في حاجة تنفع لاثار حب الشباب و المسامات ؟؟

اللى اعرفه من بره اوريفليم هوه رتين ايه تحطيه بس لو مش فيه حبوب يعني لما الحباية تروح ويتبقى اثر ليها تحطي نقطة بس ع الاثر لمدة 10 دقايق فى مكان ضلمة وبعدين تمسحيه بمنديل كل يوم قبل ما تنامى تعملى كده
ده لاثر الحبوب مش للمسام الواسعة

شكرا جزيلا يااختي حتى انا سمعت عن ده و سمعت عن دالاسين تي
عايزة اعرف لو في حاجة تنفع للمسامات الواسعة

للمسامات الواسعه ممكن تروحى للصيدلانى او الافضل انك نكشفى

رحت الدكتور و الصيدلاني الدكتور قالي لازم لايزر و الصيدلاني وصفلي دواء ممنوش فايدة

بصى ياسارة انا كنت زيك كده زمااااااان وشى فيه حبوب وبتسيب اثر ومسام واسعة وكنت بحط كل يوم بليل قبل ما انام على اثار الحبوب زيت خروع وبعمل ماسكان الترمس المطحون(معلقة ترمس مطحون ومعلقة زبادى ونقطتيتين ليمون وزيهم ماء ورد ولو الماسك لقتيه تقيل زودى ماء الورد يعنى لازم يبقى عامل زى اكل لاطفال انا بعمله فى الاسبوع مرة او مرتين مع وماسكات الطمى المغربى (معلقتين طمى مغربى من عند العطارومعلقتين ورد مجفف من عند العطار وحبه قرنفل ورشه صغيره شبه يعنى طرف معلقة صغيره متحطيش كتير علشان ممكن تحشى بحرقان فى وشك وبطحنهم كلهم فى المطحنة علشان يبقو بودر وبخلطهم بماء الورد لحد ما احس انو ممكن يتفرد على الوش يعنى بحط حوالى 3 معالق كبيرة ماء وردوبقلبهم وافرده على الوجه كله ما عدا العين والرقبه ممكن تحسى بحرقان خفيف فى وشك لو خفيف عادى لو استمر وزاد الحرقان اغسلى وشك ومتستخدمالماسك دة تانى علشان الماسك دة نفع معايه وصاحبتى برضو بشرتها دهنيه بس منفعش معاها وتسيبى الماسك 10 دقايق وتشيليه بسفنجة مبلوله براحهوتغسلى وشك وتحطى ماء ورد علشان يقفل المسام ...نسيت اقولك انى بحط ماء الورد فى التلاجة علشان تبقى ساقعة وكدة بتقفل المسام وتخليكى منتعشة والاثاراللى فى وشى فى منها اللى خف وفى اللى اختفة بس بصراحه مش عارفة ايه من الماسكات اللى جاب مفعول...
اما المسام...بعد مابغسل وشى فى اى وقت بحط فى ايدى شوية ماء ورد ايفا وامسح وشى بيهم من الصيدليه ب 3.5ج ومع الوقت المسام بقت ضيقة بس انا بستخدم ماء الورد والمسكات بقالى كتيييييييرمداومه عليهم من سنتين يعنى لازم تدومى على الحاجة ومزهقيش وأن شاء الله يجيبو نتيجة

يا بنات أنا جاوبت كتير عالموضوع دة وبجد صدقونى دة أحسن حل جلسات الليزر وبردة مفيش خوف منها بجد عن تجربة مع ناس كتير
دة غير البشرة الدهنية رغم أنك تحسى أنها تستحمل التعامل بالمقشرات وكدة وهى لا تماما زيها زى البشرة الحساسة تماما عيزة معاملة خاااااااااصة جدا صدقونى وأستشيرو دكتور هيكون أحسن ليكو بجد بس يكون متخصص ومشهور فالحجات دى بالذات
وأسمع عنكم خير أن شاء الله

sad angel كتب:

