ازاى هتقبلى عريسك لأول مرة؟؟؟؟؟؟؟؟؟؟

إزاي هتقابلي عريسك لأول مرة؟..

هناك قاعدة تقول إن

الانطباع الأول يدوم

يعني الفكرة اللي هياخدها عنك الشاب اللي جاي ده في أول لقاء هيترتب عليها حاجات كتير أوووي نفس الشيء بالنسبة ليك الفكرة اللي هتاخديها عنه من أول مرة هيترتب عليها حاجات كتير أوووي

علشان كده عايزك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب

طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل واحدة تضحك علي ومحدش قال لي كلمة مفيدة أقدر أستفيد بيها

ماتخافيش.. إحنا دلوقتي هنمشي معاكي خطوة خطوة ونقول لك تعملي إيه

*******

الخطوة الأولى

جهزي نفسك نفسيا ومظهريا

1-

علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك

2-

حاولي على قد ما تقدري تخلي أعصابك هادية جدا وتبعدي عن أي مصدر قلق أو توتر.. علشان التوتر ممكن يبان على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي

3- بعد كده ادخلي الأوضة عندك وابدأي في اختيار لبسك.. وعلى فكرة النقطة دي بتحير بنات كتيييير أووووي لأنهم بيحتاورا يلبسوا كلاسيك ولا لبس عادي

بس بيني وبينك ياريت أول مرة دي تلبسي لبسك العادي اللي انتي بتلبسيه وأنت خارجة.. يعني لو كنت بتلبسي بنطلون وبلوزة البسيهم بس ياريت البنطلون يكون قماش مش جينز أو لو كنت بتلبسي جوب وبلوزة البسيهم برضه وده علشان يشوفك على طبيعتك في اللبس وبلاش موضوع إنك تلبسي بدلة لأن دي هتخلي الحكاية تبقى رسمي أوووي وممكن تبينك أكبر من سنك

واوعي تنسي تختاري الألوان اللي تكون مناسبة عليك وتنور وشك

4-

لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم

5- ياريت في اليوم ده ما تكتريش في المكياج علشان ما تبقيش عاملة زي البلياتشو.. وخليك بسيطة جدا في مكياجك يعني كفاية أووي إنك تحطي روج وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي جدا إن وشك هيحمر في اليوم ده فمش هتحتاجي لأحمر الخدود لأنه هيكون موجود طبيعي

6- خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي

أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده

*******

الخطوة التانية

أثناء اللقاء نفسه

1- بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين.. كفاية قووي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليكي واثقة من نفسك وخدي الموضوع ببساطة علشان يعدي

2- لو مامته جات معاه ياريت تخلي بالك منها وبلاش تكشري في وشها وهي قاعدة.. خليكي مبتسمة ليها دايما حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها وخليكي ذكية وفكري في كل كلمة قبل ماتقوليها

3-

وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه

4-

لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك

5-

خليكي جريئة ولو وجه لك الكلام ردي عليه بذوق من غير كسوف

*******

كمان خدي بالك أوووي

1-

لو سمحت الظروف وقعدتوا مع بعض ياريت تتكلمي معاه في أمور عادية جدا.. زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك.. ولو تطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه

واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة

2-

لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه

*******

الخطوة الثالثة

بعد انتهاء اللقاء

بعد ما يمشوا عايزاكي تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو بسيطة هتكون بانت قدامك ولو مش قادرة تحكمي كويس ياريت تطلبي لقاء تاني علشان تقدري تحكمي على أساس صح.. وربنا يوفقك

وعقبالى انا وكل البنات قولوا امييييييييييييييييييييين

اميييييين يا ليه لاا

Razz

امين يارب انتى وكل البنات
بس اكتر حاجة عجبانى في الموضوع دة اول نقطة انتى اتكلمتى فيها لان فعلا كل البنات دلوقتى يقلولك هوة انا فرجة وبعتبروها حاجة بتقلل منهم
ازاى هتقبلى عريسك لأول مرة؟؟؟؟؟؟؟؟؟؟ 835125

ازاى هتقبلى عريسك لأول مرة؟؟؟؟؟؟؟؟؟؟ 835125

اميـــــــــــــــــــــــــــــــــــــــــــــــــــــــــــــــــن
Like a Star @ heaven

rose_elmansoura كتب:: اميييييين يا ليه لاا

شكرا ياروز ازاى هتقبلى عريسك لأول مرة؟؟؟؟؟؟؟؟؟؟ 20726

emy star كتب:: امين يارب انتى وكل البنات
بس اكتر حاجة عجبانى في الموضوع دة اول نقطة انتى اتكلمتى فيها لان فعلا كل البنات دلوقتى يقلولك هوة انا فرجة وبعتبروها حاجة بتقلل منهم

