Oriflame Egypt نادي اعضاء اوريفليم مصر
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه

Oriflame Egypt نادي اعضاء اوريفليم مصر

نادي اوريفليم لشركة اوريفليم السويدية في مصر لارقي منتجات التجميل الطبيعية والعناية بالبشرة (منتدي خاص بالدايريكتور رشا محمد)
 
دخولبحـثالتسجيلالرئيسية

شاطر | 
 

 ياترى جدو تامر سأل توته عن ايه....!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: ياترى جدو تامر سأل توته عن ايه....!!!!   السبت يناير 21, 2012 2:07 pm

السلام عليكم ورحمه الله وبركاته
هحكى حدوته والشاطر بقى يفهم ...
ومايحلى الكلام اللى بذكر النبى عليه الصلاة والسلام
مره جد اسمه تامر كان بيتكلم مع حفيدته توته وده ان شاء الله ربنا يديكو ويدينى طولت العمر سنه 2050
وكان الحوار بنهم كالتالى:

الحفيدة : جدو تامر إزيك .. حلو البدي اللي انت لابسه ده .. بس ده موضة قديمة قوي يا جدو

الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه؟

الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدي اللي مبين البطن والظهر بس، مع البنطلون السترتش الجلد والجوانتي الجلد... كانت حاجة آخر روشنة
الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام سنة 2011م ، هو الواحد فينا كان يستجري يشم بودره قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق

الحفيدة : معقول يا جدو؟ للدرجة دي!!؟؟

الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن شبرين ونص .. وكانوا الستات يلبسوا فوقيها بلوزة باستمرار ..مش زي دلوقتي!

الحفيدة : يا خبر .. وإيه كمان ياجدو

الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي الفنان القدير مصطفى قمر ،المعجزه عمرو دياب ،وحماقى , الست هيفا,الاستاذ محمود الليسى وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ وتعمل دماغ بصحيح كانوا مطربين روشين و طحن ,واخر عشرتاشر حاجة...........



الحفيدة : وبعدين

الجد : وبعدين كنا نسمع على حاجة اسمها اسطوانات ليزر ، ودي صحيح انقرضت ، بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،،ولا mb3 كانت أيام جميلة

الحفيدة : حكاويك ممتعة قوي يا جدو .. ثانية واحدة ..



(
بعد عدة دقائق) هيه يا جدو .. وبعدين

الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 80 مليون مش أكثر ، تخيلي بقى الروقان اللي كنا فيه؟

الحفيدة : 80 مليون بس؟!!

الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وخمسين جنيه أو بستين جنيه ، وكان أتخن جوز جزمة ب 250 جنيه ، وكان الواحد يقدر يشتري شقة تمليك بـ 150 الف جنيه بس .. وكان الدولار بخمسة جنيه بس تخيلي بقى؟

الحفيدة : ما هو علشان كده كان الجواز على أيامكم كان سهل خالص

الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندنا الأفكار الغريبة اللي بتعملوها دلوقتي زي إن البنت تعاشر الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها

الحفيدة : ده انتوا كنتوا ملتزمين خالص ياجدو !!!

الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله عن أحواله .. وكانوا أهل الفن محتشمين جداً وكانوا دايماً يطلعوا بالمايوهات ، وكان لا يمكن التلفزيون يذيع في السهرة افلام للكبار فقط زي كل خميس دلوقتي ، والمذيعات كانوا يقعدوا جنب الضيف مش زى دلوقتى طبعا فهمنى.................. هيـ يـ يـ يـ ـه الله يرحم دي أيام

