رجاء لمدام رشا و أستاذ عصام

بصي يابيور سكين هقولك حاجة

اولا شكرا علي موضوعك وعلي روحك الحلوة

ثانيا بالنسبة ل لولا هي غلطت في مدام رشا

بالنسبة للباقي في منهم حط فيس بوك وفي منهم حط اميل وفي منهم حط كود شخصي
ومدام رشا حزرت كتير جدا في الموضوع اكتر من مرة وهما شافو بنفسهم وكانو بيزعقو لاي حد يحط لينك

ثالثا مدام رشا مسامحة في كل ده وقالت ال هيتصل بيها هيرجع بس هتفهمه علي كل حاجة

ربعا مدام رشا كانت مشغولة الفترة الفاتت واكيد معاها حق عندها ماشا الله 3 اولاد وكلهم صغيرين والمدارس وكدة ده غير طبعا انها ما شاء الله ديراكتور لازم بتروح الشركة علطول ويتعمل اجتماعات ولقاءات ده غير طبعا مسئولية بيتها ونفس القصة استاذ عصام

بس عاوزة اقولك انهم بيتابعو المنتدي كويس جدا بس مش لازم يظهرو وبيتدخلو في الوقت المناسب

اخيرا انا اكيد نفسي الكل يرجع لان في منهم ناس اصحابي وانا بحب الجميع هنا وربنا يصلح الحال ان شاء الله

والله يابيور نفس الشعور انا معرفش حد هنا شخصيا وكلكم حبيتكم في الله وكلكم اخواتي وانا اصلا سايبة حاجات كتيرة عندي اهم من اورفليم علشان بس اكون معاكم وربنا يعمل للجميع الخير باذن الله ويصلح الحال

انا معاكى يابيور وكلامك صح وبشكرك على الموضوع وعلى الاسلوب

وانا كمان حبيتكم كلكم زى اخواتى وبستفاد منكم فى حاجات كتير يمكن كمان بقعد معاكم اكتر من اخواتى وانا فى الحياة معنديش صحاب وبعتبركوا كلكوا صحابى واخواتى

وان شاء الله كل اصحابنا يرجعوا وتفضل روح التعاون والمحبة اللى مابنا وربنا ميجبش زعل ابدا

بيور حبيبتي اشكرك الاول علي احساسك
ثانيا انتي بتتكلمي بجد ؟؟
انتي فاكره يعني شخص بعد ماينطرد ويييجي اللي طرده يقول انا عفوت عنك وهرجعك
بشرط تسمع الكلام وتبقي مؤدب يقوم هو جاي جري !!!!

بصي انا مش بتكلم علي مدام رشا انا ربنا يشهد بتكلم كلام عام

انا معرفش اصلا مين اللي انطرد غير لولا ونادر

ومعرفش سبب الطرد ولا مين فيهم كتب كوده ولا كلام من ده

بس ربنا يشهد انا زمان كنت بعتبر المنتدي مجرد وسيلة لمعرفة الاخبار
ومكنش بينزل فيه اي مواضيع جديده غير اول كل شهر او لما بتكون في عروض

وربنا يشهد كم المواضيع اللي بقت تتعمل بعد ما الاعضاء دول دخلوا المنتدي
وبجد انا كنت بتابع من بعيد بس اتشجعت اعمل عضويه
لاني حسيت انه بقي - منتدي - وبقي فيه روح وناس غير اصحاب المنتدي

غير ان المواضيع دي فادتني جدا جدا في معرفة منتجات الشركه وتجارب الناس ورأيهم
وكمان تشجعيهم الواحد بدأ يبطل يجيب حاجات ملهاش لازمه ويبقي منظم

وفي الاول وفي الاخر ربنا يهدينا جميعا

انا بشكرك يا مدام رشا على تواصلك و ربنا يخليلك أولادك و يحميهم و تفرحي بيهم يارب و إن شاء الله ربنا يوفقك للخير و يارب فعلاً نشوف تغيير للأحسن في المنتدى و أكيد كلنا بنتمنى نشوف المحاضرات و الشروحات الجديدة و أكيد كلنا هنسعد و هنستفيد بدا
أما بالنسبة لكلام ساندي فأكيد قصدها انهم هيكونوا متضايقين هما كمان لأن طردهم كان شئ غير متوقع و انا واثقة انهم كانوا بيعتبروا المنتدى بيتهم و صعب اكيد اني اطرد من بيتي و ارجعلوا بسهولة
عموماً أنا بتمنى لو كانوا يقدروا يشوفوا الكلام ده يتصلوا بمدام رشا و يرجعوا لأننا فعلاً بنعزهم كلهم وعايزينهم معانا و في النهاية أنا بتمنى الخير و التوفيق ليهم و للمنتدى
كيوت انتي فعلاً اختنا الصغيرة و اكيد يسعدنا وجودك معانا و اعتبرينا كلنا اصحابك يا قمر