شكرا يا ايمى ربنا يكرمك فعلا يا ايمى دى حاجة متقللش من البنت وزى ما الشاب هيتعرف عليها هى كمان هتتعرف عليه وممكن هو ما يناسبهاش وفى مقابلات كتيييييييييييييييييييييييير بتنجح وبتنتهى بالجواز وبيحبو بعض جداااااااااااااااا كأنهم كانوا يعرفوا بعض من فترة وفى الأول والأخر كل شئ نصيب ولو لينا نصيب فى العريس اكيد هنتجوزو ولو مفيش نصيب لو حاصل ايه مستحيل نتجوزو ربنا يكرم ويرزقنا بالأزواج الصالحين

moly كتب:: اميـــــــــــــــــــــــــــــــــــــــــــــــــــــــــــــــــن

شكرا مولى

ربنا يرزقك بعريس يهنيك و يسعدك و تسعديه
ازاى هتقبلى عريسك لأول مرة؟؟؟؟؟؟؟؟؟؟ 27231

الموضوع جميل جدا بس يا جماعه مش معايا ان الكلام ده كان ممكن يكون صح بس من عشريين سنه !!!!!!!!!!!!!!! bounce

دلواتي اكتر من 80 % من الارتباط بيكون عن سابق معرفه I love you

يعني جواز الصالونات ده بئه نادر
ودلواتي البنت والشاب بيكونوا متفقين على اهله واهلها ومرتبين الاتفاق اللي يناسبهم وايه اللي هيعملوه مع اهلهم Basketball

وحكايه احمر الخدود دي هي فعلا هتحمر بس من الغيظ من حمتها ههههههههههههههه confused

حلوووووووووووووووووووووا يا نرمين

ملعوبه ازاى هتقبلى عريسك لأول مرة؟؟؟؟؟؟؟؟؟؟ 747496

م.هالة كتب:: ربنا يرزقك بعريس يهنيك و يسعدك و تسعديه

شكرا يا مدام هالة ربنا يكرمك دعواتك بقى ازاى هتقبلى عريسك لأول مرة؟؟؟؟؟؟؟؟؟؟ 855315

nermin abdalla2000 كتب:: الموضوع جميل جدا بس يا جماعه مش معايا ان الكلام ده كان ممكن يكون صح بس من عشريين سنه !!!!!!!!!!!!!!!
دلواتي اكتر من 80 % من الارتباط بيكون عن سابق معرفه
يعني جواز الصالونات ده بئه نادر
ودلواتي البنت والشاب بيكونوا متفقين على اهله واهلها ومرتبين الاتفاق اللي يناسبهم وايه اللي هيعملوه مع اهلهم
وحكايه احمر الخدود دي هي فعلا هتحمر بس من الغيظ من حمتها ههههههههههههههه

عندك حق ان موضوع جواز الصالونات ده قليل بس انا قابلت ناس كتيييييير اتجوزو صالونات ونجحوا جدا وبيحبو بعض قوى وناس اتجوزوا عن حب وبعد الجواز الناس كل يوم بتسمع صوتهم اللى جايب لأخر الشارع فى الاول كلو نصيب

اشكرك علي كلامك وده هيفدني كثير خصوصا بعد المقابله لان السؤال الي بيتسال ايه رايك ؟وانا مش عرفه ارد عليهم وعيزه اتكلم مع ماما الاول ممكن نصايح من ده كمان بخصوص الاسئله اسئله ايه في اول لقاء ؟؟؟؟؟؟؟

اشكرك جدا

عقبالك يارب يا ليه لا وعقبال كل البنات يارب ويسعدكوا ويفرحكوا كده ان شاء الله قريب ازاى هتقبلى عريسك لأول مرة؟؟؟؟؟؟؟؟؟؟ 855315

heart_lava كتب:: اشكرك علي كلامك وده هيفدني كثير خصوصا بعد المقابله لان السؤال الي بيتسال ايه رايك ؟وانا مش عرفه ارد عليهم وعيزه اتكلم مع ماما الاول ممكن نصايح من ده كمان بخصوص الاسئله اسئله ايه في اول لقاء ؟؟؟؟؟؟؟

