شهر كمان اتقابلنا وكنت حبيتو جدااااااااااااا وحسيت ان
هو ده الشاب اللى كنت بحلم بيه حنين وزكى وراجل يعتمد عليه وبتحمل المسؤليه وبالو
طويل يعنى لما كانت بيحصل مشكله كان بيحتوى الموقف بذكاء وكان بيعرف يقنعنى مع
العلم انى شخصيتى قياديه وبابا من وانا صغيره بيعتمد عليه فى حاجات كتييييير يعنى لانى
اكبر اخواتى ودايما يقولى انتى بعدى بعد ما أموت ..........مع ذلك انا كنت بخلى
العريس يحس ان هو راجل ومكنتش ببين شخصيتى القياديه مش معنى انى كنت بمثل او بخبى
الحقيقه لأ انا كنت بحاول انا وهو نتفق على رأى واحد ولو انا شايفه انى انا اللى
صح وهو غلط كنت بحاول اقولوا ايه رايك لو كده احسن وأخليه يحس انو هو اللى اخد
القرار علشان لازم اديلو وضعو ادامى وادام نفسو واتقابلنا يوم عيد ميلادو وجبتلو
هديه موبايلين هو واحد وانا واحد علشان نبقى زى بعض واتفقنا على ميعاد مقابلت
بابا............



وجه هو واخوه وجوز اختو وقابلو بابا وكانت قاعده تعارف
بس والعريس كان عايز يتكلم فى تفاصيل بس بابا قاله لما يكونوا موجودين اهلك وبابا
عمل كده علشان يكبر اهلو علشان ياريتو ماعمل كده..............






وفات اسبوعين وانا كنت اسعد بنت فى الدنيا وكنت انا وهو
بنحضر للخطوبه مع بعض وكان يكلمنى يقولى انا شفت الفستان فى محل كذا ويبعتلى صورتو
وكنا اخترنا كل حاجه للخطوبه ............



واتفقنا انه يجى هو واهلى يوم الجمعه17/2/2012



وقبلها كنت بنظف الشقه وكنت كل يوم اسألوا مامتك بتحب
تاكل ايه وتشرب ايه علشان كان نفسى ارضيها بأى شكل



ونزلت علشان اشترى الجاتوه والعصاير وكنت بختار اغلى وأحلى
حاجه


علشان اشرفوا لما اهلو يكونو عندنا والحق يتقال هو كمان كان بيسألنى اهلك
بيحبو ايه وكان بيختار اغلى واحلى مكان واشترى منو الحلويات وهو جاى عندنا



وجبت كل حاجه على حسابى وقولت لسه بابا دافع مبلغ محترم فى تجديدات الشقه
وانا معايه فلوس فاشترى انا الحاجه.........وهتقولوا عليه مجنونه انا مشتريه حاجات
ب500 جنيه لليوم ده بس رحت يوم الخميس مونجينى ولابوار وكنت بجيب اغلى جاتوه
وبتيفور وحلويات .........واشتريت عصاير وحاجه ساقعة وشيكولاتات وطوفى وملبس انا
بكتبلكوا وانا بعيط لان صعبان عليه نفسى انا واختى كنا بنلف ورجلى يومها اتعورت وكملت
وكنت مأكلتش حاجه من الصبح وراجعه من الشغل ومنمتش وبرضو كنت عايزه اعمل كل اللى
يقدرنى عليه ربنا ........ واشتريت كل حاجه



.ورجعت بليل ونظفت
الشقه كلها تانى ماما كانت بتقولى انتى ناقص تلحسى الشقة وتنظفى السلم والشارع
والله العظيم انا كنت فعلا انظف السلم واى حاجه تانيه انا كنت عايزه افرشلهم الارض
ورد.........



وكنت انا وهو اسعد اتنين فى الدنيا ويوم الجمعه الصبح قومت اوظب فى الشقه
تانى قبل ما افطر ويومها كان عمى جاى يحضر القاعده وكنت لازم نعمل غدا وكنت لسه
محضرتش هدومى وعملت الغدا وحضرت هدومى وكان كل حاجه تمااااااااااااام وكنت بتابع
حبيبى دقيقة بدقيقه هو فين وقالى هيكونوا عندنا الساعه7



والساعه 6 دخلت البس بعد ما وضبت الشقه تااااااااااااااااااااانى


وانا بلبس لقيت اختو عندها 19 سنه بعتتلى انهم فى الطريق نسيت اقولكم انا واختو كنا بنكلم بعض فى
التليفون ساعتها اتوترت علشان كنت لسه بلبس وبعدين لقيتهم جم مامته وباباه واخوه
وابنتين اخواته ولسه الباقى فى الطريق لانهم كانو جايين على عربيتين وكان حبيبى هو
واختو وجوزها لسه فى الطريه وكان يومها مطر والشوارع كانت وحشه قوى..........



هما لما جم انا كنت لسه بلبس ولا حطيت مكياج ولا اى حاجه واختى طلعت تسلم
عليهم وتقدملهم شيكولاته وكان اليوم باين من اولو مامته مأخدتش وقالت لأختى لما
يجى الباقيين اختى جت وهى مضايقه وقالتلى دى كسفتنى ساعتها حسيت ان الموضوع هيبوظ
وماما طلعت سلمت وكان بيسلمو عليها وهما قاعدين ومحدش وقف يسلم عليها ومامتى طيبه
جدا ربنا يخليهالى ويكرمها وكانت هى اللى
بطوتى تبوسهم وهما قاعدين اول مره ماما تصعب عليه مع ان انا وماما مختلفين فى
حاجات كتيييييييير بس الحمد لله هى علشان طيبه محستش بمعنى انهم كانوا بيسلمو وهما
قاعدين وشويه وجم الباقى و5 دقايق وانا طلعت وسلمت عليهم ومحدش وقفلى بس ساعتها
اضايقت بس مبينتش وكنت بسلم بس من غير ما ابوس بس مامته وطيت وبوستها وسلمت عليه
من غير حب يعنى محستش بحضنها ليه. ودخلت وجبت العصير وكلهم اخدو ما عدا مامته قالت
مش هتقدر مع ان قبلها بيوم كانت قاعده جنب حبيبى وانا ببعتلو رسايل اسألوا مامتك
بتحب تشرب ايه وسألها بهزار وهى قالتلو اللى تجيبو انا مش عايزه اتعبها بس اهم
حاجه يكون الشاى بيغلى



وقاعدت وبدأو الكلام المهم ..........


