شروط فتح حساب الآجل

شروط فتح الآجل

احضار وصل (كهرباء/تليفون/غاز)
يثبت محل الاقامة
يكون الوصل حديث
باسم العضو ذاته او الوالد ، اذا كان باسم الوالدة او الزوج يرجي احضار ما يثبت ذلك
يكون قيمة الوصل اكثر من 10 جنيه
يجب احضار اصل البطاقة مع كل طلبية
لا يجوز فتح الاجل لقانون الايجار الجديد
لا يجوز فتح الاجل لعضو اقل من 18 سنة

سيفتح لكي في اول مرة في حدود 300 جنيه

وعند سدادهم خلال 21 يوم او 28 يوم تستطيعي فتح الاجل بعد ذلك في حدود 500 جنيه

والزيادة عن ذلك تدفع كاش

وتتم دفع رسوم ائتمان بقيمة 1.5% من مبلغ الفاتورة

ملحوظة: يتم فتح الآجل في الفرع الذي تم تسجيل العضوية به وليس اي فرع اخر

ويمكن فتح الاجل عن طريق الاتصال بالتليفون 19662 بعد ارسال الوصل علي فاكس الشركة 0226387416

في حالة عمل الآجل 100 نقطة ب 200 جنيه
رسوم ائتمان 3 جنيه و 75 قرش
ال 200 نقطة 6 جنيه و75 قرش
ال 300 نقطة 9 جنيه و75 قرش

نفسى حد يفاهمنى ده يعنى ايه واستخدامه ليه وازاى
ياريت لو حد يفادنى

سجود كتب:: نفسى حد يفاهمنى ده يعنى ايه واستخدامه ليه وازاى
ياريت لو حد يفادنى

بصي حبيبتي.. موضوع الآجل ده يعتبر نظام تقسيط.. بيخليكي تقدري تجيبي منتجات من الشركة ومتدفعيش ثمنها في وقتها.. بيديكي مهلة 21 يوم عشان تسددي ثمنها..

عشان تستفيدي من الموضوع ده بتفتحي الآجل وتجيبي الحاجه اللي موضحاها رشا فوق.. وتروحي الفرع اللي اشتركتي منه.. وتقولي أنك عايزه تفتحي الآجل..
أول شهر بيبقي ليكي 200 جنيه بس منتجات تقدري تشتريها آجل.. بعد الشهر ده.. بيبقي ليكي 400 جنيه مشتريات... ممكن يزيدوا ل 600 جنيه عن طريق الدايركتور بتاعك..

بس لو مسددتيش في خلال 21 يوم بينزل عليكي غرامة تأخير..

تسلملى يا قطة على التوضيح
والله قولت هى اية مفيش غيرها اللى راح ترد هههههههههههه
الف شكر حبيبتى اموووووووووووه Very Happy

زائر

عند فتح الآجل
ممكن تاخدي حاجات ب 200 جنيه اول مرة ولو سددتيهم بعد يومين حتي تفتحي علي طول آجل ب 400 جنيه وممكن تسدديهم في اي وقت خلال ال 21 يوم بس ما ينفعش انك تطلبي آجل وانتي لسه عليكي آجل بمعني انك لو اخدتي آجل ب 250 جنيه مثلا في فاتورة ما ينفعش انك تيجي تاني يوم وتطلبي آجل تاني وتقولي ان ليكي ب 400 جنيه آجل لا تسددي ال 250 الأول وبعد كده تاخدي آجل تاني وهكذا ولو بتطلبي بالتليفون ينفع برضه انك تاخدي آجل وده بعد ما تروحي فرع الشركة وتديهم وصل ماء او نور او تليفون حديث وموضح فيه العنوان ورقم البيت ولو مش موضح فيه رقم البيت تبعتي لنفسك جواب وتاخديلهم الظرف بتاعة اللي مكتوب عليه العنوان بتاعك بس تكوني كاتبه عليه رقم البيت
وبعد كه لما تطلبي الطلبيه من البيت بالتليفون تقوليلهم انتي وبتعمل الطلبية انك عايزاها آجل هيبعتولك مع الطلبية فاتورة حتوقعي عليها باستلامك الطلبية والآجل

