اسعار خدمة الشحن(تسليم اليوم التالي)

انا للاسف مش عارفة اسمه ده كمان مش جالى لحد البيت ده خلانى قابلته فى حته جنب البيت , ممكن يا روشا لوطلبت اوردر تانى ومش وافق انه يجيبه تساعدينى؟؟؟؟؟؟؟؟؟؟

ان شاء الله بس لازم تعرفي اسمه وتليفونه وكودك وتبعتيلي علي الايميل او تكلميني علي التليفون علشان اقدر اساعدك .......

ميرسي ليكى يا قمر ربنا يخليكى معلش احنا بنتعبك معانا

مدام رشا بعد اذنك كنت عاوزه اعرف حاجه وياريت تفيدينى
انا من البحر الاحمر
انا بعمل الاوردر بتاعى والمندوب مش بيجبلى الاوردر لحد البيت ومش انا بس احنا هنا كلنا بنفس الطريقه وعملنا اكتر من شكوى فى الشركه وبرضو نفس الموضوع المندوب تبع شركه شحن فى السويس بيجيب الاوردرات بتاعتنا فى محل وبيقولنا تعالى خدوها والبيت بعيد ومعرفهوش والشحن 30 ج وبناخد تاكسى رايح جاى ب10 او 15 ج يعنى احنا مفيش مكسب لينا وموضوع الطلبات المجمعه دى فكره انها تخفض شويه علينا انا بصراحه اول مره اسمع وكنت عاوزه اعرف لو عملنا الطلبيات مجمعه
هل كل واحد حتتحسب نقطه لوحدها والبونص بتاعته لوحدها وعاوزه اعرف اسعار الطلبيات المجمعه دى اقل من ال200 نقطه ولا اكتر
وعاوزه اعرف فى حل للمشكله دى بتاعت المندوب انا اسفه انى طولت عليك بس بجد محتاجه اعرف لانى ليا اكتر من سنه بالشكل ده الشركه معملتش حاجه

معلش مدام رشا كنت عاوزه اعرف حاجه كمان الطلبيات المجمعه دى بالنسبه للاجل ولا لأ

sasooo كتب:: مدام رشا بعد اذنك كنت عاوزه اعرف حاجه وياريت تفيدينى
انا من البحر الاحمر
انا بعمل الاوردر بتاعى والمندوب مش بيجبلى الاوردر لحد البيت ومش انا بس احنا هنا كلنا بنفس الطريقه وعملنا اكتر من شكوى فى الشركه وبرضو نفس الموضوع المندوب تبع شركه شحن فى السويس بيجيب الاوردرات بتاعتنا فى محل وبيقولنا تعالى خدوها والبيت بعيد ومعرفهوش والشحن 30 ج وبناخد تاكسى رايح جاى ب10 او 15 ج يعنى احنا مفيش مكسب لينا وموضوع الطلبات المجمعه دى فكره انها تخفض شويه علينا انا بصراحه اول مره اسمع وكنت عاوزه اعرف لو عملنا الطلبيات مجمعه
هل كل واحد حتتحسب نقطه لوحدها والبونص بتاعته لوحدها وعاوزه اعرف اسعار الطلبيات المجمعه دى اقل من ال200 نقطه ولا اكتر
وعاوزه اعرف فى حل للمشكله دى بتاعت المندوب انا اسفه انى طولت عليك بس بجد محتاجه اعرف لانى ليا اكتر من سنه بالشكل ده الشركه معملتش حاجه

احيانا تكون معاه طلبات كتيير يضطر يجمعها كلها في مكان واحد بس ده مش عزر لشركة الشحن المفروض يوصلها لمكانك

ممكن تتصلي وتقدمي الشكوى دي لو تكررت معاكي

بالنسبة للطلبية المجمعة بيكون كل اوردر لوحدة وياخد نفس مميزات الطلبية العادية بس لانها في مكان واحد بتكون ارخص

ممكن تشوفي الاسعار من الليبك التالي

http://www.youcandoit.googlepages.com/magala-july008.jpg

sasooo كتب:: معلش مدام رشا كنت عاوزه اعرف حاجه كمان الطلبيات المجمعه دى بالنسبه للاجل ولا لأ