بتمنى للجميع كل الخير و التوفيق و مع خالص تحياتي و تقديري

تمام يا بنات هى مدام رشا قلتلكم أخت كبيرة واللى حصل توجية مش أكتر وكلنا بنتعلم

شكراً يا رورا و يا ساد و يا م.هالة على تواصلكم
انا فعلاً الأسبوع اللي فات مدخلتش المنتدى كتير زي ما رورا قالت و انا طبعاً سعيدة بأن مدام رشا جزاها الله خير رجعت عضوية ريهام و نرمين و بشكرها جداً جداً جداً على دا و ياااااااااارب لولا و نادر يتصلوا بيها و يرجعوا هما كمان معانا و ربنا يديم الود بينا كلنا و يصلح كل الأحوال مع خالص تحياتي ليكم كلكم

امين يارب العالمين

انا كمان الاسبوع اللى فات كنت مشغوله ومش بدخل كتير ومعرفش ايه اللى حصل بس انا زعلانه اوى عشان لولا ونادر ويارب يرجعو بسرعه لانى بجد مفتقده وجودهم فى المنتدى

رشا محمد كتب:

شكرا كتير ليكي يا Pure Snow علي كلامك الجميل واسلوبك الراقي
وانا حاسة نفس الشيء كمان وزي ما قولت قبل كدة انا اصعب شيء علي نفسي اني
اطرد عضو من اعضاء المنتدي
بس المنتدي الفترة الاخيرة تحول الي مكان للاستهزاء والهزار والسخرية والتهريج بشهادة ناس كتير
انا بيوصلني علي الايميل شكاوي كتير من اعضاء المنتدي والزوار بان اصبح المنتدي كذا وكذا
ده يرضيكي يا Pure Snow او يرضي مين؟؟؟
زي ما قولت كمان انا عملت كدة للصالح العام واذا حبوا يرجعوا اهلا بيهم في اي وقت بس يلتزموا بالقوانين
ايوة هما ساعدوا ناس كتير ....... بس كمان اثروا بالسلبية علي ناس كتير
واذا كنت مشغولة زي ما hend_dodo قالت بسبب الاطفال او المسؤليات او المجموعات اللي تبعي
فاحب اقول اني عندي 4 اطفال مش 3 ..... الحمد لله ومهما اتشغلت بيهم فانا الحمد لله مقسمة وقتي صح
فيه وقت طبعا للمنتدي ووقت ليهم ووقت للبيت وققت للمحاضرات والشركة ووقت ليا ووقت لعائلتي و.......
ماتقلقوش من ده ...... لكن الوقت اللي كنت مخصصاه للمنتدي كان بيضيع في مواضيع كتيرة مش مفيدة ليكم منها
حذف الموضيع الخالفة ونقل المواضيع لاقسامها المناسبة ومحاولة ارجاع روح التفاؤل والايجابية للاعضاء تبعي المتضررين من روح المنتدي
وغيره الكثير ....... لم يكن ناك وقت لاضيف جديد او اضع شروحات او محاضرات ليكم
انتم مش عايزين ولا ايه؟؟؟؟......انا مش فاهمة الدفاع الكتير ده سببه ايه ..... رغم اني قولت كل ده قبل كدة
وبما انهم غلطانين وخالفوا القوانين واضروا بالاعضاء والمنتدي ...... ومع ذلك لم امكانية الرجوع ورحبت بيم كمان
ايه المشكلة؟
....................................
بالنسبة لتعيين مشرفين ده في الخطة عندي من زمان وفعلا كان عندي مشرفين من 2008 بس للاسف اسأت في اختيارهم
ربنا يسهل ان شاء الله فيه 2 مشرفين الان سيتم الاعلان عنهم قريبا ان شاء الله
....................................
اما بالنسبة لتعليقك يا ساندي انا الحقيقة مش فاهمة قصدك ايه
كنتي كاتبة ("انتي فاكره يعني شخص بعد ماينطرد ويييجي اللي طرده يقول انا عفوت عنك وهرجعك
بشرط تسمع الكلام وتبقي مؤدب يقوم هو جاي جري !!!!)"
يعني الغلطان والمخالف للقوانين وجاتلي منه اكثر من شكوي علي الايميل بسبب التعليقات والسخرية
قوليلي علي اي منتدي محترم يا ساندي فيه اعضاء زي كدة والادارة سابتهم الفترة اللي سبتهم فيها
وكتير حذرتهم وحذفت مواضيعهم من غير طرد
هو ده عدل في نظرك لما يكون فيه عضو بيتصرف كدة في منتدي محترم يكون رد الادارة انها تطبطب عليه مثلا؟؟!!!!!!!!!!
ولا المفروض الادارة تجري وراهم وتقولهم انا اسفة المفروض ترجعوا واعملوا اللي يعجبكم اشتموا و هزؤا واتريقوا زي مانتو عايزين
وطفشوا الناس بالسلبية اللي عندكم؟؟؟!!!!!!!!!!!!!!!!!!!!

