جربتوا البرفانات الاوريجينالز...

اازيكم يا بناااااتيت

وحشتونى جدااااا جربتوا البرفانات الاوريجينالز... 20726

انا عاوزة اجيب برفان اوريجنال فى حاجات جربتها وحاجات مجربتهش انا هاكتبلكم اسماء البرفانات الى عاوزة اجيب منها وكل واحده تفدينا بقا بتجربتها الشخصيه شمته ولا لاء حلو وثابت ويا سلام بقى لو توصفوهولى الوصف بتاعكم الى ما يعلى عليه بجد انتم احلى اصحاب جربتوا البرفانات الاوريجينالز... 855315

دى اسماءهم

ميس ديور شيرى MISS DIOR CHERRI

شانيل شانس CHANEL CHANCE

كوكو شانيل COCO CHANEL

بيربيرى لندن BURBERRY LONDON

جيشى جيلتى GUCCI GUILTY

تريسور ان لاف TRESOR IN LOVE FROM LANCOM

لادى مليون LADY MILLION

ايلى من سان لوران ELIY SAN LORAN

نينا ريتشى الحمرا NINA RICHII

ch من كارولينا هريرا

انج او دايمون لو سكريه الكسير من جفنشى LE SECRET ELIXIER

GAVICHY MUCH PLAY ROR HER

مستنيه المناقشه

بصي يا نيرة انا البارفان الأوريجنال الوحيد اللي جربته كان نوع اسمه كنزو -مش كنزو فلاور-لأ كنزو وبس- وكانت ريحته جميلة جدا صعب اوصفهولك بس عجبني جداوفي بارفان تاني اسمه كلوي نرسيس ده كان جميل جدا بارفان تحسي انك مبسوطة وانت حاطاه وكان ثباته رهيب جبار يقعد معاكي ليومين عليكي انتي واسبوع في الهدوم -بس من غير متهويها -كان جميل جدا وكان عند واحده صاحبتي وكانت العبوة بتاعته من غير اوتومايزر بالنقطة بس كان روعه

مممم طب كان بكام يا دينا كلوي نرسيس دة؟

ايامها يعني من كام سنه كده كانت شارياه من خرج مصر تقريبا السعودية بحوالي 200ج تقريبا وبعدين اكتشفت واحد في خان الخليلي بيبيع البارفانات الأصلية بس زيوت بالجرام بس طبعا مش فاركة كان بكان الجرام وعامة انا مش بحب الزيزت لأنها بتبوظ ريحت البارفان بتخلية مزيت دهني مش عارفة انتي فهمتي قصدي ولا لأ بس في فرق -مثلا لما بتاكلي اكلة معينه وهي مشوية مثلا و هي مقلية بتحسي فيها بطعم المادة الدهنية اكتر ومش بتستطعمي بالأكل
يعني ده رأيي طبعا لكن انتي ممكن تلاقيه عادي في المولات الكبيرة عندنا تقريبا ممكن تلاقيه في مزايا في سان استيفانو اسكندرية وغيرها من المكولات الكبيرة

فاهامكى يا دينا انا كمان مش بحب الزيوت خالص

انا جربت ميس ديور شيرى تحسى كدة انه بونبونى حاجة كدة مسكرة وجميله

وجربت نبنا ريتشى الحمرا تفاح احمر بالظبط وجميل جدااا ومثيرة جدااا

وجربت تيتسر ل جفنشى ماتش بلاى برضه مغريه جدااا

والكسير الجديد هادى اوى بس مكتوب فى وصفه على النت انه برضه مثير ومغرى

فانا قلت اخد بخبراتكم وارائكم لانى بثق فيكم جدااا هدور البرفان الى قلتى عليه يا دينا