لا مينفعش الطلبات المجمعة تكون اجل لازم كاش وكمان اي فاتورة اجل لازم تكون على عنوان صاحبها

ميرسى ليك جدا يا استاذ عصام
بس المشكله دى اتكررت كتير ومش بيكون معاه طلبيات كتير انا لما بروح اخدها بعرف انهم طلبيتين او تلاته لانه بيجى كل يوم ده اللى عرفته حتى لو مفيش اوردرات لينا وبيجيب الطلبيات اول باول وكتير اشتكينا فى الشركه وللعضو الراعى ومفيش اى حاجه اتعملت عموما انا ححاول تانى فى الشركه وبجد بشكرك جدا واسف انى تعبت حضرتك معايا

انا جالى النهارده العضويه ومندوب الشحن خد منى رسوم 30 جنيه شحن غير الاشتراك طبعا ازاى وانتى بتقولى ان العضويه مصاريف الشحن بتاعتها مجانا

انا جالى النهارده العضويه ومندوب الشحن خد منى رسوم 30 جنيه شحن غير الاشتراك طبعا ازاى وانتى بتقولى ان العضويه مصاريف الشحن بتاعتها مجانا

لا ياحبيبتى اشتراك العضويه مجانا على ال30 نقطه انما مصاريف الشحن مش مجانا دى بتضاف على الفاتوره حسب بلدك
ولو انتى دفعتى رسوم الاشتراك بتستردى فلوسك

مدام رشا ياريت تردى عليا عشان كده انا اتلغبط انتى بتقولى شحن العضويه مجانا والطلبيات اللى بيفعلها رسوم شحن لكن المندوب جه وكلمنى وقالى انزل اروحله فالمكان اللى هو فيه وكمان اخد منى 30 جنيه مصاريف شحن العضويه وطبعا فى كمان 30 جنيه رسوم الاشتراك بيتخصموا مع اول طلبيه... ياريت تفهمينى هو كده ضحك عليا ولا ايه وكمان الكتالوج جاى ومعاه ورقه برنامج الترحيب واستماره الاشتراك وبس

ساسو يا حبيبتى مدام رشا قايله فوق ان العضويه مصاريف الشحن بتاعتها مجانا وعشان كده انا مستغربه مجانا ازاى والمندوب اخد منى 30 جنيه ..... انا مش بتكلم على اشتراك العضويه انا بقول على شحن العضويه

ياحبيبتى مدام رشا قصدها انك لو عاوزه تشتركى فى اوريفليم بيجيلك المندوب علشان اشتراكك ودى مجانا لاى بلد
انما لو عملتى اوردر مع العضويه كده حياخد منك مصاريف شحن للاوردر مش العضويه يارب تكونى فهمتى قصدى

ييعنى قصدى انتى عملتى اوردر مع العضويه ولا لا

مظبوط يا sasooo كلامك
رسوم العضوية 30 جنيه
شحن العضوية مجانا
اما بالنسبة للاوردر فمصاريف الشحن حسب بلدك وموضحة بالتفصيل علي الصورة اللي في اللينك لاول مشاركة
ولما تعملي اوردر ب 30 نقطة في الشهر ده ديسمبر 2009 بتتخصملك تاني رسوم العضوية من الفاتورة علشان تبقي عضويتك مجانية

هاى رشا كنت عاوزة أسالك انا لما اعمل 200 نقطة لشهر 12 الاكاديمية هتبقى مجانا ولا ايه والمدة بتلعتها هتبقى اد ايه؟ شكرا يارشا

Doaa Hanafi Mahmoud كتب:: هاى رشا كنت عاوزة أسالك انا لما اعمل 200 نقطة لشهر 12 الاكاديمية هتبقى مجانا ولا ايه والمدة بتلعتها هتبقى اد ايه؟ شكرا يارشا

200 نقطة في شهر 12 يمكنك حضور البيوتي سكول
وتشتركي فيه ب 10 جنيه

شكرا يا رشا على الرد

طب بصى ياروشا ياقمر
او اى حد يفدنى ربنا يجزيه خير
هو المجموعه او الشجره ليها مبدئيا عدد معين علشان النقط تتحسب
اوضح اكتر
يعنى لو انا دخلت عضو واحد بس تحت كودى نقطه تتحسب ليا ولا لازم عدد معين من الاشخاص يدخلو تحت كودى علشان النقط تتحسب

