يابنات ساعدونى

موضوع: يابنات ساعدونى السبت أكتوبر 22, 2011 8:09 am

ازاى اعرف مكافاه الشهور اللى فاتت كانت كام من النت

يعنى الشهر اللى فات كانت مكافاتى كام
واللى قبله
ياريت حد يفيدنى

مش عارفة بس انا كمان عاوزة اعرف

ممكن مدام هالة هتفيدنا ان شاء الله

ياريت ياهند محتاجه اعرف بجد
لانى انا بعمل الاوردر يوم واحد فى الشهر والمكافاه بتنزل يوم 7
ليا 3 شهور بعمل اوردر من غير مكافاه وبعمل نقط كتير شهر عمت فيه 900 نقطه وشهر تانى الف وحاجه والكتالوج اللى خلص ده عملت 800 وحاجه
محتاجه اعرف علشان اخدها
انا فاكره اخر مره اخدت المكافاه من اربع شهور اخدتها 180 ج وبعدها معرفش حاجه تانى

ياريت لو مدام هاله دخلت تقولنا
وفى حاجه انا كنت بتعامل اجل علشان كده المكافاه كانت بتتخصم من الفاتوره دلوقتى ليا كذا شهر بتعامل كاش
ازاى اخد مكافاتى وانا من البحر الاحمر

هقولك ياحبيبتي

افتحي
quick links

وبعدين اختاري تحميل التقارير

وبعدين
new activity report

هتلاقي عندك في الجمب
period

وجمبها الشهر اضغطي ع السهم وغيريه براحتك
وبعدين
show report

هتلاقي المكافأه مكتوبه قدام

discount

لو في حاجه مش مفهومه عرفيني

بالنسبه لانك تاخدي مكافأتك
كلمي الدايركتور بتاعك وهي لما بتسافر القاهره بتعملك الفيزا بتستلمي بيها مكافأتك
وبتتكلف 20 جنيه

او ممكن تكلمي الخط الساخن
وقولي عاوزه استاذ ابراهيم عيد هو المسؤل عن الفيزا

منا ياساندى فكرت اعمل الفيزا دى
بس الاعضاء اللى تحتى كمان عاوين مكافاتهم ونفس نظامى
ومحتارين

معلش ياساندى انا وصلت وعرفت المكافاه اعرف ازاى اذا كان انا استلمتها او لا

شكرا يا ساندي على التوضيح

واحب اضيف ان المكافات اللي اقل من 40 جنيه بتتخصم من الطلبيات اتوماتيك

اما اكتر من 40 جنيه ليها اكثر من حل

اما تقبض كاش من الفرع عن طريق العضو او الدايركتور

واما تكلمي المحاسب بالتليفون الاستاذ ابراهيم عيد يحولها على حسابك في الشركة وتتخصم اتوماتيك بعد كده من الاوردر

واما تطلبي عملي فيزا عن طريق ارسال صورة البطاقة للاستاذ ابراهيم عيد

واستلام الفيزا بيكون عن طريق العضو نفسه او اقارب الدرجة الاولى

واما عن طريق الدايركتور

او يكون عندك حساب شخصي بنك سي اي بي( البنك التجاري الدولي ) وتطلبي تحويل المكافاة عليه

ميرسى استاذ عصام للتوضيح انا كل ده فاهماه بس انا بعمل اوردراتى كاش واول يوم فى الشهر يعنى قبل المكافات مابتنزل ومحتاره اخد مكافاتى ازاى ونادر لما بنزل القاهره خصوصا بعد الثوره علشان اعمل فيزا او
استلمها

والدايركتور بتاعتى ربنا يسامحها حتى برنامج الترحيب مش بتبلغنى بيه

شكرا يا ساندى على التوضيح
جزاك الله كل خير
يابنات ساعدونى 363247

و جزاك الله كل خير يا استاذ عصام
على المعلومات و الشرح الوافى
يابنات ساعدونى 807978

sasooo كتب:: ميرسى استاذ عصام للتوضيح انا كل ده فاهماه بس انا بعمل اوردراتى كاش واول يوم فى الشهر يعنى قبل المكافات مابتنزل ومحتاره اخد مكافاتى ازاى ونادر لما بنزل القاهره خصوصا بعد الثوره علشان اعمل فيزا او
استلمها