طبعا وضحت جداااااااااااااا
والله يا جماعة كتر خيركم على الردود دى كلها
ما انحرم منكم ابدا ولا انا والا كل اللى فى المنتدى

هو اانا اقدر افتح حساب اجل ده بس من غير ماروح الفرع ياعنى ممكن ابعت الوصل بالفاكس مثلا؟

زائر

ممكن جدا تبعتي الوصلل بالفاكس زي ما عملتي العضوية بالضبط

مرحبا
بدي اسأل الاجل بالنسبه للاردن بينفع ولا لأ
Very Happy

ولو ينفع كيف
Mad

ولو لا ليش

زائر

السلام عليكم اخت سحر
بالنسبه للآجل يتم فتحه لسكان مصر فقط علشان اثباتات محل الإقامه والسكن وعلشان لو حصل اي مشاكل في السداد يتم فيها اللجوء للقضاء وبالتالي ما ينفعش يتفتح آجل لغير المصريين
وانا تحت امرك في اي استفسار

شكرا سيد علا
طيب كيف لو بدي اشتري منتجات شو أسوي

زائر

عادي اشتري المنتجات اللي انتي محتاجاها كاش من فروع الشركه او بالتلفون
بس هل انتي عضوة بالشركه ام لا
وياتري انتي مقيمه في مصر ولا لأ
ياريت توضحي علشان اقدر اساعدك

طيب لو حبيت افتح آجل بس على حساب مامتي ينفع انا اللي اعمله ولا لازم هي وكمان لما اجي اشتري بالآجل لازم باردوه هي اللي تيجي بنفسها عشان البطاقة ولا ممكن اخد بطاقتها وانا اعمل الاوردر؟؟؟
Thanks advance

السلام عليكم
كان عندي سؤال
في واحده صاحبتي عملت عضوية ولما حبت تعمل الاجل ماوفقوش عشان العنوان اللي في الوصل غير اللي في البطاقة
تعمل ايه بقى
مع ان انا العنوان بتاعي اللي في الوصل غير البطاقة ومع ذلك عملت الاجل؟؟؟؟

مش عارفة ..
انا حاسه الموضوع يخوف

محتاج حد فاهم جدااا بيعمل ايه

جحزاكى الله خيرا يا رشا

السلام عليك
انا جبت حاجات امبارح بالاجل وبعدين عايزة اعمل اوردر تاني بكرة مثلا لازم ادفع الاجل قبل ما اعمل
الاوردر الجديد ولا لأ؟؟

Abeer Ali كتب:: طيب لو حبيت افتح آجل بس على حساب مامتي ينفع انا اللي اعمله ولا لازم هي وكمان لما اجي اشتري بالآجل لازم باردوه هي اللي تيجي بنفسها عشان البطاقة ولا ممكن اخد بطاقتها وانا اعمل الاوردر؟؟؟
Thanks advance

ينفع يا قمر ع حساب مامتكك عادي وانت لي تعملي كل حاجة ما دام معاكي البطاقة والكود يبقى خلاص والكلام ده لو بتطلبي من الشركة نفسها وانت واقفة لكن لو شحن بيكون عندهم بس الوصل وانت بتطلبي الاوردر نبهيه بس انك عايزاه اجل مش اكتر من كده

Abeer Ali كتب:: السلام عليكم
كان عندي سؤال
في واحده صاحبتي عملت عضوية ولما حبت تعمل الاجل ماوفقوش عشان العنوان اللي في الوصل غير اللي في البطاقة
تعمل ايه بقى
مع ان انا العنوان بتاعي اللي في الوصل غير البطاقة ومع ذلك عملت الاجل؟؟؟؟

اهم حاجة يا عبير انه يكون الوصل مطاببق للشروط يعني يكون حديث وقيمتة أكبر من 10 جنيهات
ويكون المكان مش ايجار جديد وبكده يبقى الامور هتمشي عادي
وانا برده عملت مرة واحدة أجل وعنوان الاقامة لي ف الوصل غير عنوان البطاقة
بس أنا مش بفضل موضوع الاجل ده مش برتاح فيه عشان كده كانت مرة واحدة بس

Abeer Ali كتب:: السلام عليك
انا جبت حاجات امبارح بالاجل وبعدين عايزة اعمل اوردر تاني بكرة مثلا لازم ادفع الاجل قبل ما اعمل
الاوردر الجديد ولا لأ؟؟