بصو انا مش بحب المقارنه بينى وبين بنات العيله بس علتنا كلاها اللى بيكتب
مؤخر 100 و50 واقل حد 20 والدهب كل اللى حواليه بيكتبو فى القايمه يعنى ابن خالتى
لسه متجوز من قريب كاتب 75 جرام دهب من غير تمن ومنت خالتى 10 الف جنيه تمن الدهب
وابن خالتى التانى 50 جرام وهاكذا وحبيبى قال هيجيب دبله ومحبس وخاتم وبابا وافق
مع ان ابن خالتى هيخطب قريب ان شاء الله وهيجيب دبله وخاتم ومحبس وغوشتين مع العلم
ابن خالتى مش غنى ومبيشتغل وظروفه زى حبيبى بظبط ............وبابا :سألو تقدر
تجيب ايه



حبيبى قالوا :اوضه النوم والانتريه
بس ...........



بابا قالو والاجهزه


حبيبى قالو ماشى التلاجه ....


بابا قالو النجف والستاير والسجاد


قامت مره واحده مامته اتكلمت وبصوت عالى احنا عندنا العروسه هى اللى بتجيب
الستاير والنجف والسجاد



بابا قالها بس النجف على العريس قالتلو لا على العروسه بابا قالها طيب مش مشكله هنجيبو


مع ان فعلا فى عيلتنا العريس هو
الله بيجيب النجف



بابا قالها طيب السفره


قالتلو احنا مش عايزين سفره وكانها هى اللى هتعيش وانا وحبيبى قاعدين مش
مصدقين اللى بيحصل انا كنت مصدومه مامته بتتكلم والرجاله ساكته



قالها اومال هيكلو على ايه قالتلو لا احنا فى علتنا محدش بيجيب سفره قالها
انا هجبها قالتلو لأ مش هيحتاجوها فى حاجه



وحبيبلى قاعد ساكت وجينا للقايمه


جوز اختو قال لبابا نكتب دهب قد ايه بابا قالو انت شايف ايه


قالو نتمن 50 جرام دهب يعنى 10 ألف تقريبا بابا قالو ماشى موافق


مامتو قالت لأ ده كتير احنا هنكتب الدهب اللى هيجى وهو ب 2500جنيه تقريبا


انا بناتى عملين كده والعروسه مش احسن من بناتى


مع العلم انا فى فرق بينى وبين بناتها فى حاجات كتيييييير


هما معاهم ثانوى وانا تجاره عين شمس وعملت دبلومه وكنت من العشره الاوائل
على الدفعه فى الدبلومه وكنت بحضر تمهيدى ماجيستير فى الاوراق الماليه وقدمت ورقى بس
محصلش نصيب علشان كان فى ورق ناقص ..المهم انا مش بقول كده علشان بقلل من بناتها
بس هى كانت كل شويه تقول ليه يعنى هى احسن من بناتى زيها زيهم



وجيبنا فى المؤخر بابا قال 20 قالت كتير ساعتها كنت حسه انهم هكا اللى
بيحطو الشروط واحنا اللى بنوافق واحنا ملاناش اى رأى وهى مش موافقه على اى حاجه
واللرجاله قاعده ساكته وكانت بتبصلى كل بصه وبصه .....مع انى مش بشكر فى نفسى بس
انا اى حد يشوفنى يقولى انتى عسوله ولذيذه
والكلام ده بس مامته كانت مش عارفه مالها



قومت عملت شاى وكلهم اخدو ماعدا مامته مش قادره مع انا الشاى كان بيغلى زى
ماحبيبى قالى............



بابا حس ان هى مسيطره على القاعده فأخد عمى والعريس واخوه وجوز اختو وباباه
وطلعو البلكونه يتكلمو واتفقو على كل حاجه ودخلو وقالو خلاص اتفقنا وكل الاطراف
مرضيه ............مامته سألت اتفقتو على ايه فجوز بنتها قالها 10.000 دهب



و20.000 مؤخر 10.000 جنيه نحاسب عليهم للمأزون و10.000 جنيه ابو العروسه
يحاسب عليهم ..............



وكانت المفاجئه


مامته قاعدت تزعق وتقول ليه يعنى ده كده حرام انا ابنى شقيان فى الفلوس ومش
بينام وقامت مشاوره عليه وقايله وهى عارفه .....مع العلم محدش من اهلى يعرف انى
بكلمو ........وقالت يالا يا حاج على بابا يعنى انهى القاعده دى عايزين نمشى احنا
اتأخرنا وكانت الساعه9



بابا قالها انا والرجاله اتفقنا قالتلو لأمينفعش


وقامت مكلهم قاموا وراها ومحدش سلم علينا وجوز اخت العريس قال لبابا انا
هكلمك فى التليفون نتفق ونزلو ولا حد سلم عليه مع انى مليش زنب والله العظيم
الطلبات اللى بابا طلبها يبقى انا اقل بنت فى العيله وبابا كان مكسوف يقول ايه
للعيله لما يسألو عن التفاصيل............ ومشيو وانا كنت محضره الحلويات وكل حاجه
وحسيت انى اتكسرت من جوايا وتانى يوم كلمت حبيبى ولقيتو بيقولى باباكى كل همو
الفلوس وبيبيعك وكان كل شويه يطلب حاجه واهلى مش موافقين على الطلبات دى وبيقارن
بينك وبين بنات خالتك