بصى يا روز انا جبت كوبيهات من الحاجات الاوريجنال دى وعجبتنى لان الاصلى خراب بيوت هههههه
هقولك ع اللى جبته
1-هيوجو بوس ديب ريد الحريمى جميلة وعميقة بس بعد ما تترش شوية بتهدى اوى وتبقى مش باينة ههههه
2-اورجانزا من جيفنشى على ورد بس تحسيها تقيلة وستاتى شوية
3-بلو ليدى من الرصاصى شيييييك اوى ورقيقة
4-بلاك اكس اس برفان مميز جداااااااا وبيعود ف الهدوم كتيييييير جدا حراق وحلو ف نفس الوقت ما تساليش ازاى هههههههه برفان حاد شوية بس جمييييييل اوى
5-رومبا طبعا فواحة وغنية عن التعريف
6-ليدى مليون دافية اووووى جبتها لماما وعجبتها
7-مجموعة كنزو بالوانها فانيليا على ورد مميزة وجميلة
بصى لو ليكى ف الانجلش شوية الموقع ده تكتبى اسم البرفيوم يديكى مكوناته وراى الناس فيه وانا تحت امرك ف اى ترجمة لو تحبى
http://www.fragrantica.com/
يارب اكون عرفت افيدك ولو شوية

انا كمان شميت الهوجو ديب ريد عند واحده صاحبتي جميلة جدا من البارفانات الدافيه المميزة جدا
الموقع جميل جدا يا ماريان تسلم ايديك

هيا دافية ف الشم لكن بعد الرش انسى هههههه confused

بس شيك برضه انما افتتاحية العطر قوية وقاعدته هادية وتعتبرعادية يارب اكون عرفت اقربلك الصورة يا نيرة
تسلميلى انتى يا دندون Sleep

مبسوطة انه عجبك وتحت امركم يا قمرات Idea

اه وعلى فكرة نسيت اقولك بيربيرى لندن هاااااادية اوى وتعتبر من الروايح اللى بيقولوا عليها روايح نضافة
التريزور العادية من لانكوم شبه فولار الاورانج من اوريفليم
نينا ريتشى حلوة على شوجرى كده بس انا ماليش فيه ولما اجرب حاجة تانى هقولك يا قمر

يا موسوعه !!!!!!!!!!!!!!!!

channel n 5
jadour
برفانات لا تقاوم
انا شميت ال euphoria وكانت كويسة وتقيلة

dinaali كتب:: يا موسوعه !!!!!!!!!!!!!!!!

احنا نيجى جنبك اية يا دندون? confused

المهم الأسعار في كل اللي قلتم عليه عشان ده اللي حيخليني اعيط بجد rabbit

على فكرة فى ناس بتقول ان جادور تشبه شوية انكنسادنس بتاعة افون لو تعرفيها

ع فكرة يابنات برفان ديلكسى شبه برفان ف افون مش عارفة اسمه بس علبته لونها روز وصغيرة كدا وفيها سلسة ع شكل نجمة
انا مشمتش البرفان بتاع ديلكسى بس ريحة كريم الايدين بتاعته هى نفسها ريحة البرفان بتاع ايفون الى بقولكم عليه دة

dinaali كتب:: المهم الأسعار في كل اللي قلتم عليه عشان ده اللي حيخليني اعيط بجد

الكوبيهات اللى جبتها كلها اسعارها تحفة يا دينا ممكن تبدا من
12ج كاسيليا
رومبا 18 ج
بلو ليدى 12 ج
هيوجو ديب ريد ج 28
بلاك اكس 25
ومعظمها ثاااااابت جدا مع انها تقليد برشها الصبح واعود بيها بالعشرين ساعة ف المستشفى وارجع الاقى ريحتها ف الهدوم تصدقى?????!!!

monmon mony كتب:: ع فكرة يابنات برفان ديلكسى شبه برفان ف افون مش عارفة اسمه بس علبته لونها روز وصغيرة كدا وفيها سلسة ع شكل نجمة

قصدك سيكريت فانتازى يا مونى?

مش بقولك موسوعه خلال ماريان بقت الموسوعه بتاعتنا من النهارده وانا حناديكي يالأسم ده
هي اللي فيها نجمه اسمها سيكريت فانتازي ستار على فكرة
وبتجيبي منين بقي الأسعار دي يا موسوعه
انا اللي اعرفه ان الأيكلا بتاعه اوريفليم شبه الهوجو بوس الحريمي طبعا جدا لأنها عند ماما بس انا مش بحبها