الحفيدة : رايح فين يا جدو

الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ .. تشاو .. سي يو

*******
تانى يوم فى نفس العام ..
سوسو صديق توته الحفيده بيكلمها فى التليفون ..

سوسو : ازيك يا توته؟
توتو : اهلا يا سوسو يا حياتى عملت ايه النهارده؟
سوسو : حاجات اوريجينال خالص خالص .. وقفت مع دادى فى المطبخ وهو بيعمل الغدا وعرفت ازاى بيطبخ اكله كان جده هو اللى علمها له .. مطرقعه باين !!
توتو : مطرقعه ايه يا سوسو !! قصدك مسقعه ..
سوسو : يوه بقى يا توته .. اهى حيره و السلام موضوع التبيخ ده .. عكعكه كده و لغوصه وحاجات ياااااااااى موت .. و شفتى دادى بيقول لى ايه !! ..
توتو : بيقول لك ايه داديك يا سوسى .. ده باين عليه لسع خالص ..
سوسو : آل ايه دادى عاوزنى انزل السوق و اشترى الخضار ..
توتو : وات؟ او مون ديو .. اما يبقى تريب يجنن ..
سوسو : تريب ايه يا توته ده عاوزنى انزل وياه كل اسبوع نبضع و نشترى ونقف مع البياعين الفالجر دول اللى يقولوا الكيلو بخمسين وانا اقول لا بأربعين ... مش عارف ازاى ممكن اتعامل مع الناس دى ..
توتو : ايوه يا حياتى .. ولد رقيق و ناعم زيك ماينفعش خالص يسمع الاصوات المزعجه دى ولا يبوظ اخلاقه بالاختلاط مع الناس دول ..
سوسو : توته يا حياتى عندى ليكى سوربريز ..
توتو : فرحنى يا موزى ..
سوسو : عزمك النهارده على اكله حلوه موت ..صنعة ايديا وحيات عينيا ..
توتو : اكلة ايه دى يا سكرتى؟
سوسو : مامة على
..
توتو : دى اكله ولا واحده بتعرفها ..
سوسو : اخص عليكى يا وحشه .. انتى عارفانى اعمل كده .. لا بجد مخاصمك ..
توتو : طيب خلاص ماتزعلش يا اطؤط
سوسو : مسامحك خلاص .. المهم انت عملتى ايه يا توته ..
توتو : ابدا .. رحت الهايكستب عشان موضوع التجنيد ده ..
سوسو : يا حرام .. وخلصتى الورق بتاعك ولا غلبوكى زى ما عملوا مع فافى اختى؟
توتو : والله طلعوا عينى .. حلفت لهم وحياة طنط بطه ان مش عندى اخوات بنات عشان آخد الاعفا مش رضيوا يسمعوا كلامى ..
سوسو : وعملتى ايه يا مسكينه؟
توتو : هاعمل ايه .. مضطره اروح مؤكتا اتدرب معاهم على نط الحبل لحد ما اثبت لهم انى بنوته وحيده مالياش اخوات بنانيت……..
سوسو : يا روحى !! تيب عشان السبيريت بتاعتك تبقى فى العلالى انا جاى معاكى عشان اسقيكى اما تعطشى .. ياااااااى .. ده اكيد الجو هيبقى حر موت .. هابقى اجيب لك الصان لوشن بتاعى ..
توتو : ميرسى يا سوستى .. كنت واثقه انى اقدر اعتمد عليك .. ياللا باى ..
سوسو : باى باى

*******
تانى اسبوع فى نفس العام ..

الحفيدة : إيه يا جدو تامر .. بقا لي زمان ما قعدتش معاك ..ْ.......
الجد : وهو أنا عارف أتلم عليكي خالص ...
االجد : مشكلتي إني ما باعرفش أزعل منك يا عكروتة ..ء وسميتوا المحروس إيه بقى ..ء
الحفيدة : سميناه (دوت كوم) ..ء
الجد : نعم .. دوت كوم؟ .. أنعم وأكرم وده بقى لما تعوزي تنادي له تدوسي (إنتر) ولا إيه بالضبط ..ء
الحفيدة : ها ها ها ها .. إيه الخفة دي يا جدو .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس (ألت وإف4) .ء

الجد: وأخدتوه من الحضانة وديتوه فين بقى؟
الحفيدة : وديناه النادي الصهيونى ..ء
الجد : النادي الصهيونى؟
الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الشؤون الاجتماعية .. وده بيعلم الأطفال حاجات ظريفة خالص ومصاريفه رخيصة جداً ..ء وبعدين الولد الكويس ممكن يبعتوه يكمل تعليم في إسرائيل على نفقة وزارة المالية ..ء
الجد : إشمعنى وزارة المالية يعني .. وإيه دخلها في الموضوع ده ..ء
الحفيدة : أنا عارفة بقى يا جدو المهم حد يتكفل بالدفع وخلاص .. أصل (ميدو بطرس غالى) وزير المالية ده راجل متفتح قوي ...
الجد : نعم .. قلتي مين ..

ميدو بطرس غالى..ء
الحفيدة : أيوه يا جدو .. إزاي مش عارف اسم وزير المالية ..ء
الجد : أنا أصلي كبرت وصحتي مش مساعداني أفتكر المعلومات دي .. طيب قولي لي .. مين وزير الإعلام دلوقتي ..ء
الحفيدة : قصدك وزيرة الإعلام يا جدو .. اسمها تيتي انس الفقى ..ء
الجد (وقد ظهرت عليه علامات التشنج والاحتقان ) : ومين وزير الثقافة ..ء
الحفيدة : نوني فاروق حسني ..
إيه الأسئلة الكتيرة دي يا جدو .. ومالك بتبص حواليك كده ...

الجد : طيب قولي لي (يقترب منها هامساً في أذنها وهو يرتجف ويسألها سؤالاً ما .. ثم يضع يده على فمها قبل أن تجيب قائلاً : قولي لي الإجابة في ودني .
..
الحفيدة (مذهولة من تصرف الجد) : حاضر يا جدو (وتهمس في إذنه بالإجابة) ...

