ميراج و صن سكاي

موضوع: ميراج و صن سكاي الجمعة يناير 27, 2012 3:39 pm

يا بنات ايه رأيكم في برفان ميراج حلو ولا وحش
بتثبت ولا لأ

و عايزة أسأل
طبعا برفان صن سكاي في ايفون معتش بينزل من زمان
البنات اللي تعرف ريحته

في برفان في اورفليم شبه ريحة صن سكاي

برفان ميراج تقيل جداً و أعتقد إنه من أتقل البرفانات اللي جربتها سواء استخدمتها او جربت التيستر من الفرع ... الميراج أنا أخدت التيستر من الفرع و لإني بحب الروايح الهادية معجبنيش نهاااااااائي لكن أختي بتحب الحاجات التقيلة و عجبها بس بشكل عام في ناس كتير مش بيعجبهم الميراج لأنه تقيل جدااااااااااااااً
أما بالنسبة لبرفان صن اسكاي أنا مش فكراه أوي بس لو الرول أون بتاعه كان اصفر و هو ريحته هادية بس منعشة فأعتقد إني أستخدمته و كان فعلاً حلو أوي بس للأسف معرفش في أوريفليم حاجة زية و لو فعلاً تقصدي اللي بتكلم عنه الميراج أكيد مش هيعجبك

Pure Snow كتب:: برفان ميراج تقيل جداً و أعتقد إنه من أتقل البرفانات اللي جربتها سواء استخدمتها او جربت التيستر من الفرع ... الميراج أنا أخدت التيستر من الفرع و لإني بحب الروايح الهادية معجبنيش نهاااااااائي لكن أختي بتحب الحاجات التقيلة و عجبها بس بشكل عام في ناس كتير مش بيعجبهم الميراج لأنه تقيل جدااااااااااااااً
أما بالنسبة لبرفان صن اسكاي أنا مش فكراه أوي بس لو الرول أون بتاعه كان اصفر و هو ريحته هادية بس منعشة فأعتقد إني أستخدمته و كان فعلاً حلو أوي بس للأسف معرفش في أوريفليم حاجة زية و لو فعلاً تقصدي اللي بتكلم عنه الميراج أكيد مش هيعجبك

شكرا يا قمر على الافادة
رول صن اسكاي فعلا كان اصفر و الغطاء سماوي
بس هو ميراج شبه رائحة فاكهة او شبه الورد او الياسمين او شبه ريحة ايه؟؟؟؟؟؟؟؟؟؟؟
اصلي هتضحكي عليا لو عرفتي
ان الازازة بتاعت ميراج شكلها تحفة قوي
عشان كده نفسي اجيبه

لا شكر بين الأخوات يا قمر ميراج و صن سكاي 43725

غالباً صن اسكاي فعلاً هو اللي استخدمته قبل كده و فعلاً كان حلو جداً بالنسبة للميراج أنا مش عارفة أقولك هو شبه إيه بس هو مش ورود و لا ياسمين و لا فواكة هحاول أقربلك الصورة بإني أقولك أنا بحب بارفانات إيه و لو زوقك قريب مني متشتريهوش أنا بحب الجيورداني وايت و جولد و البريشيوس مومنت و الميدنايت من اوريفليم و البرسيف و البيوربلانكا من إفون

Pure Snow كتب:: لا شكر بين الأخوات يا قمر
غالباً صن اسكاي فعلاً هو اللي استخدمته قبل كده و فعلاً كان حلو جداً بالنسبة للميراج أنا مش عارفة أقولك هو شبه إيه بس هو مش ورود و لا ياسمين و لا فواكة هحاول أقربلك الصورة بإني أقولك أنا بحب بارفانات إيه و لو زوقك قريب مني متشتريهوش أنا بحب الجيورداني وايت و جولد و البريشيوس مومنت و الميدنايت من اوريفليم و البرسيف و البيوربلانكا من إفون

بصراحة معرفش في اورفليم الا ايكلا

مفيش حاجه في اوريفليم شبه الساني سكايز يا احوال لكن في حاجات تانية كتير تنتمي لنفي العائله وهي البارفانات البارده زي الأيكلا والألفي القديمة الخضراء والجورداني وايت وبيور ممكن تقوللك على البارقي لأن واضح انها بتفضل النوع ده من البارفانات
على العكس من الميراج اللي بينتمي للبارفانات الدافئه زي الديفين سنشوال والأنيجما والأمبر
ريحه الميراج على عنبر شوية وعلى فكرة انا في ناس كتير بتاخد البارفانات بشكل الأزازة ومنظرها على السراحه ومش بيهتموا بيريحتها ايه المهم شكلها حيبان ازاي على السراحه فعادي يعني

الميراج عندى يا احوال انا عن نفسى عجبنى الميراج هو يعتبرمن البرفانات الدافية تقيل وثابت جدا وعلى فكرة انا متقلبة فالبرفانات يعنى مش بحب نوع واحد بس يعنى ساعات احب الفواكه او الدافى او الشرقى بس اكتر حاجة بحبها الورود الفلورال
اما من ناحية شكل الازازة فهى فعلا تحفة قوى

واهم حاجة ايه زوقك فالبرفانات؟ الميراج بعيدة جدا عن ال ايكلا

ل بتحبى الايكلا ويك اند زى الميراج مش هتعجبك خاااااااااااااااااااالص
Cool

شكرا لكل القمرات اللي ردوا

أنا يا بنات جبت ميراج 4 مل اول ما شمتها معجبتنيش بس بعد شوية لقيتها ريحتها احسن كتير

» ميراج المقلب