ايوة بالظبط هو دة ياماريان
شميته مع واحدة صحبتى كانت بتاخد رايى فيه وف نفس اليوم انا كنت حاطة كريم الايدين ديلكسى
لقيته نفس الريحة بالظبط

dinaali كتب:: مش بقولك موسوعه خلال ماريان بقت الموسوعه بتاعتنا من النهارده وانا حناديكي يالأسم ده
هي اللي فيها نجمه اسمها سيكريت فانتازي ستار على فكرة
وبتجيبي منين بقي الأسعار دي يا موسوعه
انا اللي اعرفه ان الأيكلا بتاعه اوريفليم شبه الهوجو بوس الحريمي طبعا جدا لأنها عند ماما بس انا مش بحبها

ربنا يجبر بخاطرك يا دندون كده انا هصدق هههههههه
انا اشتريتهم كوبيهات تقليد يعنى تصنيع اماراتى او صينى او هندى من تاجر جملة ف اسيوط
برضه انا كمان مش بحب محلات تركيب العطور لانها بتبقى مزيتة زى ما قلتى وهيا صنعة دقيقة جدا نادرا ما بيعرفوا يظبطوها

monmon mony كتب:: ايوة بالظبط هو دة ياماريان
شميته مع واحدة صحبتى كانت بتاخد رايى فيه وف نفس اليوم انا كنت حاطة كريم الايدين ديلكسى
لقيته نفس الريحة بالظبط

فعلا هما الاتنين شبه بعض اووووووى نفس الفصيلة ع الاقل برفانات شوووووجرى خالص

في اسيوط؟؟؟؟؟؟؟؟؟؟؟؟؟؟ يعني انا ممكن الاقيهم عندنا في المنشية ؟؟؟؟؟؟؟؟؟؟؟؟؟؟؟؟؟ممكن الموضوع يستاهل المشوار برضه
طيب الأماراتي احسن ولا الصيني لأني سمعت ان الأماراتي -حاجة زي الدرجه الأولي كده -اقوي واحسن ومبيبقعش الهدوم
انا مش بستعمل التركيب لأني عرفت انهم بيجيبوا نوع من الكحول اللي هو مش الكحول العادي المستخدم في البارفانات لأ تركيب تاني حاجة زي الثنائي والثلاثي بتاع الكيمياء -اصل انا ادبي معلش اعذريني- المهم الثنائي ده ضار جدا للجلد وهما بيجيبوه عشان ارخص من التاني الأحسن فبطلت استخد التركيبات خالص

اه يا قمر موجودين ف مجاهل افريقيا هنا تخيلى ?هههههههه بصى انتى ف اليكس? دورى كمان ف شارع خالد مرة كنت هناك وجبت كوبى كنزو طلعت تحفةةةةةةة
الاماراتى طبعا نمرة ١ لا يعلو عليه ف الجودة والثبات يليه الهندى الصينى مش كله وحش برده اصل فى حاجات مش موجودة الا صينى
بالنسبة للكحول الاثيلى او الثنائى بتاع البرفنات التركيب سيبك من كلام الاشاعات دى مش بياذى الجلد للدرجة بس هو تقييييييل شوية وفى ناس صدرها حساس مش بتستحمله

انا بتعجب لحاجات تانية مش قصدي مجاهل والله بس انا بتعجب لأني مهما سرحت بخيالي عمري ما كنت اتخيل اني اوصل لأسيوط ويكون لي اصحاب من هناك انتي فاهماني ؟انا اصلي من جيل بمبم وسينما الأطفال لو كنتي بتقري لعمر طاهر اول كتاب نزلة كان اسمه شكلها باظت عارفاه اهو انا من الجيل ده ايام ما كان في قناتين في التليفزيون بس وكنا بنستني الفيلم الأجنبي مرتين في الأسبوع نادي السينما واوسكار
متخيلة اني دلوقتي اوصل لأيه اني يكون لي صداقات عبر مصر كلها ده ولا كان في الخيال
عشان كده قلت اسيوط؟؟؟؟؟؟؟؟؟؟؟؟؟؟؟؟؟؟
اهو الكول الثنائي ده خوفوني منه بس طالما انتي قلتي انه تمام يبقي تمام يا موسوعه
ححاول انزل خالد بن الوليد ولو اني مش بحب انزلة لأنه زحمه جدا والبياعين بيحبوا يغلوا الأسعار جدا على اساس انه سياحي وتفضلي تفاصلي وهو يحلف حاجة وجع دماغ