يا بنات أنا جاوبت كتير عالموضوع دة وبجد صدقونى دة أحسن حل جلسات الليزر وبردة مفيش خوف منها بجد عن تجربة مع ناس كتير
دة غير البشرة الدهنية رغم أنك تحسى أنها تستحمل التعامل بالمقشرات وكدة وهى لا تماما زيها زى البشرة الحساسة تماما عيزة معاملة خاااااااااصة جدا صدقونى وأستشيرو دكتور هيكون أحسن ليكو بجد بس يكون متخصص ومشهور فالحجات دى بالذات
وأسمع عنكم خير أن شاء الله

لو سمحتى يا ساد انا سالتك قبل كده على الموضوع ده وكنت عاوزة اعرف منك اسم وعنوان الدكتور اللى صاحبتك راحت عنده

بصراحة جلسة الليزر غالية اوي و انا مش مستعدالها دلوقتي
و انا دلوقتي مش عايشة فمصر و هنا عندنا الجلسة اكثر من 2000 دولار
و كمان الدكتور قالي انتي بشرتك حساسة ممكن تنفعك الجلسة ممكن مش تنفع معاكي
يعني تصوري افسد 2000 دولار على احتمال 50 في المية ؟؟
و مقدرش اسافر مصر في الوقت الحالي لاني بشتغل هنا
فقلت ممكن في تونر اوريفلام يسد المسامات
قالولي بنات على خلطة اسكينول مع حبوب دلاسين بس مش عارفة هتعملي ايه مع المسامات
ليه لا شكرا ليكي اوي بالنسبة للطمي المغربي و الحاجات المغربية ابدا مش بتناسبني
استعملت الطمي و الصابون المغربي و صابون طاووس هيجولي الحبوب
لان بشرتي حساسة جدا اي حاجة بتتحسس منها
و الطمي خشن اوي على البشرة
بالنسبة لخلطة الترمس هجربها ان شاء الله
انا مكانش عندي مسامات بس بشرتي فجاة قلبت دهنية لاني كنت مهملاها اوي ربنا يسامحني بس
طب بنات في منكم جربت ماسك و سكراب سويديش سبا
تنصحوني استعملهم الاثنين ولا ممكن يضروني ؟؟ و ايه افضل تونر بيور سكين ولا اوبتيمالز فريشين تونر ؟؟

بصي تونر مجموعه اوبيتمالز بتاعة التفتيح حلو جدا وبتاع كلين اند كلير كمان
وماسك وسكرب وسيرم سويدش سبا انا بستعملهم علي طول تحفه

وياريت مش تستخدمي ميه ورد لانها اصلا بتفتح المسامات

معقول يا سندي مية ورد بتفتح مسامات ؟؟ المعلومة دي خاطئة عندك انا كل ما بحط مية ورد بلاقي المسامات اتقفلت و كمان ناس كثيرة بتقول كده
بالنسبة لكلين كلير بصراحة اوحش منتجات استعملتها فحياتي اومال المسامات دي مين عملهالي غيرها
قلت اجرب غسول سيتافيل و كريم سيتافيل المرطب و منتج من روك و حاجات ثانية
بالنسبة للتونر زي ما قولتي هشتري ان شاء الله من اوبتيمالز

لقيت فونديشن من ميبلين اخفتلي المسامات تماما
طبعا مؤقتا

طيب يا جماعه حد يعرف جلسات الليزر دي ممكن تتعمل فين وبتكلف تقريبا كام في مصر اللي يعرف يا ريت يعرفنا

nermin abdalla2000 كتب:

طيب يا جماعه حد يعرف جلسات الليزر دي ممكن تتعمل فين وبتكلف تقريبا كام في مصر اللي يعرف يا ريت يعرفنا

ياااه يا ريتني اروح مصر بس روحي عند الدكتور محمد احمد الروبي ده عملت عنده زرع شعر و الشعر دلوقتي تمااام كمان عملت عنده تعديل الدقن بالدهون السميكة و الكلام ده من 4 سنين و لسا دلوقتي الذقن زي ما هو ابحثي عنه في غوغل و خشي موقعه ده دكتور شاطر اوي