الجد (وقد ازرق وجهه .. وتمددت أطرافه .. وأصابه التشنج والصرع )


: حسبي الله ونعم الوكيل ..حسبي الله ونعم الوكيل ..
الحفيدة : جدو .. جدو
يا تري جدو تامر سأل توته عن ايه

وخلصت الحدوته حلوه ولا بنتوته


منقول


الرجوع الى أعلى الصفحة اذهب الى الأسفل
Ran
عضو ملكي مميز
عضو ملكي مميز
avatar

انثى
عدد الرسائل : 785
العمر : 26
تاريخ التسجيل : 19/06/2011

مُساهمةموضوع: رد: ياترى جدو تامر سأل توته عن ايه....!!!!   السبت يناير 21, 2012 5:15 pm

الحدق يفهم بقى
بس حلوة confused
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ياترى جدو تامر سأل توته عن ايه....!!!!   الأحد يناير 22, 2012 8:12 am

شاطرة ياران

هعملك اشتراك فى النادى الصهيونى لمده 3 شهور شامل الجيم ووجبة كنتاكى
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ياترى جدو تامر سأل توته عن ايه....!!!!   الأحد يناير 22, 2012 8:33 am

ةاللى هيقول جدو تامر قال ايه هعمله زى ران اشتراك ووجبه
الرجوع الى أعلى الصفحة اذهب الى الأسفل
Ran
عضو ملكي مميز
عضو ملكي مميز
avatar

انثى
عدد الرسائل : 785
العمر : 26
تاريخ التسجيل : 19/06/2011

مُساهمةموضوع: رد: ياترى جدو تامر سأل توته عن ايه....!!!!   الأحد يناير 22, 2012 9:37 am

يبقى محدش هيقول What a Face
شكرا Crying or Very sad انا متنازلة عنها يا شيخة متغرميش نفسك
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ياترى جدو تامر سأل توته عن ايه....!!!!   الأحد يناير 22, 2012 9:52 am

متخفيش يا ران كلنا فدا مصر

ومفيش حاجه بتخوف خااااااااااااااااااااااااالص ولا فيه ثورة اصلا

دى كانت بروفه والعرض ان شاء الله يوم 25/1/2012 حصريا بسنيما التحرير
الرجوع الى أعلى الصفحة اذهب الى الأسفل
Ran
عضو ملكي مميز
عضو ملكي مميز
avatar

انثى
عدد الرسائل : 785
العمر : 26
تاريخ التسجيل : 19/06/2011

مُساهمةموضوع: رد: ياترى جدو تامر سأل توته عن ايه....!!!!   الأحد يناير 22, 2012 10:31 am

هو ده الكلام pirat
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ياترى جدو تامر سأل توته عن ايه....!!!!   الأحد يناير 22, 2012 12:44 pm

واضح ياران ان كله بيدخل يقرا الموضوع ومحدش بيعلق تفتكرى ليه
الرجوع الى أعلى الصفحة اذهب الى الأسفل
ساندي
عضو ملكي متألق
عضو ملكي متألق
avatar

انثى
عدد الرسائل : 1154
العمر : 30
تاريخ التسجيل : 22/03/2011

مُساهمةموضوع: رد: ياترى جدو تامر سأل توته عن ايه....!!!!   الأربعاء يناير 25, 2012 10:01 am

تسلم ايدك والله
كنت لسه بفكر في الموضوع ده امبارح
اللي هو لما نكبر هننصح احفادنا ب ايه
زي ماجدودنا ربنا يخليهم بينصحونا دلوقتي
الرجوع الى أعلى الصفحة اذهب الى الأسفل
Ran
عضو ملكي مميز
عضو ملكي مميز
avatar

انثى
عدد الرسائل : 785
العمر : 26
تاريخ التسجيل : 19/06/2011

مُساهمةموضوع: رد: ياترى جدو تامر سأل توته عن ايه....!!!!   الأربعاء يناير 25, 2012 12:48 pm

انا عارفة يا ليه لأ
( محدش فاهم حاجة خالص ) monkey drunken scratch
الرجوع الى أعلى الصفحة اذهب الى الأسفل
ليه لأ
عضو ملكي مميز
عضو ملكي مميز
avatar

انثى
عدد الرسائل : 732
العمر : 32
الدولة : القاهرة
تاريخ التسجيل : 04/09/2011

مُساهمةموضوع: رد: ياترى جدو تامر سأل توته عن ايه....!!!!   الخميس يناير 26, 2012 8:30 am

لأ كلنا فاهمين وعاملين نفسنا مش فاهمين

عبدو العبيط يعنىlol!
الرجوع الى أعلى الصفحة اذهب الى الأسفل
Ran
عضو ملكي مميز
عضو ملكي مميز
avatar

انثى
عدد الرسائل : 785
العمر : 26
تاريخ التسجيل : 19/06/2011

مُساهمةموضوع: رد: ياترى جدو تامر سأل توته عن ايه....!!!!   الخميس يناير 26, 2012 3:25 pm

ايوووووووووون
الرجوع الى أعلى الصفحة اذهب الى الأسفل
 
ياترى جدو تامر سأل توته عن ايه....!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Oriflame Egypt نادي اعضاء اوريفليم مصر :: استراحة النادي :: منتدي الترفيه والتسالي والفرفشة-
انتقل الى: