نصيحة مجربة لجمالك ....ملف متجدد

لسة واخدة شاور وحطيت لخطبيتة كدة بحبها اوى على شعرى فافتكرتكوا] [/size]نوعها ايه او شعرها وكدة علشان اللى تجرب حاجة تجرب على اساس نوع البشرة او الشعر

وانا هبتدى باللخطبيطة بتاعتى انا اولا شعرى كان ناشف واطرافة متكسرة خالص واللخطيطة دى بقة علشان تطرى الشعرى والاطراف خصوصا والحمد لله جابت نتيجة ونتيجة حلوة اوى كمان

هتحطى على شعرك ياستى ميونيز بزيت الزتون

ايون هتجيبى الميونيز وتحطى عليها معلقة زيت زتون وتحطيهم على شعرك وتدهنيه من قدام لورا بمساج بسيط زى الصورة كدة بالظبط

بس خلى بالك لو شعرك دهنى ماتخليش الميونيز يلمس جلد راسك

وبعدين تحطى على شعرك ماسك بلاستيك وجيبى فوطة ونشيفيها بالسيشوار ولفيها على البلاستيك او لو عندك الجهاز اللى بيكون فى

الكوافير ده

واغسلى شعرك بعد نص ساعة وكررى الموضوع ده مرة كل شهر

نصيحة جديدة

اذا كنتي حقاً تحبين درجة لون احمر الشفاه كما في الانبوب و لكن لا يظهر هذا اللون الحقيقي على شفاهك، اليكي هذه الخدعه البسيطه!

ضعي القليل من بودرة الاساس على شفتيكي قبل تطبيق احمر الشفاة.

بالاضافه الى ذلك، هذه الطريقة تساعد على بقاء و ثبات احمر الشفاه لمدة أطول

حلوة جداااااااااااااا انا على طول بعمل كدة

نصيحة جديدة
طريقة طبيعية لتقشير الشفاه هو فركها بالسكر!

اخلطى السكر مع زيت الزتون وافركى بيهم شفايفك بفرشاة الاسنان الطريقة دى بتشيل الجلد الميت وتنعم الشفايف جدا انا بعملها قبل مااحط الروج او الملمع ع الشفايف تبقى ناعمة ومايبانش اى جلد ميت او تشققات فيها
وعلى فكرة ساعات بعملها لباقى جسمى كمان وبحط بعدها مرطب

نصيحة جديدة
وداعاً للبقع الداكنه في الأكواع و الركب و منطقة الإبط!
طبعا ناس كتير اوى عندهم مناطق غامقة فى الجسم وصفة النهاردة بقة هى انك تجيبى عصير اللمون وتحطى عليه بودرة بيكربونات الصوديوم وتفركى بيهم المنطقة كويس وسيبيها لمدة ساعة وبعدين تغسليها وحطى كريم مرطب هتلاقى مع المدرامة المناطق دى افتحت جدااااااااا وعن تجربة
او
زبدة الكاكاو الخااااااااام اللى بتتباع عند العطارين دى بتجيبيها تسيحيها شوية على النار
وبتحطيها على المنطقة الغامقة حطيها الصبح وبالليل وبانتظام او على قد ماتقدرى بجد رهييييبة
وكمان على فكرة اللى عندها خطوطو بيضا بتساعد كتير جدااا على انها تختفى

وصفة جديدة
اااااااه ياشعرى يامغلبنى
انتى ....ايوة انتى . ..شعرك خفيف وبقة بيتعد بالواحدة
شعرك مش بيطول وبيتقصف
شعرك منحول من قدام وفى فوارق

وصفة النهاردة
هتروحى ياستى لاى عطار مشهور يعنى حاجته اصلية انا عن نفسى بجيب من عند حراز اللى فى باب الخلق او اولاد رجب
المهم هتخليه يحطلك زيت جرجير على زيت خردل على زيت اكليل الجبل ...لييييه بقة
الجرجير بيتقل الشعر جداااااا وبيخليكى مش قادرة تسرحيه
الخردل ليه مفعول السحر فى تطويل الشعر
اكليل الجبل بيملى مكان الشعر المنحول
...................
خلاص خدنا الازازة اللى فيها التلاتة مع بعض هتروحى البيت تقشرى كام فص توم كدة
وتخلطيهم مع الزيوت دى فى الخلاط لان الثوم بيفتح مسامات فروة الراس ويخليها تتشرب الزيوت بسرعة وكمان بيتقل الشعر
(على فكرة ممكن تحطيهم من غير توم زى ماتحبى بس انا بحطه )
هتحطيهم ازاااااااااى بقة علشان شعرك يستفاد منهم صح ومنغرقش شعرنا على الفاضى ؟؟؟
هتصبى شوية فى كف ايدك وبصوابع ايدك التانية تبليهم وتدهنى فروة راسك كانك بتعمليلها مساج كدة وبعدين تدهنى الاطراف
حطيه قبل ماتنامى ولمى شعرك او ضفريه واغسليه تانى يوم على المغرب كدة
وجربيه انا عن نفسى الحمد لله النتيجة بدات تظهر بعد اقل من شهر
........نصيحة لوجه الله بالنسبة للمتزوجات اوعىىى تحطى الوصفة دى اللى فيها توم وجوزك فى البيت لانك بتبقى متتبلة وجاهزة على القلية ...انا مش مسئولى عن اى رد فعل هياخده بعد عشرة العمر
بالنسبة للبنانيت اللى لسة بقة ...حطى يابنتى وعيشى اهالينا وقدرهم يستحملونا بتومنا وجرجيرنا