فقولتلو لا احنا لو كنا بنقارن كنا طلبنا اكتر من كده


قالى باباكى كان جايبنى يهزأنى انا واهلى


بقوله انتو نزلتو محدش سلم علينا قالى احنا كنا زعلانين


انا طولت علكم بس معنديش اصحاب احكيلهم علشان انا مش بحب اشكى لحد وطول
عمرى سرى بينى وبين نفسى بس مش قادره استحمل



قولولى اهلى كانو غلطنين....... انا عارفة ان كل شئ قسمة ونصيب بس لحد
دلوقتى مش عارفه ايه المشكله الرجاله كانو متفقين ومامته رفضت كل حاجه



حسبى الله ونعم الوكيل ..........انا وهو مع بعض 3 شهور كل يوم بنكلم بعض
اكتر من 5...6 ساعات ومع بعض بالرسايل ثانيه بثانيه يعنى كأننا كنا عايشين مع بعض
وكان بيحكيلى كل حاجه بصراحه اكل ايه راح فين وكنت انا كمان بعمل كده وكنا بنسيب
بعض على النوم وكنا ننام 3 او 4 ساعات ونصحى نكمل ......كانت بنا ثقه وصراحه ....انا
اتكسرت فرحتى وحبيبى مش قادر يقتنع بأن بابا مش بيدور على الفلوس وان ده العادى
ومامته رفضه المؤخر والدهب............مين الصح ومين الغلط
الرجوع الى أعلى الصفحة اذهب الى الأسفل
mitsuki
عضو vip
عضو vip
avatar

انثى
عدد الرسائل : 379
العمر : 29
الدولة : طنطا
تاريخ التسجيل : 16/07/2011

مُساهمةموضوع: رد: ساعدونى انا بموت..........   الإثنين فبراير 20, 2012 11:44 am

بصراحة بابكى مقلش حاجة غلط
وطلباته اقل من اى حد
و واضح ان مامته كانت جاية اصلا تفركش الجوازة دى

و شكلة كدة ان العريس حبيب ماما و بيسمع كلامها فى كل حاجة
و لو حماتك بالشكل ده يبقى هيحصلك حاجة ( متزعليش منى )

انتى قلتى انه ذكى بس واضح ان مامته مأثرة عليه اوى و ده هيتعبك لو اتجوزتوا


و بعدين دى جاية تقلل منك دى هى اللى شاكلها جاية تشترى كيلو طماطم و بتفاصل فيه ( متزعليش منى تانى )


لو مامته لسة مقتنعه برايها يبقى يفتح الله و ان شاء الله تلاقى اللى احسن منه و يقدرك
الرجوع الى أعلى الصفحة اذهب الى الأسفل
فراشة الدنيا
عضو فعال
عضو فعال
avatar

انثى
عدد الرسائل : 117
العمر : 47
تاريخ التسجيل : 08/10/2011

مُساهمةموضوع: رد: ساعدونى انا بموت..........   الإثنين فبراير 20, 2012 11:56 am

الست دى جايه وناوياها دا مش اسلوب ناس شاريه
متزعليش فى ستين داهيه
لكن انتى غلطتى مكانش المفروض 3شهور تتقابلو وتتكلمو من ورا اهلك
دى غلطتك وهو ابن امه وكان بيحكيلها كل حاااااااجه بدليل لما شاورت عليكى
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ساعدونى انا بموت..........   الإثنين فبراير 20, 2012 12:33 pm

mitsuki كتب:
بصراحة بابكى مقلش حاجة غلط
وطلباته اقل من اى حد
و واضح ان مامته كانت جاية اصلا تفركش الجوازة دى

و شكلة كدة ان العريس حبيب ماما و بيسمع كلامها فى كل حاجة
و لو حماتك بالشكل ده يبقى هيحصلك حاجة ( متزعليش منى )

انتى قلتى انه ذكى بس واضح ان مامته مأثرة عليه اوى و ده هيتعبك لو اتجوزتوا


و بعدين دى جاية تقلل منك دى هى اللى شاكلها جاية تشترى كيلو طماطم و بتفاصل فيه ( متزعليش منى تانى )


لو مامته لسة مقتنعه برايها يبقى يفتح الله و ان شاء الله تلاقى اللى احسن منه و يقدرك

لأ طبعا انا مش زعلانه منك ..........انا بحكىلكم علشان انتم متعرفونيش ولا انا اعرفكم فا اكيد هتقولولى الصح ولو حكيت لأ واحده صحبتى هطبطب عليه وتقولى كلمتين حلوين بس انا مش بزعل من اى حد
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ساعدونى انا بموت..........   الإثنين فبراير 20, 2012 12:38 pm

فراشة الدنيا كتب:
الست دى جايه وناوياها دا مش اسلوب ناس شاريه
متزعليش فى ستين داهيه
لكن انتى غلطتى مكانش المفروض 3شهور تتقابلو وتتكلمو من ورا اهلك
دى غلطتك وهو ابن امه وكان بيحكيلها كل حاااااااجه بدليل لما شاورت عليكى


احنا كنا بنتكلم علشان كانت الشقه عندنا مخلصتش والحق يتقال هو دايما كان يقولى انا عايز اجى البيت الموضوع طول قوى وعايز اكلمك والناس كلها عارفه ........
يعنى طلبات بابا دى عاديه اصل انا كل ما ابص لبابا ابقى عايزه اعيط ان اتقال عليه انو بيبعنى بس اهلى ميعرفوش انهم قالوا كده .........انا بحب اهلى جداااااااا رغم اننا بنبقى كتير مختلفين بس انا حتى لو بكره اهلى عمرى مضغرهم ادام حد ولا ازلهم ولو حتى فضلت من غير جواز انا اهم حاجه اهلى ميتكسروش Crying or Very sad
الرجوع الى أعلى الصفحة اذهب الى الأسفل
mitsuki
عضو vip
عضو vip
avatar