طب انا لما عملت عضويه كان معاها اوردر واتكنسل بس رحت الشركه وانتى ياروشا عارفه القصه طبعا انا عملت برنامج الترحيب للشهر الاول والحمد لله بس سؤالى بقى
انا لحد دلوقتى مخدتش حاجه تثبت عضويتى
هو كودى شغال بس ياترى المفروض يبقى معايا ورق او كارنيه او ما شابه ولا ده عادى
يعنى انا حاليا معيش اى حاجه تثبت انى عضوه بس كودى شغال وبجيب اللى انا عوزاه

أمل الرخاوى كتب:: طب بصى ياروشا ياقمر
او اى حد يفدنى ربنا يجزيه خير
هو المجموعه او الشجره ليها مبدئيا عدد معين علشان النقط تتحسب
اوضح اكتر
يعنى لو انا دخلت عضو واحد بس تحت كودى نقطه تتحسب ليا ولا لازم عدد معين من الاشخاص يدخلو تحت كودى علشان النقط تتحسب

الشجره ملهاش عدد معين
ولو دخلتى عضو واد نقطه حتتحسبلك بالنسبه للمكافأه
يعنى لو هى عملت 100 نقطه وانتى عملتى 100 نقطه
يعتبر انتى عملتى 200 نقطه وتاخدى مكافأه لانك كده وصلتى لمستوى 3% انما بالنسبه للهدايا لا متتحسبش نقطها ليكى كل واحد هداياه لوحده يارب تكونى فهمتى

أمل الرخاوى كتب:: طب انا لما عملت عضويه كان معاها اوردر واتكنسل بس رحت الشركه وانتى ياروشا عارفه القصه طبعا انا عملت برنامج الترحيب للشهر الاول والحمد لله بس سؤالى بقى
انا لحد دلوقتى مخدتش حاجه تثبت عضويتى
هو كودى شغال بس ياترى المفروض يبقى معايا ورق او كارنيه او ما شابه ولا ده عادى
يعنى انا حاليا معيش اى حاجه تثبت انى عضوه بس كودى شغال وبجيب اللى انا عوزاه

لا مش شرط انى يكون معاكى حاجه منتى بياناتك كلها فى الشركه وكودك بتتطلبى بيه فى الشركه والشركه عارفه كل حاجه عنك من بياناتك اللى فى البطاقه وبعدين الكل شغال وهو مش معاه حاجه تثبت كده
بس فى حاجه نزلت اسمها كارنيه عضويه انتى ممكن تتطلبيه من الشركه اسالى عليها فى الشركه وحتخديه لو عاوزه

مرسى ياقمر
احب انا الناس الجاهزه كده علطول ربنا يريح قلبك انتى منين ياساسو
يارب تكونى من القاهره

مع الاسف انا من البحر الاحمر بس خطيبى من القاهره
يعنى حتجوز عندكم ان شاء الله
يعنى حبقى منها اطمنى

sasooo كتب:: مع الاسف انا من البحر الاحمر بس خطيبى من القاهره
يعنى حتجوز عندكم ان شاء الله
يعنى حبقى منها اطمنى

ربنا يكرمك والف مبروك مقدما

ربنا يبارك فيك عقبال مانفرح بالنونو الصغير ويخلهولك انتا ومدام رشا يارب ويكرمكم

ياجماعة عاوزة اعرف فيه فرع لاوريفليم فى المنصورة ولا لا ؟؟؟؟؟؟؟؟ ولو موجود عنوانه اية

أيوه ياريهام في فرع لأوريفلام في المنصورة...........شارع الجمهورية _فوق كنتاكي_أمام بوابة الجامعه الر~يسة _الدور التاني............يسعدني التعرف عليكي وأهلا بيكي معانا Very Happy

الشهر دا عملت اختى الاوردر يوم الاثنين و جالنا يوم الخميس

الحمد لله
الموضوع عدى على خير