...........................................
علي قد مانا بفرح بكلام بعض الناس بتعجب من كلام البعض الاخر
...........................................
الموضوع ده منتهي وكفاية كلام كتير فيه
الصالح العام اهم

ربنا يوفق حضرتك ويكرمك يارب

وفي انتظار الادمن واللاعلان عنهم ان شاء الله

يادمدام رشا انا كل كلامي لبيور كان علي اساس هي بتقول بليز رجعيهم
يعني حتي لو حضرتك فكيتي حظر العضويه هما مش هيرجعوا
لان الوضع ده حساس جدا
ده كان كل قصدي
مش قصدي الكلام اللي حضرتك قلتيه خالص
وبعدين حضرتك مش طردتي كل اللي كانوا بيهزروا بصراحه يعني
في ناس منهم لسه موجودين
بس عادي يعني
ربنا يوفقنا جميعا للحق والصواب
انا ماليش مصلحه في اي كلام من ده
انا بس ليا هنا اصحاب مش عاوزهم يزعلوا من بعض
كفايه ان المنتدي ونظامه حارمني اتعرف اكتر علي ناس زي العسل وحبيتهم في الله
يلا بقي الحمد لله علي كل حال

ياساندي مدام رشا مطردتش الناس البتهزر؟؟؟؟؟؟؟؟؟

الناس ال اطردت ياساندي دول اصلا كان في موضوع بيتبادول في لينكات الفيس بوك وانا شوفته قبل ما بتمسح

عامة حصل خير وربنا يصلح الحال ان شاء الله

ده كلامها يادودو مش كلامي

اقتباس :

اطرد عضو من اعضاء المنتدي
بس المنتدي الفترة الاخيرة تحول الي مكان للاستهزاء والهزار والسخرية والتهريج بشهادة ناس كتير

كفايه كلام كتير الناس اللى اطردت تتصل بمدام رشا وهى حتكلمه وتفهمه وترجعه وبلاش نكبر الموضوع

ياجماعه فعلا زى ماقالت مدام رشا الموضوع منتهى واللى غلط يستحمل نتيجه غلطه
وفعلا فى النهايه مصلحتنا كلنا اهم

Hana sayed كتب:

السلام عليكم احنا شاكرين مدام رشا على المجهود الكبير بس بجد انا عندى استفسار انا من اسوان

ساعات بيتاخر علينا الكتالوج بتاع الشهر الجديد ممكن علشان الطلبيات بتتعمل متاخرة بس حضرتك كنتى بتنزلى الكتالوج بدرى تقريبا كان يوم 10 فى الشهر دلوقتى مش بينزل لحد اخر الشهر

2- ياريت حضرتك توصلى صوتنا للشركة احنا على الاوت لاين مظلومين اخر حاجة يعنى عرض الاكسسورات اللى كان اول الشهر مكنش لينا حق فية لانة كان فى الفروع لية مايدوناش او ينزلوا منة على الاون لاين

3- الهدايا الشهر ده كانت متحددة على 200 نقطة ديفين وبس

ياريت حضرتك توصلى صوتنا للشركة

شكرا ليكي كتير .... وكلام جميل منك

ان شاء الله الكتالوج ينزل بدري علي المنتدي كل شهر زي الاول

وهوصل صوتكم ان شاء الله

وموضوع الهدايا والاختيارات بعد كدة يكون اون لاين كمان

ادعولي بس ربنا يوفقني مع الادارة

يارب يوفقك يامدام رشا ويجزاكى خير على المنتدى الجميل دا ومجهودك الاكثر من رائع

بالتوفيق دايما يامدام رشا وربنا يكرمك

بالتوفيق يااااااااااارب وربنا يكرمك ومن نجاح لنجاح ان شاء الله

جزاكى الله خير

شكرا لحضرتك انك اهتميتى وردتى عليا وربنا يوفقك مع الشركة

وياريت تقدرى حضرتك تقنعيهم فى موضوع الاكسسورات وينزلوا على الاون لاين حتى ولو 10% من الكمية

احنا فى اسوان كلنا بنشكرك بجد على المجهود العظيم ده