انثى
عدد الرسائل : 379
العمر : 29
الدولة : طنطا
تاريخ التسجيل : 16/07/2011

مُساهمةموضوع: رد: ساعدونى انا بموت..........   الإثنين فبراير 20, 2012 12:45 pm

طلبات باباكى عادية جدا
يعنى انا خطيبة اخويا طلبت مننا نجيب كل حاجة . و هى كانت هتجيب المطبخ بس
و بابا وافق ... بس محصلش نصيب بعد كدة

و ولاد عمى جابو الشقة و الاجهزة الكهربائية و باقى الحاجات بالنص

اهم حاجة فى النسب يكون فى اتفاق مش من اولها و هى بتتخانق

و ربنا يهديكى و يطمن قلبك
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ساعدونى انا بموت..........   الإثنين فبراير 20, 2012 12:58 pm

mitsuki كتب:
طلبات باباكى عادية جدا
يعنى انا خطيبة اخويا طلبت مننا نجيب كل حاجة . و هى كانت هتجيب المطبخ بس
و بابا وافق ... بس محصلش نصيب بعد كدة

و ولاد عمى جابو الشقة و الاجهزة الكهربائية و باقى الحاجات بالنص

اهم حاجة فى النسب يكون فى اتفاق مش من اولها و هى بتتخانق

و ربنا يهديكى و يطمن قلبك
ربنا يكرمك.0000
وحسبى الله ونعم الوكيل فى مامته لانها انا كنت نفسى ارضيها وكنت مستعديه اعملها اى حاجه علشان ترضى مش علشانها ......علشان ربنا ثم حبيبى
انا مصدومه لدرجت ان من يومها مش بكلم حد وبروح على المغرب استنى العشاء واصلى وانام لحد الصبح علشان مفكرش فى حاجه انا بقيت بمشى فى الشارع مش شايفه حد ولا سمعاه حد وبعيط طول الوقت ........صعبان عليه نفسى وانى هزئت اهلى كده انا دموعى صعب تنزل ادام حد بس دلوقتى ببقى ماشيه والدموع نازله ومش قادلره امسك نفسى .........
اللهم اجرنى فى مصيبتى وأخلفنى خيرا منها
انا لله وانى اليه راجعون
ربى ان لم اكن اهلا لبلوغ رحمتك,فرحمتك اهلا لأن تبلغنى لأنها قد وسعت كل شئ.............
ادعولى
الرجوع الى أعلى الصفحة اذهب الى الأسفل
diva_faraona
عضو ملكي متألق
عضو ملكي متألق
avatar

انثى
عدد الرسائل : 1505
العمر : 30
الدولة : اسيوط-مصر
العمل/الترفيه : جعلونى دكتورة
تاريخ التسجيل : 07/12/2011

مُساهمةموضوع: رد: ساعدونى انا بموت..........   الإثنين فبراير 20, 2012 1:12 pm

بصى يا هبة يا حبيبتى واضح انك طيبة وعلى نياتك زى حلاتى انا ما كنتش حابة افتح الموضوع لان بعانى زيك واكتر وربنا عالم ولما سارة كانت زعلانة من خطيبها كنت حابة اقولها اى حاجة بس ما قدرتش لانى موجوعة اوووووى انا بنت وحيدة وماليش اخوات ومعظم دفعتى ارتبطوا وانا بنت جد شوية ماحبش اعمل علاقات مع شباب الشاب من دول يعود يشتغل ف الواحدة وبعدين يجرى فقولت ارتبط بالاصول احسن وكان يوم اخبر يوم ما ابتدى يجيلى ناس -الشباب بقوا حاجة مسخ لا تتطاق ربنا يتصرف فيهم-الواحد فاكر روحه ما حصلش انا ربنا مش حارمنى م الجمال الحمدلله وشهادتى عالية وماديا واجتماعيا كويسة ومش عاجب البشوات !!!مع ان كل اللى اتقدمولى شهادات اقل منى ومستوى اجتماعى اقل بس الواحد فيهم فاكر يبقى ولا بيفهم حاجة وعايز يتجوز عروسة حلاوة وحصلى موقف شبه بتاعك من كام شهر كنت هرتبط بواحد اكبر منى ب 10 سنين وبكالريوس تجارة ودخله مش ثابت وقلت زيك مش مهم الفلوس برضه وكنت هتغرب واروح القاهرة كمان واهله كمان دخلوا على طمع بس بابا وقفلهم لدرجة ما كانوش راضيين يجيبوا شبكة حتى بس خليناهم يجيبوا دبل مبدائيا وقبل تلبيس الدبل بساعة يجى حضرة العريس يقولك انا مش متاكد انا مش مرتاح كفاية تصدقى????انا عرفت بعديها حتى انى كنت اول واحدة توافق عليه !!!!! وكنت جبت الفستان و الاكل زيك كده وكل حاجة والادهى كمان انى كنت لسه بدرس وقتها وكان باقيلى 8 ايام على امتحانات البكالريوس وقلت لصحابى وكانوا جايين يباركولى واحنا امتحانتنا اكتر من 4 شهور متواصلة جانى عريس بعده ساكن ف حتة ما يعلم بيها الا ربنا وبرضه كلية اقل وحضرة الاستاذ ما شافنيش الا نص دقيقة بالعدد وما حاولش يتكلم معايا خالص ومشى واخرتها سالت حد قريبه يقولى اصل عايز واحدة شقرا وعنيها ملونة حسبى الله ونعم الوكييييييل لا تعليق ع الشباب دى هما ما بيخافوش ربنا?انا تعبت جدا بعدها ومازلت لدرجة انى بطلت اخرج خالص ولا اكلم صحابى حتى
بس ربنا موجود يا حبيبتى هنعمل اية ?طالما هما بالشكل ده يبقى احسن حل نخليها على الله ونبطل نربط سعادتنا بيهم ونحاول نسعد نفسنا احنا لحد ما ربنا يفرجها وبجد رنا معاها الف حق ده بتاع مامى زى معظم شباب النهاردة انا اسفة طولت عليكى وصدعتك بمشكلتى بس حبيت اقولك ان البنات كلها بيحصلها زيك واكتر ربنا يعوضك حبيبتى ويرزقك بس برضه ما تستنيش حاجة من حد ومن هنا ورايح تخلى الواحد من دول يتشحتف على ما يكلمك لان ماحدش فيهم بيجى بالذوق واحنا كلنا هنا اخواتك ف المنتدى وتحت امرك سيبك من اللى ظلمك وفوضى امرك لله مافيش احسن و لا ارحم منه واسفة تانى للاطالة bounce bounce bounce
الرجوع الى أعلى الصفحة اذهب الى الأسفل
diva_faraona
عضو ملكي متألق
عضو ملكي متألق
avatar