مانا من نفس جيلك يا جميلة واسيوط كلها اتشرفت بصداقتك بجد Evil or Very Mad

وعلى فكرة بجد معظم حاجات شارع خالد حلووووووة جدا بجد وتستاهل عموما ربنا يوفقك وتلاقى كل اللى بتدورى عليه ا ش ا Neutral

diva_faraona كتب:: بصى يا روز انا جبت كوبيهات من الحاجات الاوريجنال دى وعجبتنى لان الاصلى خراب بيوت هههههه
هقولك ع اللى جبته
1-هيوجو بوس ديب ريد الحريمى جميلة وعميقة بس بعد ما تترش شوية بتهدى اوى وتبقى مش باينة ههههه
2-اورجانزا من جيفنشى على ورد بس تحسيها تقيلة وستاتى شوية
3-بلو ليدى من الرصاصى شيييييك اوى ورقيقة
4-بلاك اكس اس برفان مميز جداااااااا وبيعود ف الهدوم كتيييييير جدا حراق وحلو ف نفس الوقت ما تساليش ازاى هههههههه برفان حاد شوية بس جمييييييل اوى
5-رومبا طبعا فواحة وغنية عن التعريف
6-ليدى مليون دافية اووووى جبتها لماما وعجبتها
7-مجموعة كنزو بالوانها فانيليا على ورد مميزة وجميلة
بصى لو ليكى ف الانجلش شوية الموقع ده تكتبى اسم البرفيوم يديكى مكوناته وراى الناس فيه وانا تحت امرك ف اى ترجمة لو تحبى
http://www.fragrantica.com/
يارب اكون عرفت افيدك ولو شوية

ماشاء الله عليكى انتى موسوعه فعلا
بجد تسلميلى جربتوا البرفانات الاوريجينالز... 20726

انا كنت قاعده الصبح فعلا على الموقع دة واختارت منه البرفانات دى هوا فعلا موقع جميل وكويس اوى انك شكرتيلى فى ليدى مليون لانى مشمتهاش انا بجيبها من محل بيكون عندة التيسترات بالملى واصليه والملى على حسب كل برفان بيكون ب جنيه او جنيه ونص بس بجد بيكون ثابت جداااااا ووهمى انا جربت منه الجفنشى الجديد ماتش بلاى واليكسير

بس انا عندى سوال صغنون انا مش فاهمه يعنى ايه يعنى ايه افتتاحيه العطر وقاعدته والكلام دة مش فاهمه غير ان فى حاجة اسمها المكون الاساسى ودة طبعا ان كميته اكبر فى الميكس معلشى بقا جهله على ادى هههههههههههههه

اؤمرى يا نيرة يا قمر بصى هيا ليدى مليون دافية على سويتى كده وفيها لمحة عسل كده لو ليكى فيه
اما بالنسبة لسؤالك اى برفان اوريجنال بيتكون من 3 طبقات(فى حاجات اربعة بس نادرة) ببساطة كده ومن غير تعقيد اول طبقة هيا افتتاحية العطر top notes اول حاجة بتشميها ف البرفيوم لما يترش وقاعدة العطر base notes اللى بيتبقى منه على جلدك او ايدك لما يهدى وده اللى بيستمر معاكى the dry down
مثلا كلنا واحنا بنشترى ساعات نشم برفان ومش يعجبنا وبعدين لما نمشى نندم ونقول لما هدى بقى حلو ده بيحصل لما تعجبنا قاعدة العطر وما عجبتناش افتتاحيته والعكس بالعكس ممكن برفان يعجبك اول ما يترش وبعدين تغيرى رايك فاهمانى?يارب اكون قربتلك الفكرة يا جميلة
و ولا جهل ولا حاجة انا كنت مييييييييح خالص بامانة

شرحك جميل ومرسى جدا يا مريان جربتوا البرفانات الاوريجينالز... 855315

مش عارفه هاحبه ولا لاء لان فعلا قاعدته من العسل

» استفتاء على كل منتجات اوريفليم
» البرفانات جامده اوي
» سؤال عن البرفانات
» عينات البرفانات
» اختار ايه من البرفانات دي ؟