اشكرك جدا

ربنا يكرمك يا هارت ويوفقك فى حياتك ويرزقك الزوج الصالح

cute.girl كتب:: عقبالك يارب يا ليه لا وعقبال كل البنات يارب ويسعدكوا ويفرحكوا كده ان شاء الله قريب

شكرا يا كيوت ربنا يكرمك وعقبالك انتى كمان ربنا يرزقك الزوج الصالح

الموضوع جااااامد موووووووووت

وربنا يرزقني ويرزقك ويرزق كل المسلمين بالزوج الصالح ياااااااااااااارب

شكرا جدا على الموضوع الرائع

بس كنت عايزة اضيف حاجة صغيرة جدا بس مهمه جدا جدا جدا

قبل ماتشوف العريس فى حاجة قالنا عليها سيدنا النبى

صلاة الاستخارة

ودى اهم حاجة اعمليها وتوكلى على الله وبعد كده شوفية وهايبان من الاول

لانك وكلتى ربنا اكيد ربنا هايختارلك الصح

ومن يتوكل على الله فهو حسبة

ازاى هتقبلى عريسك لأول مرة؟؟؟؟؟؟؟؟؟؟ 885172

ازاى هتقبلى عريسك لأول مرة؟؟؟؟؟؟؟؟؟؟ 885172

ليه لأ كتب:

nermin abdalla2000 كتب:: الموضوع جميل جدا بس يا جماعه مش معايا ان الكلام ده كان ممكن يكون صح بس من عشريين سنه !!!!!!!!!!!!!!!
دلواتي اكتر من 80 % من الارتباط بيكون عن سابق معرفه
يعني جواز الصالونات ده بئه نادر
ودلواتي البنت والشاب بيكونوا متفقين على اهله واهلها ومرتبين الاتفاق اللي يناسبهم وايه اللي هيعملوه مع اهلهم
وحكايه احمر الخدود دي هي فعلا هتحمر بس من الغيظ من حمتها ههههههههههههههه

عندك حق ان موضوع جواز الصالونات ده قليل بس انا قابلت ناس كتيييييير اتجوزو صالونات ونجحوا جدا وبيحبو بعض قوى وناس اتجوزوا عن حب وبعد الجواز الناس كل يوم بتسمع صوتهم اللى جايب لأخر الشارع فى الاول كلو نصيب

مش كل الجواز بينجح سواء كان صالونات او عن حب بيتوقف على اخلاق و طباع الاتنين لو العريس رايح يتفرج على اى واحدة حلوة يخطبها ممكن يسيبها لما يلاقى واحدة احلى او يسيبها بعد الجواز و بتكون مشكلة اكبر و لو حتى عن حب ممكن يحب حد تانى من صحباته او ممكن يكون مش متاكد من مشاعره بعد الجواز و هكذا مع البنات بس مش كلهم اهم حاجه يكون للبنت شخصيتها و هتلاقى اللى يحبها زى ما هى

[quote="hend_dodo"]الموضوع جااااامد موووووووووت

وربنا يرزقني ويرزقك ويرزق كل المسلمين بالزوج الصالح ياااااااااااااارب

اميييييييييييييييييييين

Hana sayed كتب:: شكرا جدا على الموضوع الرائع

بس كنت عايزة اضيف حاجة صغيرة جدا بس مهمه جدا جدا جدا

قبل ماتشوف العريس فى حاجة قالنا عليها سيدنا النبى

صلاة الاستخارة

ودى اهم حاجة اعمليها وتوكلى على الله وبعد كده شوفية وهايبان من الاول

لانك وكلتى ربنا اكيد ربنا هايختارلك الصح

ومن يتوكل على الله فهو حسبة

عندك حق ياقمر انا لما فعلا بصلى صلاة الاستخارة وبتوكل على الله وفعلا ربنا بيكرمنى وباخد قرارات ومع الوقت بيطلع اللى انا اختارتو هو اللى صح وبحس ان ربنا بيخلينى مش ندمانة ولا مضايقة يعنى ينزل عليه السكينة

جميل اوى الكلام دة بس مفيش حاجة للعريس الغلبان دة ملوش نفس

فعلا ياجماعه اهم حاجه نكون قريبين من ربنا عشان يكرمنا

» هل تحممين طفلك لأول مرة ؟ إليك هذه النصائح ..
» امرأة عاملة لأول مرة ..إليك هذه النصائح
» ازاى انزل صور
» ال 100 نقطة....ازاى؟
» أعرف ازاى ؟!!