انثى
عدد الرسائل : 1505
العمر : 30
الدولة : اسيوط-مصر
العمل/الترفيه : جعلونى دكتورة
تاريخ التسجيل : 07/12/2011

مُساهمةموضوع: رد: ساعدونى انا بموت..........   الإثنين فبراير 20, 2012 1:19 pm

وعلى فكرة باباكى معاه الف مليووووون حق لان الواحدة مننا لما بتفكر تتنازل ف الطلبات خيالهم المريض بيخليهم يفتكروا انها مدلوقة ولا حتى فيها عيب اوعى تتنازلى يا حبيبتى البنات الطيبة اللى زينا عملة نادرة وان ما قدروش ما يلزمهمش
الرجوع الى أعلى الصفحة اذهب الى الأسفل
dinaali
عضو ملكي متألق
عضو ملكي متألق
avatar

انثى
عدد الرسائل : 3278
العمر : 36
تاريخ التسجيل : 05/08/2011

مُساهمةموضوع: رد: ساعدونى انا بموت..........   الإثنين فبراير 20, 2012 1:30 pm

بعد الشر عنك من الموت يا حبيبتي وبعد الشر عنك من انك تشوفي الدنيا سوده
بصي يا هبه انا مليش دعوة بمين اقل من مين كل واحد وله ظروفه والجواز يا حبيبتي اصول وقواعد ماشي في ناس عندها العريس بيجيب الأجهزة ويساهم مع العروسة في العفش -ودي كانت جوازتي انا - وعندي واحده صاحبتي مشوها ان العريس جاب العفش والعروسة ساهمت فيه وجتبت الأجهزة -يعني العكس
الأصول بتقول ايه انا لعريس له حاجات يلتزم بيها والعروسة كمان والموضوع مش بيعه وشروة وابقي اسالي -اللي لسه بتقولي عليه حبيبك-رغم انه هو اللي كان جاي هو واهلة يفطسوا البيعه -سامحيني بس هي كانت فعلا بيعه -اساليه اخواتك البنات اتجوزوا ازاي -حتلاقيهم برضه مرضيوش يدفعوا فيهم كتير زي ماهما مش راضيين يدفعوا فيكي-
هما بيبصوا للموضوع من الزاوية دي الدفع والفلوس وبس وبعدين باين جدا ان والدته شايفالة شوفة تانية عايزة تجوزة على مزاجها يعني
يعني سواء كنتي انتي او غيرك كانت الجوازة حتتفشكل المشكلة مش فيكي ولا في اهلك
بالعكس انا شايفة ان والدك طلب مطالب عادلة جدا الجواز يا حبيبتي بيت بيأسسه اتنين العريس واهلة والعروسه واهلها كل طرف بيشوف يقدر يجيب ايه ويجيبه مش حيقدر وساعتها الطرف التاني بيجيبة او بتصبروا وتجيبوة سوا بعد الزواج
شراكة مش شركة واظن فاهماني يا تجارة -مش نضارة-
الحكاية مش منافسة مين يدفع اكتر ولا تدبيس مين يشيل التاني اكتر ووالدك واضح انه كان نفسه يشتري راجل عشان يسعدك -من منطق انه {بيعتمد عليه فى حاجات كتييييير يعنى لانى
اكبر اخواتى ودايما يقولى انتى بعدى بعد ما أموت }وده كلامك بعد الشر عن باباكي يعني مغلطش لما حب يغلي بنته ويقول انها مش اي كلام وبنت ناس عارفه لو كان والدك رضي باللي كانت الست دي عايزاه برضه مكانتش مشت الحكاية لأنها جاية عندكم عشان تقول لألألألألألألألألألألألألألألأ
بدليل انها ابسط قواعد الذوق واللياقه متبعتهاش
متزعليش يا حبيبتي وصدقيني لو كان فعلا راجل كان شاف زي ما جوز اخته شافه وحس ان كده المساله مش متوازنه ان طرف يبقي متنازل قوووووووووويييييييييييي وطرف يدفع كتيييييييييييييييييييييييييييرالميزان ميستويش كده
امال لو كنتي زيي بقي اتقدملي 20عريس بدون مبالغه والله واتجوزت وانا عندي 30سنه وخلفت بعد مرتين اجهاض كنت هضيع فيهم وابني جه للدنيا مغلبني معاه بموضوع رجلة ده عمليات وجبس وبهدلة حتعملي ايه دانا كان زماني مت من زماااااااااااااااااااااااااااااااان
احنا كلنا هنا معاكي وجنبك تفائلي على راي مامتي -الحمد لله انهم بانوا قبل ما تتحسب عليكي قراية فاتحه
الرجوع الى أعلى الصفحة اذهب الى الأسفل
dinaali
عضو ملكي متألق
عضو ملكي متألق
avatar

انثى
عدد الرسائل : 3278
العمر : 36
تاريخ التسجيل : 05/08/2011

مُساهمةموضوع: رد: ساعدونى انا بموت..........   الإثنين فبراير 20, 2012 1:39 pm

ربنا يرحمنا يا ماريان من العاهات اللي مسمية نفسها عرسان دول غربان مابيصدقوا بجد ان الجواز مش كتير ونسبة العنوسة زادت وكل واحد جاي نافش ريشة ويقعد ويتشرط ويقول دي حلوة ودي لأ
انا كان جايلي عريس عنده 43سنه وانا كان عندي 26سنه وكان اهلي موافقين عليه -لأن انا زيك يا ماريان وحيده بابا وماما -وبابا وجهه نظرة ان السن الكبير ده مكسب واحسن من العيال اللي ممكن اتبهدل معاهم- وقال ايه بسلامتة يقول اصل مش هي دي اللي في خيالي
وواحد تاني معد في النيل الثقافية عايز يشوفني بشعري امال بعد الجواز حيشوفني بايه بالطرحه ؟؟؟؟؟؟؟؟؟؟؟؟؟؟؟؟؟؟؟؟؟
حاجه تجيب الضغط
الرجوع الى أعلى الصفحة اذهب الى الأسفل
diva_faraona
عضو ملكي متألق
عضو ملكي متألق
avatar

انثى
عدد الرسائل : 1505
العمر : 30
الدولة : اسيوط-مصر
العمل/الترفيه : جعلونى دكتورة
تاريخ التسجيل : 07/12/2011

مُساهمةموضوع: رد: ساعدونى انا بموت..........   الإثنين فبراير 20, 2012 1:48 pm

dinaali كتب:
ربنا يرحمنا يا ماريان من العاهات اللي مسمية نفسها عرسان دول غربان مابيصدقوا بجد ان الجواز مش كتير ونسبة العنوسة زادت وكل واحد جاي نافش ريشة ويقعد ويتشرط ويقول دي حلوة ودي لأ
انا كان جايلي عريس عنده 43سنه وانا كان عندي 26سنه وكان اهلي موافقين عليه -لأن انا زيك يا ماريان وحيده بابا وماما -وبابا وجهه نظرة ان السن الكبير ده مكسب واحسن من العيال اللي ممكن اتبهدل معاهم- وقال ايه بسلامتة يقول اصل مش هي دي اللي في خيالي
وواحد تاني معد في النيل الثقافية عايز يشوفني بشعري امال بعد الجواز حيشوفني بايه بالطرحه ؟؟؟؟؟؟؟؟؟؟؟؟؟؟؟؟؟؟؟؟؟
حاجه تجيب الضغط
انا برضه حاول يعمل معايا حاجة شبه كده يا دينا قال عايزنا نتقابل وحدنا الاول ونتكلم بس انا طبعا رفضت وقولتله مش ببقابل حد الا ف حضور اهلى والواحد فيهم داخل ع الواحدة زى ما يكون هيديها مية المحاياة ربنا كبيييييير وقادر يتصرف وانا راضية باى حاجة ربنا يعملها والحمد لله على كل حال بس انا كنت فاكرة انس اكبر من كده يا دندون شوية هههههههه عنده سنة واحدة بس?ربنا يخليهولك ويبقى عنده مليووووون سنة وتخاويه كمان يا قمر Embarassed
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ساعدونى انا بموت..........   الإثنين فبراير 20, 2012 1:54 pm

والله ضحكتينى يادينا ربنا يكرمك انا كان بقى ووشى قربو يشققو من الحزن
الحمد لله على كل شئ
هى قالت احنا هنعملك زى ما عملنا للبنات يعنى ولا دهب يتكتب والمؤخر 10.000
المشكله يادينا مش فى الدهب والمؤخر البنت وهى متجوزه وبيحصل مشاكل كتييييير بتتنازل عن كل حاجه علشان تخلص منه المشكله انى حسيت انهم خايفين من القايمه او بعندو وخلاص مع ان ابن خالتى اللى هو هيخطب قريب اهل العروسه قالو 20.000 مؤخر خالتى قالت خليهم 50.000 احنا شاريين
الرجوع الى أعلى الصفحة اذهب الى الأسفل
dinaali
عضو ملكي متألق
عضو ملكي متألق
avatar

انثى
عدد الرسائل : 3278
العمر : 36
تاريخ التسجيل : 05/08/2011

مُساهمةموضوع: رد: ساعدونى انا بموت..........   الإثنين فبراير 20, 2012 1:56 pm

ربنا يخليكي يا ماريان ويكرمك ويديكي الزوج الصالح يا حبيبتي انس اتولد يوم 5/1/2011قرب على سنه وشهرين
وعقبال ماتجيبي
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:00 pm

ياماريان انتى مطولتيش عليه بالعكس انا اول حاجه بعملها انى بفتح المنتدى علشان اتكلم معاكم انا بحس اننا كلنا قاعدين مع بعض وبنتكلم ربنا يكرمك ويرزقك الزوج الصالح ويرزقك بالخير كله
الرجوع الى أعلى الصفحة اذهب الى الأسفل
dinaali
عضو ملكي متألق
عضو ملكي متألق
avatar

انثى
عدد الرسائل : 3278
العمر : 36
تاريخ التسجيل : 05/08/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:01 pm