والدايركتور بتاعتى ربنا يسامحها حتى برنامج الترحيب مش بتبلغنى بيه

فكرة حساب فى البنك دى كويسة يا ساسو هى تتحول ليك و كل فترة تروحى تستلميها
بس مش عارفة البحر الاحمر فيه فرع و لا لأ

العفو يا استاذ عصام

وواضح ان المشكله في الدايركتور

وانتي ممكن لو عند قرايب في القاهره يقدروا يستلموها

فى فرع فى الغردقه
وفى فرع فى السويس وانا بنزل السويس دايما
شكلى حعمل الفيزا وخلاص

بس ياريت يابنات حد يقولى ازاى اعرف ان كنت استلمت المكافاه او لا

وشكرا ليكى ياساندى هى فعلا المشكله فى الدايركتور بتاعتى ونفسى انقل عضويتى من تحتها لانها متستهلش

الفيزا ممكن تسحب من اي مكنة صرافة من اي بنك

مش لازم بنك السي اي بي مع رسوم بسيطة تختلف من بنك لاخر

اما ماكينة السي اي بي بدون اي مصاريف

ميرسى ليك استاذ عصام
بس ليه محدش جاوب على استفسارى ازاى اعرف من النت اذا كان اخدت المكافاه ولا لا

sasooo كتب:: فى فرع فى الغردقه
وفى فرع فى السويس وانا بنزل السويس دايما
شكلى حعمل الفيزا وخلاص

بس ياريت يابنات حد يقولى ازاى اعرف ان كنت استلمت المكافاه او لا

وشكرا ليكى ياساندى هى فعلا المشكله فى الدايركتور بتاعتى ونفسى انقل عضويتى من تحتها لانها متستهلش

فى الموقع مش باين فرق يا ساسو هما بيكتبوا المكافئة بس مش بيكون واضح صرفتيها و لا لأ
كلمى استاذ إبراهيم عيد فى الحسابات و ممكن يساعدك بإذن الله
انا دخلت موقع بنك CIB و دى اماكن ماكينات ال ATM فى البحر الاحمر و القنال
http://www.cibeg.com/en/Pages/ATMLocation.aspx?City=Canaland R.Sea&Loc=

اعملى نسخ للينك بالكامل لان الجزء بتاع and R.sea&Loc= مش ضابط فى الضغط المباشر

و ما شاء الله عددها كبير بس مش عارفة ON SITE , OFF SITE اللى على الجنب هل ده معناها شغالة و مش شغالة و لا إيه
عموما ممكن تسحبى من اى ماكينة برسوم إضافية لو ده هيكون اسهل لك
بس بإذن الله يكون فى ماكينة قريبة منك للبنك نفسه

متزعليش يا ساسو واضح انك لازم تسالي عن طريق التليفون اذاكانت المكافاة بتاعتك موجودة ولا اتصرفت ومفيش طريقة عن طريق النت كمان حاول ي تخلي اخ ليكي يساعدك وتروحي تستلمي الفيزا من القاهرة بنفسك طالما ان الليدر بتعتك مكبرة الجمجمة

ربنا معاكي وطمنينا عملتي ايه

ميرسى ليكم جدا يابنات تسلمولى يا احلى منتدى

انا عصرت على نفسى ليمونه وكلمت الدايركتور بتاعتى قالتلى انا مستلمتش اى مكافاه ليكى
قالتلى انها حتنزل الشركه وتشوفهالى
مضطره اخليها تستلمهالى وابعت اى حد ياخدها

وياريت يا استاذ عصام الموضوع ده يتناقش فى الاجتماعات فى الشركه
على الاقل يبعتوه عن طريق البريد او اى بنك غير البنك ده
يعنى بنك اهلى او مصر واعتقد مفيش بلد مفيهاش البنكين دول