لازم يا بيرو تدفعي القديم وانت بتستلمي الجديد

Mayoya كتب:

Abeer Ali كتب:: السلام عليك
انا جبت حاجات امبارح بالاجل وبعدين عايزة اعمل اوردر تاني بكرة مثلا لازم ادفع الاجل قبل ما اعمل
الاوردر الجديد ولا لأ؟؟

لازم يا بيرو تدفعي القديم وانت بتستلمي الجديد ده لو بالشحن

ولو انت هتروحي الشركة يبقى ممكن تعملي الجديد كاش وتقولي ليهم انا هدفع الجديد وخلي القديم زي ما هو اجل لكن مش ينفع تعملي اجل فوق الاجل لي قبله

اه ما هو انا كنت عايزة اجيب الجديد كاش
فكنت فاكره انه ماينفعش اجيب حتى لو بالكاش منغير ما اسدد القديم
ميرسي ليكي يا مايويه اوي
u R so sweet wallhi

ميرسي يا قمر بس لازم تكوني بتعملي الاوردر وانت ف الشركة وتحت أمرك يا جميل

جزاكم الله خيرا يا جماعة على التوضيح ده بس انا عاوزة اسال انا عضوة من 8 شهور دايما كنت باخد اجل ب200 بس اعمل ايه بعد كده عشان اخد اجل ب400 وبعدين 600

ديدي كتب:: جزاكم الله خيرا يا جماعة على التوضيح ده بس انا عاوزة اسال انا عضوة من 8 شهور دايما كنت باخد اجل ب200 بس اعمل ايه بعد كده عشان اخد اجل ب400 وبعدين 600

عادي جدا ممكن تعملي فاتورة اجل ب 400 جنيه هو ده الحد المسموح بيه بعد تاني فاتورة اجل
لو عايزة اكتر من كده لازم الدايريكتو بتاعك يفتحلك اجل باكتر من كده
نتمنالك التوفيق وتقدري تعملي البزنس بتاعك

ممكن استفسر عن هديه عيد الميلاد للعضوه وايه هي شروط اني اخد الهديه دي؟؟؟؟وده مرتبط بعدد النقط اللي انا بعمهلها خلال شهر عيد الميلاد ولا لأ؟؟؟

lilly كتب:: ممكن استفسر عن هديه عيد الميلاد للعضوه وايه هي شروط اني اخد الهديه دي؟؟؟؟وده مرتبط بعدد النقط اللي انا بعمهلها خلال شهر عيد الميلاد ولا لأ؟؟؟

هدية عيد الميلاد مسكرة بتاخديها لما تعملي 50 نقطة في اي يوم من شهر الميلاد بس تقوليلهم حطولى هدية عيد الميلاد وانت بتعملي الاوردر

انا عاوزة افتح اجل اروح انا عادى ولا لازم مدام رشا تكون معايا
طب لو روحت هروح لمين بالظبط لانى مروحتش الشركة خالص
فيعنى اول مدخل اسال على قسم اية واروحة
ارجو الرد بسرعة

shaimaa1984 كتب:: انا عاوزة افتح اجل اروح انا عادى ولا لازم مدام رشا تكون معايا
طب لو روحت هروح لمين بالظبط لانى مروحتش الشركة خالص
فيعنى اول مدخل اسال على قسم اية واروحة
ارجو الرد بسرعة

الموضوع بسيط جدا ابعتي صورة وصل كهربا حديث مش اكثر من ثلاث شهور

سواء باسمك او باسم اقارب الدرجة الاولى

وميقلش عن 10 جنيه على فاكس الشركة الموجود في اخر الكتالوج الشهري

وكلمي الشركة في قسم الشحن على 19662

وهما بيفتحولك حسابك اجل في ثواني لانك مشتركة اصلا من قسم الشحن

طب لو انا عاوزة اروح الشركة اعمل الاوردر وافتح الاجل اعمل اية

» سؤال عن الآجل
» طريقه حساب مكافاه المجموعه
» طلبيات الآجل وتاريخ إستحقاقها..؟؟؟؟
» شروط ارتجاع او تبديل المنتجات
» مستويات كل عضو فى كل شهر

***شروط فتح حساب الآجل***

شروط فتح حساب الآجل