ليه لأ كتب:
والله ضحكتينى يادينا ربنا يكرمك انا كان بقى ووشى قربو يشققو من الحزن
الحمد لله على كل شئ
هى قالت احنا هنعملك زى ما عملنا للبنات يعنى ولا دهب يتكتب والمؤخر 10.000
المشكله يادينا مش فى الدهب والمؤخر البنت وهى متجوزه وبيحصل مشاكل كتييييير بتتنازل عن كل حاجه علشان تخلص منه المشكله انى حسيت انهم خايفين من القايمه او بعندو وخلاص مع ان ابن خالتى اللى هو هيخطب قريب اهل العروسه قالو 20.000 مؤخر خالتى قالت خليهم 50.000 احنا شاريين
نفس اللي حصل مع صاحبتي بس دي اتخطبت فعلا وكان فرحهها فاضلله اسبوعين قبلها العريس رفض يكتب قايمة اساسا
ليه يا بن الحلال ؟
اصل اصحابي بيطلقوا كتير وانا خايف تحبسوني بالقايمة
طب بالذمه ده كلام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في ناس زي خالتك داخلة على حياة وعشرة وتزاوج بين عيلتين مش عروسة وعريس لا عيلة وعيلة وفي ناس زي اللي ربنا نجاكي منهم دول احمدي ربنا
الرجوع الى أعلى الصفحة اذهب الى الأسفل
dinaali
عضو ملكي متألق
عضو ملكي متألق
avatar

انثى
عدد الرسائل : 3278
العمر : 36
تاريخ التسجيل : 05/08/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:03 pm

ليه لأ كتب:
انا اول حاجه بعملها انى بفتح المنتدى علشان اتكلم معاكم انا بحس اننا كلنا قاعدين مع بعض وبنتكلم
ده اللي بعملة انا كمان
الرجوع الى أعلى الصفحة اذهب الى الأسفل
diva_faraona
عضو ملكي متألق
عضو ملكي متألق
avatar

انثى
عدد الرسائل : 1505
العمر : 30
الدولة : اسيوط-مصر
العمل/الترفيه : جعلونى دكتورة
تاريخ التسجيل : 07/12/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:03 pm

تسلمى يا دندونة يا حبى عبقال ما نفرح بهبة وكل قمرات المنتدى ربنا يعوضك ويفرحك يا هبة ا ش ا قريب رحمة ربنا واسعة واقرب لينا كتير مما نتخيل
الرجوع الى أعلى الصفحة اذهب الى الأسفل
dinaali
عضو ملكي متألق
عضو ملكي متألق
avatar

انثى
عدد الرسائل : 3278
العمر : 36
تاريخ التسجيل : 05/08/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:05 pm

آآآآآآآآآآآآآآآآآآآمييييييييييييييييييييييييييييييييييييين خلينا نفرح فيكم بقي وتدوقوا اللي انا شايفاه
قدامي اهو قاعد بياكل مولتو ووشه كله شيكولاته وهدومه اللي لسه مغيرها وبيمسك الملاية الحياه كلها مولتو عندي rabbit
الرجوع الى أعلى الصفحة اذهب الى الأسفل
mitsuki
عضو vip
عضو vip
avatar

انثى
عدد الرسائل : 379
العمر : 29
الدولة : طنطا
تاريخ التسجيل : 16/07/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:06 pm

احمدى ربنا يا بنتى انهم بانو على حقيقتهم قبل ما يحصل اى حاجة
دا انتى ربنا بيحبك .. و المفروض تفرحى و تفرفشى كدة 254
الرجوع الى أعلى الصفحة اذهب الى الأسفل
mitsuki
عضو vip
عضو vip
avatar

انثى
عدد الرسائل : 379
العمر : 29
الدولة : طنطا
تاريخ التسجيل : 16/07/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:08 pm

dinaali كتب:
آآآآآآآآآآآآآآآآآآآمييييييييييييييييييييييييييييييييييييين خلينا نفرح فيكم بقي وتدوقوا اللي انا شايفاه
قدامي اهو قاعد بياكل مولتو ووشه كله شيكولاته وهدومه اللي لسه مغيرها وبيمسك الملاية الحياه كلها مولتو عندي rabbit


ههههه ربنا يخلهولك يا دينا و نفرح فيه هو كمان
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:09 pm

ربنايكرمكوا كلكم يا احلى اخوات
الرجوع الى أعلى الصفحة اذهب الى الأسفل
diva_faraona
عضو ملكي متألق
عضو ملكي متألق
avatar

انثى
عدد الرسائل : 1505
العمر : 30
الدولة : اسيوط-مصر
العمل/الترفيه : جعلونى دكتورة
تاريخ التسجيل : 07/12/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:13 pm

dinaali كتب:
آآآآآآآآآآآآآآآآآآآمييييييييييييييييييييييييييييييييييييين خلينا نفرح فيكم بقي وتدوقوا اللي انا شايفاه
قدامي اهو قاعد بياكل مولتو ووشه كله شيكولاته وهدومه اللي لسه مغيرها وبيمسك الملاية الحياه كلها مولتو عندي rabbit
يعيش و يوسخ هههههههههه امى دايما تدعيلى نفس الدعوة على فكرة ماعرفش بتدعيلى ولا بتدعى عليا Basketball Basketball Basketball Basketball
الرجوع الى أعلى الصفحة اذهب الى الأسفل
dinaali
عضو ملكي متألق
عضو ملكي متألق
avatar

انثى
عدد الرسائل : 3278
العمر : 36
تاريخ التسجيل : 05/08/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:15 pm

الأتنين عشان تفرح فيكي وبعيالك وتعيشي اللي كنتي مورياهولها
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:15 pm

والله انتو هونتو عليه ربنا يشرح صدوركم ويكرمكم
الرجوع الى أعلى الصفحة اذهب الى الأسفل
diva_faraona
عضو ملكي متألق
عضو ملكي متألق
avatar

انثى
عدد الرسائل : 1505
العمر : 30
الدولة : اسيوط-مصر
العمل/الترفيه : جعلونى دكتورة
تاريخ التسجيل : 07/12/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:19 pm

اضحكى وفرفشى يا قمر ولا يهمك مافيش حاجة تستاهل هما الخسرانين واحدة طيبة وبنت حلال زيك
الرجوع الى أعلى الصفحة اذهب الى الأسفل
monmon mony
عضو ملكي متألق
عضو ملكي متألق
avatar

انثى
عدد الرسائل : 1520
العمر : 31
العمل/الترفيه : teacher
تاريخ التسجيل : 05/11/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:24 pm

ياااااااااااااااااااااااااه ياهبة فكرتينى بالذى مضى نفس الى حصل معايا بالظبط مع اول عريس يتقدملى كنت لسة مخلصة جامعة بس انا مكنتش بكلمه ولا حاجة هو مشافنيش غير ف البيت وبعدين ياماريان كل دة بيحصل لنا كلنا وكتيييييييييييييييير لدرجة انى زهقت ومعتش عايزة اشوف حد ولا اقعد مع حد كلهم اقل منى بكتير وحتى لو اتنازلت الموضوع مش بيكمل
ربنا يعوضك ياهبة بالى احسن منه ويصلح حالك وحالنا وحال كل البنات يارب
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:33 pm

الحمد لله ربنا كبير انا نسيت اقولكم اخوه اللى معايه فى الشغل اكبر منو جه و أعتذر وقالى والله انا مكسوف منك وحكالى انو عمل اللى باباقال عليه لما جه يتجوز بس من ورا اهلو يعنى كتب 50جرام دهب من غير تمن و20مؤخر وجاب جهاز اكتر من اللى كان اخوه هيجيبو يعنى جاب النجف اللى امو كانت هتموت لما عرفت انو على العريس وبابا قالها خلاص احنا نجيبو
بس كل ده من ورا اهلو وقالى انا عملت كده علشان كنت عارف ان ماما هترفض طلبات مراتى هو لسه متجوز جديد
مع العلم هو غير اهلو خااااااااالص امبارح كل شويه يجى يعتزرلى ويقولى انا مكسوف منك ولو اخويا اتصل بيكى متروديش عليه ده ميستهلش ظفرك وأن شاء الله ربنا هيرزقك احسن منو انالما شوفتك فى الشغل وقولت لأخويا عندى ليك عروسه كويسه والله قولتلو انا كنت اتمنا واحده زى هبه ولو مكنتش قابلت مراتى كنت اتجوزتها وفضل يقولى ادينى رقم باباكى اعتذرلو عن اللى حصل وهما لما كانوا عندنا ومامتو متنرفزا زعقلها وقالها احنا مش بنتخانق ولما قالت انتى مش احسن من بناتى قالها هى ست البنات انا فعلا بحترموا جدااااااا ربنا يكرموا هو الوحيد اللى سلم على بابا وعليه قبل ما ينزلو
وطبعا هتقولو هو بيعمل كده علشان كان بيتمنانى هقولكم لأ هو بيموت فى مراتو انا وهو بنشوف بعض فى الشغل اكتر مابنشوف اهلنا هو فعلا انسان محتلرم ربنا يكرمه ويرزقه الذريه الصالحه بالله عليكم تدعوله
الرجوع الى أعلى الصفحة اذهب الى الأسفل
diva_faraona
عضو ملكي متألق
عضو ملكي متألق
avatar

انثى
عدد الرسائل : 1505
العمر : 30
الدولة : اسيوط-مصر
العمل/الترفيه : جعلونى دكتورة
تاريخ التسجيل : 07/12/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:36 pm

monmon mony كتب:
ياااااااااااااااااااااااااه ياهبة فكرتينى بالذى مضى نفس الى حصل معايا بالظبط مع اول عريس يتقدملى كنت لسة مخلصة جامعة بس انا مكنتش بكلمه ولا حاجة هو مشافنيش غير ف البيت وبعدين ياماريان كل دة بيحصل لنا كلنا وكتيييييييييييييييير لدرجة انى زهقت ومعتش عايزة اشوف حد ولا اقعد مع حد كلهم اقل منى بكتير وحتى لو اتنازلت الموضوع مش بيكمل
ربنا يعوضك ياهبة بالى احسن منه ويصلح حالك وحالنا وحال كل البنات يارب
امييييييين يارب ربنا يرزقك ويديكى يا ايمان يا قمر Embarassed
الرجوع الى أعلى الصفحة اذهب الى الأسفل
monmon mony
عضو ملكي متألق
عضو ملكي متألق
avatar

انثى
عدد الرسائل : 1520
العمر : 31
العمل/الترفيه : teacher
تاريخ التسجيل : 05/11/2011

مُساهمةموضوع: رد: ساعدونى انا بموت..........   الإثنين فبراير 20, 2012 2:42 pm

diva_faraona كتب:
monmon mony كتب:
ياااااااااااااااااااااااااه ياهبة فكرتينى بالذى مضى نفس الى حصل معايا بالظبط مع اول عريس يتقدملى كنت لسة مخلصة جامعة بس انا مكنتش بكلمه ولا حاجة هو مشافنيش غير ف البيت وبعدين ياماريان كل دة بيحصل لنا كلنا وكتيييييييييييييييير لدرجة انى زهقت ومعتش عايزة اشوف حد ولا اقعد مع حد كلهم اقل منى بكتير وحتى لو اتنازلت الموضوع مش بيكمل
ربنا يعوضك ياهبة بالى احسن منه ويصلح حالك وحالنا وحال كل البنات يارب
امييييييين يارب ربنا يرزقك ويديكى يا ايمان يا قمر Embarassed
ميرسى ياماريان ربنا يرزقنا كلنا عن قريب ان شاء الله
الرجوع الى أعلى الصفحة اذهب الى الأسفل
 
ساعدونى انا بموت..........
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 4انتقل الى الصفحة : 1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
Oriflame Egypt نادي اعضاء اوريفليم مصر :: استراحة النادي :: المنتدي العام-
انتقل الى: